Në fillimin e këtij edicioni në Kategorinë Superiore, Klodian Duro mori drejtimin e skuadrës së Kamzës, ku në 11 javë kampionat, skuadra nuk u ngjit më shumë se sa zona e mbijetesës në tabelën e renditjes, ndërkohë që në sezonin 2015-2016 drejtoi Kukësin fitues të Kupës dhe vendi i 3-të në renditje. Më parë ai ka qenë futbollist në disa skuadra të elitës në futbollin shqiptar, si dhe në Gjermani, Turqi, Qipro dhe Austri. Në 10 sezone, Klodian Duro ka qenë titullar në Kombëtare me të cilën luajti në 77 ndeshje e shënoi 6 gola.

INTERVISTOI: AGRON KAJA

Në këtë mot të ftohtë dhe pa futboll zyrtar, ju si specialist futbolli si ndjeheni në këtë atmosferë?
-Është një periudhë e zakonshme kjo në muajin janar, e cila ka si fokus kryesor ka përgatitjet dhe merkaton. Por duke qenë se kam një jetë me futbollin, janari edhe për mua është bërë rutinë, për vetë axhendën që ofron. Këtë muaj unë jam në pritje të ofertave dhe besoj se do të sistemohem.

Skuadrat e Superiores i kanë nisur përgatitjet, ndërsa Flamurtari e Luftëtari ende, do të ndikojë kjo në performancën e tyre për gjysmën tjetër të këtij sezoni?
-Çdo ekip e di mirë se çfarë duhet të bëjë në këtë periudhë, gjithmonë i kushtëzuar nga synimet dhe objektivat që ka për sezonin. Mediatikisht kam mësuar se dy skuadra kanë problematikat e tyre dhe sa më shumë i largohen përgatitjeve, aq larg do të jenë me arritjen e synimeve.

Çfarë mundësi afron muaji janar që skuadrat të kenë një fytyrë ndryshe për vazhdimësinë e sezonit?
– Mundësitë janë relative për çdo skuadër, sepse ka disa faktorë që e kushtëzojnë suksesin e kësaj periudhe, që të afron mundësi, por edhe t’i largon, nisur nga vizioni që kanë stafet teknike. Kur drejtoja Kukësin, në merkaton e janarit gjetëm superlojtarë si Emini, Lladrovski e Dvornekoviç, të cilët rezultuan cilësorë.

Si e përshkruani situatën e skuadrave në tërësi, pas mbylljes të fazës së dytë e deri në rifillimin e përgatitjeve?
-Edhe pse ka skuadra që ende nuk kanë folur shumë në përgatitje dhe merkato, unë e shoh një periudhë intensive. Kush skuadër ka buxhet të mirë i bën përgatitjet me kushte e nivel, sikundër janë Partizani e Kukësi që kanë shkuar në Turqi. Të tjerat përgatiten këtu në kushte shqiptare.

Për dy fazat e para të Superiores, cilat mangësi i veçoni si më evidente?
-Mangësi është fakti se asnjë ekip nuk ka bërë diferencën, që nga skuadra e kreut e deri në fund të renditjes. Të gjitha janë afër në nivel dhe mendoj se pikët nuk tregojnë asgjë, sepse siç janë luajtur ndeshjet, skuadra e parë mund të ishte e fundit dhe e fundit mund të ishte e para.

Po dënimet e tifozerive, mendoni se kanë patur ndikim në lojën e skuadrave në dy fazat e para?
-Shkallët e stadiumeve të boshatisura, edhe kjo ka qenë një nga mangësitë më evidente në dy fazat e para të Kategorisë Superiore. Futbolli i do tifozët në stadium, sepse bukuria e kësaj loje është e ndërthurur nga fusha në shkallët e stadiumeve. Duhen parë ndëshkimet kolektive ndaj tyre.

Në gjysmën e dytë të sezonit do të luhen dy faza të Superiores dhe ndeshjet e tureve të Kupës së Shqipërisë, do të kenë varësi nga njera-tjetra?
-Varet nga politika që kanë klubet, asgjë nuk duhet përjashtuar në futboll. Kur drejtoja Kukësin, e kam vlerësuar maksimalisht atë periudhë dhe skuadra doli në vendin e 3-të duke marrë pjesë edhe në Europë në atë sezon. Aleancat kanë ekzistuar edhe kur nuk janë bërë publike.

E krijoni një ide për verdiktet që do të sjellë fundi i sezonit në Superiore dhe në Kupë?
-Unë e mendoj se do të kemi një situatë të papërcaktuar si me thikë, pavarësisht renditjes aktuale. Gjithkush nga 4-5 skuadrat e para mund të dalë kampione, mund të hyjë apo të humbasë Europën, dhe gjithkush nga 4-5 skuadrat e fundit të renditjes mund të rrezikojë mbijetesën.

Pas përvojës të shkurtër te Kamza, jeni në aktivitet me futbollin?
-Pas drejtimit të Kamzës në 11 javë kampionat, unë kisha një ofertë nga Kastrioti, por e ndjej se më duhet një periudhë pushimi. Krutanët i falënderoj për respektin, ndërkohë që pres të hedh hapin e duhur, sepse pas dy eksperiencave me Kukësin e Kamzën, kam ide më të qarta për pankinën.

“Disfata me Skënderbeun? Të humbësh në futboll është normale, janë tre rezultate brenda. Me Skënderbeun dhamë maksimumin, patëm më shumë raste. Ata i shënuan të tyret. Pas ndeshjes folëm dhe i dhamë kurajo njëri-tjetri”.

“Kartoni i verdhë? Nuk më është kërkuar të marr të verdhë, thjesht bëra lojën time. U ruajtja të mos bëj ndonjë faull të rrezikshëm. U ruajtja të mos marr të verdhë në fakt. Ndoshta ishte menduar, që ta merrja sot e të mungoja me Krujën. Por dhe me ta është ndeshje e vështirë, të gjitha ekipet kanë pasur probleme me të.

“Favorizim nga arbitri? Me gjithë respektin që kam për profesor Klodin, por nuk e di ku i ka pa 14 lojtarët tanë. Vetëm një faull i Roloviç ishte, por ishte 40 metra larg. Me Esatin mund të ishte penallti nuk u dha, kurse me Sebinon në Kamzë u dha. Nuk mendoj se u favorizuam sot”.

NDESHJA – “Pikët realisht me këtë lojë që zhvilluam duhet t’i kishim marrë. Futbolli i tillë është dhe duhet të pranojmë atë që na jep fusha. Më vjen keq për klubin, futbollistët, për të gjithë. Më vjen keq se japim gjithçka, por na mungon goli, nuk e gjetëm sot më saktë, me gjithë ato raste që patëm. Realisht më vjen keq, pasi ndëshkohemi nga një gol shumë i lehtë në fillimin e lojës. Fitojmë një 11-metërsh dhe aty duhet të kishim barazuar. I tillë është futbolli, nëse nuk shënon, gjithçka rëndohet. Në pjesën e dytë dhamë gjithçka nga vetja, për aq sa ne punojmë në fushën e lojës. Mungesa e golit na solli tek kjo humbje e pamerituar, por futbolli këtë verdikt na dha dhe sot.”

MOMENTI KRITIK – “Unë gjithnjë mundohem të jem me këmbë në tokë. Ishte ndeshja e fundit e fazës së parë. Kemi dhe tre faza të tjera për të luajtur. Ekipi mundohet të japë në fushën e lojës atë çfarë punojmë gjatë javës, jam shumë besimplotë se në pjesën e mbetur të kampionatit do të jemi më të përqendruar për të marrë rezultate dhe për të qenë sa më cinikë. Ndihem keq nga kjo situatë, por nuk jam dorëzuar kurrë dhe nuk do të dorëzohem kurrë.”

OBJEKTIVI – “Do ta sigurojmë Superioren shumë shpejt, por me një kampionat me 10 ekipe gjithçka mund të ndodhë, çka është dëshmuar në sezonet e mëparshme. Luftëtari shkoi në Kupat e Europës, nga ëndrrat vijnë realitetet. Unë e di si shkohet në Europë. Kemi kaluar vetëm fazën e parë. Duhet të jemi cinikë dhe më konkret nga ndeshja me Tiranën dhe në vazhdim. Duhet të korrigjojmë në prapavijë. Dua të komplimenoj dhe Skënderbeun. Kishim një ekip të fortë dhe dua të komplimentoj edhe trajnerin Shehi. Në futboll vetëm loja e mirë të çon në rezultatet në vazhdimësi. Pikat e dobëta i kam të qarta, ne pësojmë shumë lehtë. ishte kohë e pranueshme për të pasur gjithçka të qartë. Në tre fazat e tjera do të shohim një Kamzë tjetër.

”

PLAKU – “Sebino ka pasur disa probleme të vogla fizike në kavilje. Që nga ndeshjen me Laçin tentoi të luante por nuk ia doli. Në Gjirokastër nuk luajti fare. U përgatit për t’u rikthyer i plotë.”

“Pikë çlirimi? Është një pikë që na jep pak besim, sepse deri tani na ka munguar vetëm rezultati. Bëmë shumë ndryshime taktike gjatë ndeshjes, nuk ishte e lehtë, por ndaj një rivali që kërkon Europën pamë që diferencat nuk ekzistojnë.

“Dëmtimi i Idrizajt na prishi punë, bëmë ndërrim dhe Zisi bëri sa mundi, është lojtar me të ardhme. Luan për herë të parë në Superiore. Ndërrimi na prishi rrjedhën logjike të lojës, por Orelesi nuk bëri gabime, përveç golit të barazimit ku Batha u tregua më i shpejtë. Bëmë gjithçka për ta marrë këtë pikë qetësie dhe mendoj se futbolli do të na kthejë pas më shumë në të ardhmen”.

Flamurtari do të jetë mysafir në Kamzë dhe fitorja është i vetmi objektiv për skuadrën periferike të kryeqytetit. Ndërkohë stafi teknik i ka sytë nga infermieria, pasi në ndeshjen e fundit me Luftëtarin munguan disa lojtarë të rëndësishëm.

Me interes pritet të mësohet gjendja e kapitenit Sebino Plaku, i cili u pati probleme kundër Laçi dhe mungoi në Gjirokastër. Gjithashtu edhe Orjad Beqiri prej javësh është i dëmtuar. Në listë u shtua edhe Anxhelo Mumajesi, kurse Ognjen Roloviç ka pasur probleme shëndetësore dhe nuk ishte nën urdhrat e Duros.

Shpresohet që të paktën Plaku dhe malazezi i sulmit të jetë gati, pasi janë dy lojtarë të rëndësishëm të formacionit. Takimi me Flamurtarin luhet të dielën prej orës 13:45 dhe mund të jetë vendimtare edhe për të ardhmen e trajnerit Duro, që deri më tani në krye të Kamzës ka marrë vetëm një fitore kundër Kastriotit.

HUMBJA – “Sigurisht nuk ndihem mirë, kemi stabilitet në lojë, por në një moment e pëson, ose shënon. Këtë herë e pësuam ne. Ata fituan me meritë, nuk na vodhën gjë. Duhet të shohim përpara. Kemi bërë mirë në lojë, por nuk na përgjigjen rezultatet. Nuk duhet të dorëzohemi, të vazhdojmë duke punuar dhe duke mbajtur kokën lart.”

MUNGESA E SULMUESVE – “Do vazhdojmë në këtë rrugë, kush stërvitet në maksimum do të luajë. Prandaj jam trajner, të bëj zgjedhjet e  mia. Jam i kënaqur që në pjesën më të madhe të lojës, lojtarët dhanë atë që desha. Kur ata të jenë 100% në stërvitje, do të luajnë edhe në ndeshje. Ne do forcohemi dhe kjo situatë do na kthehet në forcë.”

BESIMI I DREJTUESVE – “Besoj se e njoh mirë Shqipërinë dhe jam koherent. Që në fillim m’u kërkua të bëj një ekip të plotë dhe më pas të vijnë rezultatet. Nuk më vjen mirë për to, por edhe jam i pari të marr çdo përgjegjësi. Jam me kokën lart dhe nuk kam frikë nga futbolli. Jam rrahur me situata të tilla, që të forcojnë.”

TRE HUMBJE RRESHT – “Nuk kemi fituar ndeshjet e fundit, por janë të njëjtat lëvizje. E nisim me 4-4-2 me romb në mesfushë, por pastaj ndryshojmë shumë skema dhe lojtarë. Jam i kënaqur që ata futen në këto mekanizma. Na mungon vetëm finalizimi. Futa 17-vjeçarin Krasniqi, por edhe Fejzajn që i zbaton detyrat në stërvitje. Normalisht ndeshja është tjetër. Komplimentoj Mezanin, i cili ndodhej në të njëjtën situatë si unë.”

Nuk jemi nën presion. Kemi punuar për të rregulluar disa mangësi që kemi shfaqur. Jam i qetë dhe plot besim, sepse kemi luajtur mirë. Nisemi për të korrigjuar atë që na ka munguar në ndeshjet e fundit, mungesën e golit, që bën diferencën në futboll. Nuk është e lehtë, gjetja e golit është pjesa më e vështirë në futboll. Klubet e mëdha paguajnë miliona për të gjetur sulmues goli. Fitorja është pjesa më e vështirë e futbollit, por jam i qetë, sepse po krijojmë shumë raste dhe po luajmë me logjikë”.

Duro më tej e pranon se do kishte dashur të ishte në krye të skuadrës që në fillim, por tregon se Kamza i kish pëlqyer që në fillim, ndaj nuk e sheh si problem faktin që nuk e ka ndërtuar ai si skuadër. Më tej ai flet për objektivin ndaj Luftëtarit.

“Dua futboll ofensiv, që të prodhojë lojë dhe kjo e fundit çon te rezultati pozitiv. Ekipi më jep bindje se mund t’ia dalë mbanë, edhe pse gjithçka mund të ndodhë, si me Laçin, edhe pse logjikisht luajtëm më mirë dhe duhej të fitonim shumë lehtësisht. Kamza në çdo ndeshje luan vetëm për fitore”.

I pyetur nëse rrezikon në rast humbje, Duro thotë: “E ardhmja ime do të jetë siç e shihni aktualisht. Do të punojmë akoma më shumë, për të përmirësuar shënjestrën dhe për të marrë pikë”.

FORMACIONI – “Shoh gjatë gjithë javës kush stërvitet më mirë dhe kush është më i uritur. Bazuar në këto, do të vendos edhe për formacionin e nesërm. Më vjen keq për futbollistët, sepse po japin gjithçka në fushë. Vetë jam i qetë, nuk kam asnjë presion nga klubi. Më mbështetin në çdo veprim dhe kjo është gjëja më e mirë për një trajner. E di mirë ku po çalojmë, po punojmë për ta korrigjuar pikën tonë të dobët”.

“Devolli iku pas dy humbjeve, a keni presion? Nuk fshihem pas gishtit, nuk kam frikë nga asgjë. Kur kam marrë përsipër drejtimin e Kamzës e di mirë sa është ‘krevati’ i Kamzës dhe sa na duhet ‘jorgani’. Do të eci përpara me filozofinë time të futbollit, të një futbolli kreativ dhe sulmues, që të çon te rezultatet. Nuk do ndryshoj asgjë në aspektin e lojës, por do të ndryshojmë ‘urinë’ për të finalizuar rastet tona”.

STRATEGJITË E KUNDËSHTARËVE – “Më bëhet qejfi nëse kundërshtarët na studiojnë, do të thotë që rrinë ditë e natë duke menduar për ne dhe kjo do të thotë që jemi në rrugën e duhur, sepse kundërshtarët e kanë mendjen te ne. Po ju nuk bëni të njëjtën gjë? Nuk më intereson çfarë kundërshtari kam përballë, më intereson vetëm puna e ekipit tim”.

I pyetur se kush është më shumë në presion, Kamza apo Luftëtari, Duro shprehet: “Çdo ekip bën llogaritë e veta. Unë bëj llogaritë e ekipit tim dhe dua të vazhdojmë të luajmë si deri tani, duke dëshiruar që të kthehemi sa më shpejt te fitorja. Nuk i druhem betejës, sepse jam mësuar me beteja edhe më të vështira, ndaj llogaritë bëhen në fund. Jam i bindur që shumë shpejt do të ngjitemi ndjeshëm në renditje”.

Humbja – “Ishim brenda zonës disa herë, goditëm portën e Laçit, humbëm një rast flagrant me Martinenën, por në futboll gjithçka ndodh. Provuam dhe në pjesën e dytë, por u ndëshkuam. Nuk dua t’ia lë fatit, por do të vazhdojmë së bashku për të dalë nga kjo situatë. Unë jam plot besim, ashtu është dhe ekipi, sepse dhamë gjithçka për të fituar.”

Lojë e bukur apo pragmatizëm? – “E drejtë, gjatë javës ndodhin shumë gjëra, por ne i mbajmë brenda dhomave. Unë shoh anën pozitive në fund dhe bëj formacionin. Unë e shoh jetën përpara me kokën lart. Jam i kënaqur me lojën, por jo me rezultatin. Futbollistët duhet të jenë më të uritur për të gjetur golin.Stili im i lojës bazohet në një mbrojtje të sigurtë, mesfushë e zhdërvjellët dhe efikasitet përpara. Na kanë munguar golat e sulmuesve, por me punë dhe përkushtim do të gjejmë golin. Preferoj të luaj në sulm për të marrë tre pikët, sesa të luftoj për një pikë, që të lë mbrapa në këtë kampionat të fortë.”

Skema 4-3-1-2 zgjedhje e juaj? – “Sigurisht, unë përshtatem me futbollistët, por duke besuar te bindja ime për futbollin. Skema na jep kontrollin e topit dhe na bën më të fortë në mesfushë. Kemi qenë zotër të fushës në të gjitha ndeshjet q?7 kemi zhvilluar. Do të punojmë për të shkuar me lehtësi te goli, nuk na mungojnë emrat, por ndodh që sulmuesit të kenë një moment jo dhe këtu do të punojmë më tepër.”

“Nuk do ndryshoj asgjë, thjesht do vazhdojmë lojën tonë, të përqendruar dhe të impenjuar maksimalisht për të kaluar ndeshjen e radhës. Jemi përgatitur dhe i qetë e i sigurt që do e kalojmë me sukses ndeshjen e nesërme”.

BINDJA PËR FITORE – “Bazohem te futbollistët që kam në dispozicion dhe te puna e përditshme. Ndaj jam i qetë, sepse kemi treguar që Kamza di të luajë futboll të bukur dhe fitues. Kështu do të jetë edhe ndaj Laçit”.

RIVALI – “Për kundërshtarin kam shumë respekt, pavarësisht kush është përballë. Por më intereson vetëm që ekipi im të jetë në 100%. Do të jetë një ndeshje e bukur, ku do dalim ne fitues”.

GRUPI – “Po, kemi qenë gjithnjë të plotë dhe do jemi të plotë, deri në ndeshjen e fundit të dy fazave të para.  Kjo sepse mënyra jonë e stërvitjes dhe përjetimit të ndeshjes bën që lojtarët të jenë maksimalisht të përqendruar dhe dëmtimet janë shumë të vogla”.

TENSIONI ME LAÇIN – “Kemi respekt maksimal për Laçin, por ne shohim punën tonë dhe mendoj se kemi kapacitetet për të kaluar Laçin dhe rivalët pasues”.

KAMZA E DUROS – “E kam ndjekur ekipin edhe para se ta merrja drejtimin dhe më ka pëlqyer përbërja e ekipit. Jam i kënaqur me ekipin që kam, sepse lojtarët kanë arritur aty ku unë mendoj dhe në fushë kemi treguar se dimë të luajmë si të barabartë, me çdo rival. Këtë e treguam edhe në ndeshjen e fundit, duke qenë të barabartë, apo ndoshta edhe më mirë se kundërshtari, edhe pse në futboll që të mos fitosh. Jam i lumtur me këtë grup futbollistësh”.

PLAKU – “Sebino nuk ka nevojë për ndihmë, është një futbollist i kompletuar dhe jam shumë i lumtur që e kam në krah. Është kapiteni dhe lideri ynë, është vetëm java e pestë dhe ka shënuar që në start, duke treguar se është i njëjti Sebino që ishte vjet. Kanë shënuar lojtarë të tjerë në ndeshjet e fundit, Plaku ka shërbyer për shokët, edhe pse natyrisht do ishte i lumtur po të shënonte më shumë. Nuk kam asnjë problem me mungesën e golit, jam i bindur që shumë shpejt do kthehet te goli dhe do e udhëheqë ekipin nga fitorja në fitore”.

ZISI – “Jo vetëm Zisi, por çdo futbollist është në dispozicion. Dalëngadalë do të hyjë në mekanizmat e ekipit dhe si çdo lojtar do të ketë hapësirë, ndërsa lojtarët kanë për detyrë të fitojnë vendin në formacion. Shumë shpejt do t’u jepet mundësi gjithë lojtarëve që të tregojnë veten”.

Pavarësisht se drejton Kamzën, Duro nuk tregon aspak përulësi. Ai haptazi do ta mundë Kukësin, madje edhe e karikon kundërshtarin, teksa shprehet se nëse ata duan titullin, ata gjithë javën dëgjojnë muzikën e Champions. Në fushë vendoset gjithçka.

NOSTALGJIA – “Ka edhe të tilla ndeshje në futbollin profesionist. Kam respekt maksimal për Kukësin dhe gjithë kuksianet. Ruaj vetëm kujtime pozitive, pasi kaluam një periudhë mjaft të mirë. Në pak kohë realizuam shumë gjëra të mëdha: seri të mirë lojërash dhe duke fituar edhe trofe, që është gjëja më e rëndësishme në futboll. Tani jam i Kamzës dhe mendoj vetëm për këtë ekip”.

HAKMARRJE – “E shoh si një ndeshje futbolli. Nuk ka asnjë hapësirë për hakmarrje me askënd. Jam i përqendruar maksimalisht te një ndeshje shumë e rëndësishme për ne, me synim të vijojmë rrugën e nisur”.

OBJEKTIVI – “Synimi është fitorja, duam të ecim në këtë rrugë. Çdo ndeshje ka veçoritë e veta, ndaj Kastriotit u treguam më të uritur dhe më të saktë. Tani shohim nga ndeshja në Kukës, që vlen tre pikë, sikurse ndeshja e shkuar”.

GOLAT E SULMUESVE MUNGOJNË – “Jam shumë i kënaqur nga të gjithë. Kemi bërë më të mirën në dy ndeshjet e fundit, do kenë mundësinë të shënojnë të gjithë. Shënoi edhe Teqja në kupë. Me Kastriotin Roloviç shënoi, sikurse edhe Fukui. Plaku dha asist, kurse Martinena u shfaq shpesh para porte. Jam i kënaqur nga të gjithë, jo vetëm nga sulmi. Do të jem edhe më i kënaqur nëse shënojnë edhe sulmuesit e tjerë”.

KUKËSI BAROMETËR – “E kam marrë Kamzën në kampionat e sipër dhe nuk e kam ndërtuar unë. Gjithsesi e mora drejtimin me bindjen se kjo skuadër mund të bëjë mirë në kampionat. Kukësi pretendon për titull, por nuk mendoj se jemi më poshtë. Nëse ata shohin titullin, ne në dhomën e zhveshjes kemi pasur gjatë gjithë javës muzikën e Champions League. Nuk ka bën përshtypje kundërshtari. Shohim vetëm punën tonë dhe duam të japim më të mirën për të treguar në fushë atë që bëjmë në stërvitje”.

NDREU  – “Është një përforcim i orëve të fundit, i cili e njeh mirë Kamzën, por kjo nuk më tremb dhe as më bën përshtypje. Më intereson vetëm ekipi im. Jam shumë i qetë dhe i sigurt se do të ecim në rrugën e fitoreve”.

Më tej ai shtoi:“ Kemi punuar çdo ditë dhe lojtarët janë impenjuar shumë. Dëshira ka qenë e madhe. Futbollistët dhanë gjithçka dhe dua t’i falënderoj. Unë mund të vijoj shumë taktika, por ata janë interpretuesit dhe sot bënë një ndeshje të mirë dhe morën 3 pikët”.

SITUATA – “Gjeta një ekip të organizuar, si tek drejtuesit dhe lojtarët. Gjeta futbollistët e duhur për të shprehur idetë që kam për futbollin. Jemi rritur që nga dita e parë dhe deri më sot. Jo se vjen Duro dhe do fitojmë, por duhet të punojmë në stërvitje dhe të shprehemi në fushën e lojës. Hodhëm hapin e parë dhe tani shohim për hapin e dytë dhe më radhë”.

“Unë e thash që nuk është e lehtë të ndërtosh një mënyrë loje. Kërkohet qetësi dhe impenjim. Jam i lumtur që drejtoj këtë skuadër dhe deri në janar do të jemi kështu. Në janar nuk mendoj se do të ndërhyjmë dhe të rregullojmë shumë gjëra, por ndoshta mund të ndërhymë nëse do të kemi nevojë. Sot do të shijojmë këtë fitore me lojtarët dhe do të shohim tek ndeshjet e ardhshme. Kam përshtypjen se do të bëjmë gjëra të bukura këtë edicion”.

SULMI– “Është luks për mua dhe Kamzën që të kemi një kapiten si Plaku dhe një sulmues si Martinena, pasi është diçka shumë e mirë. Është lojtar i huaj, por i gatshëm që të luaj nga fillimi. Ata plotësojnë njëri-tjetrin. Martinena kishte mundësinë për të shënuar, por them se në ndeshjet e ardhshme do ta gjejë golin. Nga ndeshja në ndeshje sulmuesit do të shënojnë. Nuk mjafton vetëm vendosja e mirë, por duhet të shënojmë”.

“Unë jam mësuar kudo që kam luajtur dhe si trajner te Kukësi jam mësuar të fitoj. Kjo do jetë dhe rruga jonë. Nuk di një mënyrë tjetër loje dhe e përgatis ekipin vetëm për fitore. Për të fituar është e vështirë, por ne na pëlqen vështirësia dhe do vazhdojmë në këtë rrugë. Plorit dhe Kastrioti i uroj një kampionat të mbarë, pasi sot dhanë gjithçka për t’u kthyer në kampionat”.

“Si fillim do doja të falënderoja presidentin për besimin. Të trija ndeshjet e para me Tiranën, Partizanin dhe Teutën i kam ndjekur. Jam i kënaqur me atë që Kamza ka dhënë, pavarësisht se dy ndeshjet e fundit kanë lënë shenjë”.

“Nuk e kisha të vështirë për të marrë përsipër drejtimin e Kamzës. Kamza është një ekip i plotë, është një ekip i ndërruar shumë mirë në të gjitha aspektet. ekipi ka pasur stabilitet edhe në lojë, por edhe po të shikojmë rezultatet, nuk është se ka çeduar shumë. Humbjet kanë qenë minimale. E thashë, nuk është fundi i botës të humbësh me Partizanin dhe Teutën. Ambiciet e Kamzës janë për më lart. Duhet të jemi të zgjuar që në fillim, pasi më pas gjërat bëhen më të vështira, sikurse ndodhi edhe vjet, kur Kamza e siguroi mbijetesën vetëm në ndeshjen e fundit”.

“Superiorja është e fortë dhe në një moment kur e ndjen veten të sigurt mund të përfundosh në vendet e fundit të tabelës. Kamza e ka bazën të shëndoshë. Por ka punë për të bërë për të qenë të qetë dhe për të bërë lojëra të mira dhe për të marrë rezultate të mira”.

“Nuk ndihem mirë kur një trajner largohet që në javën e tretë. Sa më shpejt të bësh pikët dhe rezultatet, bëhet më e lehtë. Nis një detyrë e re dhe jam optimist. Kam besim se me të gjithë komponentët mund të afrohemi afër maksimumit”.

“Çdo trajner ka idetë e veta, idetë e mia janë për një futboll me logjikë, me zotërim topin dhe konkretizim golash. Hap pas hapi, duke i marrë gjërat një nga një do vijë me logjikë gjithçka”.

“Nëse nuk do isha i sigurt, nuk është se do mendohesha kaq shpejt. Kisha një panoramë të Kamzës, më pëlqejnë sfidat dhe e mora përsipër. Pas eksperiencës me Kukësin, jam akoma më i motivuar tani. Ndjek gjithë kohën çfarë ndodh në futbollin tonë. Kam synimet e mia për të lënë shenjë edhe në drejtim. jam i motivuar, pasi çdo pushim të jep energji pozitive”.

“Kemi kohë të mjaftueshme për ndeshjen e radhës. Duke futur edhe ndeshje e kupës mjafton. Ekipi është ndërtuar dhe ka bërë lojëra të mira. Do punoj të fus idetë e mia. Lojtarët kanë eksperiencën për t’i thithur shumë shpejt dhe për t’i aplikuar në fushën e lojës”.

“Nuk na pengon njeri të ëndërrojmë dhe unë i kam qejf ëndrrat. Por më shumë më pëlqen t’i realizoj. Hap pas hapi do shohim. Dyert për në Europa janë të hapura për të gjithë, aq më tepër që flitet se Kukësi është pretendent për titull dhe ka vetëm një pikë më shumë se Kamza. kështu që i bie që të jemi të dytët. Kur nuk kemi luajtur me ta, i bie që i kemi mundësitë t’i kalojmë”.

“Klubi bën të ditur akordin me trajnerin Klodian Duro. Prezantimi zyrtar do të zhvillohet nesër (e mërkurë) ora 17:00 në ambientet e klubit. KF Kamza”, njofton klubi periferik i kryeqytetit.

Kamza mbeti pa trajneri pas humbjes së pësuar me Teutën. Dy humbjet me Partizanin dhe durrsakët nuk u pritën mirë nga presidenti Naim Qarri, i cili ditën e djeshme është munduar të gjejë një zgjidhje për pankinën. Pati bisedime edhe me Gentian Mezanin, me të cilin nuk u gjet marrëveshja.

https://www.facebook.com/KamzaOfficalPage/photos/a.543695739131805/1097553983745975/?type=3&theater