“Ndihem mirë. Jam transferuar nga Drita te një klub i mirë si Laçi. Kemi në skuadër lojtarë të mirë dhe në një moshë të re, plot energji. Gjëja më e rëndësishme është që morëm një rezultat 1–1. Jam ndjerë shumë mirë në fushë”.

“Natyrisht që nga fundi i lojës pësova lodhje. Nuk kishim kundër një ekip modest. Hapoel Ber Sheva është një ekip i madh kjo dihet nga të gjithë. Na u desh të vraponim shumë, si dhe të luftonim shumë në ajër. Rëndësi ka që shënova dhe dhashë 120%, kaq mund të bëja. Kjo është gjithçka që mund të bëj. Duhet të shohim përpara dhe të mendojmë për ndeshjen e kthimit”.

“A është ky goli më i shpejtë i karrierës suaj? Po patjetër. Shënova që në minutën e tretë. Nuk di çfarë të them për këtë, por është një ndjesi e mirë”, përfundoi Nuabueze.

Sulmuesi ka folur për kalimin te Laçi: “Kam kaluar një eksperiencë të mirë te Drita dhe tani dua t’i shërbej Laçit. Jam pritur shumë mirë, gjërat këtu janë korrekte. Raporti është shumë i mirë me të gjithë, tani e kam mendjen te ndeshja e Europa League. Shpresoj të fitojmë për tifozët dhe për të gjithë të tjerët në klub”.

Prej Nuabueze priten golat, që sezonin e shkuar u realizuan nga Ndriçim Shtubina. “Duke qenë se kemi nisur fazën me ritëm të lartë, shpresoj t’i jap kësaj skuadre cilësitë e mia,  forcën, shpejtësinë dhe shumë gola”, është shprehur mes të tjerash sulmuesi për RTSH Sport.

 

View this post on Instagram

 

#kyriannwabueze

A post shared by K.F.Laçi Official (@k.f.laci_official) on Jun 20, 2019 at 9:49am PDT