Xhika, së bashku me Ilir Avdylin, do të luftojnë për një vend titullari te Kukësi. Verilindorët ndërkohë janë lënë pushim të dielën dhe nga e hëna do të zhvendosen në Mavrovë, ku edhe do të përgatiten për nisjen e kampionatit.

Nga ana tjetër drejtuesit e klubit po punojnë për të rinovuar kontratat me Ardian Cuculin dhe Valdet Ramën. Të dy konsiderohen pjesë e rëndësishme e ekipit për sezonin e ardhshëm futbollistik.

Në një intervistë për “Supersport”, 24-vjeçari u shpreh optimist për të ardhmen me klubin verilindor dhe  zbuloi arsyet që e shtynë që të rikthehej në Shqipëri.

“Më bindi projekti i klubit. Kukësi është ekip që synon trofe dhe kjo më bindi që të rikthehem në Superiore. Disa prej djemve i njoh, besoj se do krijojmë një grup të mirë e do kemi sukses, pasi për këtë kemi ardhur të gjithë këtu. Besoj se do ia dalim të arrijmë objektivat e klubit”.

Në sezonin e fundit, Frashëri ishte  numri 1 i portës së verilindorëve, duke luajtur në 32 ndeshje të Kategorisë Superiore dhe në tetë të takime të Kupës së Shqipërisë.

Ju lajmëroj miq të dashur, që nga ky moment nuk do të jem më pjesë e FK Kukësit ! Kam qenë pjesë e një familje që më kanë respektuar dhe janë kujdesur në mënyrën më të mirë të mundshme… Një klub të cilit jam munduar ti jap gjithçka dhe njëkohësisht kam marrë shumë prej tij, një grup me çuna model që vërtet do më mungojnë. I uroj FK Kukësit suksese, çunave dhe pjesës të stafit që lash pas

https://www.instagram.com/p/B0njPDXgXb9/?utm_source=ig_web_copy_link

NJOFTIMI I KLUBIT

Skuadra ka nisur përgatitjet për sezonin e ardhshëm futbollistik 2019-2010. Për një përiudhë të pacaktuar, ekipi ynë do të zhvillojë seancat stërvitore në kompleksin sportiv “Football Republic” në periferi të Tiranës. Me datën 5 gusht 2019, skuadra do të zhvendoset në Mavrovë të Maqedonisë së Veriut për të nisur pjesën e dytë të fazës përgatitore për sezonin e ri futbollistik.

Gjatë sezonit të kaluar, ekipi arriti disa nga objektivat e vendosura, duke fituar Kupën e Shqipërisë si dhe duke u shpallur nënkampion.Edhe në ndeshjet kualifikuese për Europa Eleague, skuadra bëri paraqitje të mirë, sidomos në ndeshjen e dytë për Turin e Parë në “Elbasan Arena” ndaj skuadrës hungareze të Debrecenit, por nuk arriti të kalonte turin, i cili ishte kushti kryesor i vendosur nga Klubi.

Ky rezultat, ashtu sikurse ishte parashikuar në marrëveshjen mes Klubit tonë dhe trajnerit Ernest Gjoka, solli dhe përfundimin e bashkëpunimit me kryeqytetasin.  Rezultatet negative të arritura në kupat e Europës, kanë bërë që Klubi të marrë masa administrative ndaj ekipit. Konkretisht, eliminimi nga Turi i Parë kualifikues i Europa League ka sjellë vendosjen e gjobës për muajin qershor, për të gjithë futbollistët dhe stafin teknik.

“sportekspres.com”, mëson se Duro kërkon të marrë te Kukësi portierin e Partizanit Dashamir Xhika. 30-vjeçari është pjesë e kryeqytetasve prej pesë sezonesh, madje është pikërisht Duro ai që riktheu Xhikën te Partizani në verën e vitit 2014.

Pas pesë vitesh me aktivizime të pakta te Partizani, Xhika mund të gjejë të Kukësi një mundësi për një vend titullar, çka nëse ndodh do rriste ndjeshëm vlerën e tij në tregun e portierëve shqiptarë.

Duke filluar nga sot “baza” e kampionëve të Kupës së Shqipërisë është kompleksi stërvitor “Football Republic”, një investim ky i bërë nga ish-futbollisti i kombëtares shqiptare, Redi Jupi.

Kukësi bëhet skuadra e dytë që zhvillon stërvitje në këtë kompleks pas Partizanit që  shfrytëzoi ambjentet e këtij kompleksi gjatë sezonit të kaluar. Në tre vitet e fundit verilindorët janë stërvitur në kompleksin “Internacional”.

Çyrbja u ble një vit më parë nga skuadra e Teutës, por investimi nuk rezultoi i frytshëm me lojtarin që nuk arriti të siguronte një vend fiks në formacionin e skuadrës verilindore. Në 49 ndeshje me Kukësin, Çyrbja nuk arriti të vinte emrin në listën e golashënuesve.

NJOFTIMI I KLUBIT

Futboll Klub Kukësi zyrtarizon mbylljen e bashkëpunimit me Arbër Çyrbja.

Mesfushori ka ndërprerë me mirëkuptim marrëveshjen me Kukësin.

25-vjeçari, i cili i’u bashka skuadrës sonë sezonin e kaluar, është aktivizuar në 49 ndeshje në gjitha kompeticionet.

FK Kukësi falenderon Arbër Çyrbjen për kontributin e dhënë me skuadrën tonë dhe i uron suksese në karrierë!

Mesfushori anësor iu bashkua Kukësit një vit më parë nga Teuta. Kartoni i 25-vjeçarit i kushtoi jo pak presidentit Safet Gjici, që iu desh të gjente një akord financiar me drejtuesit e skuadrës durrsake për të blerë përfundimisht kartonin e futbollistit.

Përvoja te Kukësi rezultoi një zhgënjim për të dyja palët. Çyrbja u aktivizua në 42 takime me fanellën e Kukësit, ku në asnjë prej tyre nuk arriti të vinte emrin në listën e shënuesve.

Rikthimi i Gjokës në stolin e Kukësit zgjati pak më shumë se tre muaj. 49-vjeçari u emërua trajneri i verilindorëve në fillim të muajit prill, duke zëvendësuar Ramazan Ndreun. Nën drejtimin e Gjokës, Kukësi mbylli kampionatin në vendin e dytë të tabelës dhe siguroi trofeun e Kupës së Shqipërisë për herë të dytë në historinë e klubit.

Njoftim i Klubit!

Trajneri Ernest Gjoka nuk do të jetë më në krye të skuadrës së Kukësit.

Vendimi është marrë pas rezultateve zhgënjyese të ndeshjeve kualifikuese të Europa League.

Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë. FK Kukësi falenderon trajnerin Gjoka për punën e bërë në krye të ekipit.

Shumë shpejt, klubi do të njoftojë për emrin e trajnerit të ri, i cili objektiv kryesor do të vijojë të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës!!

Kuksiani ka luajtur për tetë vite me skuadrën e vendlindjes së tij, ku sezoni më i veçantë ka qenë ai i vitit 2011/2012, ku Koçi ishte portieri titullar në sezonin që çoi skuadrën kuksiane për herë të parë ne elitën e futbollit shqiptar.

“Sigurisht që ndikojnë shumë largimet e lojtarëve si Uilliam Kordeiro dhe Rexhinaldo. Ishin dy lojtarë që bënin diferencën. Nuk e kuptoj se si i lanë të iknin. Gjithsesi këtë gjëra i takojnë drejtuesve. Është e pakuptimtë që ata u larguan për gjëra të vogla”.

“Ka ardhur Markovanbasten Çema. Është një futbollist që sapo kishte filluar hapat e parë të karrierës te Dinamo. Ka një gjatësi 2 metra dhe ka një stil të bukur loje. Në bisedimet që bënim për të, përmendej fakti që na kujtonte stilin e Pero Pejiç.

Kanë marrë Kitanovskin, i cili luan mbrojtës të djathtë. Bruno Lujaj është një lojtar i laftë të luajë si mbrojtës i djathtë, mbrojtës qendre dhe para mbrojtjes. Mendoj se merkato në tërësi është cilësore. U bë mirë që nuk u ndërhy në mënyrë masive. Unë mendoj se Çema do të jetë një futbollist cilësor. Kishte vite që Kukësi e kishte në plane dhe më në fund drejtori Nexhipi e mori”.

Pavarësisht se është një klub me histori mbi 100-vjeçare, sukseset e Debreçenit në Hungari fillojnë në vitin 2005 ku fituan për herë të parë titullin kampion. Në 9 sezonet në vazhdim Debreçen ngriti edhe gjashtë herë të tjera titullin kampion, por dominimi i Debrecen u ndal në vitin 2014. Në pesë sezonet e fundit suksesi më i madh i klubit ka qenë renditja në vendin e tretë në dy raste.

Në sajtin e njohur  “transfermarkt”, vlera e lojtarëve të Debreçenit është 6.9 milionë euro, ndërsa vlera futbollistëve të Kukësit 5.5 milionë euro. Megjithatë, përafërsia në këto shifra mund të jetë disi e gënjeshtërt, pasi diferencat në buxhetet e skuadrave dhe infrastrukturë janë të mëdha. Mjafton të përmendim faktin se stadiumi i hungarezëve ka kushtuar 40 milionë dollarë për t’u ndërtuar.

Mark Sheçi ishte lojtari me numrin më të lartë të golave në sezonin që lamë pas. Sulmuesi 25-vjeçar shënoi tetë gola në 25 aktivizime. Mesfusha është pika më e fortë e hungarezëve. Kapiteni Daniel Tozher është një lojtar me eksperiencë të madhe, ndërsa 23-vjeçari Kevin Varga cilësohet si një ndër futbollistët më cilësorë në vend.

Bëhet fjale për Oumar Tourad Kamara, i cili ka spikatur në Kategorinë e Parë. Mesfushori ka treguar se di të shënojë. Sezonin e fundit ka gjetur rrugën e rrjetës 9 herë në 24 ndeshje. Ai do të tentojë të bindë trajnerin Gjoka për t’i bërë një vend në ekipin e tij.

Sot për herë të parë janë stërvitur me Kukësin edhe afrimet e fundit, Emiljano Musta, Ilir Avdyli dhe sulmuesi Marko Van Basten Çema. Nesër pritet të ketë risi të tjera, duke nisur nga mbrojtësi Bruno Lulaj.

Në një intervistë për “RTSH SPORT”, trajneri kryeqytetas u shpreh se ka skuadra e tanishme ka pësuar ndryshime rrënjësore nga ekipi i mëparshëm”

“Situata është ndryshe pasi nga ai Kukës kanë mbetur vetëm 2 ose 3 lojtarë. Ajo skuadër e arriti objektivin e vjet, ndërsa kjo skuadër duhet të punojë ende. Mund të them se ekipit nuk i mungon cilësia”.

“Objektivat e Kukësit janë gjithmonë trofetë dhe kalimi i sa më shumë tureve të Kupave të Europës. Më parë nuk ia dolëm dot për shkak të disa faktorëve. Tani duhet të shikojmë përpara si. Presidenti i Kukësit kërkon gjithçka”.

Ndoshta për të parën herë në një ndeshje të Kategorisë Superiore, bileta më e lirë është 1000 lekë (të reja), ndërkoha që çmimi biletave e Tribunës VIP dhe sektorëve A dhe B është  2000 lekë.

Çmimi nuk përkon me asnjë nga takimet e mëparshme që Kukësi ka zhvilluar në “Loro Boriçi” ose në impiante të tjera. Në një kampionat ku kemi një numër shumë të pakët tifozësh në stadiume, kjo lëvizje e klubit verilindor nuk mund të anashkalohet si hiçgjë.