“Siti ndodhet në një situatë të ngjashme me ne. Edhe ata patën shumë lojtarë që nuk morën pjesë në fazën përgatitore. Aguero dhe disa prej lojtarëve brazilianë u janë kthyer këto ditë, por kam dëgjuar që s’do kenë Fernandinjon. Mendoj se zhvilluan një fazë përgatitore më të mirë se ne. Kam parë ndeshjet e tyre dhe kanë luajtur mirë”.

“Nuk ja kam idenë se çfarë formacioni do zgjedhë Guardiola. Mendoj se dhe ai nuk ia ka idenë se cilët lojtarë do përzgjedh unë. Ata kanë shumë zgjedhje dhe kjo ma bën shumë të vështirë. Fillimi i sezonit është përherë i tillë”, tha Klop.

Klop iu përgjigj në gjermanisht pyetjes së një gazetar bashkëkombës, në përfundim të përgjigjes, zëdhënësi për shtyp i vendosur nga UEFA i kërkoi një përmbledhje të asaj që tha në gjuhen angleze. Klop pranoi, por pak sekonda vonë u ndal dhe pyeti zëdhënësi: A e mban mend pyetjen?  

Kësaj radhe, Klop shpreson që të jetë një histori ndryshe dhe Liverpuli i tij, do të synojë të fitojë Ligën e Kampionëve pas plot 13 vitesh, përballë “komshinjve” të Totenhemit. Një finale e gjitha angleze, për të cilën Klop ndihet shumë optimist: “Në Gjermani, kemi një shprehje: ‘E treta, e vërteta’. Kur isha te Mainc, e humbën ngjitjen në një Kategori më lart, dy herë. Herën e tretë, ia dolëm. Shpresoj që të jem i suksesshëm herën e tretë dhe në Champions League. Gjatë këtyre viteve, kemi eliminuar skuadra të mëdha, jemi me meritë në finale. E dimë ccfarë kemi arritur të gjithë së bashku dhe me të drejtë ndihemi optimistë”, përfundoi strategu gjerman.

“Nuk ka nevojë të shpenzohen para. Nuk dua të tregoj me përpikmëri se çfarë do të bëjmë në këtë merkato, por përforcimet do të jenë me pikatore. Alternativa jonë më e mirë për të ecur përpara është të vazhdojmë me këtë grup lojtarësh dhe të fokusohemi edhe tek të rinjtë, pasi aty ka shumë lojtarë cilësorë.

Kemi një skuadër të madhe, mund të konkurojmë në të gjitha kompeticionet. Këtë gjë e treguam dhe në këtë sezon. Nëse do të ketë largime, do të shohim në treg për të gjetur zëvendësues”, u shpreh Klop.

A mendoni se rezultati do të ishte i njëjtë nëse do të luhej në një stadium të boshatisur?

“jo! S’ka shanse. Ne e dimë se ky klub është një përzierje e atmosferës, emocioneve, dëshirës dhe futbollit cilësor. Nëse heq një nga këto, asgjë nuk funksionon e kam thënë dhe më parë”.

“Për mua ky klub ka një zemër të madhe. Sot po na rrihte zemra sikur ishim të çmendur. Mund ta dëgjoje këtë anembanë botës. Jam i gëzuar që u dhamë njerëzve këtë eksperiencë, gjithashtu jam i gëzuar që më jepet një shans tjetër për të rregulluar gjërat”.

Në intervistën për BT SPORT në përfundim të takimit, Klop u shpreh se nuk i kishte ndodhur kurrë që të shikonte diçka të tillë në futboll.

“Thjesht të fitonim ishte e vështirë, por me këtë rezultat dhe pa pësuar gol është thjesht e pabesueshme. Ky Liverpul nuk ndalon kurrë, nuk fiket kurrë. Ky Liverpul jep gjithçka në çdo moment. Ishte diçka e madhe, nuk e përballoj dot këtë emocion”.

“Këta djem janë të pabesueshëm. Pashë Milnerin teksa po qante në fund. Në jetën time kam parë shumë ndeshjen futbollit, por asnjëherë një ndeshje si kjo. Kur u bë goli i katërt, Ben Udbërn më pa dhe më tha: Çfarë po ndodh. Kjo është pjesa më e bukur e futbollit. Jeta ka gjëra shumë më të rëndësishme, por kjo atmosferë që krijuam sot është shumë e veçantë”.

“Përzierja e potencialit dhe zemrës së lojtarë ishte diçka që se kisha parë kurrë më parë. Për këto lloj ndeshjeje të duhet të kesh besim. Origi dhe Shaqiri nuk kanë luajtur shumë këtë sezon, ishte e rëndësishme që bënë atë lloj paraqitjeje. Kjo tregon se çfarë është e mundur në futboll”.

“Njukasëlli luajti në një lloj mënyrë që në vështirësoi çdo gjë. Patëm shumë momente për shënim, por na u desh të vuanim deri në momentin e fundit. Ishte brilante, ky është futbolli. E meritonim plotësisht”.

“Isha i qetë pasi mendoja se ishe e shkruar që të fitonim. Djemtë po bënin gjithçka ç’ishte e mundur. U treguam agresiv. Nuk jemi skuadra më e mirë në botë. Duhet të punojmë fort tani. Në javën e fundit të sezonit kemi tri ndeshje në gjashtë ditë”.

SALAH – “Kur doktori shkoi ta kontrollonte iu desh të merrte një vendim të shpejtë. Vendosi që duhej të largohej nga fusha. E mori veten shpejt dhe ishte duke e parë ndeshjen nga televizori në dhomat e zhveshjes. Pra ishte mirë, por na duhet të presim. Ka pësuar një tronditje të fortë”.

Tekniku bask ka vlerësuar lojën e skuadrës së dhe ka kujtuar se kualifikimi për në finale mbetet i hapur.

NDESHJA – “Është një rezultat i mirë ndaj një skuadre të fortë. Na u desh të vuanim shumë që të mos pësonim gol. Janë një skuadër e madhe. Kanë mbetur edhe 90 minuta. E dimë çfarë na pret. Vitin e kaluar u eliminuam në çerekfinale pasi kishim një avantazh prej tri golash. Pra kualifikimi për ne finale mbetet krejtësisht i hapur, Liverpuli do të na e bëjë shumë të vështirë”.

MESI – “Leo të befason gjithmonë. Goditja e dënimit ishte nga një largësi e madhe. Unë nuk isha i sigurt nëse do të provonte të gjuante. Nuk e di se si e bën, por në momentet më të vështira ai përherë e tregon veten. Ai ka aftësinë t’i mbajë kundërshtarët në ankth gjatë të gjithë kohës. Është lideri i kësaj skuadre”, tha Valverde.

Trajneri i Liverpulit e cilësoi të jashtëzakonshme mënyrën se si luajti skuadra e tij, megjithatë gjermani e pranon se në këtë sport luhet për të shënuar gola.

“Futbolli i tillë është. Në këtë sport duhet të shënosh gola dhe ata e bënë tri herë këtë gjë, ndërsa ne asnjëherë. Paraqitje e skuadrës ishte e mirë, djemtë bënë një ndeshje të mirë. Më pëlqeu paraqitja, por nuk më pëlqeu rezultati. Në këtë lojë nuk merren nota, e vetmja gjë që vlen është rezultati”.

RASTET E HUMBURA – “Çfarë mund të them. Është e lehtë të flasësh për golat. Mënyrë se si i krijuam ato raste për shënim ishte e jashtëzakonshme. Mënyra se si u hapëm probleme ishte e jashtëzakonshme. Nuk e di a jemi në gjendje të luajmë më mirë se kaq”.

“Ndeshjen tjetër e luajmë nën disavantazhin e tre golave, gjithsesi le të riaftësohemi e të shkojmë të luajmë kundër Njukasëll. Loja ka mbaruar, çfarëdo që të them unë nuk e ndryshon rezultatin. Do të ndeshemi sërish, të shohim ç’do të ndodhë. Ia kemi bërë shumë të vështirë vetes”, përfundoi Klop.

Gjithsesi, Barcelona është një tjetër histori dhe Klop shpreson ta ketë gati sulmuesin e tij kryesor, megjithatë nuk ka preferuar të tregojë nëse Firminjo do të jetë gati kundër katalanasve apo jo:

“Nëse Bobi është 100% gati, atëherë mund të luajë, në të kundërt, nuk bëhet fjalë. Ai është këtu, pjesë e grupit, është stërvitur rregullisht. Nesër kemi sërish një seancë stërvitore dhe aty do të vendos. Kaq!”, tha trajneri gjerman, që nuk preferoi të flasë më shumë për gjendjen e lojtarit të tij.

Në harkun e shtatë minutave futbollisti nga Gjilani shënoi dy gola duke vulosur njëkohësisht fitoren e Liverpulit dhe shkarkimin e Zhoze Murinjos.

Megjithatë, ai moment i përket së shkuarës, ndërsa e tashmja është krejt ndryshe. Shaqiri është kthyer nga lojtari i parëq që futej në fushë nga stoli në një rezervë të minutave të kohës shtesë, madje janë bërë të shpeshta ndeshjet ku nuk aktivizohet përgjatë të gjithë takimit.

Shkurti ishte muaji ku filluan problemet e 27-vjeçarit, ku aktivizua vetëm 2 herë nga stoli edhe pse axhenda e Liverpulit ishte mjaft e ngjeshur.  Mars më pas ishte krejtësisht për t’u harruar, tri herë në stol, por asnjë aktivizim, ndërsa në Prill ka marrë vetëm dy aktivizime nga stoli në katër takime.

https://www.youtube.com/watch?v=mtMgG62w8nA

Ku ka lindur Jyrgen Klop?

Kam lindur në një fshat të vogël të quajtur Glaten në veri të Pyllit të Zi. Kur linda unë qyteti kishte 1200 banorë. Kam kaluar një fëmijëri të mrekullueshme. Rinia ishte disi e mërzitshme, por fëmijëria ishte brilante”.

A është Jyrgen Klop i zemëruar ?

Shumë rrallë. Nuk më ndodh shpesh, megjithëse e di që dukem sikur jam shpesh i zemëruar gjatë ndeshjeve. Nuk më zgjat shumë. Fëtyra ime duket e tillë dhe kjo i ngatërron njerëzit.

Sa gjuhë flet Jyrgen Klop ?

Mund të flas dy gjuhë e gjysmë. Flas rrjedhshëm gjermanisht e anglisht, ndërsa mund të kuptoj frëngjisht ose të bëj biseda të thjeshta, siç kam bërë këtë vit me Nabi Keita, i cili në fillim nuk dinte mirë anglisht. Megjithatë jam shumë i zoti përsa i përket dialekteve gjermane. Do doja të flisja më shumë gjuhë, por nuk kam kohë. Dejan Lovren flet shumë gjuhë. Ai flet rrjedhshëm kroacisht, anglisht, gjermanisht, di dhe pak spanjisht e portugalisht. E shikoj në stërvitje i ndërron gjuhën shpesh në varësi të personit me të cilin po flet.

Cili është ushqimi i preferuar i Jyrgen Klop?

Kesshpecle! Është një gatim lokal në Gjermani, Austri dhe Zvicër. “Kese” në gjermanisht i thonë djathit,  ndërsa Shpecle është një lloj paste e trashë. Mamaja ime e gatuante shumë mirë. Në moshën 19-vjeçare fillova të moj jetoj më me prindërit dhe sa herë rikthehesha mamaja ime  ma përgatiste gjithmonë.

Kush do ta aktor do ta luante Jyrgen Klopin në një film?

Do preferoja Bred Pitin. Është më i pashëm se unë, por në filma gjithmonë zbukurohen njerëzit. Do të doja ta takoja një ditë. Gruaja ime e pëlqen shumë gjithashtu. Gjithsesi shpresoj që mos të ketë kurrë një film.

A luan Jyrgen Klop “Fortnite” ?

Jo kurrë. Nuk më pëlqejnë këto lojëra. Brezi im luante tenis në “atari”. Nuk ishte diçka shumë interesante, nuk e luaje dot për shumë kohë. Djemtë e mi kur ishin të vegjël luanin “Mario Cart”.

A përdor Jyrgen Klop rrjete sociale?

Jo! E di që ka disa llogari nën emrin tim, por ata nuk janë të mijat. Nuk e kam kuptuar kurrë se përse njerëzit postojnë foto të mëngjesit të tyre ose gjëra të tilla. Unë nuk jam i interesuar për jetën private të njerëzëve të tjerë dhe njerëzit s’duhet të interesohen për jetën private time.

Çfarë makine nget Jyrgen Klop?

Opel Insignia me motor nafte. Kam nënshkruar një marrëveshje me Opelin. Është një makinë shumë e lezetshme. Në Angli njihet me emrin “Vauxhall”.

Cili është filmi i preferuar i Jyrgen Klop?

“Forrest Gump” ! Pa asnjë pikë dyshimi. Është histori, është art, nuk e di çfarë të them. Tom Hanks në më të mirën e tij. Mu deshën 10 vite që të mos ta mendoja për të vetëm si Forrest Gump derisa e pashë në një film tjetër. Filma të tjerë të preferuar janë seritë e Rokit. Kur doli për herë të parë “Rocky” në vitet 80-të të gjithë ishim duke menduar për gjëra të mëdha në jetë, por nuk ishin dhe aq të aftë. Më pas doli “Rocky” që ishte një person me aftësi ose fillim të mirë, por më pas gjithçka ecën mirë për të. I dha një brezi të tërë shpresmë pas gjithçka ecën mirë për të. I dha një brezi të tërë shpresë. Pra Forrest Gump është numër 1 më pas “Rocky”, por edhe filma të tjerë aksion si “Bourne Identity” ose seritë e “James Bond”, madje kam takuar njërin prej aktorëve, Daniel Craig, i cili është tifoz i Liverpulit.

Si e ka transformuar Jyrgen Klop Liverpulin?

Njerëzit e kërkojnë këtë në “Google”?! Do doja të shikoja përgjigjet, do ishte interesante (qesh). Nuk e di, erdha këtu dhe gjeta një “gjigant të fjetur”. Gjendja në klub ishte mirë, por jo në më të mirën, diçka normale pasi diçka kishte çuar keq më përpara. Në fillim nuk ndryshova shumë gjëra, mësova shumë mbi klubin në atë periudhë. Më pas ndryshuam hap pas hapi. Ndryshimi më i madh për mendimin tim është atmosfera në qendrën stërvitore, të gjithë e dashurojmë të shkojmë aty. Jemi të gjithë shumë të afërt, dimë gjithçka për njeri-tjetrin. Kjo na bën që të futemi në fushë e të mos luftojmë vetëm për veten tonë, por edhe për familjet tona e tifozët. Kjo është baza. Pjesa tjetër ka të bëjë me futbollin. Të gjithë e dinë që unë nuk jam gjeni. Sa më shumë lojtarë të mirë të marrin, aq futboll më të mirë mund të luajmë. E pëlqejmë shumë situatën ku ndodhemi tani. Asgjë nuk ka mbaruar, jemi në rrugën e duhur dhe kemi shumë përpara vetes.

Kjo gjë u vu re edhe në takimin kundër Arsenalit. Kur Insinje i zëvendësua nga Ançeloti, nuk munguan vërshëllimat ndaj tij. Pas këtyre problemeve, Insinje ka filluar të mendojë seriozisht largimin nga Napoli.

Flitet për një kalim të sulmuesit italian te Liverpuli dhe për këtë gjë, ka folur dhe Jurgen Klop, i cili tha: “Interesim për Insinjen? Nuk do të bëjmë asnjë ofertë. Ai ka një kontratë të gjatë te Napoli dhe është shumë lojtar i shtrenjtë”, u shpreh tekniku gjerman.

Strategu gjerman tha se ndien keqardhje për atë që i ndodhi skuadrës së Mançester Sitit dhe kolegut të tij, Pep Guardiola, me atë vendim të VAR-it për t’i anuluar golin e kualifikimit në sekondat e fundit të sfidës. Në fjalën e tij, Klop tha:

“Nuk e kisha idenë fillimisht se çfarë kishte ndodhur, por ishte e pabesueshme, apo jo? Të gjithë menduan se Siti ia doli dhe u kualifikua, por për pak sekonda, gjithçka u kthye përmbys. Komplimente Totenhemit, por ndjej keqardhje për Mançester Sitin, pasi është një skuadër që nuk e meritonte të largohej në atë mënyrë nga Liga e Kampionëve”.

Në daljen për shtyp për takimin e nesërm, trajneri Jyrgen Klop u pyet në lidhje me humbjen e pësuar në vitin 2014, kur në drejtim të Çelsit ishte Zhoze Murinjo, ndeshja kjo që i dha fund garës për titull në atë sezon.

HUMBJA E 2014-ës – “Nuk është e rëndësishme që të bisedojmë për të shkuarën. Ka kaluar shumë kohë, gjithçka ka ndryshuar. Kemi plot arsye për të qenë optimist para kësaj sfide. Djemtë kanë bërë shumë deri tani. Jemi ende në luftë për titullin dhe kjo është një gjë brilante”.

HAZARD – “Më duhet të hedh në fushë 13 lojtarë kësaj radhe, dhe dy prej tyre do të merren vetëm me Hazardin. Duhet të mos ta lëmë të shkëlqejë. Na duhet të lexojmë lojën, pasimet etj. Në situata një kundër një, nuk mund ta mbrosh atë. Në ditën e tij ai mund të jetë lojtari më i mirë në botë. Ka pasur një karrierë brilante deri më tani dhe s’ka mbaruar ende. Më pëlqen kënaqësia që ka në lojë, shpejtësia forca”, tha Klop.

Sipas teknikut gjerman, ajo është ndeshje më e pafat që ka parë në jetën e tij, pasi PSG u eliminua edhe pse ishte skuadra dominuese ndaj Junajtid në të dyja takimet.

“E di se nuk është aspak e lehtë të fitosh kaq shumë ndeshe në kampionat. Të paktën do të jenë kampion të Francës. PSG-ja u eliminua nga Champions-i në një ndër ndeshjet më të pafata që kam parë në jetën time”.

“Po e shikoja nga televizori dhe po mendoja: Uaau, kjo nuk është mundur, si mund ta humbin këtë ndeshje. Eliminimi ndaj Barcelonës dy vite më parë është ndryshe, pasi në ato përballje PSG-ja ishte skuadra më e mirë vetëm në takimin e parë, ndërsa kësaj here ata dominuan në të dy ndeshjet. Është diçka krejtësisht e rrallë”.

Kontrata aktuale e Hudson-Odoi mbaron në verën e 2020-ës, pra nëse Çelsi dëshiron ta shesë për një shumë të kënaqshme, shansi i vetëm është merkato e verës, që është më pak se tre muaj larg.

Së fundmi krahas Bajernit, mediet angleze po raportojnë se për sulmuesin e ri interesohet dhe Liverpuli. Sipas “Liverpool Echo”, insistimin më të madh për 18-vjeçarin po e bën trajneri Jyrgen Klop, i cili është impresionuar nga paraqitjet e futbollisti me origjinë nga Gana.

“Në pjesën e dytë u treguam shumë të matur. Në të parën duhet të kishim luajtur më shumë futboll. S’duhet të pushosh kurrë. E vetmja mundësi që kishim ishte që të mbanim kontrollin e topit, gjë që nuk e bëmë gjatë pjesës së parë, por në të dytën u treguam brilant. Është me të vërtetë e vështirë të luash këtu ndaj Bajernit.  Jam shumë krenar për atë që bënë djemtë”.

GOLI I MANE – “Goli i parë ishte fantastik. Më duhet ta shoh përsëri rreth 500 herë. Është e jashtëzakonshme se çfarë bëri ai në ato momente. Ja bëmë të vështirë Bajernit dhe tani jemi në çerekfinale, është e mahnitshme”.

#BAYLIV 1-3 FT
Mane goal was brilliant
pic.twitter.com/efxrQ5fCCt

— @Georgebakhos1 (@GeorgeBakhos1) March 13, 2019

VAN DIJK – “Virxhil (Van Dijk) është një rrezik shumë i madh në goditjet standarde.  Me masën dhe fuqinë që kemi, jemi një rrezik masiv. Gjatë lojës nuk krijova përshtypjen sikur ata luajtën më mirë se ne. Ata patën probleme në aspektin  e vetëbesimit dhe më pas ne shënuam dy gola të tjerë”, përfundoi Klop.

Pas ndeshjes, Klop foli për këto episode të dyshimta, si dhe për mbarëvajtjen e ndeshjes. Në fjalën e tij, trajneri gjerman i Liverpulit tha: “Nuk mund ta pengosh portierin ashtu. Gjithsesi, arbitri nuk e pa dhe fat i mirë për ne që e pësuam që në minutat e para.

Kishim mundësi për ta përmbysur ndeshjen dhe djemtë ia dolën. Ishim shumë të qetë gjatë gjithë takimit dhe kjo qetësi na ndihmoi që të arrinim te triumfi. Ata u mbrojtën me shumë dëshirë, por ne krijuam shumë raste dhe besoj se e merituam fitoren. Vijnaldum dhe Lalana bënë një ndeshje perfekte në mesfushë. E dinim që duhet të shënonim sa më shumë gola përballë një Bërnli shumë të organizuar dhe jam i kënaqur që morëm tri pikët”, përfundoi strategu gjerman.

Gjatë pyetjes gazetari dashur pa dashur vuri në pikëpyetje impenjimin e skuadrës në ndeshje, duke thënë se ekipi u duk i kënaqur me barazimin për shkak se nuk rrezikoi duke futur më shumë sulmues në fushë. Kjo pyetje solli një reagim epik të trajnerit gjerman.

“Jam shumë i zhgënjyer nga pyetja juaj, jashtëzakonist shumë. Ne nuk po luajmë PlayStation. Vërtetë mendoni se nuk sulmuam aq sa duhet sot? Ti kujton se nëse fus një sulmues tjetër në fushë, loja do të ndruyshojë. E them përsëri, t’i mendon se futbolli është si në PlayStation, por në të vërtetë nuk është aspak ashtu”.

“Duhet të bësh gjërat e duhuara në momentin e duhur. Ne nuk mund të fillojmë lojën me 4 ose 5 sulmues. Sigurisht ka momente kur duhet të marrësh përsipër risqe, por s’duhet të harrojmë se luajmë në  Premier Ligë dhe mund të ndëshkohesh është e rëndësishme që të mbajmë veten në kontroll. Katër pika ndaj Evertonit dhe Junajtid në dy përballje janë rezultate të mira për mendimin tim. Tani do luajmë ndeshjet e mbetura si ndjekës, dhe për mua kjo gjë nuk është problem”, përfundoi Klop.

Megjithatë, djemtë e Niko Kovaç i kishin marrë masat dhe më një plan të ekzekutuar thuajse në perfeksion arritën të neutralizonin “makinerinë” e Jyrgen Klop . Trajneri i Bajernit foli para mediave në përfundim të takimit për rezultatin e arritur.

“Mendoj se të gjithë bënë një punë shumë të mirë. Ekipi ishte i vendosur mirë taktikisht dhe nuk patëm dobësi si në aspektin fizik dhe në atë psikologjik. Ishim të gjithë të përgatitur për kundërshtarin. Nëse skuadra ka një strukturë të mirë jemi të aftë t’ia bëjmë të vështirë golin edhe një skuadre si Liverpuli. Në këtë stadium të duhet të kesh shumë guxim. E arritëm qëllimin tonë  me barazimin, ndërsa tani duam që qartësojmë gjithçka në Gjermani ”.

“Diferencat në tilla nivele janë shumë të vogla, prandaj na duhet të presim për ndeshjen e dytë. Unë jam personi i fundit që mund të festojë për një barazim pa gola. Na duhet të punojmë fort dhe me përqendrim në ndeshjen tjetër. Nuk mbaj mend shumë klube që kanë shmangur humbje dhe nuk kanë pësuar asnjë gol këtu në “Anfield”. Fakti që ata patën shumë pak raste për shënim tregon që luajtëm shumë nga ana taktike”.

FORMACIONI – “Kisha në mendje ta filloja që nga minuta e parë me Havi Martinez, gjithashtu po mendoja dhe për  Riberinë, pasi në ndeshje të tilla nevojiten personalitete dhe lojtarë më eksperiencë të tillë”.

BUNDESLIGA – “Bundesliga është shumë e rëndëishme për ne, por disa lojtarë motivohen më shumë nga Champions-i dhe shfaqen më mirë në këtë kompeticion. Këtu lojtarët japin gjithçka këtë gjë do të doja ta shikoja dhe në kampionat”, përfundoi Kovaç.

Tekniku gjerman preku pikat ku skuadra e tij gaboi dhe përmendi disa lëvizje taktike qw e surprizuar nga ana Bajernit.

NDESHJA – “Para ndeshje u përfol shumë se do të ishte një ndeshje me shumë gola, por në fund rezultati ishte 0-0 . Nuk është një rezultat i keq, por as një rezultatet ëndrrash. E konsideroj një rezultat të pranueshëm. I hapëm vetes shumë punë duke shpërdoruar disa mundësi të shkëlqyera shumë pranë portës”.

KUNDËRSHTARI –  “Nuk e kamë parë kurrë Gnabrin të ndihmojë mbrojtjen kaq shumë, ndërsa nuk kam parë as Alabën dhe Kimish që të jenë aq të disiplinuar  në mbrojtje, thuajse nuk dolën kurrë në sulm. Bajerni ishte një skuadër shumë e përqendruar dhe na vështirësuan çdo gjë deri në fund”.

PROBLEMET – “U treguam disi pasiv, sidomos në krahët e mbrojtjes. Një gol do ta kishte ndryshuar krejtësisht takimin, jam i sigurt se dhe kundërshtarët mendojnë të njëjtën gjë. Për të dyja skuadrat është një rezultat i pranueshëm. Dëshironim që të merrnim një rezultat që të na mbante në lojë dhe ia arritëm”.

SHANSET PËR SHËNIM – “Patëm shanse për shënim, Mane pati dy raste të shkëlqyera, por nuk i përdorëm siç duhet, por nuk ishim të aftë t’i përdornim. Të dyja skuadrat bënë presion atëherë kur duhej. Mendoj se e bëmë këtë pjesë më mirë se ata, por kjo është diçka  e thjeshtë kur skuadrat tërhiqen aq mbrapa si Bajerni në këtë ndeshje”, përfundoi Klop.

“Sezoni i parë i Guardiolës në Angli ishte shumë i vështirë. Ai kishte një ekip kampionësh me lojtarë si Kompani e Aguero dhe në fund u rendit në vendin e katërt. Megjithatë në atë sezon ai mori disa vendime shumë të rëndësishme, që u mbështetën plotësisht nga drejtuesit e klubit. Për shembull: Ai nuk donte Zabaletën, Sanjan, Kolarovin dhe Klishin. Në një merkato vere ai largoi katër mbrojtës krahu dhe mori katër të tjerë: Uallkër, Danilo, Mendi dhe dikë tjetër.”

“Përsa i përket Klop. Sa prej këtyre lojtarëve ishin te Liverpuli para se Klop të emërohej trajnert. Van Dijk, Robertson, Salah, Mane, Alison. Nëse je një menaxher që ke mundësi të zgjedhësh lojtarët që t’i beson se mund të marrësh lojtarë që mund të ndjekin idetë e tua, atëherë gjithçka ndryshon është shumë e thjeshtë”, përfundoi Portugezi.

Liverpuli mund të zhbllokonte i pari sfidën, por pak ndihmesë nga fati dhe një spastrim në vijë fatale nga Xhon Stons bën që Sita ta mbante rrjetën e paprekur. Përsëritja e “VAR” tregoi se topi ishte vetëm një milimetër pa kaluar vijë fatale.

Në minutën e 40-të, Aguero i dha avantazhin Sitit dhe vazhdon ecurinë fenomanale ndaj Liverpulit, të cilëve i ka shënuar në çdo ndeshje të Premier League, që është zhvilluar në fortesën e Sitit, “Etihad Stadium”.

Liverpuli barazoi në minutën 64-të. Një krosim perfekt i Arnold gjeti mëngjarashin Robertson, i cili shërbeu për Firminon, që iu desh vetëm të shtynte topin, pak metra larg portës së Sitit.  Pas gjashtë minutash, Siti rigjeti përsëri avantazhin me anë të Sanes, i cili mposhti Alison me një të majtë perfekte.

Nëse shfletojmë librat e statistikave duhet të kthehemi pas në nëntor të vitit 2002 për ta parë Liverpulin, po në këto pozita. Asokohe të drejtuar francezi Zherard Hulier, Liverpuli u duk se do rikthehej te titulli kampion.

Por, më pas situata mori një kthesë 180 gradë. Vetëm dy fitore në 16 ndeshje të kampionatit anglez, ecuri kjo që bëri që në fund të sezonit, skuadra ta shikonte veten në vendin e pestë dhe titulli t’i shkonte rivalëve të përjetshëm të Mançester Junajtid.

6 – This will be the first time since 2nd November 2002 that Liverpool will end the day 6+ points clear at the top of the Premier League table. Leaders. pic.twitter.com/IpehKPYISf

— OptaJoe (@OptaJoe) December 26, 2018

Tabela përfundimtare 2002 / 2003

“Kisha talentin e një lojtari të kategorisë së katërt, por trurin e një lojtari të kategorisë së parë, prandaj përfundova  në kategorinë e dytë”, tha Klop me humor, kur u pyet nëse kishte pendesë për faktin që s’kishte provuar kurrë shijen e kampionatit më elitar në Gjermani.

Gjithsesi, Klop ka me së të krenohet kur e kthen kokën pas. Në një takim ka shënuar katër gola. Pjesa dërrmuese e 52 golave që Klop shënoi me Maincin ishin me kokë ose goditje të thjeshta nga brenda zonës së rreptësisë, megjithatë ka dhe gola të veçantë. Në sezonin 1997/1998 Klop shënoi një kryevepër ndaj Mepenit. Një goditje stil “volej” që nuk përfundoi në trekëndëshin e portës së kundërshtarit, mesi këtë gol nuk ka se si ta harrojë.

https://twitter.com/hypergoals/status/1073497860086382592

Video bëri xhiron e botës dhe me siguri do të mbahet mend për vite me radhë. Trajneri i Evertonit, Marko Silva, nuk u ndje i fyer nga festimi i Klop, duke thënë se nëse skuadra e tij do të shënonte golin në të njëjtën situatë, nuk do ishte çudi sikur ai të kishte bërë të njëjtin festim.

Por, federata angleze nuk ka pranuar të bëjë një përjashtim, duke e dënuar trajnerin e Liverpulit për thyerje të kodit të sjelljes, çka do të thotë se Klop do të gjobitet për veprimin e bërë.

Nuk është hera e parë që Klop bën një festim të tillë, pasi gjermani ka dhuruar “show” edhe kur ishte trajneri i Maincit, më shumë se një dekadë më parë. Ish-klubi i 51-vjeçarit e ka përshendetur atë me një video të festimit special.

Jürgen Klopp going wild after a last-minute goal? ?

Been there, done that ?@LFC #MerseysideDerby #YNWA #UpTheMainz pic.twitter.com/hTwDRPTXRt

— Mainz 05 English (@Mainz05en) December 3, 2018

Në konferencën para ndeshjes me Liverpulin, trajnerit i është dashur që të ketë dhe një përkthyese, e cila i fliste në kufje, pasi gazetarët ishin nga vende të ndryshme. Gjithsesi, në një moment të caktuar, trajneri e ka humbur thelbin e pyetjes, pasi ishte fiksuar pas zërit që i fliste në kufje.

Klop nuk nguroi që ta tregonte në atë moment se personi që po fliste kishte një zë shumë erotik. Humor në sallë, por tekniku i PSG-së kërkon që ta përsërisë dhe një herë pyetjen, si për të dëgjuar “zërin erotik”, por dhe për të kuptuar pyetjen që të gjithë e kaluan në planin e dytë.

Klopp et… la voix érotique de la traductrice ? pic.twitter.com/jtSzwzlNkq

— beIN SPORTS (@beinsports_FR) November 28, 2018

Bëhet fjalë për mbrojtësin Xhoel Matip dhe sulmuesin Divok Origi. Të dy lojtarët janë lënë në harresë nga Klop. Mbrojtësi Matip, është aktivizuar vetëm në një ndeshje si titullar, ndërsa situata e sulmuesit belg është shumë më e rëndë, pasi 23-vjeçari ende s’ka debutuar në këtë sezon të Premier Ligës.

Është e qartë se të dy lojtarët nuk janë më pjesë e planeve të “të kuqve” dhe një largim i tyre në merkaton e janarit është diçka mëse e realizueshme. Fenerbahçe kërkon huazimin e të dy lojtarëve, diçka kjo që nuk pëlqehet nga drejtuesit e Liverpulit, pasi ata kërkojnë që të shesin përfundimisht kartonët e të dy lojtarëve.

MUNGESA E SHAQIRIT – “Shumë herë më duhet të marrë vendime për lojtarët që më duhet të grumbulloj dhe futbollistët e mi duhet ta pranojnë këtë gjë. Kam dhënë një deklaratë në sajtin e klubit ku mund të mësoni më shumë në lidhje më ketë çështje. Është e trishtueshme. Politika ka influencë në çdo fushë të jetës. Jemi këtu për të luajtur futboll. Nuk donim një histori jashtë futbollit prandaj morëm këtë vendim”.

KUNDËRSHTARI – “Janë një skuadër e fortë dhe do të jenë akoma më të rrezikshëm, pasi ndeshja do të ketë një atmosferë më të cilën ata janë mësuar. Luajtëm shumë mirë në ndeshjen e parë në “Anfield”. Ne në Liverpul e dimë sa e rëndësishme është atmosfera e një ndeshje”.

NJOHURI TË SERBISHTES ? – “Kam punuar me shumë persona nga ballkani, por fatkeqësisht nga ata kam mësuar vetëm disa fjalë fyese dhe këtu nuk është vendi i përshtatshëm për t’i thënë ata (qesh)”, përfundoi Klop.

“Kemi dëgjuar e lexuar shumë nga spekulimet se çfarë pritje do të kishte Shaqiri në Beograd. Megjithëse nuk e dimë se çfarë do të ndodhë, duam të shkojmë atje duke qenë të fokusuar 100% në aspektin futbollistik, s’duam të mendojmë për gjëra të tjera”

“Duam që të shmangim shpërqendrime në lojë dhe të fokusohemi te futbolli dhe vetëm të futbollit, prandaj Shaqiri nuk është përfshirë në takimin e nesërm dhe ai e ka pranuar këtë vendim tonin. Ai është lojtari ynë dhe do luajë për ne shumë herë në të ardhmen, por jo të martën”, përfundoi Klop.

“Kurir.rs” shprehet se në klub e dinë mirë se Shaqiri do të jetë në qendër të sulmeve të tifozëve vendas dhe ai ka menduar që të mos jetë në këtë ndeshje. Gjithsesi, nuk specifikohet në asnjë moment që kjo është një zgjedhje e trajnerit, i cili ka kërkuar në momentin që ka bërë publike listën mirëkuptimin e lojtarit, duke nënkuptuar që dëshira e gjilanasit ka qenë që të mos mungonte në këtë ndeshje. Në mediat serbe thuhet s ekjo zgjedhje është bërë për të shmangur problemet.

Ka marrë jo pak jehonë mungesa e 27-vjeçarit, pasi pak kohë më parë një prej drejtuesve të Cervena Zvezdës e kishte këshilluar që të mos udhëtonte drejt Marakanasë, për të shmangur pritjen e ashpër që do i bënin tifozët e Yllit të Kuq.

“Detyra parësore e jona është të fitojmë ndeshjet. Këtë sezon kemi luajtur mirë, por njerëzit mbajnë mend vetëm ndeshjet tona më të mirë gjatë fundit të sezonit të shkuar, ndërsa për ndeshjet mesatare s’i mban mend kush. Çdo ndeshje që kemi fituar deri më tani e kemi merituar plotësisht. Mund të bëjmë shumë mirë se kaq dhe do punojmë fort për t’u përmirësuar”.

KUNDËRSHTARI – “Ata janë një skuadër që mbrohen mirë në grup dhe dalin shpejt në kundërsulm. Ata i hapën shumë probleme Napolit edhe PSG-së, megjithëse rezultati ndaj PSG-së ishte tepër i thellë. Duhet të mbrojmë të gjithë kur s’e kemi topin dhe të sulmojmë të gjithë kur e kemi”, përfundoi Klop.

“Në tetë ndeshje kemi grumbulluar 20 pikë. Djemtë fatkeqësisht duhet të ikin të luajnë në “Nations League”, që është kompeticioni më pa sens në botë. Duhet të mendojmë për lojtarët, Henderson ka pasur vetëm dy javë pushim këtë sezon”

“Nëse marr në telefon një trajner kombëtareje dhe i kërkoj të lërë pushim dy ose tre lojtarë të Liverpulit, me shumë gjasa ai do më thotë, e kam vendin e punën në rrezik për shkak të “Nations League”,përfundoi Klop.

Fitorja ndaj Brajtonit i jep përkohësisht kreun ekipit të drejtuar nga Jurgen Klop. Duke filluar nga java e ardhshme, kalendari i Liverpulit fillon të vështirësohet, pasi do i duhet të përballet brenda një muaji me Leisterin, Totenhemin e Çelsin.

Liverpul |1| – 0 Brajton : Salah 23’

Tani është e qartë që Ings nuk është më në planet e Liverpulit dhe ankandi për të është hapur. Në zyrat e Liverpulit pritej të paktën një ofertë në kufijtë e 10 milionë paundëve ose diçka më pak, por çmenduritë financiare të klubeve angleze s’kanë të ndalur. Ings është shumë pranë kalimit te skuadra e Kristal Palas.  Klubi londinez ka ofruar 20 milionë paundë (25 milionë €) për kartonin e lojtarit anglez.

Shifra e ofruar nga Kristal Palas është për të vënë duart në kokë nëse merr parasysh faktin se Ings ka realizuar vetëm tri gola në tri sezonet e fundit të Premier League. Gjithsesi, në kampin e Liverpulit nuk kanë ndërmend ta humbasin këtë mundësi të artë biznesi.

Trajneri i Liverpulit Jurgen Klop njihet si një person me një sens të madh humori, që madje ndonjëherë kalon në një sjellje disi ekscentrike. Çudia e radhës nga tekniku gjerman ka ardhur gjatë intervistës së blerjes më të re të Liverpulit,  portierit Alison Beker.

Gardiani brazilian sapo kishte mbaruar tekstet mjekësore dhe kishte filluar të jepte intervistën e tij të parë për klubin e tij të ri kur papritur shfaqet Klop, i cili deri atë moment nuk kishte arritur ta takonte kurrë më parë portierin e tij të ri. Një prezantim i shkurtër me pak shkëmbime fjalësh dhe me kaq Klop u largua, por dëmi u bë, intervistat nuk mund të vazhdonte nga të qeshurat që kishin mbërthyer të pranishmit.

When your first @LFCTV interview gets interrupted by the boss! ??https://t.co/hWeZgjkbRw pic.twitter.com/86SHqpfa3M

— Liverpool FC (@LFC) July 19, 2018

Transferta e gardianit 25-vjeçar është më shtrenjta në historinë e Liverpulit si dhe rekordi i ri për transferimin e një portieri, duke thyer atë të Bufonit, i cili u transferua 17 vite më parë nga Parma te Juventusi për shifrën e 52 milionë eurove.

Prezantimi zyrtar i Alisonit do të bëhet mbasi ai të kalojë testet mjekësore ditën e nesërme. Fansat e Liverpulit po fillojnë të besojnë gjithnjë e më shumë se pritja e tyre 28-vjeçare për një titull kampion është drejt fundit.

Mesfushori 24-vjeçar ka një rrugë të gjatë drejt rikuperimit dhe këtë gjë e pranon dhe vetë trajneri i Liverpulit, Jurgen Klop, i cili në konferencën e tij të parë për shtyp gjatë fazës përgatitore deklaroi se Çembërlejn nuk do të jetë i gatshëm për shumicën e sezonit të ardhshëm.

Por, gjatë merkatos së verës Klop dhe drejtuesit e Liverpulit i kanë marrë masat që mungesa e anglezit të mos ndihet. Fabinjo dhe Keita janë gati të luftojnë për një vend titullari, ndërsa pritet që së shpejti të finalizohet dhe transferimi i fantazistit të Lionit Nabil Fekir.

Ndërkaq, Okslejd-Çembërlejn pritet të kthehet në fushë në maj 2019.

Nejmar – Nejmar, i cili këtë verë la Barcelonën duke u transferuar për 222 mln euro te PSG-ja, ka thënë se Kutinjo është shumë i mërzitur, duke lënë të kuptohet se mesfushori donte me çdo kusht kalimin në “Camp Nou”. “Jam shumë i lumtur që shënoi një gol (duke iu referuar ndeshjes me Ekuadorin, shënim i redaktorit), sepse ai po kalon një trishtim të madh. Duhet thënë se na ka ndihmuar për fitoren, është një lojtar i madh dhe fizikisht ishte shumë mirë”, – ka deklaruar shoku i tij i ngushtë. Sinjal i qartë, apo jo?

Oferta – Siç është raportuar në medien spanjolle dhe atë angleze, oferta përfundimtare e Barcelonës për Kutinjon ka qenë 160 mln euro, por Liverpuli e ka refuzuar. Skenari më i mundshëm tani mbetet ai i transferimit të tij në verën e ardhshme, diçka që ka ndodhur në rastin e Luis Suarezit më parë.