Në minutën e 36’, Barela jep një pasim të shkëlqyer prej më shumë se 50 metra, Kieza e stopon me shumë lehtësi topin në cepin tjetër të fushës dhe pasi driblon kundërshtarin e tij, ndëshkon dhe portierin spanjoll në shtyllën e parë. Fantastik talenti italian.

Por presidenti i ri i Fiorentinës, Roko Komiso, ka ide të tjera, pasi nuk lejon në asnjë mënyrë që Kieza të largohet. Presidenti do t’i ofrojë Kiezës një kontratë të re, që do të dyfishonte përfitimet e tij, si dhe do të merrte një sërë bonusesh, shiritin e kapitenit dhe paratë në këmbim të drejtave të tij të imazhit.

Ofertat për Kiezën nuk kanë munguar dhe drejtuesit e Fiorentinës shpeshherë janë tunduar dhe kanë tentuar ta shesin, por presidenti i ri nuk dëshiron aspak që yjet e skuadrës të largohen.

“Unë jam shumë i lumtur, kemi mbyllur në më pak se tre javë, kemi nënshkruar marrëveshjen në një periudhë shumë të shkurtër. Stadiumi i ri? Nuk shkojmë në detaje, kam ardhur në Itali për të mësuar, atëherë unë do t’ju jap përgjigjet”.

“Kieza? Unë do të bëj çmos për ta mbajtur atë këtu. Shpresoj që tifozët të më mirëpresin. Dua të sigurohem që kur të shkoj në stadium, të gjithë janë krenarë për punën që do të bëjmë. Unë nuk bëj premtime që nuk mund ta mbaj, punoj hap pas hapi. Ju duhet të më jepni kohë, është investimi im i parë në Itali”.

“Objektivi? Ne duam të sigurohemi që ne të qëndrojmë në Serie A (qesh). Montela? Unë nuk kam biseduar me të ende. Europa? Ne shpresojmë”.

Por që Juventusi të arrijë te firma e Kiezës, duhet të mposhtë rivalitetin me skuadrën e Interit, që po ashtu ka shtruar ofertën e saj në tavolinën e presidencës së Fiorentinës. Vetë Kieza duket gati për të bërë hapin e radhës në karrierë dhe një kalim te Interi ose te Juventusi, preferohet nga mesfushori i Italisë.

Prioritet është sulmi, pasi nga krahët pritet të lihen hapësira nga Roben dhe Riberi, që nuk do të jenë pjesë e kampionëve të Gjermanisë sezonin e ardhshëm. Koman ka vuajtur nga dëmtimet, ndërsa Gnabri nuk garanton vazhdueshmëri.

Si pasojë, drejtuesit bavarez kanë nisur punën për të afruar lojtarë, me Federiko Kiezën objektivin primar. Sipas “TuttoSport”, oferta e parë ka mbërritur në zyrat e Fiorentinës dhe bisedimet kanë filluar. Mbetet për t’u parë nëse ylli italian do të transferohet në Gjermani sezonin e ardhshëm, por interesi nga Bajerni është konkret dhe shumë i madh.

Gjatë javëve të fundit bavarezët janë përfolur se kanë shfaqur interes për sulmuesin e Çelsit Kalum Hudson-Odoi dhe Nikolas Pepen e Lilës. Megjithatë, media italiane “La Repubblica” ka zbuluar se drejtuesit e kampionëve të Gjermanisë kanë shfaqur interes për një sulmues anësor që aktivizohet në Serie A.

Bëhet fjalë për talentin e Fiorentinës Federika Kieza. Talenti 21-vjeçar është prej tri sezonesh pjesë e rregullt e formacionit titullar dhe duket e afërt dita që ai të ndërmarrë hapin tjetër të karrierës.

Kalimi të Bajerni i Mynihut do të ishte një ëndërr e bërë realitet, por në të njëjtën kohë një sfidë shumë e madhe, pasi kemi të  bëjmë me një klub “gjigant” me një kontingjent të frikshëm lojtarësh. Bisedimet mes zyrtarëve të dy klubeve kanë filluar dhe në javët në vazhdim pritet që të kemi shumë të reja.

Në pamundësi për të arritur tek francezi, Juventus po tenton sulmin për Milinkoviç-Saviç. Konkurrenca për mesfushorin serb është e madhe, sepse pas tij janë vënë klube si Mançester Junajtid, Reali i Madridit, por edhe Milani, pavarësisht mohimeve të Leonardos, kërkon shërbimet e tij. Lotito nuk lëkundet nga pretendimet e tij, por bardhezinjtë do të kërkojnë deri në fund akordin me klubin roman për të transferuar serbin në Torino.

Juventus po vështron nga Fiorentina. Kalimi i Pjacës në Firence ka përmirësuar raportet midis klubeve dhe bardhezinjve u pëlqejnë Federiko Kieza dhe Nikola Milenkoviç. Italiani luan si anësor ofensiv, ndërsa serbi si mbrojtës. Të dy lojtarët janë të rinj dhe të talentuar. Akoma nuk i kanë mbushur 21 vjeç dhe shihen si përforcime për të ardhmen e bardhezinjve.