Koeman

Kuman në ambientet e “Camp Nou”, Valverde drejt largimit?”

Sport Ekspres — Thu, 16 May 2019 18:28:18 +0000

Ernesto Valverde e ka humbur besimin e tifozëve pas asaj përmbysje të Liverpulit në “Anfield”. Përmbysje që i vrau edhe më shumë zemrat e katalanasve, të pashëruara akoma nga “tragjedia” e Romës një vit më parë. Trajneri Valverde shihet si fajtori kryesor dhe kërkohet me patjetër largimi i tij.

Sot para zyrave të stadiumit “Camp Nou” është fotografuar Ronald Kuman. Trajneri aktual i Holandës ka shpenzuar dhjetë minuta në ambjentet e brendshmë të stadiumit dhe më pas ka shkuar në hotel “Sofia”. Ajo që shton më shumë dyshimet është fakti që hoteli është në pronësi të zëvendës presidentit të Barcelonës, Zhordi Mestre.

“Sport.es” me këtë lajm shton edhe më shumë dyshimet se Kuman do të jetë pasardhësi i Valverde. Ky i fundit mund të shkarkohet në mbyllje të sezonit, pas finales së Kupës së Mbretit.

Y según informa @Marsallorente.

Podemos confirmar que RONALD KOEMAN ha visitado las oficinas del BARÇA en el Camp Nou a las 11h, y 45 minutos más tarde, sobre las 11.55h, ha estado en el HOTEL SOFIA de la Diagonal. pic.twitter.com/mwe6zhmTeu

— Sin Concesiones (@sinconcesiones) May 16, 2019

Valverde drejt shkarkimit, kandidati favorit një holandez

Sport Ekspres — Sun, 12 May 2019 07:47:55 +0000

Eliminimi i turpshëm ndaj Liverpulit nuk duket se do të kalojë pa pasoja për trajnerin Ernesto Valverde. Drejtuesit e Barcelonës kanë filluar të shqyrtojnë alternativat që mund të pasojnë teknikun bask.

Sipas “Catalunya Radio”, një kandidat i ri për stolin e klubit katalanas është Ronald Kuman.
Trajneri holandez e njeh mirë ambientin pasi ka qenë një ndër futbollistët më të shquar të klubet në fillim të viteve 90, ndërsa ka pasur edhe një eksperiencë 2-vjeçare si zëvendës trajneri, kur trajneri i Barcelonës ishte bashkëkombësi i tij Luis Van Gal.

Aktualisht, Kuman është trajneri i kombëtares së Holandës, ku ka kryer një punë të shkëlqyer. Marrëveshje me federatën holandeze mund të prishet në këmbim të një shumë të caktuar monetare, që sigurisht nuk përbën problem për financat e një klubi gjigant si Barcelona.

Kura Kuman po jep efekt, Holanda vijon ringjalljen edhe në Belgjikë

Sport Ekspres — Tue, 16 Oct 2018 21:39:14 +0000

Ringjallja e Holandës ka vazhduar edhe sot, me Tulipanët që kanë marrë një barazim 1-1 në Bruksel, kundër Belgjikës.

Arnaut Gruneveld shënoi golin e tij të parë me fanellën e Holandës, ndërsa skuadra e drejtuara nga Ronald Kuman mori një rezultat pozitiv në një miqësore të vështirë, duke luajtur pa kapitenin Virxhil van Dijk.

Belgjika shënoi që në fillim, kur Eden Hazard depërtoi bukur në të djathtë dhe më pas topi shkoi te Mertens, i cili shënoi me një goditje të fuqishme me të djathtën.

Më pas Lukaku humbi një rast të mirë, ndërsa në krahun tjetër Depaj humbi një rast të shkëlqyer i vetëm me portierin belg Minjole.

Megjithatë, pas 27 minutash gjithçka u kthye në baraspeshë, sepse Depaj dha një pasim të mrekullueshëm në qendër dhe Gruneveld gjeti golin e tij të parë, në ndeshjen e dytë me kombëtaren. Para pushimit Holanda i shkoi shumë pranë golit me Promes, ndërsa Hazard humbi një rast të mirë për Belgjikën.

Në 45 minutat e dyta nisën ndërrimet dhe Batshuaji humbi dy raste të mira, ndërsa Nathan Ake i shkoi pranë golit, por u ndal nga Minjole, me Belgjikën që barazoi për herë të parë në 13 ndeshjet e fundit.

Barazimi ishte me shumë vlerë morale për Holandën, që vazhdon të rritet me trajnerin Kuman.

Në miqësoret e tjera, Danimarka mundi 2-0 Austrinë me gola nga Lukas Lerager e Martin Braithuajt, ndërsa Suedia e Sllovakia u ndanë në barazim 1-1, me golat e Guidetit dhe Albert Rusnak.