“Në momentin që ne flasim klubi i futbollit Skënderbeut vazhdon të administrohet në trajtën e një shoqate. Klubi i futbollit është administruar nga presidenti dhe anëtarët e tjerë të asaj shoqate. Nga informacionet që unë kam nga presidenti i klubit, çështja është ankimuar në gjykatën federale të Zvicrës, pritet një vendimmarrje në qershorin e vitit të tjetër. Është një pozitë delikate pasi vendimi për dënimin e Skënderbeut është në fuqi”.

“Jam duke qëndruar në kontakt me presidentin për të parë se kush mund të jenë alternativat e përfaqësimit të qytetit të Korçës në futboll, në raport me kompeticionet e ndryshme, qofshin këto kombëtare ose ndërkombëtare”, tha Filo.

Megjithatë, në fjalimin përmbyllës të këtij bashkëbisedimi me tifozët, Takaj premtoi se do të rikthejë Korçën në elitën e futbollit shqiptar, por me një ekip tjetër.

“Skënderbeu është këtu. Do të jetë gjithmonë këtu. Edhe nëse krijohet një ekip tjetër që do përfaqësojë Korçën, ky stadium kjo histori do të qëndrojë e tillë e palëvizur derisa Skënderbeu të rikthehet sërish në elitën e futbollit dhe të diktojë sërish modelin e suksesit për shqiptaret. Por, që për momentin nuk mund të pranojmë të jemi thjesht fasada e kampionatit, ndërsa me një ekip tjetër do të vijojmë të mbushim me lavdi këtë qytet dhe të ecim në gjurmët e Skënderbeut”, përfundoi Takaj.

SportEkspres mëson nga burime të sigurta që Skënderbeu i ka ofruar pankinën Dajës sërish. Në Korçë duken të sigurt që do të fitojnë ndaj UEFA-s në CAS dhe do të marrin pjesë në kupat e Europës. Në këto kushte ata po mendojnë ta ndërtojnë ekipin e ri duke nisur nga trajneri Daja.

Padyshim nëse diçka e tillë ndodh do të ishte një nga skenarët më të bujshëm të merkatos së Superiores. Me Dajën në stol në Korçë mund të ketë edhe lëvizje të tjera dhe një ekip që do të pretendojë për tituj sërish. Sytë janë nga CAS, Skënderbeu i ri e ka pikënisjen aty.

Së fundmi është raportuar se vendimi do të merret me 21 qershor, ndërkohë që në klubin korçar e mohojnë diçka të tillë. “Vendimin KAS-i do e japë para datës 17 qershor, pra para hedhjes së shortit dhe përcaktimit të skuadrave që do të marrin pjesë në kupat e Europës”, ky është qëndrimi i klubit korçar sipas RTSH Sport.

LOJTARËT NË PROVË – Skënderbeu po mendon për sezonin e ardhshëm dhe së fundmi në Korçë kanë mbërritur disa lojtarë afrikanë, të cilët do të vëzhgohen me kujdes nga trajneri Orges Shehi dhe stafi i tij. Nuk janë pak, por 8 futbollistë rreth moshës 20 vjeç. Tre prej tyre janë brazilianë, tre nga Nigeria dhe dy nga Mali. Nëse bindin, atëherë drejtuesit do t’u ofrojnë atyre kontrata afatgjata.

Kështu, klubi i Skënderbeut ka dalë me një njoftim në lidhje me çmimin e biletave dhe detajet e tjera: sa kushtojnë sipas sektorëve të ndryshëm dhe ku do të shiten. Përballja me Kukësin zhvillohet ditën e mërkurë prej orës 17:00. Kjo është një nga ndeshjet më të rëndësishme të bardhekuqve, që duan të sigurojnë një vend në kupat e Europës me shpresën se edhe CAS do të hedhë poshtë dënimin e UEFA-s.

PIKAT E SHITJES
20 metra poshtë dyqanit Vodafone, pranë stadiumit
Stadiumi ‘Skënderbeu’ (Të mërkurën, ditën e ndeshjes)

ÇMIMET E BILETAVE
Tribuna Gold A & B – 1000 Lekë
Tribuna A, B – 300 Lekë
Tribuna C – 200 Lekë
Tribuna E, D – 100 Lekë
Tribuna (Miqtë) – 200 Lekë

“Duke parë gjithë ndeshjen, u tregua se Partizani e meriton vendin ku është. Kemi parë një ekip që ishte shumë i përqendruar. Dukej sikur ishte për trofeun. E dominoi ndeshjen dhe e fitoi pastër. Tani është gati të prekë trofeun”.

DERBI – “Shpresoj të ketë shumë tifozë në derbi. Aty shpëtohet sezoni për tifozët. Do ishte mbylla më e mirë për kampionatin, Është një derbi special, pasi Partizani do të fitojë trofeun. Tirana nga ana tjetër do pikë për objektivin që ka. Në derbi nuk ka llogari. Ne që e kemi provuar, sado jemi ,munduar, asnjëherë nuk dalin llogaritë. Tifozët nuk të lënë. Shpresoj të bëhet derbi i bukur. Nuk ka moment më të mirë për Partizanin ta fitojë titullin në derbi. Tifozët mezi presin ta fitojnë në derbi”.

FITORJA E TIRANËS – “Skënderbeu krijoi raste, por nuk pamë vendosmërinë për të fituar. Isha i bindur që do ta fitonte Tirana. E kisha atë ndjesinë. Ishte në fushë Skënderbeu, por nuk kishte dëshirën e madhe për të fituar. Gjyqtari nuk dha penallti, nuk kishte pse shkonte ashtu. Lojtari i Skënderbeut ka shkuar direkt te këmbët e lojtarit. Ishte penallti neto. Po të mbaronte 0-0 do të kishte polemika. Po të mos bëhej goli, do ishte penalizim i madh për Tiranën”

NDESHJA NË DURRËS – “Nuk mund të bëj analizë të hollësishme, por me atë që pashë më afër fitores ishte Luftëtari. Teuta vazhdon dobët, Teuta ishte me fat. Gjirokastritët lanë dy pikë”, u shpreh Muça gjatë emisionit.

Në Vlorë Flamurtari është ai i zakonshmi, kurse te Partizani ka shumë lëvizje. Mungon Jurgen Bardhi, ndërkohë që luan titullar Jaiteh, i afruar në merkaton e janarit. Kalari luan sërish në qendër të mbrojtjes dhe e ka pësuar Lum Rexhepi, i cili e nis nga stoli edhe pse mungon Belica për shkak të vdekjes së babait.

Kategoria Superiore – Java 32
E shtunë, më 4 maj 2019, ora 15:00

TIRANA-SKËNDERBEU
Tirana: Abibi, Daja, Turtulli, Goxha, Hoxhallari, Mauexhe, Kobina, Hasani, Oduamadi, Halili, Sentamu. Trajner: Ardian Mema
Skënderbeu: Dajsinani, Vangjeli, Kaba Sambou, Pëllumbi, Abazi, Taipi, Sibo, Muzaka, Bregu, Oto Xhon, Krasniqi. Trajner: Orges Shehi

FLAMURTARI-PARTIZANI
Flamurtari: Koliçi, Deliaj, Pollozhani, Veliu, Kotobelli, Batha, Musta, Rrapaj, Ribaj, Kale, Sukaj. Trajner: Ilir Daja.
Partizani: Hoxha, Ibrahimi, Atanda, Kalari, Trashi, Hila, Jaiteh, Duka, Mala, Asani, Mensah. Trajner: Dritan Mehmeti

Në një intervistë për SportEkspres.com, Muça ka folur për ndeshjen Tirana-Skënderbeu, që është mjaft e rëndësishme për të dyja ekipet. Ai shikon bardheblutë si favoritë, ndërkohë që mungesa e tifozëve e bën këtë ndeshje “të vdekur” në aspektin e atmosferës.

INTERVISTOI: AGRON KAJA

Pas 31 javëve të luajtura në Kategorinë Superiore, mendoni se skuadrat renditen aty ku e meritojnë?
-Kjo është renditja reale e pjesës më të madhe të skuadrave në këto 31 javë. Duke përjashtuar Kukësin, që duhet të kishte më shumë pikë, kjo renditje tregon së pari gjendjen e mirë që po kalon Partizani.

Tirana-Skënderbeu është një nga ndeshjet e kësaj jave dhe janë ekipe që ju i keni drejtuar në të shkuarën. Cilën skuadër shikoni si favorite?
– Tiranën për vetë gjendjen që ka në renditje, por edhe sepse Skënderbeut nuk i rrezikohet asgjë dhe një vend në Europë për ta është shumë i vështirë. Tirana është favorite edhe për faktin se do të luajë në stadiumin e saj. Në këtë parashikim nuk mendoj se e nënvleftësoj skuadrën korçare. Mes respektit dhe realitetit, unë zgjedh fitoren e Tiranës.

Por nuk do të ketë tifozët. Sa do të ndjehet mungesa e tyre?
-Normalisht, një ndeshje që luhet pa tifozë në stadium është e vdekur. Gjithsesi rregulloret tona e kanë këtë. Mendoj se duhet ndryshuar strategjia e dënimeve të tifozëve dhe të aplikohen ndëshkime të tjera. Kështu, çdo dënim është i rëndë edhe në aspektin financiar.

Të dyja skuadrat do të ketë mungesa, sa e vështirë bëhet për trajnerët?
-Po, me sa di do të jenë Karabeci e Kërçiku te Tirana dhe Dita me Radasin te Skënderbeu. Dy mungesat te Tirana janë shumë të rëndësishme për këtë sfidë, por çdo skuadër ka një numër të caktuar lojtarësh dhe kanë alternativa. Gjithsesi, janë mungesa serioze për Tiranën.

Mema dhe Shehi janë trajnerë të rinj,  si e shikoni pozicionin e tyre në të tilla sfida delikate?
-Unë i mbështes trajnerët e rinj dhe në Kategorinë Superiore të këtij sezoni janë disa që po tregojnë nivel e kulturë në pankina. Është pozitive që edhe në sfidën Tirana-Skënderbeu do jenë dy trajnerë të rinj. Mema dhe Shehi do aftësohen me të tilla ndeshje delikate.

Mendoni se ndeshjet e javës së 32-të do të sjellin ndryshime në renditjen e skuadrave?
-Duke përjashtuar Partizanin, që nuk lëviz nga vendi i parë në renditje edhe nëse humbet në Vlorë, te skuadrat e mesit dhe në fundin e tabelës edhe mund të ketë ndonjë ndryshim. Të gjitha janë afër me pikë, por Laçi mund të ngjitet këtë javë. Flamurtari nuk më duket shumë bindës.

Dy lojtarët kanë pasur një konflikt në fund të ndeshjes Skënderbeu-Flamurtari dhe tanimë pritet të shihet se çfarë do të vendosë Komisioni i Disiplinës. Sot është komunikuar nisje e hetimit dhe pasi të shqyrtohen faktet, por edhe palët të japin versionin e tyre, do të merret edhe vendimi.

Batha këtë sezon është bërë shembull pas ndeshjes me Teutën, teksa u dënua në bazë të pamjeve filmike. Mesfushori është i vetmi lojtar i dënuar në këtë mënyrë këtë sezon, ndërkohë që tani mund të marrë një tjetër pezullim. Sigurisht, nëse është e vërtetë që e ka goditur kundërshtarin, atëherë do e pësojë rëndë.

Pretendimi i Bathës është se Radas e ka ofenduar të nga familja. “Është ekzagjeruar në media, nuk ndodhi gjë. Radas më ofendoi nga familja. Nuk ndodhi ajo që u përfol pas ndeshjes. Nuk jemi nga ata që ikim me vrap apo që gjuajmë nga prapa shpine”, është shprehur një ditë më parë Batha për RTSH.

Si Gjoka, ashtu dhe Shehi, kanë aktivizuar formacione shumë të forta, por gjithsesi eksperimentet nuk kanë munguar. Edhe në takimin tjetër mes Luftëtarit dhe Tiranës, pritet të jetë një sfidë shumë e luftuar.

KUPA E SHQIPËRISË – Faza gjysmëfinale
E mërkurë, më 24 prill, ora 16:00

KUKËSI-SKËNDERBEU
Kukësi: Frashëri, Teqja, Musolli, Cuculi, Rrumbullaku, Ethemi, Limaj, Rroca, Çyrbja, Rexhinaldo, Shkurtaj. Trajner: Ernest Gjoka
Skënderbeu: Dajsinani, Vangjeli, Kaba Sambu, Radas, Abazi, Dita, Sibo, Muzaka, Gripshi, Bregu, Krasniqi. Trajner: Orges Shehi Në dispozicion (Teqja, Pëllumbi, Toskiç, Zani, Mara, Pervan, Oto Xhon).

LUFTËTARI-TIRANA
Tirana: Abibi, Doka, Goxha, Imami, Hoxhallari, Karabeci, Mauexhe, Hasani, Oduamadi, Kobina, Ngo. Trajner: Ardian Mema Në dispozicion (Lika, Daja, Greca, Halili, Sentamu, Turtulli, Muça)

Luftëtari: E.Bakaj, Rrapa R.Hoxha, Kotsionis, Jackson, Aleksi, Rrapo, Fili, Ymeraj, Demo, Oshafi. Trajner: Julian Ahmataj

Gjysmëfinalet e para janë të rëndësishme, por me gjasa kalimi në finale do të vendoset në përballjet e dyta. FSHF i ka vlerësuar këto sfida, ndaj edhe ka përzgjedhur arbitra të FIFA-s. Kështu, rikthehet në Kamzë Eldorian Hamiti. Lezhjani, do të gjykojë Kukësi-Skënderbeu në stadiumin ku u dhuna.

Ridiger Çokaj dhe Denis Rexha, i goditur me boçe pishe në Kukësi-Laçin, nuk mungon as këtë herë. Në Gjirokastër do të jetë Enea Jorgji ai që do të vërë drejtësi. Rejdi Avdo dhe Nertil Bregasi janë dy arbitrat anësorë në Luftëtari-Tirana.

KUPA E SHQIPËRISË – Faza gjysmëfinale
E mërkurë, më 24 prill, ora 16:00

Kukësi-Skënderbeu
Luftëtari-Tirana

Në Laç Starova ka bërë disa lëvizje. Mane dhe Jonuzi janë ata që ulen në stol, nga fillimi e nisin Eller dhe Okpotu. Skënderbeu në krahun tjetër nuk ka Muzakën. Pervan do të jetë ai që do të luajë në qendër të mesfushës.

KATEGORIA SUPERIORE – JAVA 30
E shtunë, më 20 prill 2019, ora 16:00

KASTRIOTI-PARTIZANI
Kastrioti: Çekrezi, Husein, Bojom, Çela, H. Marku, Shehu, Ymeraj, Bardhi, Kalaja, Roxher, T. Marku. Trajner: Bledar Devolli
Partizani: Hoxha, Atanda, Belica, Rexhepi, Trashi, Mala, Hila, Duka, Asani, Mensah, Bardhi. Trajner: Skënder Gega
Gjyqtarë: Olsid Ferataj, Devis Korreshi, Marjus Qose, Emirjon Sino

LAÇI-SKËNDERBEU
Laçi: Selmani, Mersinaj, Toro, Gjoni, Sefgjini, Eller, Lushkja, Çokaj, Shtubina, Okpotu, Xhixha. Trajner: Sulejman Starova.
Skënderbeu: Dajsinani, Vangjeli, Kaba Sambou, Radas, Abazi, Dita, Sibo, Pervan, Gripshi, Bregu, Krasniqi. Trajner: Orges Shehi

Më pas ai shtoi: “Me Laçin është një ndeshje e vështirë, si çdo ndeshjetjetër e këtij kampionati. Gara bëhet më e fortë nga java në javë, pasi të gjitha skuadrat kanë objektiva. Jemi të sigurt që od jetë një transfertë e vështirë”.

GJENDJA E SKUADRËS – Skënderbeu do të ketë dy mungesa në ndeshjen e nesërme dhe sigurisht që planet e Shehit janë prishur disi.  “Kemi Muzakën të dëmtuar, ka një frakturë në hundë që e detyroi të dilte nga loja kundër Kastriotit. Do na mungojë shumë Muzaka. Taipi vazhdon ende periudhën riaftësimit. Sa i takon formacionit, do ta shikoni nesër”.

VENDIMI I KAS – Shehi dhe të gjithë lojtarët janë në pritje të vendimit të KAS. Trajneri durrsak deklaron: “Jemi të interesuar për vendimin, jemi pak në ankth. U them lojtarëve me shaka, jemi sikur kemi një familjar në sallë operacioni. Tani operacioni është kryer por duhet pritur të dalë nga salla”.

EUROPA – Skënderbeu mund ta sigurojë Europën nga Kupa ose kampionati, ndërkohë që Shehi thekson se korçarët do kërkojnë ta realizojnë objektivin nga të dyja kompeticionet.  “Jemi afër Europës si nga Kupa, ashtu edhe nga kampionati. Distanca është njëlloj dhe do tentojmë nga të dyja krahët”.

Mesfushori i Kastriot, Julian Shehu, ka folur në lidhje me transfertën e kësaj fundjave për “Supersport”, ku është shprehur se pozitat e skuadrës së tij në renditje i bëjnë të domosdoshme tri pikët për ekipin ku ai bën pjesë.

“Është e vërtetë kemi marrë rezultate jashtëzakonisht të mira gjatë 2019-ës. Objektivi jonë është mbijetesa në Superiore dhe shpresojmë se do t’ia arrijmë”.

“Transferta me Skënderbeun është mjaft e vështirë. Pavarësisht problemeve të kohëve të fundit ata mbeten një ekip për t’u marrë në konsideratë. Pozitat na detyrojnë të shkojmë në Korçë për të marrë maksimumin, pra tri pikët. Gjithsesi çdo pikë vlen”, përfundoi 20-vjeçari.

“Nuk jam i zhgënjyer nga loja, por nga rezultati. Vazhdojmë të ndëshkohemi nga episodet. Nuk është se skuadra nuk dha dhe nuk është se kundërshtari na imponoi. Vazhdojmë të ndëshkohemi nga episodet dhe e dimë shumë mirë. Jam shumë i ndërgjegjshëm, që kur ke një skuadër të re do vazhdosh t’i vuash këto episodet, do vazhdosh të vuash edhe faktin që skuadra nuk ka aq eksperiencë dhe që ende nuk e kupton që ndeshjet vendosen nga episodet dhe jo nga gjërat e mëdha. Detajet janë ato që bëjnë diferencën”, u shpreh fillimisht Shehi.

Më tej ai vijon me analizën e tij: “U ndëshkuam nga një goditje standarde dhe ai është një episod. Hymë në fillim në presion, duke i dhuruar kundërshtarit shumë goditje standarde. Pjesën e dytë u munduam të qarkullojmë topin, por penalltia më pas thuajse e mbylli ndeshjen”.

ORGANIZIMI I SULMEVE DHE PENALLTIA – Skënderbeu i tij nuk është se bëri shumë në sulm kundër Partizanit: “Sigurisht skuadra duhet të dalë në sulm. Pjesën e parë kemi shkuar deri te porta, dy tre herë. Nuk është se bëmë ndeshjen tonë më të mirë, por duke qenë në raport me kundërshtarin, ata shfrytëzuan momentet dhe ne gabuam te rasti i penalltisë. Pretendime? E kam thënë gjithmonë që nuk do të merrem me arbitrat dhe do vazhdoj të mos merrem. Shyqyr që ndeshjet jepen në televizion dhe gjithë shqiptarët i shohin se cilat janë penallti dhe cilat jo”.

KAMPIONATI DHE OBJEKTIVAT – “Kampionat i çuditshëm? Jo, nuk më duket fare. Kjo sepse e kam thënë që në fillim, se me këtë kampionat, me këto rivalë, mund të fitosh ndaj kujtdo dhe mund të humbësh ndaj kujtdo. Kjo po vërtetohet”, shton Shehi.

“Europa? Sigurisht që skuadrat janë shumë afër dhe ne na shqetëson pak performanca, na shqetësojnë pak luhatjet e skuadrës. Para dy ndeshjesh, me Kukësin dhe Teutën, bëmë ndeshje shumë të  mira, ndaj kundërshtarësh shumë të fortë. Çaluam në Gjirokastër dhe ndaj Partizanit deri diku. Kjo na shqetëson. Duhet të rikthehemi tek ai cinizmi që kemi pasur në dy fazat e para”, deklaron trajneri i bardhekuqve.

TITULLI I HUMBUR ME PARTIZANIN – “Para 11 vitesh humbët titullin me Partizanin, është viti i duhur ky për ta fituar “demat”? Atë kampionat e kam humbur dhe më ka dhimbur shumë. Ju e dini shumë mirë që atë kampionat kam pasur edhe dëmtim. Më vjen keq që e kam humbur unë. Se çfarë ndodh me rivalët, nuk kam ndonjë interesim të madh. Më intereson që skuadra ime të ngjitet sa më lart për të arritur objektivat”, ishin fjalët e Shehit.

DEJVI BREGU – Vlonjati ishte në hije kundër të kuqve dhe normalisht Shehi pret që ai të jetë i dy fazave të para. “Dejvi është lojtar i rëndësishëm, është golashënuesi ynë më i mirë dhe të gjithë i dinë cilësitë e tij. Ai vjen pas një dëmtimi të gjatë. Jemi munduar ta menaxhojmë mirë, duke i dhënë minutat. Këtë herë e futëm gjithë ndeshjen. Sigurisht na mungon dhe shpresojmë të kthehet sa më shpejt. Janë edhe shtatë javë, është edhe gjysmëfinalja e Kupës. Shpresoj ta rikuperojmë edhe atë, që të na japë jo vetëm atë që na ka dhënë fazën e parë, por edhe atë që i ka dhënë kampionatit edhe në vitet e kaluara”, shprehet durrsaku.

TË RINJTË – Në fund trajneri i Skënderbeu flet edhe për të rinjtë: “Pëllumbi është një lojtar tek i cili kam besim. E kam futur ndeshjen e parë me Laçin dhe vazhdoj t’i besoj. Është një djalë i ri, djalë punëtor. Ne kemi skuadër të re, kemi Pëllumbin, kemi Dajsinanin, Kabën. Janë këta lojtarë që unë u kam dhënë besim dhe mos t’ju duket çudi që pas dy vitesh t’i shikoni në kampionate shumë të forta. Janë lojtarë që kanë cilësi dhe atëherë do të më kujtoni dhe do thoni që kam bërë shumë mirë që i kam aktivizuar”.

VLADIMIR PRENGA

MËKATARËT – Kukësi në Europë njeh ecuri të mirë, që i ka sjellë klubit verilindor edhe të ardhura të rëndësishme. Ndryshe qëndron situata për tre klubet e tjera gjysmëfinaliste të Kupës së Shqipërisë. Skënderbeu është klubi që është bërë shembull nga UEFA.

Akuza të shumta dhe në fund 10 vite përjashtim nga kupat e Europës dhe 1 milion euro gjobë. Shumë pikëpyetje nëse korçarët do të mund të garojnë këtë sezon në arenën ndërkombëtare. Te Skënderbeu janë të bindur se në CAS do triumfojnë ndaj UEFA dhe dënimi do të bjerë poshtë. Mesi i prillit është periudha kur pritet të merret edhe vendimi.

Ekipi tjetër në shënjestrën e UEFA-s është Luftëtari. Gjirokastritët mund ta pësojnë si korçarët, të konsiderohen fillimisht klub i padëshirueshëm për të marrë pjesë në kompeticionet që ajo garon. Njëjtë siç ndodhi me Skënderbeun herën e parë. Është fakt që ka një hetim për bluzinjtë në lidhje me ndeshjen e luajtur kundër Ventspils në “Elbasan Arena”, sikurse është fakt bllokimi i parave që UEFA kishte akorduar për ta për pjesëmarrjen në kualifikueset e Europa League.

“Mëkatari” tjetër është Tirana. Bardheblutë, dy vite më parë morën pjesë në kupat e Europës dhe u dënuan më pas nga UEFA, për shkak të parregullsive me dokumentacionin që kishin dorëzuar për licencimin. Klubi kryeqytetas ka pasur probleme të shumta borxhesh dhe pretendohet se i është dhënë një zgjidhje dhe këtë herë licencimi do të merret. Gjithçka mbahet sekret për të mos prishur garën, ndaj do të jetë e vështirë të zbulohet para kohe nëse janë licencuar apo jo.

Gjithsesi, mbrojtësi Tefik Osmani, i ftuar në emisionin “Rubrika Sportive” në RTSH, tërheq vëmendjen. Ai nuk ndihet mirë kur flitet kështu për ndeshjet e kampionatit tonë. Korçari bën edhe një paralelizëm, duke përcjellë mesazhin që në një ndeshje mund të ndodhë çdo gjë.

“Nuk flitet kështu, u heq meritat dhe i hedh poshtë djersën ekipit tjetër. Se ne jemi kështu, po të fitonte Kukësi në Korçë, sërish do kishim pikëpyetje. Korça mundi Kukësin, ikën tani në Gjirokastër dhe themi prapë pikëpyetje. Më vjen keq, që ne që jemi pranë sportit, ta shohim një ndeshje dhe të themi pikëpyetje. Mendoni tani, Tirana e mundi 3-0 Laçin në Kupë dhe Laçi e barazon me 10 vetë! Çfarë të themi?!”, përfundoi Osmani.

Bluzinjtë janë të plotë, pasi Apeli u ka rikthyer mesfushorin Albano Aleksi. Në krahun tjetër mungon Leonit Abazi, i ndëshkua me karton të kundër Kukësit. Dejvi Bregu është dilema e madhe, por me shumë mundësi do e nisë nga fillimi sot.

E VEÇANTA – Trajneri Orges Shehi ka përjetuar një nga momentet më të këqija të sezonit ndaj Luftëtarit. Durrsaku, pas humbjes së pësuar në shtëpi me bluzinjtë, paraqiti dorëheqjen te presidenti Ardian Takaj. Ky i fundit e refuzoi dhe Shehi vijoi punën në krye të korçarëve.

Kategoria Superiore – Java 26

E shtunë, më 30 mars, ora 14:00
Stadiumi “Gjirokastra”, Gjirokastër

Luftëtari-Skënderbeu
Luftëtari: Ruçi, Rapa, Hoxha, Koconis, Xhekson, Ramadani, Aleksi, Ymeraj, Demo, Fili, Dunga. Trajner: Julian Ahmataj.

Skënderbeu: Dajsinani, Vangjeli, Radas, Kaba Sambou, Pëllumbi, Dita, Sibo, Pervan, Muzaka, Bregu, Krasniqi. Trajner: Orges Shehi

Shehi, ky ishte marshi i duhur i Skënderbeut?
-Meqë ma bërë pyetjen sikur po i jep makinës, është një vazhdimësi dhe e nisëm aty ku e lamë me Teutën. Është një marsh, një ritëm i asaj që dëshirojmë të kemi.

Ishit më kërkues në pjesën e parë, ndërsa pjesën e dytë më ndryshe. Çfarë ndodhi?
-E kishim përgatitur ndeshjen vetë ashtu, që të ishim agresiv në minutat e parë. Si fryt i këtij agresiviteti edhe shënuam. Pastaj, duke ditur edhe objektivat që skuadra kundërshtare ka dhefaktin që nuk kishin çfarë humbnin, menduam të ishim në bllok në mbrojtje dhe më pas të shfrytëzonim kundërsulmet.

A është i justifikueshëm veprimi i Abazijt, që u ndëshkua me karton të kuq?
-Është një ndërhyrje që më vjen keq që ndodh. Ai i ka kërkuar falje edhe lojtarit kundërshtar. Me Abazin do të ndalojmë e të flasim kur të jemi më të qetë. Është një situatë që i ka ndodhur shpesh atij, duhet të kontrollojë ndërhyrjet, duhet të kontrollojë intensitetin dhe jo të bëjë ndërhyrje në zona të kota. Një mbrojtës që merr karton të kuq në sulm është diçka e pavend.

Nuk ju kemi parë asnjëherë kaq të qetë, ua ktheu kjo fitore atë ju dhe skuadrës?
-Vinim pas rezultateve jo të mira. Pavarësisht se luanim, krijonim, ndëshkoheshim në situata shumë të korrigjueshme. Sigurisht që të sjell mungesë humori, acarim. Dihet që jemi skuadër me objektiva. Duke marrë një pikë karakteri në Durrës, si dhe duke u rikthyer te fitorja ndaj një kundërshtari direkt si Kukësi, është pozitive. Ku ka më mirë se të kthehesh te gjendja e mirë ndaj një kundërshtari të tillë.

A është Skënderbeu në ritmin e duhur?
-Besoj se po. Pas ndeshjes në Durrës, kjo ishte vazhdimësi. Nuk është vetëm ritmi, është dëshira, është agresiviteti që ka skuadra dhe është gjendja psikologjikë, që është shumë e rëndësishme. Kjo do të jetë një shtysë për të ecur përpara.

Ju dhe Cungut luajtët çdo gur për të marrë rezultatin e dëshiruar. A dolët ju fitues?
-Ne kërkojmë rezultatin dhe ai vjen duke ndryshuar edhe manovra. Kemi ndryshuar skemë dy herë gjatë ndeshjes. Duke parë që edhe ndërrimet i kemi të kushtëzuara, për shkak të të huajve, nisëm të bënim edhe eksperimente. Këto janë mundësitë dhe shpresojmë të na kthehet Bregu në 100%. Shpresojmë gjithashtu që Taipi të pajiset me pasaportë dhe mundësitë do i kemi më të shumta për të bërë zgjedhje.

Nga fundi i lojës, e shikonit orën?
-Unë zakonisht e shoh kot, pasi nuk e di se kur fillon kur mbaron ndeshja. Pyes gjithmonë ndihmësit e mi edhe sa lojë ka. Ndodh sepse skuadra donte tre pikë dhe ku ta gjesh ndaj një kundërshtari si Kukësi. Nuk mbaron me këto tre pikë kampionati, por janë tre pikë shumë të arta që shërbejnë për vazhdimësinë, për besimin e skuadrës. Prandaj doja që këtë ndeshje të mos e humbnim për asnjë lloj arsyeje.

NDESHJA – “Nuk e di çfarë të them, as vetë nuk e kuptoj. Ka momente që skuadra shpërqendrohet pa kuptim. E nisim shumë keq ndeshjen dhe kundërshtarët përfitojnë. Sot, gradualisht filluam ta rrisim lojën, doke e dominuar kundërshtarin. Ata nuk goditën më përveç golit, ndërsa ne kishim 3-4 mundësi të mira. Gjashtë minutat e para, ekipi ishte shumë i frikësuar, nuk e di… Kjo është e gjitha ajo çfarë mund të them për këtë ndeshje”.

MUNGESAT – “Po normal që ndikojnë mungesat. Dëmtimi i Cuculit dhe i Rrumbullakut më kanë bërë që të “arnojmë” mbrojtjen. Loja jonë fillon nga portieri dhe mungesat na penalizojnë. Djemtë nuk kanë asnjë faj, pasi bëjnë gjithmonë maksimumin. Kundër ekipeve të mira, si Skënderbeu, Partizani dhe Teuta, vendosin episodet. Sot ndeshja u vendos nga një episod”.

SKUADRA – “Ekipi duhet të jetë më cinik. Për të pasur një ekip cinik, lojtarët duhet të kenë më shumë grintë. Mungesa e Rrumbullakut, Cuculit dhe Musollit e kanë humbur pak pasqyrimin e lojës së ekipit, pasi ata janë shumë lojtarë luftarak. Rroca mund të punojë në mesfushë, së bashku me Dzarian. U mundova të aktivizoj shumë sulmues në minutat e fundit. Limaj bëri një ndeshje shumë të mirë, por më duhej ta sakrifikoja”.

TITULLI – “E rëndësishme është që ne të provojmë deri në sekondat e fundit, pastaj kampionati e vendos verdiktin. Nuk duhej kjo humbje sot, të paktën të merrnim një pikë. Me atë që dha ekipi në fushë, meritonim shumë më tepër. Tensioni është prezent dhe duke iu kërkuar në çdo ndeshje maksimumin, ka pasur shpërqendrim dhe luhatje. Gjithsesi, ajo që duhet të bëjmë ne është të marrim maksimumin në çdo ndeshje, pastaj llogaritë nuk ka takojnë neve”.

RAMA – “Nuk besoj se ka ndonjë problem kundër Vangjelit. Ai shprehet më mirë në krahun e majtë dhe dueli me Vangjelin ishte i paevitueshëm. Ai dha më të mirën në atë pozicion ku luajti”, tha Cungu.

“Është një lojtar që ka treguar nivel të lartë me Panionios gjatë viteve të fundit. Besoj se do ta vazhdoj në një ekip më të madh brenda ose jashtë Greqisë”.

“Mendoj se Durmishaj s’do jetë kurrë në 100% e tij me kombëtaren greke, me kombëtaren shqiptare do jepte shumë më shumë. Mendoj se e shikon si një vlerë më shumë për të dalë në tregun evropian. Besoj se dhe menaxherët i kanë bërë presion duke e çuar në ekipin e Greqisë”.

“Kur kam qenë me ekipin e Arisit dhe pjesë e shpresave të Shqipërisë, kam marrë një ofertë në thonjëza për të përfaqësuar Greqinë në lojërat olimpike “Athinë 2004”. Kam takuar drejtuesit e lartë dhe i dhashë përgjigjeve negative”.

“Vendimi për Durmishajt nuk ka është marrë nga familja, por besoj se faktor kryesor në këtë zgjedhje të Durmishajt ka qenë menaxheri i tij”, tha lojtari i Skënderbeut.

PEZULLIMI I KAMPIONATIT – “Realisht është diçka e mirë që nuk do të luajmë në Kupë dhe kalojmë në gjysmëfinale. Tani duhet të fokusohemi në kampionat, ku na duhen pikë për t’u afruar vendeve të Kupave të Europës. Kemi një ndeshje të vështirë ndaj Kukësit, skuadër shumë e mirë që ka treguar se di të marrë pikë edhe në Korçë”

GJYQI NË CAS – “Unë nuk di asnjë gjë. Unë po ashtu si të gjithë kam lexuar komunikatën në “Facebook” të klubit. Shpresoj që ky proces të ketë një fund të mirë për Skënderbeun dhe të gjithë futbollit shqiptar. E them këtë, pasi Skënderbeu ishte ekipi që ngriti nivelin dhe këtë vit e kemi parë që është ulur cilësia e kampionatit për shkak të uljes së investimit nga klubi jonë”.

E gjithë kjo situatë u krijua për shkak se CAS në faqen e vet zyrtare nuk kishte publikuar një datë për seancën dëgjimore. Mosbesimi i tifozëve bëri që Skënderbeu të postonte edhe “e-mailin” e shkëmbyer mes klubit dhe CAS-it.

Sikurse dihet, UEFA e ka përjashtuar Skënderbeun për 10 vite nga kupat e Europës, si dhe e ka gjobitur me 1 milion euro. Korçarët duan rrëzimin e këtij vendimi, që do t’u sillte bardhekuqve miliona euro në llogari në rast se e fitojnë çështjen.

Kështu, Tirana do të përballet me Korabin në stadiumin “Selman Stërmasi”. Edhe pse një miqësore, kjo përballje do të transmetohet direkt nga RTSh Sport. Në Korçë luhet sfida tjetër mes Skënderbeut dhe Maliqit. Dy fqinjët janë përballur edhe më herët, gjatë fazës përgatitore në verë, por edhe në dimër.

Miqësore – E premte, më 8 mars
Tirana-Korabi (14:00)
Skënderbeu-Maliqi (15:30)

Me shumë mundësi edhe nesër do të ketë përballje të tjera miqësore, që mbeten për t’u konfirmuar. Sikurse dihet, nuk është pushim vetëm Superiorja, por çdo kategori, madje edhe futbolli i moshave dhe i femrave.

Pas një viti në Superiore, ku u aktivizua më së shumti si zëvendësues, Sahiti u largua për në Greqi ku firmosi me Larisën. Pas katër muajsh me ekipin Grek, palët ndërprenë kontratën.

Së fundmi 24-vjeçari i është bashkuar skuadrës së Septemvri Sofies, klub ky që militon në ligën e parë bullgare. Sulmuesi anësor debutoi me skuadrën e re në takimin e javës së kaluar kundër Vitsha Bistricës, ku u fut si zëvendësues.

RRESHTIMI DHE ARBITRAT – Ardian Mema dhe Orges Shehi kanë nga një mungesë të rëndësishme në krahët e mbrojtjes. Kristi Vangjeli është i pezulluar për korçarët dhe sot pritet që Marko Radas të zhvendoset në të djathtë të prapavijës. Në kampin bardheblu Erjon Hoxhallari është ai që nuk mund të luajë prej kartonëve të verdhë. Imami do të lërë qendrën dhe Atinga me shumë gjasa do të zërë vendin e lënë bosh në qendër. Kobina, pas golit të shënuar me Luftëtarin, pritet të jetë protagonist nga fillimi.

Skënderbeu-Tirana është veçuar nga takimet e javës dhe arbitrat për këtë sfidë janë gjashtë. Kryesor është përzgjedhur Laver Alla, kurse asistentë të tij do të jenë Ilir Tartari dhe Edlir Malo. Devis Korreshi është arbitër i katërt, ndërkohë që Olsi Sokoli dhe Olsid Ferataj do të jenë pas porte.

KATEGORIA SUPERIORE – JAVA 23
E premte, më 22 mars, ora 18:00
Stadiumi “Skënderbeu”, Korçë

SKËNDERBEU-TIRANA

Skënderbeu: Dajsinani, Radas, Kaba Sambou, Pëllumbi, Abazi, Taipi, Dita, Pervan, Muzaka, Gripshi, Krasniqi. Trajner: Orges Shehi
Tirana: Abibi, Kërçiku, Turtulli, Atinga, Imami, Mauxhe, Karabeci, Hasani, Kobina, Greca, Ngo. Trajner: Ardian Mema
Gjyqtarë: Laver Alla, Ilir Tartari, Edlir Malo, Devis Korreshi; Gjyqtarë linje: Olsi Sokoli; Olsid Ferataj
Delegat: Astrit Maçi

“Mund të them se e gjithë skuadra nuk ishte në 100%, prandaj nuk morëm dot tre pikët. Pasim fituam me Laçin menduam se do ta kishim më lehtë, por fati nuk ishte me ne në atë ndeshje”, u shpreh fillimisht mesfushori.

Më tej ai shtoi: “Të gjithë e dimë se kampionati është shumë i gjatë. Ne si futbollistë jemi profesionistë dhe pas çdo ndeshje marrim mësime”. Në fund fokusin e mori Tirana, kundërshtari i së premtes për Skënderbeun.

“Ne kemi respekt për të gjithë ekipet, por mendoj se tani është koha që të fitojmë. Shpresoj që të japim maksimumin për tifozët që do të vijnë të na shikojnë. Vijmë nga një humbje, por shpresoj që me Tiranën të fitojmë e gjithçka të bëhet mirë”, përfundoi mesfushori.

“Sa mora mandatin e ri dhe nuk po e mendoj, është shumë shpejt”, është shprehur Duka në emisionin “I  ftuari” të gazetarit Endri Xhafo në “A2 CNN”. Në fakt mandati i tij përfundon në vitin 2022 dhe deri atëherë ka kohë mjaftueshëm për të marrë një vendim.

Historik nuk është vetëm zgjedhja e Dukës në Komitetin Ekzekutiv të UEFA, por edhe dënimi që këta të fundit kanë marrë për Skënderbeun. Në raportin e paraqitur në asamblenë e UEFA-s është konsideruar një sukses luftimi i trukimeve dhe mes çështjeve të listuara veçohej edhe dënimi i korçarëve me 10 vite përjashtim nga kompeticionet evropiane dhe me një gjobë që kap shifrën 1 milion euro.

“Dënimi i Skënderbeut është i paprecedent, nuk ka ndodhur asnjëherë. Nuk do isha dakord me një dënim të tillë, pasi dënimi është i përjetshëm nëse e zbërthen tamam. Mendoj që nuk është rasti më i keq, por është bërë për t’u marrë shembull”, u shpreh Duka në emision.

KUALIFIKUESET  E EURO 2020 –  “Franca është kampione e botës dhe është në formë të shkëlqyer sportive, por nuk ka diferenca mes Turqisë dhe Moldavisë, apo Islandës dhe Shqipërisë. Sigurisht që kualifikimi nuk është mision i lehtë, por ne do ta tentojmë”, u shpreh kreu i FSHF-së.

“Objektivi ynë është që të fitojmë çdo ndeshje, dhe nëse e bëjmë këtë do të dalim të parët. Por në futboll jo gjithmonë arrihen ato që ke vendosur si objektiv. Grupi ku ne luajmë mendoj që është i balancuar. Por i kam thënë Panuçit pas shortit, kush llogarit 6 pikë me Andorrën i ka të humbura”, përfundoi Duka.

Në klubin korçar ishin të bindur në mars se do të merrej vendimi, por nuk do të ndodhë diçka e tillë. CAS sot ka publikuar listën e çështjeve që do të zhvillojnë seancën dëgjimore. Përballja mes UEFA-s dhe Skënderbeut nuk figuron deri më 9 prill.

Kështu në kampin korçar do të duhet të presin të mësojnë se kur do të vihen përballë përfaqësuesve të UEFA-s në CAS. Për Superioren është pozitive kjo gjë, pasi Skënderbeu do të vijojë të garojë deri në fund me shpresën se deri para mbylljes së sezonit të fitojë këtë betë ligjore dhe nga ana tjetër të sigurojë pjesëmarrjen në kupat e Europës.

SORMANI – Trajneri italian, i cili ka drejtuar Partizanin në fillim të sezonit 2016-2017, ka punuar tek Club Al Arabi SC në Katar. Ai ka qenë ndihmës i Xhanfranko Zolës, por ka probleme me ish-klubin e tij. Nesër, CAS i ka programuar seancën dëgjimore. Adolfo Sormani, ka qenë pjesë e Club Al Arabi SC në periudhën korrik 2015-qershor 2016.

“Më vjen keq për atë që ndodhi. Ishim në analizë dhe nuk e pamë çfarë ndodhi. Folëm më lojtarët e Skënderbeut pastaj. Ka edhe shumë tifozët të Partizanit këtu dhe çdo ndeshje na kanë nxjerrë probleme. Edhe në ndeshjen me Teutën, u kapën me Osmanin”.

“Edhe ndeshjen tjetër me Teutën, ata u kapën me Osmanin ngaqë ishte nga Korça. U dënuam për atë ndeshje. Edhe me Tiranën na kanë nxjerrë probleme. Dihet që këtu është një bastion i kuq. Nuk kishin flamuj as asgjë tjetër. Këtu nuk ka ndodhur asgjë tjetër. Unë jam futbollist dhe organet përkatëse të marrin masa. Na vjen keq, pasi nuk ka pasur incidente në të shkuarën”.

“Stadiumi nuk plotëson kushtet? Shpresoj që drejtuesit ta zgjidhin. Keni të drejtë për çfarë thoni dhe uroj të ketë një zgjidhje për stadiumin”, tha Neziri.

REAGIM – Klubi krutan ka dalë me një deklaratë: “KS Kastrioti, pasi u njoh me pretendimin e kundërshtarëve mbi “incidentin” e ndodhur jashtë stadiumit, që siç pretendohet nga klubi korçar mes një tifozi dhe lojtarëve të Skënderbeut, distancohet nga çdo lloj akti dhune, qoftë edhe verbal, dhe kërkon nga institucionet përgjegjëse sqarimin e kësaj situate.

Klubi kërkon të sqarojë opinionin e gjërë sportiv se në ambjentet e brendshme apo rreth stadiumit nuk ka ndodhur asnjë incident. Kjo është një indicje e sajuar për të prishur imazhin e klubit tonë. KS Kastrioti”.

Gjithçka nisi me disfatën e pësuar kundër Skënderbeut në shtëpi. Më pas pikë të plota mori edhe Kukësi, Luftëtari, Kamza dhe Partizani para pak ditësh. Tre disfata në shtëpi radhazi numërojnë korçarët dhe shifra të tilla duhet të gërmosh shumë t’i gjesh për Skënderbeun.

KASTRIOTI  – Ndeshja e radhës me krutanët e vendit të fundit është mundësia më e mirë për Skënderbeun që të rikthehet te fitorja. Veç terrenit të vështirë, trajneri Shehi dhe lojtarët e tij duhet t’i bëjnë ballë edhe mungesave.

Bregu, Demte dhe Lulaj nuk do të jenë në dispozicion të Shehit. Krasniqi pritet titullar, ndërkohë që rikthehet Fidan Aliti. Mbrojtësi ishte i pezulluar dhe mungoi kundër Partizanit. Së fundmi ka pasur probleme edhe për Gjergji Muzakën. Shpresohet që të mos ketë diçka serioze për mesfushorin, i cili është një nga lojtarët më të rëndësishëm të Skënderbeut.

Demte u afrua verën e shkuar te Skënderbeu, ndërkohë që nuk pati shumë hapësira sezonin e parë. Për të interesohej edhe Kukësi, por korçarët paguan 30 mijë euro për kartonin e tij dhe e afruan në ekip.

“Faleminderit presidentit, faleminderit stafit të trajnerëve, faleminderit gjithë lojtarëve. Faleminderit gjithë tifozëve të mrekullueshëm dhe ju uroj gjithë të mirat dhe fat këtë sezon”, është mesazhi i Demte për korçarët.

Mesfushori ka pasur probleme shëndetësore gjatë kësaj periudhe dhe ka ikur drejt Etiopisë. Sa duket ai nuk do të kthehet më te Skënderbeu. Mesfushori është vetëm 20 vjeç dhe mund të ishte një nga lojtarët që mund të shitej në të ardhmen, pasi cilësitë nuk i mungonin.

GUEXH DHE GUINDO– “Taipi ka vetëm 4 ditë me skuadrën, luajti në Kupë. U nisa nga paraqitja e Gexh në Kupë dhe me Teutën, prandaj e aktivizova para Taipit. Megjithatë, Guexh nuk funksionoi dhe aktivizova Taipin. Më pëlqeu shumë dhe është një lojtar që premton”, tha pas ndeshjes me Partizanin Orges Shehi.

Sikurse kuptohet, mesfushori francez nuk e ka bindur teknikun durrsak dhe tashmë është larguar. Lëvizje në dalje pritet të jetë edhe ajo e Salio Guindo. Sulmuesi pritet të huazohet në ndonjë ekip tjetër të Superiores.

Sulmuesi Oto Xhon shfrytëzoi një asist të dhënë nga Guexh dhe mposhti portierin Bajri. Gjithsesi lezhjanët nuk u dorëzuan dhe sfiduan korçarët e baltën, duke barazuar me anë të Oumar Kamara në mesin e pjesës së parë.

Me rezultatin 1-1 u mbyllën 45 minutat e para, kurse në të dytën Skënderbeu e gjeti avantazhin shumë shpejt me anë të Gripshit. Trajneri Shehi u dha mundësinë edhe të rinjve të luanin, ndërkohë që Besëlidhja u mundua shumë të barazonte. Portieri Aldo Teqja ishte vendimtar me pritjet e tij dhe korçarët triumfuan dhe do të kërkojnë të formalizojnë kualifikimin në çerekfinale në ndeshjen e kthimit.

BESËLIDHJA-SKËNDERBEU 1-2
Shënues: O. Kamara 26′ / Xhon 10′, Gripshi 51′

Besëlidhja: Bajri, Miloti, Fetaj, Dibra, Rrustemaj, Hepaj, Hoxha (Hasaj 77′), O. Kamara, Thea (Përgjoni 64′), I. Kamara, Soumah. Trajner: Vladimir Gjoni.

Skënderbeu: Teqja, Vangjeli, Sambou, Aliti, Abazi, Taipi, Dita (Mara 66′), Guexh (Qoshku 76′), Hoxhaj, Gripshi, Oto Xhon ( Ajzeraj 69′). (Në dispozicion: Dajsinani, Pëllumbi, Vangjeli, Gavazaj). Trajner: Orges Shehi

Gjyqtarë: Olsi Sokoli, Alfred Shkreta, Arbër Zalla, Klajdi Kola
Delegat: Justin Bespalla; Vëzhgues: Idriz Gashi

Nga ekipet e Superiores sot në fushë zbresin edhe Luftëtari e Kastrioti. Këta të fundit madje që në orën 11:00. Kundërshtari do të jetë Egnatia. Gjirokastritët do të udhëtojnë drejt Ballshit, ku ndeshen prej orës 14:00 me Bylisin kryesues të grupit B në Kategorinë e Parë. Takim tjetër miqësor i programuar për sot është ai mes Tërbunit dhe Ilirisë.

MIQËSORE – E premte, më 18 janar

Tërbuni- Iliria 11:00
Kastrioti-Egnatia 11:00
Bylisi-Luftëtari 14:00
Teuta-Skënderbeu 14:00

Klubi korçar, përmes një postimi në llogarinë e tyre në “Facebook”, kanë njoftuar zyrtarisht se miqësorja ndaj Teutës do të luhet në stadiumin “Niko Dovana”, ditën e premte në orën 14:00. Ky do të jetë testi i tretë për të dyja skuadrat, në kuadër të përgatitjeve për pjesën e dytë të sezonit.

Më parë, Skënderbeu ka luajtur me Tiranën dhe Bylisin, ku i ka fituar të dyja sfidat, respektivisht 2-1 dhe 4-1 ndaj ballshiotëve. Ndërkohë, durrsakët nga ana tjetër kanë mundur Erzenin në testin e parë dhe më pas kanë barazuar me Kastriotin para pak ditëve me shifrat 1-1.

MERKATO – “Duke pasur parasysh që ne na duhen lojtarët, na duhen sidomos në repartin e mesfushës, po bëjmë çmos që ato lojtarë t’i gjejmë. Por jemi koshientë që është e vështirë të gjesh lojtarë me cilësi dhe që bëjnë diferencën. Kemi qenë në bisedime në çdo moment me drejtuesit. Ata e dinë shumë mirë se ne na duhen lojtarë dhe po punojnë. Në dijeninë time dhe në kontaktet e mia të përditshme që kam si me presidentin, si me drejtorin, ata janë duke punuar me intensitet të lartë për të gjetur lojtarë. Kështu që i kthehem asaj që thashë më parë, shpresoj që t’i gjejmë”.

SHTYRJA E KAMPIONATIT – “Duke qenë se këto ditë janë të ftohta, sidomos për ne që në Korçë duhet të përballemi me motin e ftohtë, mendoj se është një vendim i drejtë duke parë kushtet atmosferike. Kështu që na jep mundësinë të punojmë edhe një javë më shumë dhe për të luajtur në kushte më optimale. Me këto ngrica që po kalojmë tani është e vështirë”.

DEKLARATA E TAKAJT – Pak ditë më parë presidenti i Skënderbeut ka theksuar se gabojnë ata që nuk e llogarisin Skënderbeun për titull. Edhe Shehi mendon njëlloj: “Sigurisht që presidenti nuk flet në ajër, bazohet te grupi, te lojtarët që janë aty. Ne kurrsesi nuk mund ta përjashtojmë veten nga gara. Se si na llogarisin të tjerët është punë për ta, në llogaritë tona dhe me kontingjentin që kemi, shpresoj që edhe të përforcohemi pak dhe me rikthimin e dy dëmtimeve që kemi, ne jemi të qartë se do të luftojmë për objektiva madhorë, siç i ka hije Skënderbeut”.

“Katër humbje rresht është një gjë e madhe për Skënderbeun. Nuk jemi të kënaqur me muajin e fundit. Kemi diskutuar dhe i dimë gabimet tona. Synimi është të bëjmë më mirë”.

Kam kontratë  deri në fund të sezonit. Është e vërtetë që kemi biseduar me disa ekipe, por nuk është detyra ime të publikoj emra. Për momentin, jam i fokusuar këtu.

Dy fazat e mbetura? Të ngrihemi në vend të parë, aty ku Skënderbeu dhe ne e meritojmë. Jam i bindur se do të shpallemi sërish kampionë”, përfundoi Aliti.

Me të zgjidhur marrëveshjen me korçarët, fieraku me shumë mundësi do t’i bashkohet skuadrës së drejtuar nga Gentian Mezani. Fili mund të luajë në të gjitha pozicionet e sulmit dhe në Gjirokastër mendojnë se mund t’i marrin më të mirën 22-vjeçarit.

Luftëtari ka qenë një trampolinë e mirë tre vitet e fundit, teksa janë disa lojtarët që kanë spikatur dhe janë transferuar brenda dhe jashtë vendit. Bregu dhe Abazaj u shitën te Skënderbeu vjet, kurse sivjet ishte radha e Shkurtajt dhe Rrocës.

Fili kërkon të rikthehet ai i dikurshmi dhe beson se në Gjirokastër do të gjejë ambientin e duhur për të dhënë më të mirën e tij. Te Luftëtari ndërkohë po punojnë për të bërë edhe afrime të tjera, ndërkohë që një objektiv është edhe Erjon Vucaj. Për të arritur te shkodrani duket e vështirë, për shkak të kontratës që ai ka me Dritën e Gjilanit.

Pjesa e parë ishte e vakët, me rastet që ishin të pakta, aq sa mund të veçohet një goditje e Gripshit, nga distanca, i cili vuri në vështirësi portierin vendas. Edhe pse juglindorët po kontrollonin topin,  ishin vendasit që e gjetën golin. Një top i gjatë u kthye në gol nga Fukui, i cili i vetëm me portierin Teqja nuk e pati të vështire të përshëndeste rrjetën.

Pjesa e dytë nisi di si më mirë për ekipin mik, por pa krijuar ndonjë rast të rrezikshëm. Mundësia më emirë ishte ajo e Guexh, i cili edhe pse kaloi Avdylin, gaboi totalisht edhe pse ishte me portën e boshatisur. Minutat e mbetura do të sillnin më shumë tension sesa raste për shënim.

Skuadra e Gjokës shkon në kuotën e 15 pikëve dhe përkohësisht lë zonën e ftohtë, ndërsa në anën tjetër Skënderbeu mbetet me 30 pikë, duke treguar se janë në një krizë totale, pasi vijon paraqitja negative me 4 humbje radhazi.

KATEGORIA SUPERIORE – JAVA 18
E premte, më 21 dhjetor 2018, ora 13:30
Stadiumi “Kamza”, Kamzë

Kamza 1-0 Skënderbeu
Shënues: Fukui 43′

Kamza: Avdyli, Idrizaj, Arrabal, Teqja, Bonani, Rezi (Mumajesi 83′), Malaj, Peçi, Fukui, Plaku (Zisi 90′), Martinena (Orelesi 76′). Trajner: Ernest Gjoka.
Skënderbeu: Teqja, Vangjeli, Radas, Kaba Sambou, Aliti, Abazi, Dita, Guexh , Gripshi, Fili (Krasniqi 46′), Guindo (Oto Xhon 72′). Trajner: Orges Shehi

Gjyqtarë: Laver Alla, Dojando Myftari, Edlir Malo, Klajdi Kola
Kartonë të verdhë: Peçi 45+1′, Fukui 57′, Teqja  78′, Kirev 88′, Idrizaj 89′, Avdyli 90+3’/ Gripshi 12′, Aliti 39′, Guexh 80′, Vangjeli 87′
Delegat: Bujar Pregja; Vëzhgues: Mhill Shkëmbi

EPISODET

66’ – Mundësi mjaft e volitshme për skuadrën korçare, me Guexh, i cili u vonua për të goditur, ndonëse kalon edhe  portierin e Kamzës. As Gripshi nuk arrin të realizojë në momentin e dytë.

NIS PJESA E DYTË!

43′ GOL– Fukui merr një top të gjatë dhe i vetëm me portierin Teqja arriti të shënonte golin e avantazhin.

38′ – Idrizaj provon nga distanca nga një pozicion i vështirë, gjuajtje e pasaktë e mbrojtësit vlonjat të Kamzës.

33′ – Mundësi për Skënderbeun të zhbllokonte rezultatin, por sulmuesi Guindo nuk ia arriti dot qëllimit

25′ – Gripshi tenton me një goditje nga jashtë zone, portieri Avdyli në momentin e fundit e devijoi topin në këndore.

12′ – Ndeshje e vakët, me Skënderbeun më kërkues.  Gripshi merr karton të verdhë për prekje të topin me dorë në mesfushë.

Mungesën e Mehmetit në mesfushë e mbulon i riu Majkëll Peçi, i afruar gjatë merkatos së verës nga skuadra e Burrelit. Ndryshime te Skënderbeu, që luan me modulin 3-4-3. Vangjeli dhe Abazi do të luajnë si mesfushë, kurse Muzaka do e nisë nga stoli për shkak se ka pësuar një dëmtim në momentet e fundit. Fili merr vendin e tij. Guindo do të jetë sërish në sulm, kurse në qendër të mesfushës aktivizohen Guexh dhe Dita.

KATEGORIA SUPERIORE – JAVA 18

E premte, më 21 dhjetor 2018, ora 13:30
Stadiumi “Kamza”, Kamzë
Kamza-Skënderbeu

Kamza: Avdyli, Idrizaj, Arrabal, Teqja, Bobano, Rezi, Malaj, Peçi, Fukui, Plaku, Martinena. Trajner: Ernest Gjoka
Skënderbeu: Teqja, Vangjeli, Radas, Kaba Sambou, Aliti, Abazi, Dita, Guexh, Gripshi, Fili, Guindo. Trajner: Orges Shehi

Gjyqtarë: Laver Alla, Dojando Myftari, Edlir Malo, Klajdi Kola
Delegat: Bujar Pregja; Vëzhgues: Mhill Shkëmbi

Në komunikatë adresohet dhe problemi i raportit me tifozët, të cilët gjatë javëve të fundit kanë qenë të pakët në stadium, ndërkohë që pas rezultateve negative ka pasur dhe akuza ndaj klubet në rrjetet sociale.

“Momenti i delikat që po kalon skuadra duhet kaluar me qetësinë e treguar nga klubi përgjatë dekadës së fundit dhe për këtë duhet mirëkuptim dhe mbështetje nga tifozët”, shkruhet në njoftimin e Skënderbeut.