Goli spektakolar dhe emocionet, Kobina ka një dedikim për tifozët

Sport Ekspres — Mon, 18 Feb 2019 13:23:55 +0000

Uinful Kobina gjeti golin e parë në Superiore në takimin e djeshëm kundër Luftëtarit në Selman Stërmasi. Goli i ganezit ishte spektakolar për nga mënyra e realizimit, por gjithsesi tifozët nuk pranuan të festonin me pjesën tjetër të ekipit.

Në përfundim të takimit, lojtari foli për mediet e pranishme në stadium, ku foli për emocionet e golit të parë në Superiore.

GOL I PARË – “Ishte një emocion i veçantë. Kë është goli im i parë në Superiore. U futa nga stoli dhe ndihmova skuadrën. E kam për detyrë të ndihmoj me skuadrën me aq sa mundem, pavarësisht minutave që marr”

“Luajtëm për të fituar ndeshjen, por loja nuk shkoi ashtu siç e mendonim. Barazimi më kënaq pasi ishte një ndeshje shumë e vështirë”.

POZICION i PREFERUAR ? – Si një futbollist detyra ime është te jem gati. Trajneri vendos ku unë luaj”,

DEDIKIMI PËR TIFOZËT – “Më bë qejfi që goli im i parë ishte një gol spektakolar dhe ia dedikoj atë tifozëve, të cilët i vlerësoj për mbështetjen. Na ndihmuan shumë. Edhe kur ishim në disavantazh po na përkrahnin. Shpresojmë që t’i bëjmë të lumtur në të ardhmen”, tha Kobina.

Tri blerjet e Superiores, asgjë për t’u shënuar

Sport Ekspres — Wed, 14 Nov 2018 14:32:30 +0000

Të blesh futbollistë nuk ka qenë një kulturë e klubeve shqiptare, aq sa blerje konsideronin afrimin e sportistëve që ishin të lirë (nuk kishin kontratë me askënd). Gjithsesi, kjo gjë ka ndryshuar dhe klubet e kanë kuptuar se në disa raste duhet të investosh. Pas Skënderbeut edhe skuadrat e tjera vijuan që të blinin futbollistë, me synimin që në të ardhmen ta shumëfishojnë investimin fillestar.

Në merkaton e verës Kukësi, Partizani dhe Tirana vendosën që të shpenzonin pak për të siguruar shërbimet e disa lojtarëve, por kur janë luajtur 13 javë rezultatet nuk janë ato që priteshin. Arbër Çyrbja la Teutën për të shkuar te Kukësi për shifrën e 50 mijë eurove, por dhe 50 të tjera do të shkojnë në arkën e durrsakëve në fund të sezonit nëse anësori do të transferohet jashtë. Këto janë shifrat që drejtuesit kanë dhënë, ama Çyrbjes nuk i është besuar në ndeshjet e fundit, aq sa ka nisur që të jetë një alternativë gati çdo ndeshje.

Në kryeqytet ishte Partziani që mendoi të paguante 40 mijë euro te klubi i Vllaznisë për Erald Çinarin, por si në rastin e Çyrbjes edhe shkodrani nuk po gjen dot hapësirat e mjaftueshme për të treguar vlerat e tij. “Demat” ndodhen në vendin e parë dhe askush nuk mund të thotë në kanë vepruar gabim që nuk po i japin mundësi blerjes së verës.

Edhe Tirana ishte një nga skuadrat që në verë harxhoi 28 mijë euro për të marrë kartonin e Uinful Kobinës. Bardheblutë paguan në Ganë, skuadrën e Hearts of Oak për ta lënë të lirë mesfushorin, i cili edhe pse ka luajtur 13 ndeshje deri tani nuk është se ka bërë ndonjë diferencë të madhe nga pjesa tjetër e skuadrës.

Tre investime që deri më tani po rezultojnë jo të suksesshme. Çyrbja dhe Çinari nuk po luajnë, ndërsa Kobina nuk mund të bëjë revolucion i vetëm.Gjithsesi, duhet të presim se çdo të ndodhë deri në fund të sezonit. Mos të harrojmë që Guri edicionin e shkuar shpërtheu si një ”vullkan” pas janarit. Ku i dihet dhe tre blerjet e verës që lamë pas do të “zgjohen” pas pushimeve dimërore.