Klajvert

Akademia në krizë, Barça emëron drejtor ish-sulmuesin e njohur

Sport Ekspres — Tue, 23 Jul 2019 07:52:10 +0000

Barcelona vazhdon të ruajë traditën, duke i besuar poste drejtuese të rëndësishme ish-futbollistëve që kanë lënë shenjë me fanellën “blaugrana”. Erik Abidal është emëruar prej një viti si sekretar teknik i klubit dhe luan një rol të rëndësishëm në çdo transfertë, ndërsa Viktor Valdez u emërua pak ditë më parë trajneri i ekipit U19.

Së shpejti një tjetër emër i njohur do t’i bashkohet strukturave të kampionëve të Spanjës. Bëhet fjalë për holandezin Patrik Klajvert. Ish-sulmuesi i Barcelonës në vitet 1998 – 2004, do rikthehet në klubin katalanas në rolin e drejtorit të akademisë së klubit, ose siç e thërrasin në katalanasit, “La Masia”.

Klajvert ka një karrierë të pasur si trajner moshash. “CV”-ja 43-vjeçarit është e pasur me posti si asistent në ekipe të ndryshme si AZ Alkmar, NEC, Tvente, kombëtarja holandeze dhe ekipi rezervë i Ajaksit, ndërsa kulmi karrierës ka qenë si drejtor sportiv i PSG-së për një vit në sezonin 2016/17.

Klaivert Jr i dashuruar me Romën, babai e shtyn drejt Barcelonës

Sport Ekspres — Sat, 27 Oct 2018 09:30:33 +0000

Jastin Klaivert po përpiqet që të ndjekë hapat e babait të tij, duke i ngjitur shkallët një e nga një. Edhe pse vetëm 18 vjeç, sulmuesi është bërë pjesë e Romës, pas ecurisë pozitive me Ajaksin, ku në 30 ndeshje realizoi 10 gola, tani do që të spikasë dhe në Itali, me kryeqytetasit. I biri i Patritk Klaivert duket se ka marrë jo pak nga i ati, i cili tani e ndjek në çdo hap të birin e tij.

Klaivert Jr është i mendimit se e ardhmja e tij do të jetë e mirë në Romë, por në anën tjetër babi i tij duket se mendon akoma dhe më shumë për pasuesin e tij: “Çdo gjë po shkon mirë dhe jemi në rrugën e duhur. Ndihme mirë këtu dhe po njihem më mirë me shokët. Edhe në fushën e blertë po e shoh që po përmirësohem dhe synimi im është që të kalimin e kohës të kem sa më shumë minuta në dispozicion. Me gjuhën italiane po eci mirë, jam duke studiuar jo pak”.

Sigurisht ku babai ka qenë një “yll” është paksa e vështirë që të vësh emër vetë dhe në çdo moment hija e babit është aty. Patrik ka qenë sulmuesi i Barcelonës, Milanit dhe PSV-së dhe si çdo baba tjetër do ta shohë djalin tij që të ecë sa më lart dhe e shtyn këtë të fundit që të mendojë dhe Barcelonën: Unë ëndërroj që xhamtin të nënshkruajë për Barcelonën, që at të ndjekë hapat e mi. Roma është një klubi i mirë ku djali im ndihet mirë. Ai duhet të luajë që të bëjë hapa parë”.

Sedorf dhe Klajvert marrin në dorë “frerët” e Kamerunit

Sport Ekspres — Sat, 04 Aug 2018 14:40:25 +0000

Klarenc Sedorf dhe Patrik Klajvert kanë luajtur për shumë vjet së bashku në akademinë e Ajaksit të Amsterdamit dhe më pas në kombëtaren holandeze. Dyshja holandeze është bashkuar edhe një herë pas më shumë se dy dekadash, kësaj radhe krah për krah njëri tjetrit si trajnerë.

Sedorf dhe Klajvert janë konfirmuar si dyshja që do të marrë drejtimin e kombëtares së Kamerunit. Ish-mesfushori i Milanit, i cili sapo mbylli bashkëpunimin me spanjollët e Deportivo La Korunjës do të jetë në postin e trajnerit, ndërsa Klajvert do të punojë si asistent i mikut të tij të hershëm.

Sedorf dhe Klajvert kur luanin për kombëtaren e Holandës.

Në garën për të marrë stolin e Kamerunit ishte dhe ish-trajneri i Lacios dhe kombëtares së Anglisë, Sven Goran Erikson, por federata e shtetit afrikan vendosi që t’ia besonte këtë detyrë dyshes holandeze.