Klosi

Kategoria e Dytë | Tërbuni rikthehet në krye, Shkumbini marshon drejt së Parës

Sport Ekspres — Sun, 14 Apr 2019 16:45:11 +0000

Tërbuni është rikthyer në krye të tabelës së Kategorisë së Dytë. Ekipi pukjan mundi në transfertë Klosin me rezultatin 4 – 2. Me tri pikët e marra sot, Tërbuni shkon në kuotën e 40 pikëve, 2 më shumë se Luzi i vendit të dytë. Skuadrës së drejtuar nga Oltjon Kërnaja i duhet të luajë edhe pesë ndeshje deri në përfundim të këtij edicioni.

Në Grupin B, Shkumbini kryesues dhe Devolli ndjekës kanë shmangur hapat fals. Peqinasit mundën Naftëtarin 1 – 0 galë golit të Mustafajt, ndërsa rivalët nga Bilishti fituan me të njëjtin rezultat në transfertën ndaj Skraparit.

Kategoria e Dyte

Grupi A | Java 21
E shtunë, më 13 prill, ora 16:00
Spartaku 8 – 2 Vllaznia B
Ada 2 – 3 Tirana B
Gramshi 0 – 0 Partizani B
E diel, më 14 prill, ora 16:00
Internacional 1 – 1 Sopoti
Klosi 2 – 4 Tërbuni
Luzi 2008 dhe Kukësi B pushim

Grupi B | Java 21
E diel, më 14 prill, ora 16:00
Albpetrol 1 – 0 Përmeti
Skrapari 0 – 1Devolli
Delvina 1 – 0 Këlcyra
Shkumbini 1 – 0 Naftëtari
Memaliaj 4 – 3 Tepelena
Gramozi 4 – 3 Maliqi
Butrinti pushim

Luzi sulmon kreun, “tris” Klosit në transfertë

Sport Ekspres — Wed, 20 Feb 2019 15:14:09 +0000

Luzi i afrohet kreut të renditjes, pasi ka arritur të kalojë me sukses Klosin me rezultatin 1-3. Ndeshja e luajtur në Burrel nisi me një gol të skuadrës vendase, që me anë të Pengilit shënoi golin e avantazhit. Gjithsesi festa nuk zgjati shumë.

Baholli në minutën e 27-të arriti të vendoste baraspeshën dhe pjesa e parë u mbyll me shifrat 1-1. Luzi, për vetë objektivat që ka, duhet të shënonte edhe golin e dytë dhe ia arriti përmes Hasës. Ky i fundit realizoi pas rreth çerek ore lojë që kishte nisur fraksioni i dytë.

I njëjti futbollit realizoi në të 76’ edhe golin e qetësisë dhe me shifrat 1-3 përfundoi i gjithë takimi. Tre pikë të rëndësishme për Luzin, që tashmë e sheh veten një pikë larg Tërbunit kryesues. Javën e ardhshme pukjanët janë pushim dhe për Luzin është në program një finale e vogël me Gramshin, që gjithashtu do ngjitjen në Kategorinë e Parë.

Kategoria e Dytë – Java 15
Klosi – Luzi 1-3
Shënues: Pengili 13’ / Baholli 27’, Hasa 59’, 76’

Tërbuni zbavitet ndaj Klosit në miqësoren e fundit

Sport Ekspres — Wed, 06 Feb 2019 22:17:58 +0000

Vetëm 3 ditë pas barazimit në miqësoren kundër Vushtrrisë, Tërbuni ka zbritur sërish në fushë, për një sfidë tjetër miqësore, kundër Klosit.

Përballje mes dy ekipesh në grupin A të Kategorisë së Dytë, por diferencat mes tyre janë të mëdha, siç shihet edhe në renditjen e grupit, sepse Tërbuni kryeson me 24 pikë në 11 ndeshje, ndërsa Klosi ka 11 pikë.

Në nëntor skuadra e drejtuar nga Oltijon Kërnaja u mjaftua me fitore 1-0 në kampionat, ndërsa sot u zbavit, duke fituar 6-2.

Meritë e sulmuesve të ardhur në merkaton e janarit, sepse Sejdini shënoi në minutën e 17-të, ndërsa pjesa e parë u mbyll 2-0 me golin e dytë shënuar nga Prendi. Në pjesën e dytë nisi spektakli personal i sulmuesit Merdini, autor i 4 golave, në minutat 49, 57, 60 e 78.

Një sinjal i fortë nga Tërbuni, që duket goxha më i fortë sesa në pjesën e parë të sezonit dhe të gjithë rivalët janë të paralajmëruar.

Kategoria e Dytë / Memaliaj mund thellë Delvinën, Klosi shpartallon Kevitanin

Sport Ekspres — Sun, 23 Sep 2018 16:51:04 +0000

Sot janë zhvilluar takimet e javës së dytë në kampionatin e Kategorisë së Dytë. Në të dyja grupet nuk ka pasur shumë surpriza. Në Grupin A i vetmi ekip që ka mundur të fitojë në transfertë ka qenë Kukësi B, që ka mposhtur Tiranën B në ndeshjen e luajtur në “Skënder Halili”.

Butrinti ka pësuar humbjen e dytë radhazi, kësaj here sarandjotët janë mundur nga vizitorët e Këlcyrës, të cilët luanin ndeshjen e parë për këtë sezon, pasi takimi i javës së parë kundër Tepelenës nuk u zhvillua. Fitoren më të thellë në Grupin A e ka regjistrua Klosi, që ka mposhtur 4-0 Kevitanin, ndërsa në Grupin B Memaliaj ka mposhtur 3-0 Delvinën.

Kategoria e Dytë – Java 2

Grupi A
Partizani B-Spartaku 2-1
Ada- Internacional Tirana 3-1
Klosi- Kevitan 4-0
Gramshi-Luzi 1-0
Vllaznia B- Sopoti 2-1
Tirana B-Kukësi B 0-1

Grupi B
Butrinti-Këlcyra 0-1
Tepelena- Naftëtari 2-0
SHS Përmeti-Devolli 1-1
Maliqi-SHS Albpetrol 1-0
Memaliaj-Delvina 3-0
Gramozi- Shkumbini 0-1
Term FC-Skrapari 1-1