Pas humbjes së ndeshjes në tavolinë me Tiranën B, Kevitani nuk u paraqit as në Shkodër në takimin me Vllazninë B. Disiplina vendosi që kuqeblutë të merrnin tre pikët në tavolinë, ndërkohë që tanimë Kevitani ka shkarkuar edhe trajnerin.

“Bordi drejtues i FC Kevitan, i mbledhur me urgjence në bazë të situatës së krijuar së fundi në ecurinë e ekipit në kampionat, vendosi të ndërpresë marrëdhënien me trajnerin Berberi dhe të emërojë në krye të ekipit trajnerin Git Marku, “ish”-i FC Kevitan U15. Duke falënderuar profesor Berberin për punën e bërë deri tani, i urojmë profesor Gitit suksese në krye të kësaj aventure. Bordi FC Kevitan”, shkruhet në njoftimin e bërë në faqen zyrtare në “Twitter”.

Kë edhe dënime të tjera të dhënë, që i përkasin Kategorisë së Dytë. Kevitani ka humbur ndeshjen e dytë radhazi në tavolinë, pasi nuk është paraqitur në Shkodër për takimin me Vllazninë B. Edhe një takim tjetër nëse nuk zhvillon, skuadra kryeqytetase do të përjashtohet nga kampionati. Gramozi ndërkohë është dënuar të luajë 4 ndeshje pa praninë e tifozëve.

VENDIMET E DISIPLINËS
KF “Besa”, për sjellje të gabuar të spektatorëve, në bazë të Nenit 66/3/a të KDS, dënohet me zhvillimin e 3 (tre) ndeshje pa spektatorë.

KF “Kevitan”, për mos paraqitje në ndeshje me KF “Vllaznia B”, në bazë të Nenit 55/1 të KDS dhe 89/2/d të Rregullores së Veprimtarisë Futbollistike, humbet ndeshjen në tavolinë me rezultatin 3-0 (tre me zero). KF “Kevitan”, paralajmërohet se në rast të përsëritjes së këtij veprimi përjashtohet nga aktiviteti dhe zbret një kategori më poshtë, në bazë të Nenit 89/2/e të Rregullores së Veprimtarisë Futbollistike.

Zyrtari i KF “Klosi”, Besnik Muharremi, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktiviteti.

Lojtari i SHS “Përmeti”, Emiljano Mihali, për sjellje josportive ndaj lojtarit kundërshtar, në bazë të Nenit 48/1/d të KDS, dënohet me 2(dy) ndeshje pezullim nga aktiviteti.

Lojtari i KF “Delvina”, Adrian Xhibro, për sjellje josportive ndaj lojtarit kundërshtar, në bazë të Nenit 48/1/d të KDS, dënohet me 2(dy) ndeshje pezullim nga aktiviteti.

Zyrtari i KF “Shkumbini”, Astrit Isai, për protesta ndaj vendimeve zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktiviteti.

KF “Gramozi”, për sjellje të gabuar të spektatorëve,në bazë të Nenit 66/3/b të KDS, dënohet me zhvillimin e 4 (katër) ndeshje pa spektatorë në stadiumin përkatës.

Lojtari i KF “Term”, Marjo Kruja, për goditje ndaj lojtarit kundërshtar,në bazë të Nenit 48/1/e të KDS, dënohet me 5(pesë) ndeshje pezullim nga aktiviteti.

Lojtari i KF “Teuta” U-19, Dejvi Kapllani, për provokim të publikut, në bazë të Nenit 53/1 të KDS, dënohet me 2(dy) ndeshje pezullim nga aktiviteti.

Lojtari i KF “Bylis” U-19, Emanuel Nurcaj, për sjellje josportive ndaj lojtarit kundërshtar, në bazë të Nenit 48/1/d të KDS, dënohet me 2(dy) ndeshje pezullim nga aktiviteti.

Lojtari i KF “Lushnja” U-19, Kledi Allkanjari, për sjellje josportive ndaj lojtarit kundërshtar, në bazë të nenit 48/1/d të KDS, dënohet me 2(dy) ndeshje pezullim nga aktiviteti.

KF “Vlora” U-19, për aktivizimin të lojtarit Hitmen Troqe, që nuk kishte të drejtë për të luajtur në ndeshjen kundër KF “Republika” U-19, në bazë të Nenit 54/1 të KDS, dënohet me humbjen e ndeshjes në tavolinë me rezultatin 3-0 (tre me zero).

takimin e radhës Kevitani e luan në Shkodër ndaj Vllaznisë B. Presidenti Artan Singa ka folur për këtë takim dhe pret që të jetë një përballje e vështirë për ekipin e tij, pasi kuqeblutë mund të marrin edhe lojtarë nga ekipi i parë.

“Të dielën ekipi jonë luan ndeshjen e radhës në kampionat kundër një rivali të forte siç është Vllaznia B. Ndeshja luhet në Shkodër te kompleksi ‘Reshit Rusi’. Ne jemi të përgatitur për një rezultat pozitive megjithëse luajmë në kushte aspak të favorshme, duke ditur që Vllaznia si ekip B mundet të aktivizojë deri në 5 futbollistë nga ekipi parë”, ka deklaruar Singa përmes faqes zyrtare të Kevitanit në “Twitter”.

Një ditë më parë sipas kalendarit duhet të luanin me Tiranën B, por ky takim nuk u zhvillua. Presidenti i Kevitanit, Artan Singa, ka sqaruar se e gjitha kjo ka qenë një lëvizje e ulët e klubit bardheblu për të fituar ndeshjen në tavolinë.

DEKLARATA E PRESIDENTIT SINGA– “Në emër të F.C Kevitan dhe gjithë shoqërisë që unë përfaqësoj, duhet të shpreh indinjatën time të thellë në lidhje me një skandal që është hera e dytë që po bëhet në kurriz të ekipit F.C Kevitan. Që prej vitit 2014 kur mori udhë F.C. Kevitan, gjithmonë kam kontribuar djersën dhe mundin e familjes time pa marrë asgjë mbrapsht.

E kam bërë me dëshirë dhe pasion, duke besuar që do kontribuoja sadopak në zhvillimin e futbollit në Shqipëri.  Paskam gabuar rëndë, sepse gjatë gjithë këtyre viteve kam mësuar se nuk paska burra të fjalës në sportin më popullor në Shqipëri.

Pavarësisht gjithë sfidave që kam ndeshur gjatë këtyre viteve, gjithmonë kam menduar dhe besuar se gjërat do të përmirësoheshin. Por mesa kam ndeshur deri tani vetëm sa po vijnë e përkeqësohen. Është hera e dytë që ekipi F.C. Kevitan nuk lejohet të zhvilloje ndeshjen në kompleksin sportiv ‘Skënder Halili’.

Unë me zotin Refik Halili kishim një marrëveshje që ekipi F.C. Kevitan të zhvillonte ndeshjet në këtë kompleks. Në ndeshjen me Gramshin, e para dy javëve, z.Dejvi Muka dhe z.Refik Halili nuk na lejuan që të zhvillonim ndeshjen dhe rrjedhimisht humbëm ndeshjen në tavolinë me Gramshin.

Unë mendova dhe besova që e kaluam këtë situate. Kishim ndeshjen e radhës me ekipi Tirana B, që do e zhvillonim në kompleksin Skënder Halili. Para fillimit të ndeshjes na njoftohet që nuk do na lejonin të zhvillonim ndeshjen pa paguar 30.000 të reja. Unë nuk besoj se z.Halili është keq për kaq lekë, por në të njëjtën kohë e cilësoj si pabesi dhe lëvizje strategjike të tyre me qëllim që ekipi i Tirana B ta fitonte ndeshjen në tavolinë. Skenarë të tillë ordinerë nuk i shkojnë për shtat një emri si Futboll Klub Tirana.

Është paturpësi dhe lëvizje e ulët. Është matrapazllëk që nuk e besoja se mund të ndodhte asnjëherë. Nëse klubi i Tiranës është keq për kaq lekë do ishte më korrekte të na njoftonte ditë përpara se sa në momentin e fundit para se të fillonte ndeshja. Ndjehem vërtetë i keqardhur dhe i indinjuar. Ne si klub do bëjmë më të mirën tonë që të sigurojmë një ambient tjetër të përshtatshëm për të zhvilluar ndeshjet dhe për të garantuar pjesëmarrjen normalisht në kampionat. Turpin le ta mbajnë ata që ju pëlqen të turpërohen. Ne do vazhdojmë përpara”, thuhet në deklaratën e publikuar nga klubi i Kevitanit.