kf teuta

Teuta e zyrtarizon, mesfushori i rikthyer firmos për dy vite

Sport Ekspres — Wed, 31 Jul 2019 14:51:13 +0000

Teuta ka zyrtarizuar firmën me Arbër Çyrben. Mesfushori shijakas rikthehet në klubin durrsak një vit pas largimit transferimit te skuadra e Kukësit. Futbollisti dhe klubi verilindor prishën me marrëveshje bashkëpunimin, ndaj ky transferim kryhet me kosto 0.

Çyrbja ka firmosur një kontratë 2-vjeçare me Teutën. 25-vjeçari është lojtari i tretë që bëhet pjesë e Teutës gjatë ditëve të fundit. Më parë klubi durrsak zyrtarizoi firmat me Orjan Xhemalajn dhe Uendi Vecajn.

Teuta kërkon përmbysjen e madhe, publikohen çmimet e biletave

Sport Ekspres — Tue, 16 Jul 2019 13:54:58 +0000

Në Durrës nuk janë dorëzuar ende pavarësisht humbjes 3 – 0 në takimin e parë ndaj Estonezëve të Ventspils. Me anë të njoftimin në rrjetet sociale klubi i Teutës ka bërë të ditura çmimet e biletave për takimin e së enjten në “Niko Dovana”.

Për të ndjekur ekipin e tyre në ndeshjen e raundit të parë kualifikues të Europa League, tifozët durrsak kanë mundësi zgjedhje midis biletave 300 lekëshe për tribunat A dhe B dhe biletave 200 lekëshe për tribunat A1 dhe B1.

Shitja e biletave do të fillojë në orën 9:00 të së enjtes, ndërsa orari i ndeshjes është ora 17:00.

https://www.instagram.com/p/Bz-q_aCgrQG/?igshid=1g7lofc99yac8

Teuta nis të “xhirojë”, fiton ndaj ekipit bullgar

Sport Ekspres — Fri, 21 Jun 2019 17:07:16 +0000

Teuta është shpërngulur prej disa ditësh në qytezën e Branskos në Bullgari. Djemtë e Bledi Shkëmbit zhvilluan sot testin e parë miqësor në tokën bullgare ndaj ekipit të divizionit të dytë Kariana Erden.

Takimi u mbyll me fitoren 1 – 0 të ekipit durrsak. Kroati Tomislav Bushiç shënoi golin e vetëm të ndeshjes. Më datë 11 korrik, Teuta ndeshet në Letoni me Ventspils në kuadër të fazës eliminatore të kualifikueseve të Europa League.

Teuta 1-0 Kariana
Shënues: Bushiç 56’

Miqësore | Tri gola në Durrës, Laçi dhe Teuta mbyllin testin e parë

Sport Ekspres — Sun, 16 Jun 2019 17:17:15 +0000

Teuta dhe Laçi zhvilluan një ndeshje miqësore në “Niko Dovana” në kuadër të përgatitjeve që të dyja skuadrat po bëjnë për turnet kualifikuese të Europa League. Takimi miqësor u mbyll me fitoren 2 – 1 të kurbinasve.

Elvi Berisha zhbllokoi shifrat në minutën e 73-të, duke i dhënë avantazhin Laçit. 10 minuta më vonë Kurbinasit shënojnë sërish me anë të Santiago Selmanit. Në minutat e fundit të lojës Lorenco Vila shënon për Teutën.

Kjo ishte miqësorja e parë për të dyja skuadrat. Në ekipin kurbinas u vu re aktivizimi i disa lojtarëve të cilët janë në provë. Laçi dhe Teuta do të marrin vesh emrat e kundërshtarëve respektivë në raundet kualifkuese të Europa League ditën e enjte.

Teuta 1 – 2 Laçi
Shënues: Vila 87’ / Berisha 73’, S.Selmani 81’,

FORMACIONET TITULLARE

Teuta: Hidi , Beqja,Shkalla, Arapi,Todorovski,L.Beqja, Sidibe, Gashi, Progni,Vila, Bushiç

Laçi: Sali, Deliu,Fangaj, Domgjoni, Turkaj, Eller, Zaimaj, Teko, Lushkja, Shtubina, Berisha