kf laçi

Selmani i jep fund te Laçi, firmos në Turqi

Sport Ekspres — Thu, 25 Jul 2019 18:20:40 +0000

Kategoria Superiore ka humbur një ndër portierët më të mirë të viteve të fundit. Gentian Selmani është prezantuar ditën e sotme te klubi turk i Menemensporit, që militon në Ligën e parë, divizioni i dytë ky për nga rëndësia në Turqi.

Transferimi i “gardianit” 21-vjeçar është realizuar me kosto 0 pasi kontrata e Selmanit me kurbinasit përfundoi pas aktivizimit në kualifikueset e Europa League. 21-vjeçari ka firmosur një kontratë me kohëzgjatje për dy sezone me skuadrën nga provinca e Izmirit.

Edhe pse në një moshë shumë të re, Selmani largohet nga Kategoria Superiore me 108 ndeshje në Kategorinë Superiore dhe 19 ndeshje në Kupën e Shqipërisë, të gjitha këto me skuadrën kurbinase, ku luajti për katër sezone.

https://www.instagram.com/p/B0V2tjNBODo/?utm_source=ig_web_copy_link

Starova: Kënaqësi të luash me kundërshtarë të tillë, moti më shqetëson

Sport Ekspres — Wed, 17 Jul 2019 21:42:26 +0000

Sulejman Starova ka folur para gazetarëve izrealitë në prag të përballjes së nesërme ku Laçi do të ndeshet me Hapoel Ber Shevën. Trajneri i skuadrës kurbinasit u shpreh se temperaturat e larta në Ber Sheva do të jenë një problem për skuadrën e tij.

“E dinim që në fillim se Hapoel Ber Sheva ishte ekipi favorit. Nuk patëm fat në short, ishte kundërshtari më i vështirë i mundshëm. Megjithatë, është kënaqësi që të luash ndaj një klubi të tillë, që ka pasur rezultate të mira dhe në arenën europiane, si disa vite më parë kur mundën Interin në grupet e “Europa League”.

“Mendoj se zhvilluam një ndeshje të mirë në Laç. Shënuam të parët, por në fund pavarësisht se bëmë një lojë të mirë, rezultati nuk ishte ai që donim. Temperaturat e larta në Izrael janë një problem i shtuar për skuadrën time. Edhe në Shqipëri kemi mot të nxehtë, por këtu është më ndryshe. Shpresoj që të nesërmen temperaturat të jenë pak më të ulëta se ditën e sotme”.

Traversa nga mesi i fushës dhe transferta në Izrael, Xhixha motivon Laçin

Sport Ekspres — Wed, 17 Jul 2019 13:35:06 +0000

Redon Xhixha ishte shumë afër shënimit të një goli fantastik në përballjen e javës së kaluar ndaj Hapoel Ber Shevës, por traversa i mohoi festën futbollistit kurbinas. Në një intervistë për “RTSH Sport”, 20-vjeçari shpjegon emocionet e atij momenti.

“Po përjetoja një emocion i papërshkueshëm, por nuk ishte e thënë ta bëjë atë mrekulli. Ndodhesha i vetëm në atë moment dhe pashë që portieri kishte dalë pak nga porta. E provova, por një prekje e lehtë e portierit çoi topin në traversë. Pas ndeshjes më kanë bërë komplimente familjarët dhe drejtuesit. Po ta kisha shënuar atë gol jam i bindur se do të kishim fituar atë ndeshje. Gjithashtu do të ishte dhe një vlerë e shtuar për mua si futbollist”.

“Bëmë një ndeshje të mirë këtu. Atje do ta kemi shumë të vështirë, por mendoj se mund t’ia dalim”, përfundoi Xhixha.

Starova s’mban sekrete: Në Izrael na duhet fat

Sport Ekspres — Tue, 16 Jul 2019 12:42:05 +0000

Laçi do të luajë të enjten në Izrael ndaj Hapoel Ber Shevës në kuadër të ndeshjes së kthimit të raundit të parë të kualifikueseve të Europa League. Në një intervistë për “RTSH SPORT”, trajneri Sulejman Starova foli mbi përgatitjet e skuadrës në prag të kësaj sfide.

“Është një kundërshtar që shquhet për diferencën që ka për ndeshjet brenda dhe jashtë në kampionatin izrealit. Skuadra duhet të jetë shumë e kujdesshme. Kundërshtari përdor zakonisht një taktikë që ku tregohet shumë agresiv që në fillim të ndeshjes”.

“Formacionin nuk e kam lënë surprizë, nuk e kemi mbajtur sekret. Djemtë e dinë kush do luajë dhe po punojmë për të përmirësuar çdo defekt. Në këto lloj ndeshjesh vendos edhe pak fati, diçka që nuk e kishim në takimin e parë ”, tha Starova.

VIDEO | Debutimi me Laçin dhe goli në kohë rekord, flet “bomberi” Nuabueze

Sport Ekspres — Fri, 12 Jul 2019 09:10:41 +0000

Sulmuesit amerikano-nigerian, Kirian Nuabueze, iu deshën vetëm tri minuta për të shënuar golin e parë me fanellën e Laçit. Në intervistën e dhënë pas ndeshjes për “Sporteskpres.com” pas sfidës me Hapoel Ber Sheva, 26-vjeçari foli për ndeshjen debutuese me kurbinasit dhe golin, që ishte më i shpejti i karrierës së tij.

“Ndihem mirë. Jam transferuar nga Drita te një klub i mirë si Laçi. Kemi në skuadër lojtarë të mirë dhe në një moshë të re, plot energji. Gjëja më e rëndësishme është që morëm një rezultat 1–1. Jam ndjerë shumë mirë në fushë”.

“Natyrisht që nga fundi i lojës pësova lodhje. Nuk kishim kundër një ekip modest. Hapoel Ber Sheva është një ekip i madh kjo dihet nga të gjithë. Na u desh të vraponim shumë, si dhe të luftonim shumë në ajër. Rëndësi ka që shënova dhe dhashë 120%, kaq mund të bëja. Kjo është gjithçka që mund të bëj. Duhet të shohim përpara dhe të mendojmë për ndeshjen e kthimit”.

“A është ky goli më i shpejtë i karrierës suaj? Po patjetër. Shënova që në minutën e tretë. Nuk di çfarë të them për këtë, por është një ndjesi e mirë”, përfundoi Nuabueze.

Xhixha: Ishim më mirë, te traversa fati nuk ishte me mua

Sport Ekspres — Thu, 11 Jul 2019 17:58:51 +0000

Redon Xhixhën e ndaloi vetëm traversa për të qenë heroi i Laçit ditën e sotme. 20-vjeçari lëshoi një goditje nga më shumë se 50 metra, duke e gjetur portierin kundërshtar të papërgatitur. Megjithatë, topi përfundoi në shtyllë.

Sulmuesi është shfaqur para gazetarëve të pranishëm në stadiumin e Laçit pas barazimit 1-1 ndaj Hapoel Ber Sheva. Sulmuesi, ashtu si Selmani, shprehet i mërzitur për golin ë shënuar, ndërkohë që skuadra e tij bëri një lojë më të mirë.

REZULTATI – “Sot bëmë një ndeshje fantastike, falënderoj çunat që luajtën sikur kjo ishte ndeshja e fundit e tyre. Ky është futbolli, duhet t’i pranojmë të gjitha rezultatet”

GODITJA NGA DISTANCA– “Isha i vetëm përpara, nuk kisha mbështetjen e shokëve. Thjesht godita dhe me pak fat mund të shënoja. E kisha parë portierin, prandaj godita. E shoh shumë herë gjatë ndeshjes, thjesht nuk kisha fat. Sot i bëmë të gjitha gjërat në rregull, zbatuam me përpikmëri këshillat e trajnerit. Pësuam një gol nga një gabim i vogël. Tani do të shkojmë atje për të bërë maksimumin. Vështirësitë janë në çdo ndeshje, por futbolli është futboll dhe ne do të bëjmë gjithçka për kualifikimin”.

VLERËSIMET DHE E ARDHMJA – “Dikush flet mirë, të vlerësojnë, por unë duhet të ul kokën dhe të vazhdoj të punoj. Në të ardhmen, do të shikojmë çfarë do të ndodhë”, përfundoi Xhixha.

VIDEO | Zemra e Laçit nuk mjafton, Ber Sheva i prish festën

Sport Ekspres — Thu, 11 Jul 2019 17:24:21 +0000

Ka përfunduar në barazim 1 – 1 takimi i raundit të parë eliminator midis Laçit dhe Hapoel Ber Shevës. Skuadra kurbinase ishte shumë pranë marrjes së një rezultati pozitiv, por izraelitët ia dolën të barazonin shifrat në pjesën e dytë. Javën e ardhshme Laçi udhëton në Izrael, ku u duhet të shënojë medoemos gol.

Kurbinasit e fillojnë takimin në mënyrë perfekte. Një harkim nga e majta gjen Nuabuezen, i cili godet saktë me kokë dhe çon shifrat në 1 – 0. Më pas izraelitët marrin kontrollin e lojës duke rrezikuar disa herë portën e Laçit. Xhixha i afrohet golit të dytë me një goditje nga mesi i fushës, por traversa i mohon një gol fantastik.

Në të dytën Hapoel Ber Sheva fillon e bëhet akoma më kërkuese. Tentativat e vazhdueshme të skuadrës mike konkretizohen në gol në minutën në minutën e 78-të, kur një goditje e Levit përfundon në trekëndëshin e portës së mbrojtur nga Selmani.

E enjte, 11 korrik 2019 (17:30 )
Europa League, raund i parë i kualifikueseve

Laçi 1 – 1 Hapoel Ber Sheva
Shënues: Nuabueze 3′ / Levi 78′
Kartonë të verdhë: Lushkja 63′, Shehu 83′ Sabag 22′, 44′ Shamir, Haselbenk 63′

Laçi: Selmani, Deliu, Fangaj, Gjoni, Ignjatoviç Domgjoni, Teko, Shehu, Lushkja , Nabueze (Berisha 82′), Xhixha (Shtubina 86′). Trajner: S.Starova

Hapoel Ber Sheva: Setkus, Biton, Vitor, Taha, Goldberg, Zrihan (Levi 71′), Haselbek, Shamir, Sabag (Josefi 86′), Marin, Sahar (Karrijo 76′). Trajner:B.Bakhar

EPISODET –

84′ – Izraelitët i afrohen golit të dytë. Topi ndalet në traversë.

78′ – Gooooool! Barazojnë izraelitët. Goditja e Levit nga brenda zonës së rreptësisë përfundon në trekendësh

63′ – Dy pritje të njëpasnjëshme të Selmanit mbajnë Laçin në avantazh.

54′ – Laçi afrohet golit të dytë. Deliu shërben për Nuabuezen, i cili nuk arrin të shtyjë topin pak metra larg portës.

50′ – Xhixha vë në vështirësi portierin izraelit me një goditje nga distanca.

45′ – Mbyllet pjesa e parë!

31′ – Traversa i mohon Xhixhës një gol fantastik. Një goditje nga më shumë se 50 metra largësi për pak sa nuk i siguron Laçit golin e dytë.

24′ – Selmani shpëton Laçin nga një gol i sigurt. Gjuajtja e Zrihan pritet nga portieri i kurbinasve.

15′ – Sabag gjuan nga një largësi e konsiderueshme, Selmani pret në dy kohë!

3′ – Goooool ! Nuabueze debuton me gol. Sulmuesi amerikan dërgon topin në rrjetë pas një harkimi në zonën e kundërshtarit.

Rinovim me peshë te Laçi, firmos talenti i sulmit

Sport Ekspres — Sat, 06 Jul 2019 19:19:07 +0000

Laçi ka zyrtarizuar ditën e sotme rinovimin me sulmuesin Redon Xhixha. Futbollisti 20-vjeçar ka firmos një kontratë me kohëzgjatje 2-vjeçare me klubin kurbinas. Xhixha iu bashkua Laçit dy vite më parë dhe tani është kthyer në një prej lojtarëve më të rëndësishëm të skuadrës.

Sezonin e kaluar 20-vjeçari u aktivizua në 33 ndeshje të Kategorisë Superiore ku shënoi pesë gola. Ditën e djeshme klubi kurbinas zyrtarizoi dhe rinovimin e mesfushorit kavajas Regi Lushkja.

https://www.instagram.com/p/BzldYQSAlf_/?utm_source=ig_web_copy_link

Ndeshje brenda grupit, te Laçi shkëlqen një brazilian

Sport Ekspres — Thu, 04 Jul 2019 18:58:15 +0000

Laçi ka zhvilluar një ndeshje miqësore brenda grupit në kuadër të përgatitjeve për përballjen ndaj izraelitëve të Hapoel Ber Shevës. Ndeshja testuese është mbyllur me rezultatin 4 – 0.

Berisha, Xhixha dhe braziliani Teko (2 herë) ishin autorët e golave në këtë takim. Kurbinasit presin më datë 11 korrik izraelitët e Hapoel Ber Shevës në Laç, ndërsa një javë më vonë skuadra e Starovës luan takimin e dytë në Izrael.

Golat: Berisha, Xhixha, Teko (2)

Selmani, Ignjatovic, Gjoni, Domgjoni, Fangaj, Shehu, Lushkja, Turkaj, Berisha, Xhixha, Nuabueze

Sali, Deliu, Selmani, Trokthi, Sefgjini, Jonuzi, Teko, Shtubina, Bushi, Prenga, Spahiu

Selmani i prerë: Pa besim, s’kemi as pse hyjmë në fushë!

Sport Ekspres — Thu, 04 Jul 2019 16:12:13 +0000

Portieri i kurbinasve do të ketë punë ndaj izraelitëve. Hapoel Ber Sheva ka marrë vlerësimin maksimal në kampin bardhezi. Edhe pse favorit është kundërshtari, Selmani thekson se duhet të kenë besim.

“Mendoj se është një short i fortë, na ra një ekip që ishte më lart se rivalët e tjerë të mundshëm. Prurjet janë të rëndësishme, shpresoj të ambientohen shpejt. Ndeshjet zyrtare tregojnë forcën tonë reale. Nëse nuk kemi besim, s’kemi pse hyjmë në fushë. Hyjmë për të bërë më të mirën”, ka thënë mes të tjerash Selmani për RTSH Sport.

Laçi ndeshjen e parë me Hapoel Ber Sheva e zhvillon të enjten e 11 korrikut, prej orës 17:30. Së shpejti pritet të dalin edhe biletat në shitje, ndërkohë që ende nuk janë publikuar çmimet. Si zakonisht, kurbinasit do të luajnë në stadiumi e tyre, pasi i plotëson kushtet.

Lajm tragjik, ndërron jetë ish-futbollisti i Laçit

Sport Ekspres — Mon, 01 Jul 2019 16:43:44 +0000

Ish-lojtari i Laçit, Amadu Boiro, ka ndërruar jetë. Lajmi bëhet i ditur nga mediet senegaleze, pa bërë të ditur shkaqet e vdekjes së futbollistit 23-vjeçar. Përvoja e Boiros me kurbinasit nuk zgjati shumë.

Mesfushori firmosi me Laçin në gusht të 2017-ës. Boiro luajti vetëm një ndeshje me fanellën e Laçit, një miqësore kundër Tiranës. Pak ditë pas firmës senegalezi ndërpreu bashkëpunimin me kurbinasit.

Në sezonin e fundit Boiro u aktivizua me skuadrën e Çarmbashsporit në kategorinë e katërt turke.