Paraqitja në turne ka zhgënjyer drejtuesit e qeverisë kamerunase që prisnin një përfaqësim më dinjitoz, sidomos për faktin se Kameruni mbante statusin  e kampionët në fuqi të turneut. Në një intervistë për mediet vendase, ministri i sportit të Kamerunit, Narsis Muele, deklaroi se Sedorf nuk shikohet më si njeriu i duhur për punën, duke vënë gishtin te performanca zhgënjyese e kombëtares gjatë muajve të fundit.

Një ndër arsyet që çuan në këtë fund të parakohshëm të bashkëpunimit ka qenë dhe kërkesat financiare të larta të holandezit, i cili ishte trajneri më i paguar në Afrikë me një pagë që i kalonte 700 mijë dollarë në vit.

Dy vite më parë Sedorf u përfol si një ndër kandidatët e mundshëm për stolin e kombëtares shqiptare, por kërkesat e larta financiare të holandezët u bënë pengesë për këtë lëvizje.

Largimi i Kristiano Ronaldos ka lënë gjurmë te fituesit e Ligës së Kampioneve sezonin e shkuar dhe për Sedorf duhet kohë që të zëvendësohet portugezi. “Te Reali kanë nevojë të gjejnë ekuilibrin pas largimit të Kristiano Ronaldos. Nuk besoj se kanë shumë për të ndryshuar, por nuk është aq e lehtë pas largimit të një lojtari si ai”, shprehet ish-mesfushori për “Cadena Ser”.

Gjithsesi ai thekson se duhet që reali të shohë përpara, pasi nuk kemi të bëjmë një sezon katastrofë: “Duhet parë nga e ardhmja, pasi Reali ende është një ekip i madh. Janë të tretët në kampionat, jo të shtatët. Nuk mund të flasim një sezon katastrofë, duke llogaritur të gjitha vështirësitë aktuale”.

Tashmë drejton Kamerunin, por 42-vjeçari ka drejtuar dhe kuqezinjtë e Milanos nga 16 janari i vitit 2014 deri në 9 qershor të po atij viti. Nuk është se nuk kishte sukses, por drejtuesit e klubit vendosën të zgjidhnin një tjetër trajner në sezonin pasardhës.

Sedorf ka folur për “Pressing”, duke iu rikthyer dhe njëherë eksperiencës si trajner i “Djallit”, ndërsa flet dhe për karrierën e tij si futbollist dhe disfatën më të dhimbshme. Nuk është ajo kundër Liverpulit në “tragjedinë” e vitit 2005, por një tjetër surprizë e madhe e ndodhur një vit më parë. Milani eliminohej në mënyrë të papritur në çerekfinalet e Championsit: kishte fituar ndeshjen e parë në “San Siro” përballë Deportivos 4-1 dhe humbiste në Spanjë me rezultatin 4-0!

TRAJNERI – “Milani ndodhej në vështirësi dhe shkova për ta ndihmuar. Jam ndjerë shumë vetëm atë periudhë, megjithatë arritëm të krijonim një grup të bashkuar dhe arritëm numra të rëndësishëm: zhvilluam një lojë të pranueshme dhe grumbulluam 35 pikë në 19 ndeshje. Isha gati të nisja sezonin e ri, por drejtuesit morën një tjetër vendim. Do kisha dashur të kisha fatin e Inzagit, i cili vazhdon të humbasë dhe qëndron në pankinë.”

KARRIERA – “Jam shumë i kënaqur me karrierën time. Nuk e kam fituar ‘Topin e Artë’, por kam luajtur me shumë kampionë, të cilët nuk e kanë fituar. Jam shpërblyer në mënyrë të rëndësishme me fitoret me klubet ku kam luajtur. Për shkak të zgjedhjeve taktike nuk kam luajtur shumë si një numër 10, kam luajtur shumë në mesfushë dhe kjo gjë më ka hequr pak nga protagonizmi. Pengu? Eliminimi nga Deportivo La Korunja në Champions në vitin 2004. Ishte e vështirë të pranohej ajo humbje: atë vit mund të fitonim tripletën.”

Në një prononcim nga Montekarlo, ku ndodhet për të marrë pjesë në “Golden Foot 2018”, Sedorf ka lëshuar fjalë pozitive dhe mbështet Rino Gatuzon. Klubi ka ndryshuar për mirë dhe te Milani është rikthyer qetësia.

“Mendoj se Gatuzo po bën një punë të shkëlqyer, ndërsa klubi është i qëndrueshëm. Ti japësh Rinos mundësinë për të ndërtuar diçka, ishte një gjë e pamundur deri para pak kohësh. Kishte turbulenca në klub dhe ishte e vështire të punoje me qetësi. Duke e njohur mirë Rinon, e di që rruga që ka marrë është e duhura, duhet të përmirësojë diçka, por kjo është normale. Po bën një punë shumë të mirë dhe duhet të vazhdojë të bëjë atë që beson”, përfundon trajneri i Kamerunit.