Koke

Luis Enrike hap polemika në Spanjë, shpërfill yjet e Atletikos

Sport Ekspres — Fri, 15 Mar 2019 15:11:02 +0000

Trajneri i Spanjës Luis Enrike ka bërë publike listën me 23 lojtarët e grumbulluar për kualifikueset e “Euro 2020”. Zgjedhjet e Enrikes kanë sjellë jo pak reagime në Spanjë, pasi në të mungojnë emra të rëndësishëm.

Më konkretisht bëhet fjalë për dyshen e Atletiko Madrid, Koke dhe Saul, të dy nuk janë preferuar nga trajneri i përfaqësueses “La Roja”, të vetmit përfaqësues të skuadrës Simeone në kombëtare janë mesfushori Rodri dhe sulmuesi Morata.

Risi në këtë listë janë ftesat për sulmuesin Haime Mata dhe mesfushorin Serxho Kanales, të cilët kurrë nuk kanë pasur thërritur në kombëtaren spanjolle në të shkuarën.

Lista e Spanjës

Portierë: Kepa, De Gea, Pau Lopez

Mbrojtës: Gaja, Zhordi Alba, Bernat, Hermoso, Inigo Martinez, Ramos, Sergi Gomez, Sergi Roberto,

Mesfushorë: Hesus Navas, Buskets, Rodri, Sebajos, Fabian, Pareho, Kanales

Sulmues: Asensio, Rodrigo, Morata, Muniain, Haime Mata

Simeone humbet shtyllën e mesfushës, Filipe Luis: Atletiko të mbajë fjalën e dhënë!

Sport Ekspres — Tue, 22 Jan 2019 13:51:15 +0000

Filipe Luis ishte pranë largimit nga Atletiko e Madridit në verë, por trajneri Simeone dhe drejtuesit e klubit e bindën të vazhdonte me ekipin “colchoneros”.

33-vjeçari është rikthyer të flasë për të ardhmen e tij për “globoesporte”, duke treguar dëshirën e tij të madhe për të mbyllur karrierën në kryeqytetin spanjoll.

“Kontrata ime me Atletikon përfundon në verë, Kur u ktheva nga Çelsi mendoja ta mbyllja karrierën këtu. Jam gati të rinovoj për 2-3 vite të tjera dhe më pas do të më pëlqente të vazhdoja të punoja për këtë klub. Kjo ishte ideja ime, por gjërat ndryshojnë ndonjëherë. Drejtuesit më kanë premtuar përpara ekipit se në fund të merkatos do të sakrifikonin për të më ofruar një kontratë të mirë. Shpresoj të më ofrojnë 2-3 vite rinovim për të mbyllur karrierën si futbollist tek Atletiko”, përfundon mbrojtësi brazilian.

Koke

Diego Simeone ka marrë një lajm të keq nga infermieria. Mesfushori Koke është dëmtuar dhe mund të qëndrojë disa kohë pushim. 27-vjeçari ka patur probleme në ndeshjen kundër Hueskës (shënoi një dygolësh) dhe me shumë mundësi do të humbasë sfidën e parë kundër Juventusit në Champions Ligë (20 shkurt).

Koke ka pësuar një tërheqje muskulore të shkallës së parë në anën e përparme të kofshës së djathtë, ndërsa trajneri shpreson ta ketë të gatshëm shtyllën e mesfushës në duelin e fortë kundër bardhezinjve të Alegrit.

VIDEO | Koke tashmë një legjendë e Atletikos, jep spektakël në ndeshjen e veçantë

Sport Ekspres — Sat, 19 Jan 2019 21:46:02 +0000

?Takimi i sotëm midis Hueskës dhe Atletikos ishte tepër i veçcantë për mesfushorin Koke. Futbollisti spanjoll regjistroi ndeshjen e 400-të me ekipin e “Rojiblancos”, një shifër e pabesueshme po të marrin në konsideratë moshën e re të lojtarit, i cili pak ditë më parë mbushi 27 vjeç. Në këtë 90-minutësh, spanjolli shërbeu një asist dhe shënoi një gol, duke e bërë festën për 400 paraqitjet akoma më speciale.

Hera e parë kur Koke veshi fanellën e skuadrës madrilene ka qenë në moshën 8-vjeçare, kur u bë pjesë e akademisë, ndërsa debutimi me ekipin e parë erdhi pa mbushur 17 vjeç, në shtator të 2009-ës.

17-vjeçari Koke në duel me Iniestën në ndeshjen e tij të parë me Atletikon, Shtator 2009.

Pak vite iu deshën për të siguruar një vend titullari, ndërkohë që dhe fati e ka ndihmuar, pas deri më tani spanjolli nuk ka pësuar një dëmtim serioz, çka ka bërë të mundur që të arrijë shifrën e 400 aktivizime në këtë moshë. Kokë është 150 ndeshje larg rekordit të vendosur nga Adelardo Sançez, i cili nga 1959 në 1976 regjistroi 550 takime me Atletikon.