Kerciku

Mungesa dhe rikthime, Tirana gati për Skënderbeun

Sport Ekspres — Wed, 01 May 2019 17:03:09 +0000

Tirana pret të shtunën Skënderbeun në një përballje që do të vendosë shumë për garën për mbijetesë. Skuadra korçare vjen në kryeqytet me dy mungesa të rëndësishme si Radas dhe Dita, të dy lojtarët janë të pezulluar për shkak kartonësh.

Në kampin bardheblu i gëzohen rikthimit të Eni Imamit, i cili është stërvitur ditën e sotme me pjesën tjetër të grupit, ndërsa Dorian Kërçiku vazhdon rikuperimin nga dëmtimi në gju duke u stërvitur i diferencuar.

Ajo çka shqetëson trajnerin më së shumti trajnerin Mema është gjendja e mesfushorit Karabeci, i cili pësoi një dëmtim në gju në takimin e fundjavës ndaj Luftëtarit. Gjasat që kapiteni i Tiranës të jetë gati për ndeshjen e së shtunës janë të pakta.

Kërçiku ndërron mendje, prishet marrëveshja me Kukësin

Sport Ekspres — Wed, 16 Aug 2017 15:08:20 +0000

Ishte gjithçka e mbyllur, praktikisht, por natyrisht nëse nuk ka firma, gjithçka është me pikëpyetje. Dorian Kërçiku të paktën për 24 ishte i Kukësit, pasi arriti marrëveshjen verbale dhe pritej firma e prezantimi.

Asgjë e tillë nuk ndodhi. Kërçiku është nën kontratë me Tiranën dhe largimi ishte i varur edhe nga aprovimi i presidentit bardheblu Refik Halili.

Takimi është zhvilluar dhe Halili e ka bindur anësorin të qëndrojë te Tirana. Ky është versioni që ka mësuar gazeta, ndërsa nga Kukësi nuk ka pasur reagim.

Para Superkupës, Kërçiku lë Tiranën për Kukësin

Sport Ekspres — Tue, 15 Aug 2017 20:06:02 +0000

Dorian Kërçiku ndahet me Tiranën, pak ditë para se të mbushë 24 vjeç. Anësori bardheblu, krejt papritur, ka gjetur marrëveshjen me Kukësin dhe ka firmosur një kontratë 1-vjeçare.

Prej 4 vitesh titullar fiks te Tirana, Kërçiku ka dalë edhe dy herë kampion te Kukësi, ndaj CV e tij mund të quhet e kompletuar dhe ka bindur edhe Kukësin ta bëjë të vetin.

Në fakt, Kërçiku ishte nën kontratë, ndaj nuk dihet cila është marrëveshja mes tij e Tiranës, për të dalë i lirë, sepse nuk bëhet fjalë që Kuksi të paguajë për kartonin.

Sezonin e fundit Kërçiku luajti 20 ndeshje në kampionat, pasi mungoi shumë javë për dëmtim.