Megjithatë, mediet spanjolle janë treguar të shpejta për të hapur një polemikë për 31-vjeccarin. Në prill të 2017-ës, Boateng kreu një intervistë, ku e pranoi hapur se është një fans i Real Madrid që në fëmijëri.

#Mercato : Quand KPB préférait Madrid

Suite à l’annonce du transfert de Kevin-Prince Boateng au Barça, les quotidiens madrilènes As et Marca n’ont pas traîné pour ressortir cet entretien d’avril 2017, où KPB avouait sa préférence pour le Real Madrid.pic.twitter.com/P4sF58grMQ

— ????? ? ???? ???? (@Mordu2Foot) January 21, 2019

Gazetari: Kë mbështet në “El Clasico”, Barcelonën apo Real Madridin?

Boateng: Madridin

Gazetari: Kë do zgjidhje për të luajtur midis tyre në të ardhmen?

Boateng: Milanin (bën shaka). Madridin sigurisht. Qëkur isha i vogël, fanellat e bardha më bënë të tyrin.

“Në pjesën e parë harruam të shënojmë gol. Më pas e pësuam në kundërsulm. Luajtëm një ndeshje të madhe në 20 minutat e para. Pashë një Milan që bëri ndeshjen perfekte.”

“Na pritën që të gabonim dhe të na godisnin me kundërsulm. Nëse luajnë gjithmonë kështu, mund të fitojnë kampionatin”, përfundon mesfushori 31-vjeçar.

Sfida e radhës është përballë kuqezinjve të Gatuzos, ekip me të cilin Boateng është i lidhur shumë. Nëse shënon, 31-vjeçari nuk do të festojë. Ai ka folur për “SportWeek”, ku zbulon një detaj të veçantë nga biseda me trajnerin De Zerbi, përpara arritjes së akordit për të kaluar te Sasuolo.

“Nuk kam rilindur, sepse kurrë nuk kisha vdekur. De Zerbi nuk më kërkoi të vija te Sasuolo, më urdhëroi për një gjë të tillë. Dëshiroja të kthehesha në Itali dhe të isha afër Milanos. Kur të mbyll karrierën, do të shkoj të jetoj në Milano me gruan time Melisa Sata dhe djalin tim Madoks.”

Kur pyetet për ndryshimin midis një ndeshje, që luante në “San Siro” përballë 80 mijë tifozëve dhe tani te Sasuolo përballë 10 mijë tifozëve, Boateng e shpjegon shumë thjeshtë. “Nëse luaj keq, ka më pak njerëz rreth e rrotull, të cilët më fishkëllejnë.”

Të shtunën Sasuolo pret Milanin, ekip me të cilin Boateng është aktivizuar për 85 ndeshje, ndërsa mesfushori i avancuar zbulon emocionet e kësaj ndeshje. “Milan është skuadra ime e zemrës dhe nëse shënoj, nuk do të festoj, sepse kam shumë respekt për ato ngjyra.”

Në fund… e ardhmja. Kevin Princ e ka të qartë se me çfarë dëshiron të merret dhe shpjegon shkakun, që e shtyn të bëjë një gjë të tillë. “Paratë e para që fitova më bënë të rrëshqas dhe të dal jashtë rrugës dhe të largohesha nga jeta e rrugës. Për këtë shkak, dua të stërvis lojtarë të rinj, kur ta mbyll karrierën, sepse dua t’i ndihmoj që të mos përsërisin gabimet e mia.”

Melisa e ndjek në transferta dhe i bën një thirrje të veçantë tifozëve të Sasuolos të mbushin stadiumin. Sasuolo përballet me Juventusin në transfertë dhe në stadium në krah të Melisës do të jetë dhe bashkëshortja e sulmuesit Alesandro Matri, Federika Nargi.

“Kevin po bën mirë dhe shpresoj të shënojë shumë gola, siç ka bërë me Xhenoan dhe Kaljarin. Të dielën do të jetë e vështirë kundër Kristiano Ronaldos. Kevin më ka treguar që portugezi është më i forti në botë dhe unë i besoj atij. Unë do të jem në stadiumin e Torinos të dielën, sepse më pëlqen të shkoj në transferta, por e ndjek dhe në ndeshjet brenda.

Në Torino do të jem me Federika Nargin dhe kjo është një mundësi e mirë për tifozët e Sasuolos të bëjnë abonimet e tyre. Kevin i kërkoi djalit nëse donte bluzën e Kristiano Ronaldos, por ai i tha se dëshironte bluzën e të atit. E kam ndjekur Kevin në Dyseldorf dhe në Frankfurt, qytet të cilin e dua shumë. Frankfurti është si Milano, të cilin e adhuroj.

Unë jam tifoze e Milanit dhe do më vinte mirë, nëse Kevin do të rikthehej në Milano, por zgjedhjet i përkasin atij dhe mendoj që janë të drejta. Ai ndihet mirë në Modena, ushqehet mirë dhe unë mund të bashkohem lehtë me të, sepse është një distancë më pak se 200 km”, përfundon bukuroshja italiane, Melina Sata.

Në fund të sezonit zgjodhi të largohej dhe rikthehej në Itali, për të qenë më afër familjes, që jeton në Milano, por jo vetëm. 31-vjeçari zgjodhi Sasuolon dhe tregon për gjermanen “Bild” shkaqet e këtij vendimi, si dhe flet për maturimin si futbollist dhe njeri.

“Krahasuar me Frankfurtin, këtu kam autostradën gati për Milano. Këtu janë makaronat, që janë shumë, por shumë të mira. Së fundmi shkova në një restorant për të ngrënë dhe përfundova në kuzhinë duke përqafuar kuzhinierin. Nuk është normal një ushqim i tillë, por duhet të tregohem i kujdesshëm që të mos marr shumë yndyra.

Më duhet të them që në 3-4 sezonet e fundit, po impenjohem më shumë. Më parë, nuk isha kaq i mirë sa i përket disiplinës. Gjithmonë duhet të jesh profesionist dhe jashtë fushës. Karrierës time për momentin i jap notën shtatë, ndonjëherë i afrohem tetës, por ka dhe raste kur kam zbritur poshtë pesës.

Nuk e lashë Gjermaninë vetëm për të qenë afër familjes, por edhe sepse u largua trajneri Kovaç. Mbi të gjitha, sepse dëshiroja të leja një kujtim të bukur në një ekip gjerman. Është shumë i bukur fakti që një ditë mund të rikthehem në Frankfurt dhe njerëzit do të më prisnin më krahë hapur.

Më në fund u largova vetë dhe nuk më larguan të tjerët”, përfundon Boateng, i cili e ka nisur mirë eksperiencën me Sasuolon, ekip me të cilin ka shënuar tre gola në katër ndeshjet e para mes kampionatit dhe kupës.