Sot ishte dita e Marko Verratit për të dhuruar spektakël. Mesfushori njihet për veprimet e tij instiktive. Në këtë rast “pre” e virtuozitetit të tij ka qenë Kurzaua. Verrati ja ka kaluar topin mes këmbëve mbrojtësit, ndërkohë që nuk po shikonte aspak se ku ishte ky i fundit.

Të gjithë kanë reaguar duke qeshur, ndërsa Mbape ka ngelur i shtangur nga lëvizja e italianit. Me siguri sulmuesi do praktikojë për ta mësuar këtë stil. Verratin aty e ka, mund t’i kërkojë disa mësime.

Si gjithmonë. Ai është karizmatik dhe njerëzit e duan shumë. Është shumë e rëndësishme që në ekip të kesh një lojtar të ri e pozitiv si ai. Ai ka shumë kualitet, ka gjithçka”. Kështu, Leonardo na bën të kuptojmë, se lojtari francez dhe PSG mund të kenë gjetur gjuhën e përbashkët për të vazhduar bashkëpunimin.

Kujtojmë se kontrata e kampionit të botës me ekipin francez përfundon në vitin 2022. Për një lojtar si Mbape, i lakuar nga ekipet më të mëdha europiane, është gjithmonë mirë të kesh garanci për të ardhmen e tij ne ekip. Reali është klubi që e do më së shumti, ndërkohë që edhe vetë lojtari shpesh ka lëshuar sinjale që dëshiron të provojë një eksperiencë të re.

Ky gol jubilar vjen në ndeshjen e tij të 180, shifra këto që i shohim shumë rrallë nga një 20-vjeçar.

Siç raportojnë mediat franceze, Mbape nuk e pranon dot këtë fakt. Ai ka paralajmëruar largimin në rast se nuk plotësohen kushtet që ka. Duke nisur nga sezoni i ardhshëm, Kilian dëshiron që Tuhel t’i japë mundësinë të godasë penalltitë dhe të jetë ai lojtari, ku do të mbështetet loja e kampionëve francezë. Në rast se nuk ndodh kjo, Reali është gati për ta “grabitur” yllin e Francës.

Kjo nuk i pëlqen aspak Mbapesë, i cili po planifikon arratisjen nga Parisi. Sipas medieve franceze, atë e pret Reali i Madridit. Florentino Perez ka gati thesin me 200 milionë euro për ta derdhur në llogarinë e klubit francez. Ndërkohë, edhe Mbape nuk është aspak modest me kërkesat e tij. Ai dëshiron një pagë prej 40 milionë eurosh në sezon, shumë afër asaj që merr Mesi te Barça.

Nuk dëshiron të shpenzojë as për shtëpinë dhe makinën që i do të gatshmë nga klubi. Një kuzhinier personal dhe një shofer janë kërkesat e tjera të tij. Pra Mbape dëshiron që rrogën të mos ketë nevojë ta tërheqë nga banka. Real që nga ikja e Ronaldos nuk ka gjetur qetësi dhe me shumë mundësi do të ishte dakort t’i plotësonte dëshirat e “mbretit” Mbape Lotin.

Një deklaratë e tillë ka rritur frikën dhe panikun në kampin e kampionëve të Francës. Reali i Madridit qëndron pas dere dhe mund të jetë e ardhmja e sulmuesit 20-vjeçar.

Intrigat shtohen edhe më shumë nga lajmet që vijnë nga Spanja. Sipas raportimeve të fundit nga mediet e vendit iberik, babai i Mbape është takuar me Hoze Anhel Sançez, drejtorin e përgjithshëm të Realit të Madridit.

Palët kanë nisur negociatat dhe vera mund të sjellë transferimin e madh. Reali nuk i ka problem paratë dhe po tenton të bindë kampionin e botës. Një gjë e tillë do lehtësonte edhe marrëveshjen me PSG, që do të dorëzohej përpara dëshirës së yllit të sulmit.

“ESPN” ka bërë një sondazh se kush janë lojtarët U-21 më të mirë të momentit. Votat e marra nga publiku janë kombinuar me opinionin e ekpspertëve të kësaj medie dhe kanë dalë në një përfundim. Tre vendet e para janë zënë nga Kilian Mbape, Xhejdon Sanço dhe Matijs De Ligt.

Francezi është golashënuesi i dytë në Evropë pas Mesit dhe e ka vendosur emrin e tij si një element potencial për të tashmen dhe për të ardhmen e futbollit.

Xhejdon Sanço është thesari i Dortmundit. Anësori 19-vjeçar është një nga më të mirët në qarkullim në pozicionin e tij dhe ka shifra të frikshme si në gola dhe në asistime. Vlera e tij në merkato kap 114 milonë euro.

Matijs De Ligt është fituesi në fuqi i çmimit “Golden Boy”. Një nga kapitenët më të rinj në histori. Mbrojtës klasi dhe një lider i lindur. Vetëm 19-vjeç.
Lista e dhjetë lojtarëve më të mirë U-21 sipas “ESPN”:

1. Kilian Mbape, PSG, Francë
2. Xhejdon Sanço, Borusia Dortmund, Angli
3. Matijs De Ligt, Ajaks, Holandë
4. Trent Aleksandër-Arnold, Liverpul, Angli
5. Kai Havertz, Bajer Leverkusen, Gjermani
6. Vinisius Zhunior, Real Madrid, Brazil
7. Frenki De Jong, Ajaks, Holandë
8. Xhanluixhi Donaruma, Milan, Itali
9. Markus Rashford, Mançester Junajtid, Angli
10. Luka Joviç, Ajntraht Frankfurt, Serbi

Sot është marrë edhe vendimi për të. Komisionet e Disiplinës të futbollit francez kanë dënuar me tre ndeshje pezullim sulmuesin 20-vjeçar.

E para është shlyer kundër Montpeljesë, ndërsa Mbape do të jetë i gatshëm për dy ndeshjet e fundit kundër Dijon dhe Reims. Ky vendim i ul shanset për të fituar këpucën e artë për këtë sezon.

Francezi ndodhet në kuotën e 30 golave dhe po garon me Leo Mesin. Kapiteni i Barcelonës numëron 34 gola të shënuar në kampionat dhe ka mundësi ta rrisë edhe më shumë diferencën me Kilian Mbape.

Nga ana tjetër, dënimi për Nejmar do të jepet më vonë. Braziliani goditi një tifoz gjatë marrjes së medaljeve të argjendit dhe rrezikon nga 3-8 javë pezullim.

Kohët e fundit emri i Kilian Mbape është përmendur në Mynih si një mundësi, gjithsesi presidenti i klubit, Uli Hënes, shuan çdo ëndërr të tifozëve. Kreu i bavarezëve në një intervistë për mediat vendase thotë se do ta blinte yllin e Parisit, por nuk ka mundësi financiare. Një deklaratë e çuditshme kjo për presidentin e një prej pesë klubeve më të pasura në botë.

“Do ta blija Mbapenë që tani. Ai është një futbollist i shkëlqyer. Ama ne nuk kemi para për ta bërë këtë”, u shpreh Uli Hënes.

Klubi bavarez ka disa vite që ndjek një politikë të ndryshme nga gjigantët e tjerë evropian si Barcelona, Mançester Siti apo Real Madridi. Ata mbështeten në marrjen e talenteve brenda vendit, jo me vlera stratosfertike. Bajerni është ndër klubet që nuk kanë asnjë borxh apo kredi, ndryshe nga shumica e të tjerëve.

Prestigjozja “The Sun” bën një tabllo sesi mund të jetë formacioni i madrilenëve për sezonin e ardhshëm. Në portë nuk ka prurje të reja me Navas apo Kurtua në mes të katërkëndëshit. Mbrojtja ka ndryshime.

Në qendër do të jetë Militao, që do të zëvendësojë Varanen dhe në krahun e majtë nuk do të jetë as Marselo, as Regulion, por Grimaldo i Benfikës. Mesfusha dhe sulmi janë repartet që pësojnë një ndryshim radikal.

Emra si Kros, Modriç, Bejl apo Benzema do të zëvendësohen nga Pogba, Deklan Rajs i Uest Hem, Kilan Mbape dhe Eden Hazard. Të vetmit që mbijetojnë janë Isko dhe Vinisius Zhunior. Për të bërë bashkë të gjithë këto yje Realit do t’i duhej një shifër e frikshme prej rreth 500 milonë eurosh.

Sipas “France Football”, Reali do të ofrojë 280 milionë euro për kartonin e 20-vjeçarit. Revista franceze raporton se negociatat do të nisin në javët e ardhshme dhe do të vazhdojnë gjatë.

Reali rivalizoi fort me PSG në verën e vitit 2017 për shërbimet e Mbapesë, i cili ishte pjesë e Monakos. Oferta e Florentino Perez arriti deri në 180 milionë euro. Duke i shtuar dhe 34 milionë taksa, ajo mbërrinte në 214 milionë euro, por sulmuesi zgjodhi ekipin e qytetit të lindjes.

Kampioni i botës me Francën është lodhur nga dështimet në Champions Ligë dhe do e mirëpriste një transferim në kryeqytetin francez. PSG vështirë se do të heqë dorë nga shërbimet e tij, por Reali ka gati 280 milionë euro, ndërsa ndikim të madh do të ketë edhe vullneti dhe dëshira e vetë lojtarit.

Ylli i PSG shënoi një gol në fitoren 4-1 kundër Rene dhe është ngjitur në krye të renditjes së golashënuesve të kampionatit francez me 18 gola (numëron dhe 5 asiste). Kjo ishte ndeshja e katërt rresht në kampionat që 20-vjeçari shënon gol.

Pas tij vjen fenomeni argjentinas, i cili shënoi golin e dytë në fitoren 0-2 kundër Zhironës, duke gjetur rrjetën për të shtatën ndeshje rresht në kampionat.

Ngjitje e rëndësishme dhe për Pol Pogba, mesfushorin e Mançester Junajtid. Francezi renditej në vendin e 24, ndërsa tashmë kompleton podin e më të mirëve.

Në vend të katërt vjen një emër nga Serie A. Alejandro Gomez dhuroi dy asiste në barazimin e çmendur 3-3 kundër Romës dhe kapiteni i Atalantës është ngjitur me dhjetë pozicione në renditje. Argjentinasi ka dhuruar 5 asiste në katër ndeshjet e fundit dhe ka shënuar 1 gol.

Pas tij vjen Dani Pareho i Valencias, i cili dhuroi një asist në fitoren 3-0 kundër Vijarealit. Spanjolli numëron 5 gola dhe 3 asiste në kampionat, ndërsa lojërat e mira në gjashtë javët e fundit e kanë ngritur në vendin e pestë. Ai ka shënuar tre gola në vitin 2019 dhe në ndeshjen e fundit ishte i pagabueshëm, pasi 94% e pasimeve të tij ishin të sakta.

Më pas me radhë Kavani i PSG, Salah i Liverpulit, Draksler i PSG, Duvan Zapata i Atalantës dhe Luis Suarez i Barcelonës. Rritje të madhe kanë bërë dhe Markus Rashford i Junajtid, Sanço i Dortmundit dhe Kualjarela i Sampdorias.

Dashuri e madhe për patriotin e tij, por ai tregon se nuk i ka pëlqyer transformimi i Nejmarit në vitet e fundit. Të dy janë shumë të lidhur me njëri-tjetrin, Pele kërkon gjithmonë më të mirën nga “djali” i tij, por Nejmar nuk është më ai që të gjithë kemi njohur.

Legjenda nuk i kursen vlerësimet për Kilian Mbape. 19-vjeçari francez po i mahnit të gjithë dhe Pele e sheh atë si pasardhësin e tij.

NEJMAR – “Gjithmonë e kam thënë që Nejmar do të bëhet një futbollist i madh. Por çfarë ka ndodhur në dy vitet e fundit? Ka filluar t’i pëlqejë të duket ndryshe. Jo duke shënuar gola, jo duke bërë gjeste të bukura teknike, jo. Ai është bërë i famshëm për faktin që simulon në faulle që nuk ekzistojnë, gjë që ia nxin jetën arbitrave. Ky është shkaku se pse imazhi i tij është bërë negativ. Kemi diskutuar shumë herë së bashku. Pavarësisht gjithçkaje, Nejmar është padyshim një nga lojtarët më të mirë në botë. Një baba nuk e kritikon djalin e tij, e edukon. Njerëzit mendojnë se unë ia ‘tërheq veshin’ pak si shpesh, por e bëj për të mirën e tij. Dua më të mirën për të dhe kombëtaren e Brazilit. Do të bëj gjithçka për ta ndihmuar të përmirësohet.”

MBAPE  – “Ai e fitoi kupën e botës 19 vjeç, ndërsa unë isha 17 vjeç kur e fitova. Iu ofrova dhe i thashë se për fare pak mund të ma thyente rekordin. Besoj se ai do të jetë Pele i ri. Shumica mendojnë se e them kështu kot, por nuk po bëj shaka. Për të më bërë akoma më të lumtur, Mbape duhet të fitojë dhe një tjetër kupë bote.”

Afrikani zbulon preferencën e tij, ndërsa nuk i kursen elozhet për Kristiano Ronaldon. Portugezi është më i miri në botë në rolin e tij dhe përshtatja e lehtë më Serie A në moshën 33-vjeçare e ka befasuar Drogbanë.

“Nëse do të kisha mundësinë për të votuar, do të kisha shprehur preferencën time për Mbape. Mendoj se Kristiano Ronaldo është sulmuesi më i mirë në qarkullim për momentin, do të qëndrojë dhe për disa vjet, edhe pse të imponohesh në një kampionat tjetër, veçanërisht në atë moshë, nuk është aspak e thjeshtë. Fati që nuk ndodhet mes kandidatëve të fitimit të ‘Topit të Artë’ është vetëm rastësi“, përfundon ish-bomberi nga Bregu i Fildishtë.

Dëmtimet e Nejmarit dhe Kilian Mbape janë një shqetësim i madh. Braziliani u dëmtua gjatë miqësoren kundër Kamerunit, ndërsa francezi pati probleme me shpatullën e djathtë në miqësoren kundër Uruguait.

Tomas Tuhel, trajneri i PSG ka folur në konferencën për shtyp për situatën e dyshes ofensive. Në kampionat kundër Tuluzës nuk do luajnë dhe shpresa është të jenë gati kundër Liverpulit të Klopit.

“Nuk do të luajnë të shtunën, por me shumë mundësi do të luajnë kundër Liverpulit. Nuk është hera e parë që luajmë pa ata të dy, do të gjejmë zgjidhje, siç bëmë kundër Seint Etienit. Kemi shumë lojtarë të rëndësishëm dhe duhet të tregojnë se janë gati“, përfundon Tuhel.

Mbape ka folur për episodin mes dy sulmuesve, duke dashur të qetësojë ujërat. Sulmuesi i talentuar francez shfaqet si një lider i vërtetë dhe tregon një pjekuri të madhe në fjalët e tij.

“I dërgova në WhatsApp Nejmarit videon e faullit së Kavanit ndaj tij dhe filloi të qeshte. Mendoj se kjo nuk është asgjë, të dy mbrojtën vendin e tyre dhe kjo gjë nuk do t’i pengojë të luajnë te PSG dhe të përqafohen përsëri bashkë. Te PSG është një lojtar i madh, i cili ndodhet sipër të gjithëve. Ai është Nejmar dhe ne përpiqemi ta vëmë në kushtet më të mira. Sa i përket Francës, jemi të gjithë në të njëjtin nivel”, përfundon Kilian Mbape.

Në verën e vitit 2017, ai la Monakon për t’u transferuar në kryeqytetin francez për shumën e 180 milionë eurove. Lojtari firmosi një kontratë 5-vjeçare, nga e cila përfiton 290 mijë sterlina në javë.

Çmimet e kartonëve të lojtarëve dhe rrogat e tyre kanë shkuar në qiellin e shtatë dhe Mbape e cilëson si “të pahijshme” një gjë të tillë. Ky është sistemi dhe ai tregon se nuk ka çfarë të bëjë, përveçse të përshtatet dhe të tregojë respekt.

“Është vërtetë e pahijshme për mua, që vij nga një familje modeste dhe e ndershme, por tregu është i tillë. Bota e futbollit punon në këtë mënyrë. Unë nuk do të revolucionoj futbollin, jam pjesë e sistemit. Të duhet të dish se si ta respektosh dhe të qëndrosh pjesë e saj”, flet Mbape për “RTS”.

Ai kreu një gjest të mrekullueshëm, duke dhuruar të gjitha paratë e fituara me Francën për bamirësi. Premiot e ndeshjeve, golave dhe fitimit të kompeticionit u dhuruan, një shumë rreth 382 mijë sterlina, siç citon “L’Equipe”, që u dhanë për një organizatë bamirësie, që punon me fëmijët me aftësi të kufizuara.

“Nuk ka nevojë për para dhe premio kur luan me kombëtaren e vendit tënd. Premiot do i dhuroj të gjitha”, u shpreh Mbape gjatë Botërorit të Rusisë dhe në fund e mbajti fjalën, duke dhuruar të gjithë shumën e fituar.

Monako ishte klubi që e bëri të njohur në futbollin europian, konkretisht portugezi Leonardo Zhardim, trajner me të cilin Mbape debutoi me datë 2 dhjetor të vitit 2015 në barazimin kundër Kaenit, kur ishte vetëm 16 vjeç e 347 ditë. Goli i parë për adoleshentin Mbape erdhi me 20 shkurt të vitit 2016, në fitoren 3-1 kundër Trojes.

Një sezon më vonë, ai dhe Monako dhuruan një futboll spektakolar, duke arritur në gjysmëfinalet e Champions Ligës. Më pas kalimi te PSG, shpërthimi total për të përfunduar në verën e këtij viti, duke ngritur në qiellin e Moskës Kupën e Botës.

Një video e veçantë po qarkullon në internet, ku shihet 13-vjeçari Mbape me bluzën e… Milanit. Ai mban veshur bluzën me numrin 70 të Robinjos, të cilit i ngjan jashtëzakonisht shumë. Nga kjo gjë dallohet qartë që Kilian ka qenë një tifoz i kuqezinjve italianë, një ndër klubet më të mëdha të historisë së futbollit.

Ndoshta simpati fëmijërie, ndoshta dhe diçka më shumë, me tifozët milanistë, të cilët do të jepnin gjithçka për të shijuar një ditë Kilian Mbape me bluzën e vërtetë të Milanit, duke vrapuar, shënuar dhe festuar në “San Siro”… Për momentin mbetet një ëndërr, por së ardhmes nuk i dihet kurrë!

Gjithçka u mbyll në ditët e fundit të merkatos së verës së vitit 2017, me Mbape që kaloi te PSG në huazim me të drejtë blerje për 180 milionë euro. Tratativat midis Realit dhe Monakos u kryen në Los Anxhelos dhe babai i Kilian i kërkoi klubit “merengues” 30 milionë euro për kalimin e lojtarit në Madrid. Kjo kërkesë solli tërheqjen e Kampionëve të Europës në fuqi, duke i lënë rrugë të lirë PSG, që pranoi disa kushte për të firmosur me Mbape.

Një bonus prej 5 milionë eurosh, të ndarë në dy këste, në momentin e firmës, një rrogë vjetore prej 10 milionë eurosh pa përfshirë neto, ndërsa PSG refuzoi klauzolën e fitimit të mundshëm të “Topit të Artë” nga sulmuesi, i cili kishte kërkuar t’i kalonte rroga në 30 milionë euro në sezon, nëse do të vinte dita e fitimit të “Topit të Artë”. PSG nuk pranoi, ndërsa vendosi një shpërblim prej 500 mijë eurosh neto për lojtarin, nëse ai shpallej fitues i çmimit prestigjioz.

Shumica e preferencave të Florentino Perez janë nën kontrata me klubet e tyre si: Poçetino (Totenhem), Murinjo (Junajtid), apo Martinez (Belgjika). Megjithatë, në ditët e fundit ka dalë në skenë një tjetër emër dhe ky është Leonardo Zhardim.

Portugezi mbylli eksperiencën e tij me Monakon para pak kohësh dhe siç citon “Marca”, 44-vjeçari është një emër i preferuar te Reali i Madridit. Sezoni i kaluar dhe fillimi i këtij sezoni ishte i vështirë për të dhe Monakon, por para dy vitesh ai fitoi titullin dhe dërgoi ekipin nga principata në gjysmëfinalet e Champions Ligës.

Përveç aftësive të tij, Reali mendon të zgjedhë Zhardim për stolin dhe për një shkak tjetër. Flasim për Kilian Mbape, objektivin kryesor të Real Madrid në merkato. Portugezi ishte personi që i dha besim dhe e reklamoi në futbollin e madh talentin francez. Me Zhardim në stol, Reali do e kishte më të lehtë për të bindur Mbape për t’u transferuar në Madrid.

Francezi Kilian në moshën 13-vjeçare ka zhvilluar një provë 1-javore tek blutë dhe ka luajtur gjithashtu një ndeshje me të rinjtë, ku ka impresionuar trajnerët  me aftësitë e tij, te cilët kanë kërkuar që Mbape të rikthehet përsëri në Londër për të riparë aftësitë e tij, por ka qenë mamaja e tij Fajza Lamari, ajo e cila ka refuzuar.

“Ai kishte një talent të jashtëzakonshëm, luajti në ndeshjen përballë Çarlton. Fituam 7-0. Në momentin që bëmë takimin në zyrë ne i shpjeguam se donim që lojtari të kthehej dhe për një provë tjetër për ta riparë. Por mamaja e tij ishte e prerë. E mbaj mend atë ditë kur u kthye dhe citoi ne frëngjisht: “Djali im nuk do të kthehet për provë tjetër. Në qoftë se e dëshironi merreni tani ose do të duhet ta merrni pas 5-vitesh për 50 milionë euro”.

Boga, i cili refuzoi t’i përkthente fjalët e mamasë së Mbape drejt kolegëve të tij shtoi: “Djaloshi kishte aftësi të pabesueshme me topin në këmbë, por pa top nuk ishte lojtar që punonte shumë. Duhet të kishim firmosur me të, por për të thënë të drejtën Çelsi në atë kohë kishte një skuadër shumë të mirë”, ka përfunduar ish-skauti i ekipit londinez.

Adidas po tenton të shtyjë Florentino Perez të bëjë një goditje të madhe në merkato sa më shpejt të jetë e mundur. Siç citon “Don Balon”, presidenti i Realit e ndarë mendjen dhe është gati për të vepruar, pavarësisht vështirësive të mëdha.

Nejmar dhe Kilian Mbape janë dy kandidatët kryesorë për të përforcuar ekipin madrilien, por francezi ka lënë mbrapa brazilianin dhe është dëshira kryesore e kreut të Realit. Ai e ka ndarë mendjen dhe do të nisë sulmin për të arritur marrëveshjen me 19-vjeçarin e PSG, duke lumturuar në këtë mënyrë, tifozët, trajnerin dhe firmën sportive Adidas.

“Unë nuk jam shumë optimist, sepse UEFA po zbaton sanksionet financiare të FFP në mënyrë shumë të butë. La Liga ka kërkuar një rishikim të llogarive financiare të PSG, sepse mendojmë që nuk janë të përshtatshme për ne”, shpjegon Tebas, i cili mbështet faktin që klubet si: PSG dhe Mançester Siti, të cilët marrin ndihma nga Katari në rastin e francezëve dhe sponsorizime nga Abu Dabi në rastin e anglezëve, po dëmtojnë merkaton.

Klubi parisien kreu një merkato të çmendur verën e kaluar duke blerë Nejmarin për 220 milionë euro dhe Mbapenë për 180 milionë të tjera. Paratë për sulmuesin francez nuk janë paguar akoma dhe të hënën skadon afati i fundit, përndryshe Mbape do te kthehet te Monako.

UEFA e ka rihapur dhe njëherë çështjen e PSG dhe ia ka kaluar Dhomës Gjyqësore të Kontrollit Financiar të klubeve kryesuar nga Hoze De Kunha, i cili duhet të marrë një vendim deri në fund të muajit gusht. Por, ai mund të flasë dhe sot, vetëm 48 orë mbas përfundimit të kohës që PSG duhet të kryejë transferimin e 180 milionë eurove.

Reali po monitoron situatën, por Florentino Perez nuk dëshiron të prishë marrëdhënien me PSG dhe ai do të fillojë negociatat me Mbape, vetëm nëse klubi francez do të jetë i detyruar të heqë dorë nga ai. Sipas amendamentit të fundit të UEFA-s sa i përket FFP, klubet mund të shpenzojnë vetëm 5 milionë euro më shumë sesa fitojnë për tri vitet e ardhshme. PSG duhet të bëjë mirë llogaritë dhe të sigurohet që të ardhurat e tyre gjatë tri viteve të fundit, t’i kalojnë 50 milionë eurot. Kështu që, ose duhet shitur njëri nga yjet e ekipit, ose francezët përjashtohen nga Champions. Megjithatë, burime pranë La Ligës thonë që: “teknikisht është kështu, por duhet të shohim nëse UEFA do të guxojë të ekzekutojë këtë vendim. Gjithsesi në Spanjë mendojnë që klubi francez do t’ia hedhë me një gjobë dhe asgjë më shumë.

Siç citon “AS”, sulmuesi i PSG mund të transferohet te Reali i Madridit. Në Spanjë e kërkuan dhe kur ishte pjesë e Monakos, por djaloshi zgjidhi kampionët e Francës. Ai është i pashitshëm për klubin kryeqytetas, por gjërat kanë ndryshuar dhe ai mund të kalojë në kampionatin spanjoll. PSG ka probleme me FFP (fair-play financiar) dhe UEFA mund të vendosë sanksione për klubin parisien. Diçka e tillë mund të detyrojë klubin të shesë yllin e saj.

PSG duhet të ushtrojë të hënën e ardhshme opsionin e blerjes së Mbape, që do të nënkuptonte pagimin e 180 milionë eurove te Monako, por jo vetëm kaq. Klubi francez duhet të vendosë një limit për rrogat e klubit dhe një ekuilibër midis shpenzimeve dhe të ardhurave.

Të hënën e datës 30 gusht skadon opsioni i blerjes përfundimtare të sulmuesit dhe nëse nuk ja del, lojtari rikthehet te Monako.

Duke llogaritur që merkato në Angli dhe Itali është mbyllur, Reali i Madridit mbetet një nga të vetmet ekipe që ka potencialin për të investuar për shërbimet e 19-vjeçarit. Merkato në Spanjë mbyllet një ditë më vonë dhe Reali do të hidhje në sulm për ta afruar në ekip. Ai është një fiksim i vjetër i Florentino Perez, i cili do të ketë shansin për t’iu dhuruar një emër të madh tifozëve dhe për të “harruar” largimin e Ronaldos.

“Florentino më fajëson gjithmonë për faktin që nuk ja shitëm Mbapenë Realit. Ne jemi dy klube mike, por Perez, sa herë që takohemi, më përsërit të njëjtën gjë: pse ja shitëm Mbapenë PSG-së dhe jo atij”, komenton rusi për “RMC Sport”.

Reali ishte një nga klubet e interesuara për 19-vjeçarin, por PSG veproi shpejt dhe pagoi 180 milionë euro dhe Mbape mori rrugën për në kryeqytet, atë francez dhe jo spanjoll. Diçka e tillë i ka mbetur peng kreut të Realit, i cili nuk ngurron t’ia përsërisë një fakt të tillë Vasilievit, sa herë që ata takohen.

“Zgjodha të vija tek Parisi, pikë së pari, sepse ndihem akoma i fortë. Ky vendim vjen dhe nga bindja që mund t’i jap PSG-së, shokëve të mi dhe skuadrës, diçka të rëndësishme në aspektin e eksperiencës dhe entuziazmit. Unë mund të jap një dorë në këtë aspekt. Të gjithë bashkë mund të arrijmë të krijojmë një grup të madh”.

Portieri italian ndalet dhe tek Mbape. Për herë të parë u përball me të në gjysmë-finalet e Champions League para dy sezonesh. Ai ishte momenti kur zbuloi potencialin e madh të sulmuesit.

“Në fund të ndeshjes po diskutonim me Andrea Barzaljin, një nga miqtë e mi më të mirë. Ai më tha: ‘Xhixhi, në 20 vite karrierë nuk kam parë një lojtar kaq të shpejtë, që vrapon kaq shpejt me topin në këmbë. Ishte e vështirë ta markoja’. Këto fjalë kanë një peshë të madhe, sepse Barzalji, kur është i përqendruar dhe në formë, është një mbrojtës i madh. Është e qartë që Mbape ka diçka më shumë se të tjerët. Shpresoj që të vazhdojë të jetë i përulur dhe me dëshirë për t’u rritur dhe sakrifikuar. Nëse vazhdon në këtë rrugë, Kilian do të shkruajë historinë e futbollit dhe një nga faqet më të rëndësishme të këtij sporti”.