Përfundon procesi, gjykata shpall vendimin për Ronaldon

Sport Ekspres — Mon, 22 Jul 2019 20:47:00 +0000

Katrin Majorga, siç është kthyer në modë vitet e fundit, u bë e famshme nëpërmjet një padie për përdhunim të lëshuar ndaj Kristiano Ronaldos. Gruaja pretendonte se portugezi e kishte përdhunuar atë në vitin 2009.

Majorga e ngriti përsëri para disa muajsh padinë, me Ronaldon që iu desh të mbrohej në gjykatat amerikane. Ditën e sotme ka përfunduar e gjithë kjo ”odise”. Trupa gjyqësore ka vendosur t’i japë fund kësaj çështje, duke shpallur Ronaldon të pafajshëm.

Në media është publikuar edhe dokumenti, ku shkruhen të gjitha argumentet pse sulmuesi i Juventusit është i pafajshëm. Arsyeja kryesore është mungesa e provave dhe mosgjetja e videos, që Majorga pretendonte se ekzistonte. Humbja e pamjeve e detyroi ish-të dashurën e Ronaldos të tërhiqej nga akuza.

Akuzat për përdhunim, reagojnë avokatët e CR7: Dhunim i të drejtave, “Der Spiegel” në gjyq!

Sport Ekspres — Fri, 28 Sep 2018 19:21:35 +0000

Gjermanja “Der Spiegel”, publikoi gjatë ditës së sotme një prononcim të Kethrin Majorga, e cila pretendon të jetë përdhunuar nga Kristiano Ronaldo. Ngjarja ka ndodhur në vitin 2009, në një hotel në Las Vegas, por 34-vjeçarja pranoi akordin me futbollistin e famshëm. Majorga mori 375 mijë dollarë në këmbim të heshtjes, por ajo nuk ka rezistuar më dhe ka bërë publike episodin e ndodhur.

“Po kryenim marrëdhënie, kur fillova të mos ndihesha mirë. I kërkova që të ndalonte disa herë. Ai më dëgjoi, por nuk ndaloi. Më pas mu ul në gjunjë duke më kërkuar falje dhe duke thënë se ishte hera e parë që nuk e kontrollonte dot veten”, denoncoi Majorga dhe avokati i saj tha se marrëveshja midis palëve nuk ka vlerë ligjore dhe se klientja e tij ka të drejtë të kërkojë drejtësinë në dyert e gjykatave.

Portugezi ka reaguar, duke mohuar këto akuza dhe avokatët e lojtarit kanë hedhur në gjyq revistën gjermane. “Lajmi është dukshëm ilegal”, shprehen përfaqësuesit ligjorë të Ronaldos, ndërsa ky i fundit pretendon që të ketë kryer seks me dëshirën dhe aprovimin e vetë Majorgës.

Në deklaratën e bërë, avokatët e 33-vjeçarit pretendojnë që lajmi i revistës gjermane “dhunon të drejtat personale të lojtarit” dhe në një mënyrë “jashtëzakonisht serioze” do të hedhin revistën në gjyq. “Ky është dhunimi më i madh i të drejtave personale, që ka ndodhur në vitet e fundit”, theksojnë avokatët e futbollistit të Juventusit.

Kathryn Mayorga traf Cristiano #Ronaldo in einem Club in Las Vegas. In der Nacht, sagt sie, habe er sie vergewaltigt. Der Fußball-Superstar kaufte ihr Schweigen. Hier erzählt sie ihre Geschichte. https://t.co/jDCvoC3enq

— SPIEGEL ONLINE (@SPIEGELONLINE) September 28, 2018