Tërhiqet nga kampionati, klubi i Kevitan konfirmon gjithçka

Sport Ekspres — Thu, 24 Jan 2019 18:08:03 +0000

Probleme të shumta me fushat stërvitore, me ndeshjet e humbura në tavolinë dhe me vonesa financiare, klubi i Kevitan ka vendosur që të tërhiqet përfundimisht nga futbolli shqiptar sa i takon sezonit 2018-19. Kryeqytetasit kanë njoftuar gjithçka sot në faqen tyre zyrtare në “Twitter”, ku kanë shpjeguar arsyet e kësaj tërheqjeje nga futbolli, si dhe pranuan se do të rikthehen në fillimin e sezonit pasardhës.

Njoftimi i klubit:

“2018 ishte një vit shumë i vështirë për Kevitan, me një numër problemesh që çuan në tërheqjen e klubit nga grupi A i Kategorise së Dytë, probleme me fushen e stervitjes, ndeshjet e humbura në tavolinë dhe gjithashtu disa probleme menaxhimi.

Grupi i ri i trajnereve dhe manaxhimi nuk arritën të rimëkëmbnin një sezon që kishte filluar me qëllimet më të mira. Pas analizimit të gjithë kësaj situate, partnerët morën vendimin e tërheqjes nga kampionati. Por FC Kevitan nuk është zhdukur! Klubi do të kthehet për të luajtur në fushat shqiptare në sezonin 2019/2020 i cili do të jetë, me shpresë, sezoni i ringjalljes. Ky Klub është një realitet i futbollit shqiptar dhe i futbollit në Tiranë në veçanti.

Angazhimi do të jetë edhe më i madh për të gjithë. Qëllimi i Kevitan nuk është vetëm Kategoria Superior, por dhe praktikimi i një futbolli të mirë, mbështetja e pasionit për këtë sport duke besuar në vlerat e tij të shëndetshme. ”

Artan Singa FC KEVITAN

Problemet e shumta, “shkrihet” pas katër vitesh klubi shqiptar

Sport Ekspres — Sun, 11 Nov 2018 11:14:03 +0000

Një ekip më pak në futbollin shqiptar. Ditën e sotme është njoftuar tërheqja nga kampionati i Kategorisë së Dytë i një klubi privat si Kevitani. Të gjendur përballë vështirësive, drejtuesit e këtij klubi kanë njoftuar tërheqjen nga gara. Më parë kishin humbur disa ndeshje në tavolinë për shkak se nuk ishin paraqitur, ndërkohë që tanimë ka ardhur edhe vendimi final.

NJOFTIMI I KEVITAN – Bordi drejtues i FC Kevitanit njofton tërheqjen e ekipit nga kampionati i Kategorisë së Dytë. Kjo vjen në bazë të situatave të krijuar nga një grup i futbollistëve, që prej disa javësh nuk po paraqiten për transfertat e ekipit. Duke ju kërkuar ndjesë atyre që me të vërtetë besuan dhe kontribuuan në këtë projekt, si dhe tifozëve tanë, duke i njoftuar që ne tërhiqemi përfundimisht nga kampionat i Kategorisë së Dytë.

Në 4 vjet u munduam si askush tjetër të krijonim një realitet të ri në futbollin shqiptar, duke krijuar një skuadër krejtësisht privat, ku askujt dhe askujt nuk i hahej haku, por ku secili vlerësohej për talentin. Por gabuam se ishim kundër rrymës që është ndërtuar në mentalitetin e këtij vendi, ku talenti barazohet me sa paguan. Ne nuk jemi këta! Dhe në fund nuk dua të lë pa falënderuar atë person të vetëm në Shqipëri që na ka përkrahur në tërë vijimësinë tonë 4-vjeçare: ARMAND DUKEN. YOU ARE NUMBER 1, MAN!

RREGULLORJA – Me tërheqjen e Kevitanit do të ndryshojë edhe renditja në grupin A të Kategorisë së Dytë. Kështu, të gjitha ekipeve që janë përballur me Kevitanin, do t’u hiqen pikët e marra në përballjen me kryeqytetasit. kështu thotë rregullorja në rast se një ekip tërhiqet apo përjashtohet nga gara pa u mbyllur gjysma e kampionatit.