Khedira

Anjeli s’ka mëshirë, Juventusi largon dy “pleqtë” e mesfushës

Sport Ekspres — Mon, 01 Jul 2019 06:30:57 +0000

Mesfusha e Juventusit pritet të pësojë një ndryshim total. Kampionët e Italisë kanë zyrtarizuar prej kohësh firmën me uellsianin Aron Ramsein dhe në ditët në vazhdim e njëjta gjë do të ndodhë me francezin Adrien Rabiot.

Dy blerjet me kosto 0 kanë krijuar një ngjeshje në repartin e mesfushës, ku i bashkohen lojtarëve si Pjaniç, Emre Xhan, Bentakur, Kedira dhe Matuidi. Në këto rrethana drejtuesit e Juventusit duhet të vendosin se cilët lojtarë do të largohen për t’u liruar vend blerjeve e reja.

Sipas së përditshmes italiane “Tuttosport”, kryesia e klubit torinez u ka komunikuar mesfushorëve Blez Matuidi dhe Sami Kedira se nuk janë më planet e skuadrës. Të dy futbollistët janë në një moshë madhore (32 vjeç) dhe nuk shihen si lojtarë të perspektivës.

Sipas gazetës italiane klubi do të ndërprerë me marrëveshje kontratën e Kedirës, që t’i mundësojë futbollistin gjerman hapjen e negociatave për një kontratë në kampionatin amerikan. Matuidi është vënë në shitje dhe për momentin klubi më i interesuar është Monako.

Kedira ia hedh paq, ja sa do të mungojë mesfushori

Sport Ekspres — Wed, 20 Feb 2019 12:31:58 +0000

Mungesa e Sami Kedirës në listën e të grumbulluarve për sfidën në Madridin ndaj Atletikos, shkakorit jo pak bujë. Klubi torinez shpjegoi se gjerman kishte shfaqur rrahje të pazakonta të zemrës dhe për këtë arsye kishte qëndruar në Torino ku do të kryente vizita të specializuar mjekësore.

.@SamiKhedira operato in mattinata, intervento perfettamente riuscito.
?? https://t.co/yyheCYGSXY pic.twitter.com/qQeteUNMAj

— JuventusFC (@juventusfc) February 20, 2019

Në një njoftim të bërë pak orësh, është bërë e ditur se 31-vjeçari i është nënshtruar me sukses ndërhyrje terapeutike për të rregulluar problemin në sistemin kardiovaskular.

Trajneri Alegri do të duhet të tregohet i duruar, pasi Kedirës do t’i duhet të paktën një muaj që të jetë në dispozicion të tillë. Gjithsesi në klub nuk janë të shqetësuar aspak për këtë gjë, pari rëndësi ka që futbollisti ka shmangur rreziqe akoma më serioze që do të mund t’i cenon karrierën dhe jetën.

Lajm i keq për Alegrin, ndaj Atletikos pa “digën” e mesfushës

Sport Ekspres — Tue, 19 Feb 2019 19:26:58 +0000

Mbrëmjen e nesërme në “Wanda Metropoliano” do të luhet supersfida midis Ateltikos së Madridit dhe Juventusit, e vlefshme për fazën e 1/8-ave të Champions League. Në kuadër të ndeshjes, lajme jo të mira janë raportuar në kampin e “Zonjës së vjetër”.

Në konferencën e sotme një ditë përpara sfidës, trajneri Alegri, ka pranuar se Sami Kedira nuk do të jetë pjesë e ekipit, për arsye shëndetësore. Gjermani ka qëndruar në Torino ku është nën vëzhgimin e mjekëve. Numri një i pankinës bardhezi u shpreh:

“Ai është një lojtar i rëndësishëm. Humbëm një futbollist të nivelit ndërkombëtar dhe mbetemi me katër mesfushorë të tjerë, të cilët do të na ndihmojnë në ndeshjen e nesërme. Për rastin e tij do të dalim me një komunikatë”.

“Njeriu i qelqtë” humb Lacion, Alegri pa 7 futbollistë

Sport Ekspres — Thu, 24 Jan 2019 08:45:34 +0000

Juventusi marshon në Serie A , por dëmtimet në skuadrën e Masilimlajo Alegrit janë të shumta. I fundit që ka shfaqur problemi është Sami Kedira, mesfushori i kombëtares gjermane. Ndaj Lacios së Tomas Strakoshës bardhezinjtë do të kenë jo pak mungesa.

Shtatë futbollistë nuk do të jenë në dispozicion të stafit teknik. Barzalji dhe Kuadrado diheshin si mungesa të sigurta, por listës i janë shtuar edhe Miralem Pjaniç, Medhi Benatia, Zhoao Kanselo dhe i fundit që u shtua është Kedira.

Gjithsesi gjysma e të keqes është fakti që mesfushori gjerman nuk ka një dëmtim të rëndë. Gjuri i tij po përmirësohet dhe gradualisht ai do të rritë ritmin e përgatitjeve dhe të bashkohet me grupin. Kundër Lacios duhet ta ndjekë ndeshjen nga tribuna.

Krizë dëmtimesh edhe te Juventusi, një tjetër mesfushor shkon në infermieri

Sport Ekspres — Sat, 17 Nov 2018 20:39:38 +0000

Dëmtimet në repartin e mesfushës janë bërë një makth i vërtetë për trajnerin e Juventusit, Masimiliano Alegri. Gjermani Emre Çan do i duhen disa javë për të marrë vendin nga operacioni në tiroide, ndërsa Pjaniç pësoi një dëmtim muskulor në grumbullimin me Bosnjën, por ka dhe një dëmtim të tretë.

Bëhet fjalë për Sami Kedirën. Mesfushori 31-vjeçar ka dëmtuar kyçin e këmbës në seancën stërvitore të ditës sotme. Lajmi është bërë i ditur nga klubi me anë të një komunikate, ku bëhet e ditur se gjermani do t’i nënshtrohet analizave të detajuara mjekësore për të zbuluar shkallën e vërtetë të dëmtimit.

Të shtunën e ardhshme Juventus do të presë SPAL-in në Torino dhe me shumë gjasa Alegrit do ketë të gatshëm për repartin e mesfushës vetëm francezin Blez Matuidi dhe uruguaianin Rodrigo Bentakur.