Gjura shfaqet si goleador, por Entela e Adorjan i ngrin buzëqeshjen

Sport Ekspres — Sun, 18 Nov 2018 18:14:35 +0000

Kleto Gjura, qendërmbrojtësi i kombëatres U19, ka qenë protagonist ditën e sotme me skuadrën e tij në Itali. Shtatlarti ka gjetur rrugën e rrjetës me fanellën e Alesandria, por në fund ekipi i tij ka dalë i mposhtur në transfertën ndaj Virtus Entela.

Gjura, në minutën e 35-të të takimit ka arritur të shënojë golin e parë të ndeshjes dhe të avantazhit për Alesandrian. Pjesa e parë u mbyll me rezultatin 0-1, ndërkohë që në fragmentin e dytë të lojës Virtus Entela arriti të shënojë tre herë të tjera.

Zgjidhja erdhi nga stoli, teksa Katurona arriti të shënojë dy herë në portën e Alesandrias. Në minutën e 69-të në fushë zbriti edhe Kristian Adorjan, hungarezi që verën e shkuar u transferua në Superiore dhe provoi të luante me fanellën e Partizanit.

Një tjetër talent kuqezi nënshkruan në Itali

Sport Ekspres — Sat, 30 Jun 2018 10:25:55 +0000

Vitet e fundit trajnerët e kombëtareve të moshave po vëzhgojnë për lojtarë të talentuar në Itali dhe janë disa ata që kanë veshur fanellën e Shqipërisë. Një ndër ta është edhe Kleto Gjura, mbrojtësi që është pjesë e të rinjve kuqezi që drejtohen nga Erjon Bogdani.

Futbollisti 19-vjeçar ka luajtur në tre takime me Shqipërinë U19, ndërkohë që së fundmi ai ka nënshkruar një kontratë me skuadrën e Aleksandria, që garon në Serinë C. Gjura debutoi vjet me këtë ekip dhe realizoi edhe gol, pavarësisht se luan si mbrojtës.

Gjura ka nënshkruar një kontratë 2-vjeçare me opsion rinovimi edhe për një sezon tjetër. Tanimë objektivi i mbrojtësit është që të mund të ketë më shumë minuta këtë sezon dhe më pas t’i ngjitë shkallët e karrierës njëra pas tjetrës. Koha është e tij, tani i duhet të punojë e të rritet.