Kiko Kasija është lojtari më i ri i Lids Junajtid. Portieri, i cili u ble nga Espanjoli verën e vitit 2015 për 6 milionë euro, nuk arriti të bëhej thuajse asnjëherë protagonist me fanellën e “Los Blancos”. Ardhja këtë sezon e Tibo Kurtua, e shndërroi në portier të tretë dhe largimi ishte i pashmangshëm.
Tashmë, 32-vjeçari do të vijojë karrierën e tij në Angli me ekipin e Lidsit, që drejtohet nga Marselo Bielsa. Detajet e transferimit ende nuk janë publikuar, por largimi i portierit është zyrtarizuar edhe nga klubi i Realit, të cilët kanë nxjerrë një njoftim në sajtin zyrtar të klubit.