Megjithatë, ky shkëmbim po shtyhet çdo ditë e më shumë dhe duket se gjithçka po e mban pezull Granit Xhaka. Mesfushori shqiptar është i lidhur me një kalim te skuadra e Atletiko Madridit si zëvendësues i Rodrit dhe Arsenali nuk do që t’i humbasë të dy mesfushorët difensiv.

Mendohet se “Topçinjtë” janë të prirur drejt shitjes së Xhakës, por futbollisti i Zvicrës duket i pavendosur, pasi e tërheq dhe ideja e kalimit te Interi. Deri sa Xhaka të vendosë për të ardhmen e tij, shkëmbimi Kesi-Torreira duket shumë larg.

Lacio e filloi më mirë takimin me një rast shkëlqyer të Korreas, por Reina largoi rrezikun. Pjesa e parë u mbyll me një rast të pastërt të Piatek që nuk arriti të shënonte pak metra larg portës.

Vuajtjet vazhduan dhe gjatë pjesës së dytë. U desh një penallti e fituar nga Musakio për të zhbllokuar sfidën. Kesie merr përsipër penalltinë dhe nuk gabon.

Thomas Strakosha kreu një ndeshe të mirë, ku spikati me një pritje ndaj gjuajtjes së spanjollit Suso.

Gjithsesi, në fundin e ndeshjes, të dy lojtarët dolën së bashku duke folur për mediat, ku shpjeguan se çdo gjë ishte lënë pas. Sidoqoftë, klubi i Milanit nuk e ka kaluar dhe aq lehtë këtë situatë dhe ditën e sotme ka zhvilluar një takim mes Lukas Biljas dhe agjentit të Kesit, pasi ky i fundit është me kombëtaren.

Në fund të takimit, drejtuesit kuqezinj kanë bërë me dijë që i kanë vendosur gjobë secilit prej lojtarëve, duke shpresuar në mospërsëritjen e gjesteve të tilla të shëmtuara.

? #UltimOra #Milan
Convocati a Casa Milan #Biglia e l’agente di #Kessié
Multa per entrambi i giocatori#SkySport

— Sky Sport (@SkySport) March 21, 2019

Ndërkaq, drejtuesit e Milanit janë duke vëzhguar tre lojtarë të rëndësishëm të ekipit, sepse La Gazzetta dello Sport shkruan sot se klubi kuqezi do të vlerësojë deri në fund të sezonit paraqitjet dhe sjelljen e titullarëve me peshë si Kesié, Çalhanoglu e Suso.

Të tre kanë në dispozicion 10 ndeshje për të rifituar formën e së shkuarës dhe për të merituar konfirmimin në kuqezi, sepse mungesa e vëzhdimësisë së tyre ka irrituar klubin.

Të tre futbollistët janë titullarë dhe do të mbeten të tillë deri në maj, ndërsa më pas do të bëhet bilanci. Suso është lojtari më problematik, sepse ka shumë javë që po luan dobët dhe rinovimi i tij zvarritet prej kohësh.

Çalhanoglu ka pasur një ecuri më të mirë kohët e fundit, por ofertat 20 milionë euro e lart joshin Milanin, sepse turku nuk është se ka mahnitur.

Në fund, Kesié: afrikani e ka zhgënjyer pa masë trajnerin Gatuzo, me sherrin që bëri në derbi, ku u kacafyt me Bilian. Ndoshta deri në fund të sezonit historia do jetë harruar, por më pas edhe ai do jetë nën lupën e klubit dhe ndoshta Gatuzo do ta futë në listën e të padëshirueshmëve.

Futbollisti nga Bregu i Fildishtë ra pre e koreve raciste në momentin e zëvendësimit, gjë që e acaroi shumë lojtarin.

Në vendimin e nxjerrë sot nga komisioni i drejtësisë sportive pranë, klubi Interit ka marrë një paralajmërim për këtë sjellje të tifozerisë. Zikaltrit janë paralajmëruar se nëse incidentet të tilla përsëriten, ata do të dënohen me mbylljen e tribunës së tifozerisë “Curva Nord”, të paktën për një ndeshje.

Chiusura per un turno la #CurvaNord dell' #Inter per "ululati razzisti" nei confronti di #Kessie, ma con sanzione sospesa per un anno con avvertenza che se dovesse ripetersi..la sanzione sarà aggiunta a quella inflitta per la nuova violazione#LegaCalcio #SerieA pic.twitter.com/MbCDZbnxGm

— Pietro Balzano Prota (@PBPcalcio) March 19, 2019

Pjesa e parë filloi me një gol të Paketas, por sistemi VAR anuloi festën e brazilianit duke sinjalizuar për një pozicion jashtë loje. Megjithatë, pjesa e dytë ishte një histori krejt ndryshe.

Piatek zhbllokon sfidën në minutën e 49-të, ndërsa Kesie dyfishon pas vetëm dy minutash. I mrekullueshëm sulmusi polak, i cili ka shënuar golin e katërt në po aq ndeshje si titullar në Serinë A me fanellën kuqezi, diçka që e kishte bërë për herë të fundit Oliver Bierhoff, 21 vite më parë.

Në të 67-ën Kastijeho çon shifrat në 3-0 falë një pasimi nga i rikthyeri pas një dëmtimi të rëndë Andrea Konti, i cili tregoi se jo më kot u shpenzuan mbi 20 milionë euro për kartonin e tij.

Milani fluturon, në javët e fundit ka pasur ritëm të çmendur dhe tashmë lutet që Interi e Roma të gabojnë, për ta bërë akoma më të bukur fundjavën.

MILAN 3 – 0 EMPOLI
Shënues: Piatek 49′, Kesie 51′, Kastijeho 68′

Polaku foli pas fitores, duke shprehur lumturinë e tij për fitoren dhe formën fantastike që po kalon. Trajneri Gatuzo i vuri krahasimin Robokopi, por sulmuesi preferon atë të “pistoleros”.

“Unë jam Piatek, një pistolero. Në Poloni është më e thjeshtë të shënosh, por jam shumë i kënaqur që kam shënuar shumë me Xhenoan dhe Milanin. Tifozët e Milanit më duan shumë, jam i lumtur dhe dua të vazhdoj të shënoj“, është shprehur 23-vjeçari pas fitores kundër Kaljarit.

Bakajoko vazhdon të dhurojë paraqitje pozitive dhe drejtuesit e Milanit kanë vendosur të blejnë kartonin e mesfushorit në fund të sezonit. Çdo gjë është e përcaktuar në formulën e huazimit dhe kuqezinjtë duhet të paguajnë 35 milionë euro, nëse duan të sigurojnë shërbimet e Bakajokos.

Frenk Kesi mund të jetë zgjidhja dhe sipas mediave angleze Çelsi po mendon një skenar që mund t’i kënaqë të gjithë. Bakajoko në Milanelo dhe për shumë vite dhe mesfushori nga Bregu i Fildishtë në ekipin e Sarrit.

Në fundin e sfidës ndaj Frosinones, 22-vjeçari ka folur për mediat, duke pranuar se momenti që po kalon ekipi i tij është mjaft i vështirë. Gjithsesi, Kesi shton se ai dhe shokët e tij duhet të punojnë akoma më shumë për t’u ringritur dhe për të lënë pas momentin e keq, duke u rikthyer te rezultatet pozitive.

“Është një periudhë e vështirë për të gjithë. Duhet të punojmë fort dhe të rikthehemi te fitorja. Më shumë jemi të lodhur psikologjikisht se sa fizikisht. Janë 4 ndeshja pa fitore. Duhet të punojmë shumë për të lënë pas këtë moment të vështirë. Kur të vijë goli, nuk do të ndalemi më, jam i sigurt. Nuk është momenti për të folur, por për të punuar. Na duhen fitore me çdo kusht. Duhet të japim gjithçka në ndeshjen e fundit dhe më pas të pushojmë për të karikuar bateritë përsëri”.

“Do më duhet të shoh nga stoli dhe të shpik diçka. Nuk mund ta quajmë veten të mundur pa zbritur akoma në fushë”, tha Gatuzo kur u pyet për planin pas pezullimit të dy mesfushorëve.

Shpëtimi i vetëm për Milanin mund të jetë veterani Rikardo Montolivo dhe italiani tjetër Andrea Bertolaçi. Të dy mesfushorët nuk janë aktivizuar në asnjë ndeshje të Serie A deri më tani dhe një pjesë e tifozëve të Milanit e kanë harruar se ata janë ende pjesë e skuadrës. Një tjetër opsion për mesfushën është dhe 22-vjeçari Zhoze Mauri.

Një gjë e përbashkët e tre emrave të lartpërmendur, është se kontrata e tyre mbaron në fund të ketij sezoni. Tani lojtarët e dalë jashtë planeve të skuadrës kanë për detyrë të tregojnë se janë profesionistë dhe një paraqitje e mirë ndaj Fiorentinës do të linte një shije të mirë te tifozët, të cilët për momentin  i shohin me skepticizëm emrat e tyre.

Gjithsesi, mesditën e nesërme kuqezinjtë do të presin Parmën në “San Siro”, në një sfidë që shihet si jo e thjeshtë, pasi emilianët kanë surprizuar jo pak këtë sezon. Në kuadër të ndeshjes trajneri Gatuzo, ka marrë disa lajmë të mira, teksa Frenk Kesi, i cili kishte një dëmtim, do të jetë i gatshëm.

Gjithashtu, në sfidën e luajtur në mesjavë ndaj Dudelanzh, pati probleme për Bakajoko e Kutrone. Të dy futbollistët do të jenë po ashtu të gatshëm, teksa lëndimet e marra duket se janë lënë pas. Gatuzos do t’i duhet të bëjë pa Higuain në këtë sfidë, i cili vijon skualifikimin për kartonin e kuq të marrë në sfidën ndaj Juventusit.

Lidhur me këtë çështje ka folur pikërisht, agjenti i mesfushorit të kuqezinjve, George Atangana. Agjenti i Frenk Kesit tha për “calciomercato.com”, se klienti i tij nuk mendon një largim nga Milani dhe ndihet mjaft mirë te kuqezinjtë.

“Jemi vetëm në javën e nëntë të kampionatit dhe nuk e kuptoj se përse po flasim për merkaton. Frenk është në vitin e tij të dytë te Milan, ku nuk erdhi si pasojë e fatit, por e punës së tij dhe nivelit të lojës që ka shfaqur”.

“Kam lexuar për një ndarje të mundshme midis Kesit dhe Milanit, por nuk jam fare në dijeni për këtë gjë. Unë kam një marrëdhënie mjaft të mirë me klubin e Milanit dhe në qoftë se do të kishte diçka, do të isha i pari që do të vihesha në dijeni”.

“Në bisedat e fundit që kam pasur, kam mësuar se Kesi është një ndër të paprekshmit tek ekipi i Milanit. Normalisht që në futbollin e sotshëm nuk ka futbollistë të pashitshëm, por dua të theksoj që Frenk do të vazhdojë të mbajë veshur fanellën e Milan. Jam duke folur gjithashtu dhe për një rinovim të mundshëm, por çdo gjë në kohën e vet”, përfundoi agjenti i mesfushorit.

Një nga protagonistët absolut në mesfushën kuqezi, është padyshim Frenk Kesi. Lojtari afrikan ka bërë një sezon mjaft të mirë vitin e kaluar dhe po ecën në hapa të mirë edhe këtë sezon. Për këtë fakt, për 21-vjeçarin kanë shfaqur interes klube si PSG dhe Bejing Guan.

Siç raportohet nga mediat italiane, interesimi i klubit kinez duket më konkret se sa PSG, teksa thuhet se ekipi nga superliga kineze i ka ofruar një pagë marramendëse mesfushorit të kuqezinjve. Paga e ofruar thuhet të jetë 10 milionë euro dhe është një ofertë padyshim e çmendur nga ana e kinezëve.

Milan e afroi Frank Kesin nga skuadra e Atalantës, teksa formula e transferimit ishte një huazim dy-vjeçar për 8 milionë euro, dhe e drejta e blerjes për 24 milionë euro të tjera.

Pikërisht në ndeshjen ndaj Sasuolos, ai që hapi serinë e golave për “djallin”, ishte mesfushori Frenk Kesi. Lojtari nga Bregu i Fildishtë po bën një fillim sezoni mjaft të mirë dhe për këtë arsye drejtuesit kuqezinj duket se po mendojnë t’i rinovojnë kontratën mesfushorit.

21-vjeçari, i cili u transferua sezonin e kaluar nga Atalanta ka një kontratë me Milanin deri në vitin 2022. Përveçse rinovimit do të ketë dhe një përmirësim të pagës për Kesin. Një vlerësim nga Milan për mesfushorin, që duket se i jepet besim akoma më shumë dhe shihet si një lojtar që do të mbajë mbi supe mesfushën e kuqezinjve për një kohë të gjatë.

Kevin Princ Boateng dhe Frenk Kesi njihen si futbollistë gjaknxehtë. Në një moment të ndeshjes ata patën një përplasje mes tyre, por lojtarët e dy skuadrave ndërhynë për të qetësuar gjakrat. Pikërisht lidhur me këtë incident, ish-lojtari i Milan, Boateng ka bërë një postim në llogarinë e tij në “Instagram”, ku ka sqaruar çdo gjë.

“Lojë e ashpër mbrëmë, urime Milanit për fitoren, por ndonjëherë emocionohemi në fushë. Nuk kam asgjë tjetër, përveçse dashuri për këtë bishë të mesfushës”, duke ju referuar Frenk Kesit.

Një gjest fantastik i lojtarit të Sasuolos, i cili e ka shprehur dhe më parë që vazhdon të jetë një tifoz i Milanit.

https://www.instagram.com/p/BoZBPGwj8iJ/?utm_source=ig_web_copy_link

Kesie ishte ai që zhbllokoi shifrat e takimit, pesë minuta nga fundi i pjesës së parë, pas një topi perfekt të zviceranit Rodrigez, por në të luajti një rol të madh dhe përgjumja e mbrojtjes së Romës. Shifrat u barazuan gjatë pjesës së dytë, pasi Fazio çoi drejt rrjetës një top mes një rrëmuje të krijuar në zonën e rreptësisë.

Kur u duk se gjithçka kishte mbaruar Higuain dërgoi një top fantastik drejt Kutrones, i cili i vetëm përballë portierit mik, nuk kishte si të gabonte dhe vulosi fatin përfundimtar të takimit.

Pas takimit me “The Spurs”, mesfushori Frank Kesi, është shprehur se bënë një ndeshje të mirë, por tanimë është koha që të fitojnë. “Kemi bërë një ndeshje të mirë, por ne mund të bëjmë akoma më mirë se kaq. Duhet të nisim t’i fitojmë ndeshje”.

Më tej ai flet edhe për veten, pozicionin në fushë, si dhe objektivat. Mesfushori nuk fshihet dhe ka një dëshirë: “Dua të shënoj shumë gola këtë vit. Ky është sistemi i lojës së trajnerit, unë luaj gjysmë-anësor dhe duhet të bëj mirë me depërtimet në zonë”.

Kesi ka një detyrë të vështirë kur në qendër të mesfushës luan turku Çalhanoglu, i cili nuk shquhet për lojën defensive. Punët e “pista” duhet t’i bëjë vetë ish-lojtari i Atalantës. “Me Hakan Çalhanoglu në mesfushë unë duhet të vrapoj më shumë në fushë, pasi ai nuk është mësuar të përdoret për të bërë kështu punësh, kështu që duhet ta ndihmoj në fushë”, ka thënë mesfushori për “Milan Tv”.

Pikërisht ky i fundit doli me katron të kuq në minutat e fundit të ndeshjes, pak minuta pas mbrojtësit Rodrigez për kuqezinjtë.

Një ndeshje me emocione dhe raste të shumta për shënim, me Kaliarin që e shtoi shumë presionin në pjesën e dytë, aq sa në fundin e takimit Pavoleti i shkoi shumë pranë barazimit.

Fitorja ngjit Milanin në vendin e shtatë, dy pikë pas Sampdorias, ndaj në ambientin kuqezi është kthyer paksa buzëqeshja.

Kontrollet e djeshme evidentuan problemin dhe është vendosur të kryhen kontrolle të imta sot, para se të zhvillohen testet atletike, që janë shtyrë për nesër.

Ndërkaq, siti afrikan Afrique Presse zbulon një prapaskenë të bujshme, edhe pse ende në rangun e thashethemit.

Kesie nuk ka probleme fizike, por Milani ka zbuluar moshën e tij reale: sipas sitit afrikan, Kesie është më i moshuar se sa shkruhet realisht në pasaportën e tij.

Në vitin 2013 Bregu i Fildishtë mori pjesë në Kupën e Botës U-17, por Kesie rezultonte në faqen e federatës me vitin e lindjes 1991, ndërsa në FIFA ishte me vit lindjeje 1996. Rastësi?