“Siti ndodhet në një situatë të ngjashme me ne. Edhe ata patën shumë lojtarë që nuk morën pjesë në fazën përgatitore. Aguero dhe disa prej lojtarëve brazilianë u janë kthyer këto ditë, por kam dëgjuar që s’do kenë Fernandinjon. Mendoj se zhvilluan një fazë përgatitore më të mirë se ne. Kam parë ndeshjet e tyre dhe kanë luajtur mirë”.

“Nuk ja kam idenë se çfarë formacioni do zgjedhë Guardiola. Mendoj se dhe ai nuk ia ka idenë se cilët lojtarë do përzgjedh unë. Ata kanë shumë zgjedhje dhe kjo ma bën shumë të vështirë. Fillimi i sezonit është përherë i tillë”, tha Klop.

“Jam me të vërtetë i lumtur që jam rikthyer më në fund në fushat e blerta. Kam pasur një dëmtim me ekipin kombëtar dhe jam rikuperuar në ‘Melwood’ për aq kohë sa skuadra ishte në Amerikë”, u shpreh fillimisht Shaqiri.

“Tani jam i lumtur që jam rikthyer dhe që kam filluar sërish punën. Jam i gatshëm ta ndihmoj skuadrën time. Dëmtimi është pjesë e jetës dhe e futbollit. Jam me të vërtetë i lumtur dhe po ndihem shumë mirë. Është një ndjesi që më kishte munguar”, përfundoi sulmuesi me origjinë shqiptare.

“Jam shumë i lumtur, sidomos për ata djem dhe për tifozët. Ishte një ndeshje shumë intensive, ndoshta jo e bukur, por ia dolëm, fituam për të gjithë popullin e Liverpulit.

“Nuk kam fjalë, nuk di ç’të them, i kisha humbur të gjitha finalet deri më sot, por ja që e theva mallkimin. Jam i lumtur edhe për familjen time, ata kanë vuajtur më shumë se unë, çdo fundsezoni një finale e humbur.

“Kjo skuadër është fantastike, luftoi deri në fund, edhe kur ishte pa pikë energjie dhe na ndihmoi portieri ynë fantastik.

“Është nata më e bukur e jetës sonë profesionale. Na u desh pak kohë, por është e nevojshme për t’u zhvilluar dhe përmirësuar. Tani hodhëm një hap të madh, por pronarët e klubit nuk na kanë vënë kurrë nën presion. Normalisht 20 minuta pas ndeshjes jam gjysmë i pirë, por deri tani kam pirë vetëm ujë”, përfundoi Klop.

"I am so happy for my family, they suffer every year!"

"Did you ever see a team like this?!"

Jurgen Klopp has WON the Champions League and he is absolutely DELIGHTED ?

? @DesKellyBTS pic.twitter.com/kRXbyAzjuW

— Football on TNT Sports (@footballontnt) June 1, 2019

Klop iu përgjigj në gjermanisht pyetjes së një gazetar bashkëkombës, në përfundim të përgjigjes, zëdhënësi për shtyp i vendosur nga UEFA i kërkoi një përmbledhje të asaj që tha në gjuhen angleze. Klop pranoi, por pak sekonda vonë u ndal dhe pyeti zëdhënësi: A e mban mend pyetjen?  

“Karriera ime deri më tani nuk ka qenë e pafat. Problemi im i vetëm është që kam arritur shumë finale nga viti 2012 deri më tani. Shtatë vitet e fundit, kam një rekord shumë të mirë, pasi i kam fituar të gjitha gjysmëfinalet, por kjo nuk ka shumë rëndësi, apo jo? Nëse bëj një libër për këtë rekord, askush nuk do e lexonte.

Unë jam një njeri normal, ka momnte kur jam i pafat, ka momente kur fati është në anën time. E kuptoj se në futboll duhet shumë fat në momente specifike. Medaljet janë të shumta, trofetë janë arsyeja pse jemi në këtë sport. Kur kam qenë në vijën e finishit, fati nuk ka qenë në anën time.

Çfarë kam mësuar nga finalja e vitit të shkuar? Që në futboll ndëshkohesh dhe nga një roveshatë spektakolare 20 metra larg portës. Nga finalet tjera, nuk kam mësuar asgjë të jem i sinqertë. Çdo ndeshje është e ndryshme. Kundër Realit, pësuam dy gola të çuditshëm dhe golin më të bukur të vitit. Si reagova? E lashë pas dhe ika në shtëpi.

Jemi një skuadër shumë ndryshe nga sezoni i shkuar. Finalja kundër Realit ishte hapi i parë i këtij rrugëtimi fantastik deri më tani. Tashmë, jemi shumë më të rritur, lojtarët po fitojnë eksperiencë. Futbollistë si Aleksander-Arnold tani mund të luajë më shumë se 50 ndeshje në sezon. Do të jetë një sfidë e zjarrtë, jam i sigurt për këtë, edhe ju të jeni të sigurt”, u shpreh Klop.

“Habitem pse askush nuk flet për Jurgen Klop. Të gjithë po flasim për Guardiolën, Sarrin, Poçetinon. Nëse Sarri firmos me Juventusin, nuk do të më surprizonte. Ka shumë shanse që ai të jetë trajneri i Juventusit për sezonin e ardhshëm.

“Alegri u shkarkua sepse nuk u gjet gjuha e përbashkët për merkaton e verës. Juventusi i ka të qarta objektivat, lojtarët që do të marrë në verë, gjë që Alegrit nuk i ka pëlqyer, prandaj palët u ndanë. Me lojtarët që ka, Juve mund të bëjë lojë shumë më të mirë”, përfundoi Moxhi.

Kësaj radhe, Klop shpreson që të jetë një histori ndryshe dhe Liverpuli i tij, do të synojë të fitojë Ligën e Kampionëve pas plot 13 vitesh, përballë “komshinjve” të Totenhemit. Një finale e gjitha angleze, për të cilën Klop ndihet shumë optimist: “Në Gjermani, kemi një shprehje: ‘E treta, e vërteta’. Kur isha te Mainc, e humbën ngjitjen në një Kategori më lart, dy herë. Herën e tretë, ia dolëm. Shpresoj që të jem i suksesshëm herën e tretë dhe në Champions League. Gjatë këtyre viteve, kemi eliminuar skuadra të mëdha, jemi me meritë në finale. E dimë ccfarë kemi arritur të gjithë së bashku dhe me të drejtë ndihemi optimistë”, përfundoi strategu gjerman.

Pas fitores së sotme ndaj Ulvs dhe mbylljes së kampionatit me 97 pikë, në vendin e dytë (titulli mungon prej 1990), trajneri i Liverpulit tha për BBC Sport: “Dëshironim të shkruanim historinë tonë dhe ia dolëm.  Skuadra ka hedhur hapa gjigantë në vitin e fundit, jemi zhvilluar jashtëzakonisht.

“Lojtarët arritën në nivele të reja më të larta, por zhvillimi nuk ka përfunduar. Ishte tentativa e parë. Kjo skuadër është një prej më të mirave që ka luajtur ndonjëherë për Liverpulin, 100%.

“Mançester Siti kampion? Me fuqinë financiare që kanë, do jenë gjithnjë në vendet e para. Duhet të qëndrojmë pranë tyre, të jemi thuajse perfektë, për të fituar titullin“.

A mendoni se rezultati do të ishte i njëjtë nëse do të luhej në një stadium të boshatisur?

“jo! S’ka shanse. Ne e dimë se ky klub është një përzierje e atmosferës, emocioneve, dëshirës dhe futbollit cilësor. Nëse heq një nga këto, asgjë nuk funksionon e kam thënë dhe më parë”.

“Për mua ky klub ka një zemër të madhe. Sot po na rrihte zemra sikur ishim të çmendur. Mund ta dëgjoje këtë anembanë botës. Jam i gëzuar që u dhamë njerëzve këtë eksperiencë, gjithashtu jam i gëzuar që më jepet një shans tjetër për të rregulluar gjërat”.

Në intervistën për BT SPORT në përfundim të takimit, Klop u shpreh se nuk i kishte ndodhur kurrë që të shikonte diçka të tillë në futboll.

“Thjesht të fitonim ishte e vështirë, por me këtë rezultat dhe pa pësuar gol është thjesht e pabesueshme. Ky Liverpul nuk ndalon kurrë, nuk fiket kurrë. Ky Liverpul jep gjithçka në çdo moment. Ishte diçka e madhe, nuk e përballoj dot këtë emocion”.

“Këta djem janë të pabesueshëm. Pashë Milnerin teksa po qante në fund. Në jetën time kam parë shumë ndeshjen futbollit, por asnjëherë një ndeshje si kjo. Kur u bë goli i katërt, Ben Udbërn më pa dhe më tha: Çfarë po ndodh. Kjo është pjesa më e bukur e futbollit. Jeta ka gjëra shumë më të rëndësishme, por kjo atmosferë që krijuam sot është shumë e veçantë”.

“Përzierja e potencialit dhe zemrës së lojtarë ishte diçka që se kisha parë kurrë më parë. Për këto lloj ndeshjeje të duhet të kesh besim. Origi dhe Shaqiri nuk kanë luajtur shumë këtë sezon, ishte e rëndësishme që bënë atë lloj paraqitjeje. Kjo tregon se çfarë është e mundur në futboll”.

Pas ndeshjes Origi foli për BT Sport: “Nuk ka shumë rëndësi që shënova dy gola, sepse rëndësi ka kualifikimi. Nuk vlente asgjë, nëse shënoja gola dhe eliminoheshim. Bëmë diçka fantastike, e dinim që do ishte një natë speciale. Donim të luftonim, edhe për Firmino e Salah, Luftuam deri në fund”.

Ndërkaq, Uijnaldum u bë hero për 45 minuta: “E pabesueshme. Pas ndeshjes në Spanjë u bindëm që mund t’ia dilnim. Njerëzit nga jashtë dyshonin te ne, mendonin se nuk do ia dilnim dot, por treguam edhe një herë se në futboll nuk ka asgjë të pamundur.

“Isha vërtet i zemëruar me trajnerin, sepse më la në stol. U futa, u përpoqa të ndihmoj ekipin, jam i lumtur që e bëra”.

Raportimet e mëvonshme tregojnë se ishte vetëm një moment trullosje dhe Salah është parë më vonë të ecë normalisht dhe të largohet bashkë me ekipin. Ziad Mansur, gazetar i “Bein Sport” tregon nëpërmjet një postimi në Twitter se e ka parë yllin e Liverpul të ecë pa probleme pas daljes nga dhoma e mjekëve.

“Shikova yllin tonë Mohamed Salah duke ecur normalisht jashtë dhomës mjekësore në stadiumin ‘St. James Park’”, shkruan gazetari egjiptian në postim. Megjithatë do të na duhet të presim konfirmimin zyrtar të klubit, nëse Salah do të arrijë të luajë ndaj Barcelonës të martën. Dëmtimet në kokë kërkojnë një kujdes shumë të lartë.

Problem tjetër për “The Reds”, mbetet dhe Roberto Firminjo, i cili sipas gjasave nuk do të jetë i gatshëm për ndeshjen e mesjavës kundër Barcelonës. Në fillim u duk një dëmtim i lehtë dhe u mendua se do të luante në ndeshjen e parë ndaj katalanasve, por asgjë nuk ishte ashtu si dukej. Braziliani nuk u grumbullua as në ndeshjen e djeshme ndaj Njukasëll.

Trajneri Jyrgen Klop jep vendimin përfundimtar të stafit mjekësor në lidhje me gjëndjen e lojtarit dhe mundësinë nëse do të arrijë të luajë ndaj Barcelonës në aktin e dytë dhe përgjigja është jo. Sulmuesi ka mundësi të mos luajë as në ndeshjen e fundit në kampionat. “Ai nuk do të jetë gati të martën kundër Barcelonës. Për më pas do të shohim”, u shpreh trajneri Klop.

“Njukasëlli luajti në një lloj mënyrë që në vështirësoi çdo gjë. Patëm shumë momente për shënim, por na u desh të vuanim deri në momentin e fundit. Ishte brilante, ky është futbolli. E meritonim plotësisht”.

“Isha i qetë pasi mendoja se ishe e shkruar që të fitonim. Djemtë po bënin gjithçka ç’ishte e mundur. U treguam agresiv. Nuk jemi skuadra më e mirë në botë. Duhet të punojmë fort tani. Në javën e fundit të sezonit kemi tri ndeshje në gjashtë ditë”.

SALAH – “Kur doktori shkoi ta kontrollonte iu desh të merrte një vendim të shpejtë. Vendosi që duhej të largohej nga fusha. E mori veten shpejt dhe ishte duke e parë ndeshjen nga televizori në dhomat e zhveshjes. Pra ishte mirë, por na duhet të presim. Ka pësuar një tronditje të fortë”.

Holandezi van Dijk zhbllokoi takimin në minutën e 13-të, ndërsa skuadra e Benitez u kundërpërgjigj me ganezij Atsu shtatë minuta më vonë. Salah riktheu për avantazhin për të tijtë në të 28-ën.

Vendasit rezultuan të ishin kockë e fortë duke barazuar me Rondon. Dëmtimi i rëndë bëri që shumë vetë të mendonin për më të keqen, por në skenë del Origi, i cili shënon dy minuta para fundit pas një harkimi nga Xherdan Shaqiri.

Liverpuli rikthehet në vend të parë dy pikë mbi Sitin, pozicion të cilin do ta mbajnë të paktën deri mbrëmjen e së hënës kur skuadra e Guardiolës të ndeshet me Leister Sitin.

Njukasëll 2 – 3 Liverpul
Shënues: Atsu 20’, Rondon 54’ / van Dijk 13’, Salah 28’, Origi 88’

Në atë kohë Liverpuli ishte shumë optimist, aq sa Klop kishte lejuar të përgatitej edhe një festë private, por Unai Emeri dhe Sevilja i dhanë një leksion, duke fituar 3-1. Klop nuk e anuloi darkën me lojtarët, të cilët i përgëzoi për gjithçka, por atë natë e kuptoi se duheshin ndryshuar shumë gjëra.

Nga ai Liverpul kanë mbijetuar vetëm dy futbollistë: njëri është Firmino, lojtar klasi, tjetri është Milner, një veteran që edhe nëse nuk luan rregullisht, ka status të veçantë në klub.

Për të mbërritur në një finale në Champions dhe në gjysmëfinalen e tjetrës, Klop bëri një revolucion të vërtetë te Liverpuli, por jo falas.

Në tre sezonet e fundit Klop ka shpenzuar 434,8 milionë euro për blerje, duke përfituar edhe nga shitja e Kutinjos te Barcelona, për 160 milionë euro. Në total, Liverpuli ka shitur lojtarë për 330,9 milionë euro.

Që kur klubin e bleu Fenway Sports Group, pronari Xhon Henri futi një politikë konkrete blerjesh, duke investuar, por jo me blerje në masë. Pak blerje, studim i detajuar dhe vendim përfundimtar i marrë me bindje të plotë. Klop i është përshtatur në mënyrë perfekte kësaj politike dhe ka ndërtuar një shtyllë kurrizore të mrekullueshme te The Red.

Alison në portë u ble për rreth 62 milionë euro, Virxhil van Dijk në qendër të mbrojtjes kushtoi 84 milionë euro, shifër që tani duket modeste.

Më pas, Mane kushtoi 41 milionë euro dhe Salah 42, për të kompletuar sulmin, ku Firmino është një lojtar shumë inteligjent, që shënon, krijon hapësira dhe vrapon e pason pa fund. Reforma u kompletua nga Uijnaldum (27.5 milionë euro) në sezonin 2016/17 dhe nga Fabinjo (40) e Nabi Keita këtë sezon.

“Nuk dua që të krijohet menjëherë presion mbi skuadrën time”, tha Klop në verën e vitit 2015. “Kini durim dhe më jepni katër sezone, deri atëherë do të kemi fituar të paktën një titull kampion. Nëse jo, do të largohem për të drejtuar në Zvicër”.

Në fund të këtij sezoni, skadon dhe ky afat kohor i vendosur nga vetë trajneri gjerman dhe mbetet për t’u parë nëse ai do të largohet drejt Zvicrës.

Tekniku bask ka vlerësuar lojën e skuadrës së dhe ka kujtuar se kualifikimi për në finale mbetet i hapur.

NDESHJA – “Është një rezultat i mirë ndaj një skuadre të fortë. Na u desh të vuanim shumë që të mos pësonim gol. Janë një skuadër e madhe. Kanë mbetur edhe 90 minuta. E dimë çfarë na pret. Vitin e kaluar u eliminuam në çerekfinale pasi kishim një avantazh prej tri golash. Pra kualifikimi për ne finale mbetet krejtësisht i hapur, Liverpuli do të na e bëjë shumë të vështirë”.

MESI – “Leo të befason gjithmonë. Goditja e dënimit ishte nga një largësi e madhe. Unë nuk isha i sigurt nëse do të provonte të gjuante. Nuk e di se si e bën, por në momentet më të vështira ai përherë e tregon veten. Ai ka aftësinë t’i mbajë kundërshtarët në ankth gjatë të gjithë kohës. Është lideri i kësaj skuadre”, tha Valverde.

Trajneri i Liverpulit e cilësoi të jashtëzakonshme mënyrën se si luajti skuadra e tij, megjithatë gjermani e pranon se në këtë sport luhet për të shënuar gola.

“Futbolli i tillë është. Në këtë sport duhet të shënosh gola dhe ata e bënë tri herë këtë gjë, ndërsa ne asnjëherë. Paraqitje e skuadrës ishte e mirë, djemtë bënë një ndeshje të mirë. Më pëlqeu paraqitja, por nuk më pëlqeu rezultati. Në këtë lojë nuk merren nota, e vetmja gjë që vlen është rezultati”.

RASTET E HUMBURA – “Çfarë mund të them. Është e lehtë të flasësh për golat. Mënyrë se si i krijuam ato raste për shënim ishte e jashtëzakonshme. Mënyra se si u hapëm probleme ishte e jashtëzakonshme. Nuk e di a jemi në gjendje të luajmë më mirë se kaq”.

“Ndeshjen tjetër e luajmë nën disavantazhin e tre golave, gjithsesi le të riaftësohemi e të shkojmë të luajmë kundër Njukasëll. Loja ka mbaruar, çfarëdo që të them unë nuk e ndryshon rezultatin. Do të ndeshemi sërish, të shohim ç’do të ndodhë. Ia kemi bërë shumë të vështirë vetes”, përfundoi Klop.

Në harkun e shtatë minutave futbollisti nga Gjilani shënoi dy gola duke vulosur njëkohësisht fitoren e Liverpulit dhe shkarkimin e Zhoze Murinjos.

Megjithatë, ai moment i përket së shkuarës, ndërsa e tashmja është krejt ndryshe. Shaqiri është kthyer nga lojtari i parëq që futej në fushë nga stoli në një rezervë të minutave të kohës shtesë, madje janë bërë të shpeshta ndeshjet ku nuk aktivizohet përgjatë të gjithë takimit.

Shkurti ishte muaji ku filluan problemet e 27-vjeçarit, ku aktivizua vetëm 2 herë nga stoli edhe pse axhenda e Liverpulit ishte mjaft e ngjeshur.  Mars më pas ishte krejtësisht për t’u harruar, tri herë në stol, por asnjë aktivizim, ndërsa në Prill ka marrë vetëm dy aktivizime nga stoli në katër takime.

https://www.youtube.com/watch?v=mtMgG62w8nA

Ku ka lindur Jyrgen Klop?

Kam lindur në një fshat të vogël të quajtur Glaten në veri të Pyllit të Zi. Kur linda unë qyteti kishte 1200 banorë. Kam kaluar një fëmijëri të mrekullueshme. Rinia ishte disi e mërzitshme, por fëmijëria ishte brilante”.

A është Jyrgen Klop i zemëruar ?

Shumë rrallë. Nuk më ndodh shpesh, megjithëse e di që dukem sikur jam shpesh i zemëruar gjatë ndeshjeve. Nuk më zgjat shumë. Fëtyra ime duket e tillë dhe kjo i ngatërron njerëzit.

Sa gjuhë flet Jyrgen Klop ?

Mund të flas dy gjuhë e gjysmë. Flas rrjedhshëm gjermanisht e anglisht, ndërsa mund të kuptoj frëngjisht ose të bëj biseda të thjeshta, siç kam bërë këtë vit me Nabi Keita, i cili në fillim nuk dinte mirë anglisht. Megjithatë jam shumë i zoti përsa i përket dialekteve gjermane. Do doja të flisja më shumë gjuhë, por nuk kam kohë. Dejan Lovren flet shumë gjuhë. Ai flet rrjedhshëm kroacisht, anglisht, gjermanisht, di dhe pak spanjisht e portugalisht. E shikoj në stërvitje i ndërron gjuhën shpesh në varësi të personit me të cilin po flet.

Cili është ushqimi i preferuar i Jyrgen Klop?

Kesshpecle! Është një gatim lokal në Gjermani, Austri dhe Zvicër. “Kese” në gjermanisht i thonë djathit,  ndërsa Shpecle është një lloj paste e trashë. Mamaja ime e gatuante shumë mirë. Në moshën 19-vjeçare fillova të moj jetoj më me prindërit dhe sa herë rikthehesha mamaja ime  ma përgatiste gjithmonë.

Kush do ta aktor do ta luante Jyrgen Klopin në një film?

Do preferoja Bred Pitin. Është më i pashëm se unë, por në filma gjithmonë zbukurohen njerëzit. Do të doja ta takoja një ditë. Gruaja ime e pëlqen shumë gjithashtu. Gjithsesi shpresoj që mos të ketë kurrë një film.

A luan Jyrgen Klop “Fortnite” ?

Jo kurrë. Nuk më pëlqejnë këto lojëra. Brezi im luante tenis në “atari”. Nuk ishte diçka shumë interesante, nuk e luaje dot për shumë kohë. Djemtë e mi kur ishin të vegjël luanin “Mario Cart”.

A përdor Jyrgen Klop rrjete sociale?

Jo! E di që ka disa llogari nën emrin tim, por ata nuk janë të mijat. Nuk e kam kuptuar kurrë se përse njerëzit postojnë foto të mëngjesit të tyre ose gjëra të tilla. Unë nuk jam i interesuar për jetën private të njerëzëve të tjerë dhe njerëzit s’duhet të interesohen për jetën private time.

Çfarë makine nget Jyrgen Klop?

Opel Insignia me motor nafte. Kam nënshkruar një marrëveshje me Opelin. Është një makinë shumë e lezetshme. Në Angli njihet me emrin “Vauxhall”.

Cili është filmi i preferuar i Jyrgen Klop?

“Forrest Gump” ! Pa asnjë pikë dyshimi. Është histori, është art, nuk e di çfarë të them. Tom Hanks në më të mirën e tij. Mu deshën 10 vite që të mos ta mendoja për të vetëm si Forrest Gump derisa e pashë në një film tjetër. Filma të tjerë të preferuar janë seritë e Rokit. Kur doli për herë të parë “Rocky” në vitet 80-të të gjithë ishim duke menduar për gjëra të mëdha në jetë, por nuk ishin dhe aq të aftë. Më pas doli “Rocky” që ishte një person me aftësi ose fillim të mirë, por më pas gjithçka ecën mirë për të. I dha një brezi të tërë shpresmë pas gjithçka ecën mirë për të. I dha një brezi të tërë shpresë. Pra Forrest Gump është numër 1 më pas “Rocky”, por edhe filma të tjerë aksion si “Bourne Identity” ose seritë e “James Bond”, madje kam takuar njërin prej aktorëve, Daniel Craig, i cili është tifoz i Liverpulit.

Si e ka transformuar Jyrgen Klop Liverpulin?

Njerëzit e kërkojnë këtë në “Google”?! Do doja të shikoja përgjigjet, do ishte interesante (qesh). Nuk e di, erdha këtu dhe gjeta një “gjigant të fjetur”. Gjendja në klub ishte mirë, por jo në më të mirën, diçka normale pasi diçka kishte çuar keq më përpara. Në fillim nuk ndryshova shumë gjëra, mësova shumë mbi klubin në atë periudhë. Më pas ndryshuam hap pas hapi. Ndryshimi më i madh për mendimin tim është atmosfera në qendrën stërvitore, të gjithë e dashurojmë të shkojmë aty. Jemi të gjithë shumë të afërt, dimë gjithçka për njeri-tjetrin. Kjo na bën që të futemi në fushë e të mos luftojmë vetëm për veten tonë, por edhe për familjet tona e tifozët. Kjo është baza. Pjesa tjetër ka të bëjë me futbollin. Të gjithë e dinë që unë nuk jam gjeni. Sa më shumë lojtarë të mirë të marrin, aq futboll më të mirë mund të luajmë. E pëlqejmë shumë situatën ku ndodhemi tani. Asgjë nuk ka mbaruar, jemi në rrugën e duhur dhe kemi shumë përpara vetes.

Braziliani është lojtar kyç në sulmin e The Reds, ndaj mungesa e tij edhe në stol ngriti shumë pikëpyetje. Më pas u zbulua se bëhej fjalë për një dëmtim në stërvitje dhe natyrisht nisi gara për të gjetur sa kohë do mungojë braziliani.

Në mediat angleze u raportua për mungesë të mundshme në mesjavën e ardhshme, në sfidën kundër Barcelonës në Champions League, ndërsa kishte edhe nga ata që shkonin deri aty sa të siguronin se Firmino e ka mbyllur sezonin.

Gjithsesi, pas ndeshjes së djeshme për dëmtimin e yllit të sulmit foli trajneri Jurgen Klop: “Bobi pësoi një tërheqje të lehtë në stërvitje dhe e lamë pushim. Mos u merrni me rrjetet sociale, Firmino nuk e ka mbyllur sezonin. Ai është një makinë, i pandalshëm, ndaj duke e njohur besoj se do të jetë në fushë kundër Barcelonës”.

Sulmuesi kryesor i të kuqve nuk është grumbulluar nga Klop për shkak dëmtimi. Sa i takon gjendjes së numrit 9, tekniku gjerman tha: “Në stërvitje, shfaqi një problem muskulor.

Nuk donim të rrezikonim sot me gjendjen e tij, por nuk është ndonjë gjë e madhe. Kundër Barcelonës, besoj se do të jetë gati”, u shpreh Klop. Për Liverpulin në këtë takim, do të jetë në stol Çambërlejn, i cili është riaftësuar pas dëmtimit 2-vjeçar dhe është gati për të luajtur.

“Kemi më shumë eksperiencë, është e qartë. Kemi luajtur ndeshje të vështira jashtë fushe dhe e dinim që do ishte njësoj si në fushat e Sitit dhe Romës vjet. Tani është gjithçka perfekte.

“Barcelona? Hera e parë që luaj kundër, përveç miqësoreve. Po pres me padurim”.

HENDERSON – Mesfushori i Liverpulit, Xhordan Hernderson, tha pas ndeshjes: “Porto është skuadër e fortë, që nuk ndalet në asnjë moment, duke pasur edhe raste të mira. Për fat, goli i Manesë u konsiderua i rregullt dhe na qetësoi jo pak.

“Rezultati është paksa i tepruar, Porto luajti shumë mirë”.

Si Çambërlejn, ashtu dhe Gomez, nuk luajnë që nga viti i shkuar për të kuqtë. Për gjendjen e dy lojtarëve dhe për kohën kur mund të rikthehen, Klop tha:

“Absolutisht që është gati. Gomez ka bërë një fazë rikuperimi të shkëlqyer dhe duket më i fortë se kurrë. Si ai, ashtu dhe Çambërlejn, bënë shumë mirë kundër Leisterit me moshat. Ishte një ndeshje shumë e mirë e tyre.

Por shihet që kanë nevojë dhe për pak kohë që të rikthehen në formë optimale, por doktorët më kanë dhënë siguri për ta aktivizuar edhe kundër Portos. Ai luan në shumë role në prapavijë dhe është një aset i shtuar për ne”, th Klop.

“Nëse paguan aq shumë para sa paguam ne për Van Dajk, duhet të jesh plotësisht i bindur, 100% i bindur që është vendimi i duhur. Van Dajk ka qenë një lojtar cilësor dhe te Sauthempton, prandaj dhe ne shpenzuam për ta marrë.

Nuk dua të marr unë merita, pasi nuk i kam thënë asgjë tepër. Bëj formcacionin dhe e hedh në fushë, tjerat i bën vetë. Normale që ndeshje pas ndeshje, një lojtar përmirësohet, por kualitetet që ka tani, i ka pasur dhe te Sauthempton”, tha Klop.

Një gol i shpejtë i Sauthemptonit prishi planet e Liverpulit dhe trembi tifozët e The Reds, por Keita ktheu baraspeshën dhe në fundin e takimit Salah e Henderson siguruan fitoren.

Fitorja e ngjit Liverpulin në krye, me 2 pikë më shumë se Siti, që ka një ndeshje më pak, ndërsa Klop lavdëroi lojtarët e tij për fitoren e pestë rresht.

“Njerëzit duan që të luajmë si Mançester Siti, por nuk jemi në gjendje ta bëjmë atë gjë, në luajmë futbollin tonë”, tha Klopp. “Kemi 82 pikë, është diçka e pabesueshme në një kampionat të çmendur dhe të gjithë po presin çfarë do të bëjmë. Jam krenar. Është e pabesueshme.

SCENES! ?

The boss is buzzing. ? pic.twitter.com/FomRlAQXLD

— Liverpool FC (@LFC) April 5, 2019

“Ishte fantastike, u thashë djemve që kemi mentalitet të shkëlqyer mes nesh. Ishim të organizuar, ushtruan presing në mesfushën kundërshtare, thjesht duhet të rregullojmë fazën e mbrojtjes kur kundërshtari niset në kundërsulm. Ata shënuan një gol, mbrojtja nuk ishte perfekte, por ruajtëm qetësinë.

“Në punojmë për momentin, nuk e presim momentin. Pas pushimit rinisë punën dhe ndeshja u vendos nga dy gola të mrekullueshëm në kundërsulm.

“Salah nuk mund të pasonte për golin e tij, eci, eci dhe gjuajti në mënyrë fenomenale. Jam shumë i lumtur për paraqitjen, e dinim që nuk do ishte e lehtë këtu. Sauthemptoni ka një ekip shumë të organizuar, por shneiam dy gola të mrekullueshëm.

“Është një moment mjaft delikat dhe të gjithë janë të emocionuar. Zakonisht duhen 70-75 pikë për të shkuar në Champions dhe 90 pikë e diçka për të fituar titullin. Jemi ende në garë, kjo është diçka e bukur”.

Përveç tri pikëve te Liverpuli duhet t’i gëzohen faktit që Muhamed Salah u rikthye të shënojë (i fundit më 9 shkurt) pas gati tre muajsh “agjërim” nga goli.

Me këtë rezultat Liverpuli rikthehet në krye të tabelës së Premier League me 82 pikë, ku do të qëndrojë të paktën edhe një javë, pasi Mançester Siti nuk do të zhvillojë këtë fundjavë ndeshjen e raundit të 32-të, për shkak të angazhimit në gjysmëfinalen e “FA Cup”.

Sauthempton 1 – 3 Liverpul
Shënues: Long 9′ / Keita 36′, Salah 80′, Henderson 80′

“Janë dy trajnerë shumë të ndryshëm dhe është e pamundur t’i krahasosh. Fakti është fakt dhe filozofitë e tyre janë shumë të ndryshme, por kanë fituar kudo që kanë shkuar. I shikoj sa mundem si ndeshjet e Liverpulit, ashtu dhe të Mançester Sitit. Premier Liga ka qenë gjithmonë një kampionat shumë i fortë.

Me Klopin flas edhe sot. Ai më dha mundësinë kur isha vetëm 17-vjeç që të luaja me skuadrën e parë dhe që nga ajo ditë, nuk i kemi shkëputur asnjëherë kontaktet. Besoj se këtë sezon do të arrijë të fitojë titullin kampion në Angli”, përfundoi Gëce.

Sipas teknikut gjerman, ajo është ndeshje më e pafat që ka parë në jetën e tij, pasi PSG u eliminua edhe pse ishte skuadra dominuese ndaj Junajtid në të dyja takimet.

“E di se nuk është aspak e lehtë të fitosh kaq shumë ndeshe në kampionat. Të paktën do të jenë kampion të Francës. PSG-ja u eliminua nga Champions-i në një ndër ndeshjet më të pafata që kam parë në jetën time”.

“Po e shikoja nga televizori dhe po mendoja: Uaau, kjo nuk është mundur, si mund ta humbin këtë ndeshje. Eliminimi ndaj Barcelonës dy vite më parë është ndryshe, pasi në ato përballje PSG-ja ishte skuadra më e mirë vetëm në takimin e parë, ndërsa kësaj here ata dominuan në të dy ndeshjet. Është diçka krejtësisht e rrallë”.

Kjo gjë ndodhi edhe në takimin mes Malit të Zi dhe Anglisë, ku Sterling u ofendua shumë herë nga tifozeria vendase. Për të mbrojtur lojtarin e Mançester Sitit, kanë folur Jurgen Klop dhe Maurisio Sarri, që pavarësisht se e kanë rival, nuk ngurrojnë ta mbrojnë: “Racizmi nuk e ka vendin në futboll”, tha fillimisht Klop. “Ajo që ndodh kundrejt Sterling është e shëmtuar dhe duhet të merren masa!”

Ndërsa Maurisio Sarri insiston se kur lojtarët ofendohen në kore raciste, trajnerët duhet të ndërpresin ndeshjen dhe të nxjerrin lojtarët e tyre nga fusha: “Vetëm kjo gjë ka ngelur pa bërë. Janë provuar të gjitha dënimet dhe nuk ka rezultate. Racizmi duhet ndaluar me çdo kusht” tha trajneri italian.

Kontrata aktuale e Hudson-Odoi mbaron në verën e 2020-ës, pra nëse Çelsi dëshiron ta shesë për një shumë të kënaqshme, shansi i vetëm është merkato e verës, që është më pak se tre muaj larg.

Së fundmi krahas Bajernit, mediet angleze po raportojnë se për sulmuesin e ri interesohet dhe Liverpuli. Sipas “Liverpool Echo”, insistimin më të madh për 18-vjeçarin po e bën trajneri Jyrgen Klop, i cili është impresionuar nga paraqitjet e futbollisti me origjinë nga Gana.

Mungesa e tij iu dha mundësinë Joel Matip dhe Dejan Lovren të merrnin një fanellë titullari, por dhe të dy këta mbrojtës kanë vuajtur nga dëmtimet. Gomez nuk luan që prej muajit dhjetor dhe që nga ajo periudhë, mbrojtja e Liverpulit ka pasur probleme.

21-vjeçari ishte dhe pjesë e padiskutueshme e kombëtares angleze, por nuk u rikthye dot në kohë që të grumbullohej për dy sfidat kualifikuese të kësaj jave. Por ky fakt është një lajm i mirë për Klopin, pasi Gomez do të ketë kohën e duhur që të rikuperohet plotësisht dhe me shumë gjasa, kur kampionati të fillojë, shtatlarti anglez do të zbresë në fushat e blerta.

Mario Gotze nuk preferohet nga trajneri aktual i verdhezinjve gjermanë, Lusien Favre, dhe me shumë gjasa do të largohet. Liverpuli shihet si skuadra favorite për të siguruar shërbimet e tij, pasi tekniku Klop është një admirues i mesfushorit gjerman.

Në rast se Gotze zbarkon në Liverpul, Adam Lalana dhe Daniel Starrixh mund të largohen. Sipas mediave britanike, dyshja angleze nuk kanë të ardhme te Liverpuli dhe do t’iu duhet të gjejnë skuadra të reja.

“Fillimisht më duhet të përgëzoj Jyrgen Klopin. Patëm kundër një kundërshtar shumë të fortë. Përgjithësisht Liverpuli ishte skuadra më e mirë në të dyja ndeshjet. Ata u treguan të saktë dhe sulmuan më shumë se ne. Nuk ishim në ditën tonë më të mirë. Treguam se deri ku është limiti jonë”.

“Ai doli nga porta, pasi nuk ishe i sigurt nëse Rafinja do të arrinte t’ia merrte topin Manes. Në fund nuk ishte një ide e mirë, pasi pësuam gol. Gjithsesi s’kam ndërmend ta kritikoj Manuelin, ai thjesht donte të ndihmonte”, përfundoi Kovaç.

“Në pjesën e dytë u treguam shumë të matur. Në të parën duhet të kishim luajtur më shumë futboll. S’duhet të pushosh kurrë. E vetmja mundësi që kishim ishte që të mbanim kontrollin e topit, gjë që nuk e bëmë gjatë pjesës së parë, por në të dytën u treguam brilant. Është me të vërtetë e vështirë të luash këtu ndaj Bajernit.  Jam shumë krenar për atë që bënë djemtë”.

GOLI I MANE – “Goli i parë ishte fantastik. Më duhet ta shoh përsëri rreth 500 herë. Është e jashtëzakonshme se çfarë bëri ai në ato momente. Ja bëmë të vështirë Bajernit dhe tani jemi në çerekfinale, është e mahnitshme”.

#BAYLIV 1-3 FT
Mane goal was brilliant
pic.twitter.com/efxrQ5fCCt

— @Georgebakhos1 (@GeorgeBakhos1) March 13, 2019

VAN DIJK – “Virxhil (Van Dijk) është një rrezik shumë i madh në goditjet standarde.  Me masën dhe fuqinë që kemi, jemi një rrezik masiv. Gjatë lojës nuk krijova përshtypjen sikur ata luajtën më mirë se ne. Ata patën probleme në aspektin  e vetëbesimit dhe më pas ne shënuam dy gola të tjerë”, përfundoi Klop.

ALISON – “Do të jetë një ndeshje shumë e vështirë. Bajerni ka një skuadër të mbushur me yje dhe kanë portierin më të mirë në botë. Nojer është i pabesueshëm dhe është një nder për mua që do të ndaj fushën me të. Edhe ne kemi kualitet në skuadër. Kur kam Fabinjon dhe Van Dajk përpara, ndjej një siguri shumë të madhe. Levandovski nuk ka nevojë për përgatitje. Nuk përgatitesh dot kundër një sulmuesi si Leva, por thjesht shpreson që nuk është në një ditë të mirë. Ne kemi studiuar të gjithë lojtarët e Bajernit, pastaj në ndeshje gjithçka mund të ndodhë”, tha portieri brazilian.

KLOP – “Nuk ia kam idenë sesi do të më presin tifozët e Bajernit. Nuk kam pasur ndonjëherë një pritje të mirë në “Allianz Arena”, por ndoshta nesër do të jetë ndryshe (qesh). Mos më pyesni për Premier Ligën, po luajmë në Ligën e Kampionëve. Nuk kam parë trajner që të përgjigjet për kampionat kur luan në Ligën e Kampionëve. E gjithë bota do të shikojë ndeshjen nesër, prandaj zgjidhini mirë pyetjet. Për Fulhemin, do të mendojmë pas Bajernit. Nuk them që do të jetë një ndeshje e vështirë, por do të jetë një sfidë. Ata janë një skuadër shumë cilësore. Duhet të mbrohemi shumë mirë, duhet të qarkullojmë topin. Duhet të kemi b *** që të ndërtojmë lojën tonë dhe të tregojmë cilësitë që kemi. Bajerni është në një formë të shkëlqyer. Para tri javësh, ishim ne favoritët, por për një periudhë kaq të shkurtër, futbolli ndryshon”, u shpreh trajneri i Liverpulit.

“Fillimisht duhet të sigurohemi që jemi gati fizikisht për këtë ndeshje. Do të jetë një ndeshje e luftuar. Kur thashë pas ndeshjes së parë se rezultati 0-0 na favorizon neve, nuk e besuat. Do ta shikoni nesër. Ne do të bëjmë lojën tonë, jemi më të rrezikshëm në kundërsulm. Ata duhet të ndryshojnë stilin e lojës.

Bajerni është në një moment të mirë, fituan 6-0 ndeshjen e fundit dhe janë sërish në krye të tabelës. Por për një gjë nuk duhet të keni asnjë dyshim: Ne do të japim gjithçka në fushën e lojës që të kualifikohemi!”, tha Klop para gazetarëve.

Disa tifozë të Liverpulit kanë shfrytëzuar rrjetet sociale për të shprehur pakënaqësitë e tyre me rezultatet e fundit, por sidomos pas barazimit kundër rivalëve të përjetshëm, Evertonit.

“Klop ka frikë dhe po luan në mbrojtje!”, “Ku është Shaqiri?!”, këto kanë qenë vetëm disa nga postimet e tifozëve në rrjetet sociale dhe duket qartë se janë të pakënaqur me mënyrën sesi Klop po e drejton skuadrën për momentin. Barazimi kundër Evertonit bëri që Liverpuli ta humbasë vendin e parë në renditje dhe tashmë, favoritë për titullin kampion në Angli shihen “Qytëtarët” e Mançester Sitit.

Gjatë pyetjes gazetari dashur pa dashur vuri në pikëpyetje impenjimin e skuadrës në ndeshje, duke thënë se ekipi u duk i kënaqur me barazimin për shkak se nuk rrezikoi duke futur më shumë sulmues në fushë. Kjo pyetje solli një reagim epik të trajnerit gjerman.

“Jam shumë i zhgënjyer nga pyetja juaj, jashtëzakonist shumë. Ne nuk po luajmë PlayStation. Vërtetë mendoni se nuk sulmuam aq sa duhet sot? Ti kujton se nëse fus një sulmues tjetër në fushë, loja do të ndruyshojë. E them përsëri, t’i mendon se futbolli është si në PlayStation, por në të vërtetë nuk është aspak ashtu”.

“Duhet të bësh gjërat e duhuara në momentin e duhur. Ne nuk mund të fillojmë lojën me 4 ose 5 sulmues. Sigurisht ka momente kur duhet të marrësh përsipër risqe, por s’duhet të harrojmë se luajmë në  Premier Ligë dhe mund të ndëshkohesh është e rëndësishme që të mbajmë veten në kontroll. Katër pika ndaj Evertonit dhe Junajtid në dy përballje janë rezultate të mira për mendimin tim. Tani do luajmë ndeshjet e mbetura si ndjekës, dhe për mua kjo gjë nuk është problem”, përfundoi Klop.

Në përfundim të ndeshjes një kapës topash i Evertonit, jo më shumë se 15 vjeç vendos të luajë me nervat e Jyrgen Klop duke e duartrokitur në mënyrë ironike.

Did that Everton ballboy just sarcastically clap Jurgen Klopp?! ????? pic.twitter.com/4cVQq4CDFh

— Soccer AM (@SoccerAM) March 3, 2019

Tekniku gjerman e vëren veprimin e fëmijës dhe i afrohet afër dhe i thotë disa fjalë me fytyrën e ngrysur, por kapësi i topave vazhdon të duartrokasë. Pas pak sekondash Klop e kupton se ra pre e ngacmimin dhe ikën drejt tunelit duke qeshur.