SITUATA TE KAMZA – “Këtë vit e shikoj ekipin në një situatë jo të mirë. Presidenti i ekipit nuk duhet të ndihet në vështirësi ekonomike, pasi jemi në gjysmën e sezonit dhe ai duhet ta kishte paguar ekipin, pasi ka 51% të aksioneve. Këtu nuk shoh vështirësi financiare, por kontradikta”.

“Siç e thashë Qarri ka 51% të aksioneve. Ne jemi në gjysmën e kampionatit dhe një pjesë e futbollistëve thonë që s’kanë marrë 6 ose 7  rroga, pra nuk është hedhur asnjë lek. Bashkia ka qenë  kontribuesi kryesor vitin e kaluar, për të mos thënë 100% vitin e kaluar. Këtë vit kemi kërkuar që të kemi një kuotë të paracaktuar, që të dimë sa duhet të kontribuojmë, por për momentin nuk ka asnjë gjë konkrete”.

“Bashkia është e gatshme të financojë kur presidenti të kryejë pjesën e vet të likuidimit ndaj lojtarëve. Më shumë se sa gjysma e kampionatit duhej financuar nga presidenti, si pronar i 51% të aksioneve. Ne si bashki do të financojmë pjesën tonë, kur këtë gjë ta bëjë dhe presidenti i klubit.”

“Duhet t’ju kujtoj se Qarri është akoma debitor për vitin e kaluar. Gjithsesi për këtë vit jam i gatshëm për të kontribuuar 49% e bashkisë, por e përsëris këtë gjë do e bëj kur ai të paguajë 51% e vet”.

“Nuk kam një krisje marrëdhëniesh me Naim Qarrin. I kam kërkuar që aksionet e tij ose t’i shesë ose t’i dhurojë, ose t’ia blejë bashkisë pjesën e mbetur. Është e pamundur që presidenti i klubit të jetë dikush që nuk kontribuon dhe bashkia të jetë donatori”.

“Nuk është aspak e moralshme që në sytë e publikut 90% e futbollistëve nuk u paraqitën në ndeshjen e Partizanit. Si mund të kesh 51% të aksioneve dhe të bësh blerje pa hedhur asnjë qindarkë. Vitin e kaluar ne financuam 100% të shpenzimeve, 0 lek ka paguar Qarri. Këtë vit i kam thënë ‘sa të kontribuosh ti do kontribuojë dhe bashkia’. Edhe pse kam 49% të aksioneve, s’kam pasur informacion mbi kontratat dhe blerjet e skuadrës”.

“Nëse Qarri ka falimentuar, siç ka falimentuar, pasi ka 4 ose 5 vite që nuk hedh asnjë lek, le t’i shesë aksionet. Kanë falimentuar kompani më të fuqishme, nuk është hataja nëse ka falimentuar Qarri. Është e pamundur që të kesh emrin dhe 0 financim”.

“Ky është një konflikt i hershëm që ka bashkia me Qarrin, por në vitet e kaluar i kemi mbajtur të fshehur. Këtë vit nuk kemi bërë asnjë mbledhje ku të diskutojmë për shpenzimet. Me mua nuk janë konsultuar prej vitesh për as edhe një kontratë. Normalisht pyetet, kjo nuk funksionon nëse bashkua paguan 100%. Unë u kam thënë shumë futbollistëve që ata po bëjnë kontrata të njëanshme”, tha Mziu.

Ky është barazimi i tretë radhazi për Teutës, që në 2019-ën ende nuk e ka gjetur fitoren në Kategorinë Superiore. Ndërkohë, skuadra  e Ernest Gjokës merr një pikë do t’i vlejë shumë në garën për mbijetesë.

Pjesa e parë ishte e barabartë me raste në të dyja palët, ndërsa në të dytën vendasit ishin tërësisht dominues, por mbrojtja e Kamzës e bëri siç duhet detyrën duke ndalur sulmet e njëpasnjëshme të vendasve.

KATEGORIA SUPERIORE – JAVA 21

E diel, më 10 shkurt, ora 17:00
Stadiumi “Niko Dovana”, Durrës

Teuta – Kamza  0-0

Teuta: Hidi, Frashëri (Beqja 63′), Osmani, Arapi, Hakaj (Bicaj 82′), Sidibe, Gashi (Latif 46′), Kallaku, Traore, Kamara, Progni. Trajner: Bledi Shkembi

Kamza: Avdyli, Qaqi, Beqiri, Bitri, Orelesi. Rezi, Mehmeti (Mumajesi 82′), Malaj, Fukui, Plaku (Zisi 93′), Martinena (Shala 73′). Trajner: Ernest Gjoka

Gjyqtarë:  Ardian Beqiri, Denis Rexha, Dojando Myftari, Klajdi Kola

Delegat: Marjus Sulejmani; Vëshgues: Prek Pjetrushi

EPISODET –

83 – Latif i afrohet golit me një gjuajtje me të djathtën, por goditja e sulmuesit nuk gjen kuadratin e mbrojtur nga Avdyli.

81 –  Progni teston Avdylin nga jashtë zonës së rreptësisë. Portieri i Kamzës pret në dy kohë.

65 – Martinena rrëzohet pas një kontakti me Osmanin. Gjyqtari jep faull për Kamzën, lojtarët e Teutës pretendojnë për simulim dhe rrethojnë kryesorin e takimit.

57′ – Sidibe rrëzohet pas një kontakti me Fukuin, Gjyqtari Beqiri ndëshkon me karton të verdhë mesfushorin e Teutës për simulim.

45′ – Mbyllet pjesa e Parë! 

25’ Plaku bën gjithçka mirë dhe krijon një mundësi ideale për të shënuar. Avancimi i sulmuesit të Kamzës e dërgon në një pozicion të prirët me portën dhe gjuajtja e tij, përfundon jashtë. Mundësi shumë e mirë për Kamzën.

19’ Penallti për Teutën. Progni pengohet brenda zonës dhe për gjyqtarin 11-metërsh. Përgjegjësinë e merr i riu Kallaku, por gjuajtja e tij shkon jashtë. Shans ideal për Teutën për të kaluar në avantazh.

11’ Plaku bën gjithçka mirë, futet drejt qendrës dhe godet në mënyrë të shkëlqyer. Hidi i thotë ‘jo’ me një superpritje. Provon dhe Martinena nga topi i kthyer, por sërish e ndal Hidi.

9’ Teuta provon të shënojë. Një aksion i gjatë i durrsakëve nuk gjen një goditje përfundimtare. Megjithatë, vjen momenti i parë i rrezikshëm në portën e Kamzës.

1′ Starton takimi në “Niko Dovana”

Për shkak të mungesës së dritës, në “Selman Stërmasi” prozhektorët u ndezën pas një orë lojë. Aty zyrtarët e FSHF u kujtuan se për stadiumet pa impiant ndriçimi, ora 14:00 për nisjen e ndeshjeve është e papërshtatshme.

Për këtë arsye, federata vendosi të afrojë me 30 minuta ndeshjen ndërmjet Kamzës dhe Luftëtarit, që tashmë do të startojë në 13:30. Njoftimi u dha nga klubi i periferisë së kryeqytetit, më pak se 24 orë para zhvillimit të ndeshjes. E çuditshme, por jetojmë në Shqipëri.

Kordela do të prezantohet në ambientet e klubit më datë 20 nëntor.  Gjatë viteve të fundit Kordela ndërmori një pauzë nga bota e futbollit për t’u fokusuar në biznesin e verës, ku prej vitesh është pronari i një kantine që mban emrin e tij.