Përforcime në staf, një kuksian rikthehet te Kukësi

Sport Ekspres — Mon, 08 Jul 2019 18:55:21 +0000

Klubi i Kukësit ka njoftuar rikthimin në klub të ish-portierit Ervis Koçi. 34-vjeçari dha dorëheqjen nga futbolli një vit më parë dhe ushtronte rolin e trajnerit të portierëve në ekipet grupmoshave të verilindorëve. Duke filluar nga sot Koçi do të mbajë rolin e zëvendës-trajnerit të portierëve në ekipin e parë.

Kuksiani ka luajtur për tetë vite me skuadrën e vendlindjes së tij, ku sezoni më i veçantë ka qenë ai i vitit 2011/2012, ku Koçi ishte portieri titullar në sezonin që çoi skuadrën kuksiane për herë të parë ne elitën e futbollit shqiptar.

VIDEO | Portieri i Kukësit “asist” për të rinjtë, stërvitje me fëmijët

Sport Ekspres — Fri, 09 Nov 2018 17:07:50 +0000

Ervis Koci ka marrë licencën për trajner, megjithatë ende nuk e ka zyrtarizuar largimin nga futbolli i luajtur. “Gardiani” kuksian është një prej portierëve që ka qëndruar më gjatë te Kukësi, duke qenë pjesë e skuadrës që nga koha kur verilindorët ishin në Kategorinë e Parë.

Koci ka qen pjesë e skuadrës së Kukësit për gjatë gjithë këtyre viteve në Superiore, por tani që është pajisur dhe me licencën për trajner duket se po i ngjit shkallët një e nga një. Në disa video që vetë Koci ka shpërndarë në profilin tij shihet që me shumë pasion jep kontributin e tij për të stërvitur ata që duan që në të ardhmen të japin kontributin e tyre për kuadratin e portës.

Koci shihet mjaft i përkushtuar dhe duket se e ka zgjedhur rrugën e tij pas futbollit të luajtur, por ky vendim nuk është marrë ende dhe do i takojë atij kur të varë këpucët në gozhdë. 33-vjeçari numëron më shumë se 100 ndeshje me fanellën e Kukësit.