Kingsli Koman

“No Robbery, no problem”, ylli bavarez gati t’i zëvendësojë

Sport Ekspres — Fri, 26 Jul 2019 16:41:44 +0000

Arjen Roben dhe Frenk Riberi kanë lënë një boshllëk të madh me ikjen e tyre nga Bajern. Gjithë këtë hapësirë do i duhet ta mbulojnë Gnabri dhe Koman. Ky i fundit nuk është aspak në presion dhe është i gatshëm të marrë përgjegjësitë. Dëmtimet kanë qenë armiku kryesor i tij, por ka besim se tani gjthçka do shkojë mirë.

“Nuk nidej aspak presion nga ikja e Roben dhe Riberi. Kam luajtur në shumë ndeshje dhe kam pasur një rol të rëndësishëm në ekipin e sezonit të kaluar. Pa dyshim, tani kemi dy lojtarë më pak skuadra në skuadër, kështu që nuk duhet të lëndohen. Për momentin nuk jam në gjëndjen time optimale, por do e arrij atë përpara ndeshjes së parë ne Bundesliga”, u shpreh Koman.

Mundësia për t’u tërhequr, Rumenige karikon Koman: Ngrije kokën!

Sport Ekspres — Tue, 11 Dec 2018 21:31:20 +0000

Sezoni nisi në mënyrën më të keqe për Kingsli Koman. Francezi i Bajernit të Mynihut pësoi një dëmtim të rëndë në ndeshjen e parë të kampionatit kundër Hofenhajmit, duke e bërë të humbasë pjesën më të madhe të sezonit.

22-vjeçari u rikthye të flasë dhe gjatë ditës së djeshme bëri një deklaratë befasuese. Nëse i ndodhte një tjetër dëmtim i rëndë, Koman mund të tërhiqej përfundimisht nga futbolli. Karl Hainc Rumenige, zyrtari i lartë i klubit bavarez, është habitur nga ajo deklaratë dhe ka reaguar përpara sfidës kundër Ajaksit në Champions.

“E rëndësishme është që Koman nuk ka rënë psikologjikisht. Duhet të rrisë vetëbesimin dhe moralin e tij dhe të mos mendojë fare për mundësinë e tërheqjes. Futbolli i sotëm është bërë shumë i shpejtë, ndeshjet janë shumë intensive, ka shumë agresivitet dhe dëmtimet janë të shpeshta”, thekson Karl Hainc Rumenige, dy herë fituesi i “Topit të Artë”.

Operohet me sukses, Salihamixhiç: Koman do të rikthehet më i fortë

Sport Ekspres — Sun, 26 Aug 2018 18:12:37 +0000

Kingsli Koman u dëmtua në ndeshjen e parë të kampionatit, në të cilën Bajerni mposhti Hofenhajmin. Dëmtim i rëndë për 22-vjeçarin francez, i cili do të qëndrojë jashte fushave të blerta për një periudhë të gjatë.

Anësori i sulmit të Bajernit ka kryer operacionin gjatë ditës së sotme dhe është gati për të nisur fazën e rikuperimit. Hasan Salihamixhiç, drejtori sportiv i bavarezëve ka folur mbas përfundimit të operacionit duke dhënë lajmin e mirë dhe ai beson fort se Koman do të rikthehet edhe më i fortë.

“Operacioni shkoi me sukses dhe Kingslei do të rikthehet më i fortë, jam i sigurtë për këtë gjë. Ka mbështetjen tonë maksimale dhe ne do presim deri sa të rikuperohet”, përfundon boshnjaku i Bajernit të Mynihut.