Për kët sfidë, bavarezët do të vuajnë një mungesë të rëndësishme si Xhoshua Kimish, i cili do të mungojë për shkak se ka plotësuar numrin e kartonëve. “Xholi” gjerman, ka folur së fundmi për mediat vendase, duke treguar se ndihet çdo ditë e më keq për kartonin e marrë në ndeshjen e parë.

“Sa më shumë që afrohet ndeshja aq më keq ndihem, jashtëzakonisht keq. Veprimi im ishte një veprim prej budallai, edhe pse mendoj se nuk e meritoja atë karton. Shpresoj që do të mësoj nga këto gabime në të ardhmen, sepse këto ndeshje nuk duhet t’i humbas kurrë.”