Kuka në stërvitje, mbetet te Kastrioti

Sport Ekspres — Wed, 24 Oct 2018 15:57:06 +0000

Stavri Nica do të debutojë në krye të Kastriotit të dielën. Trajneri durrsak do të mundohet të japë kontributin e tij për të shpëtuar krutanët nga rënia prej Superiores, një mision mjaft i vështirë. Gjithsesi durrsaku e ka treguar se është nga ata që guxon.

Së fundmi ka edhe një lajm të mirë për të, pasi portieri Klajdi Kuka është bashkuar me ekipin në stërvitje. U mendua se “gardiani” i krutanëve e mbylli që tani aventurën me Kastriotin, por gjithçka ka rënë poshtë.

Nica mund t’i bëjë llogaritë me të për ndeshjen e së dielës me Luftëtarin. Ky takim është mjaft i rëndësishëm dhe një fitore do bënte që Kastrioti të linte vendin e fundit dhe të “zhyste” poshtë gjirokastritët.