Anglezi nuk është objektivi i vetëm i gjermanëve në këtë pozicion. Benxhamin Henriks i Monako ka mrekulluar klubin nga Mynihu me aftësitë e tij. Një anë pozitive e 22-vjeçarit është se arrin të mbulojë edhe krahun e majtë. Mark Roka i Espanjol është një tjetë emër në listë.

Napoli nga ana e tij nuk e sheh të arsyeshme të shpenzojë aq shumë për një lojtar 28-vjeçar. Sigurisht Tripier është në kulmin e karrierës së tij, por nuk do të vazhdojë për shumë sezone kështu. Presidenti De Laurentis dëshiron një lojtar, që premton për të ardhmen dhe nuk ka një çmim aq të kripur.

Deri para pak ditësh Kieran ishte shumë pranë zbarkimit në Itali. Gruaja e tij kishte ardhur të shikojë për një shtëpi në Napoli. Megjithatë, anglezit do i duhet të kërkojë për një ekip tjetër për t’u transferuar, ose do zgjedhë të qëndrojë. Ai nuk është thirrur në kombëtare nga trajneri Garet Sauthgejt, i cili ka preferuar Aleksander-Arnold dhe Kajli Uoker në krahun e djathtë të difensivës.

Hirving Lozano është dëshira e madhe për repartin ofensiv. Napoli ka nisur negociata me PSV-në dhe shpreson të arrijë sa më shpejt akordin e transferimit të 23-vjeçarit meksikan nën urdhrat e Ançelotit.

Drejtori sportiv, Kristiano Xhuntoli ka dy objektiva të tjerë për repartin e mbrojtjes. Ferland Mendi luan në rolin e mbrojtësit të majtë, është 24 vjeç dhe luan me Lionin. Për të interesohet edhe Reali i Madridit, ndërsa klubi francez kërkon 40 milionë euro për kartonin e tij.

Një tjetër emër që pëlqehet shumë është Kieran Tripier, i cili luan në të njëjtin rol me Elseid Hysajn. 28-vjeçari e shikon me sy të mirë transferimin në Serie A, ndërsa Napoli ka bërë ofertën e parë prej 15 milionë eurosh. “Spurs” nuk janë dakord dhe kërkojnë të paktën 35 milionë euro.

Problem mbetet interesimi i Mançester Junajtid, që është gati t’i ofrojë një rrogë shumë te lartë lojtarit të kombëtares angleze.

Sipas “Sky Sports”, objektivi më i ri i ekipit italian është mbrojtësi i Totenhemit, Kieran Tripiër. Mbrojtësi 28-vjeçar ka pësuar një përmirësim të jashtëzakonshëm gjatë viteve të fundit dhe është kthyer në një titullar në formacionin e kombëtares së “Tri Luanëve”.

Transferimet e futbollistëve anglezë jashtë kampionatit vendas janë të rralla, por te Napoli besojnë se mund të bëjnë një ofertë që bindë njëkohësisht klubin dhe lojtarin.

28-vjeçari ishte pjesë e Mançester Sitit, por e vuajti shumë vendimin e klubit për ta larguar. Ai kaloi tek ekipi i Bërnleit dhe largimi nga “Qytetarët” rezultoi i duhuri dhe karriera e tij mori për mirë. Tripier pa vëllain e madh të tërhiqej nga futbolli për të një dëmtimi dhe diçka e tillë i dha forcë në momentet e vështira që po kalonte në karrierën e tij.

“Isha i shkatërruar, sepse mendoja që do të kisha një mundësi, por… Gjithçka ndodh për një arsye. Kalimi te Bërnlei ishte zgjidhja më e mirë e karrierës time. Luaja gjithmonë dhe u poqa shumë si lojtar. Duhej të bëja një hap pas, për të bërë një hap para. Gjithçka nisi nga lamtumira me Mançester Sitin.

Ka disa lojtarë, të cilët kanë potencial, konsiderohen më të mirët në ekipet e tyre, por rreth moshës 20-vjeçare zhduken nga radarët. Në atë moshë, të gjithë shqetësimet bien mbi ty dhe një presion i tillë mund të jetë i vështirë për t’u kontrolluar. Të rinjtë kanë nevojë të kenë rreth vetes njerëzit e duhur dhe të jetojnë çdo ditë plotësisht, pa marrë asgjë për të sigurtë.

Vëllai im është njeriu tek i cili mund të mbështetem. Nëse luaj mirë, ai ma thotë diçka të tillë, por edhe nëse luaj keq, më tregon të vërtetën. Ai është tipi i njeriut që kam nevojë, dikush që e di me të vërtetë se kush jam”, përfundon anësori i krahut të djathtë të Totenhemit për “Daily Mail”.