Pas ndeshjes Kepa foli shkurt, duke iu kthyer edhe asaj që ndodhi kohë më parë në finalen e Kupës së Ligës, kur refuzoi të zëvendësohej.

Kepa take a bow son. Two top saves.

WE’RE IN THE FINAL, AZERBAIJAN HERE WE COME ? #CFC #KTBFFHpic.twitter.com/pPJ5x1QTX8

— CFC-Blues.com (@CFCBlues_com) May 9, 2019

“Atmosfera ishte vërtet mjaft e mirë. Luanim kundër një ekipi shumë të fortë. Ishim përgatitur për ata që do të gjuanin penalltitë nga Frankfurti. Kam mësuar nga ajo që ndodhi në Wembley.

“Kam kërkuar falje për atë që ndodhi në finalen e Carabao Cup, sot ishte autokritika ime më e mirë. Sonte ishte një ndeshje tjetër dhe jemi shumë të lumtur”.

“Blutë e Londrës” renditen në vendin e gjashtë me 56 pikë, dy më pak se Junajtid i vendit të katërt. Këto dy ekipe do të luftojnë fort deri në fund bashkë me Totenhemin dhe Arsenalin për dy vende në katërshen e parë (Siti dhe Liverpuli kanë një tjetër garë midis tyre).

Eden Hazard kla folur për kanalin e klubit, duke analizuar objektivin e kualifikimit në Champions. Belgu e di që ekipin e tij e pret një luftë e fortë, ndërsa ka një koment dhe për portierin Kepa dhe mesfushorin Zhorzhinjo.

“Diskutuam me njëri-tjetrin në dhomat e zhveshjes për ndeshjen Totenhem-Arsenal. Të dyja ekipet humbën nga dy pikë, ndërkohë që ne fituam me Fulhemin. Do të jetë një luftë e fortë deri në fund për një vend në katërshen e parë, sepse janë 6 skuadra që luftojnë për 4 vende. Mungojnë dhe 11 ndeshje deri në fund dhe do të tentojmë të mbledhim sa më shumë pikë. Kepa? Nuk ka qenë një javë e lehtë për të, por ai është një portier i madh dhe një djalë fantastik. Kepa ishte deçiziv kundër Fulhemit, pasi kreu një pritje shumë të mirë pas golit të Zhorzhinjos. Edhe ky i fundit po luan mirë dhe përcakton ritmin e ndeshjes. Kemi shumë nevojë për një futbollist me karakteristika të tilla“, përfundon fantazisti i Çelsit.

Në daljen për shtyp për takimin e nesërm, trajneri i Çelsit tha se Kepa mund të lihet në stol, por për këtë do të vendosë në orët në vazhdim.

“Ai bëri një gabim të madh. Natyrisht që do të ketë pasoja për këtë. Nëse pasoja do të jetë që ai duhet të luajë, ai do të jetë në formacion, nëse pasoja e veprimit do të jetë stoli, atëherë ai duhet ta pranojë stolin”.

“Ishte një situatë shumë e sikletshme. Gjithsesi tani është bërë e ditur se kishim të bënim me një keqkuptim shumë të madh. Është normale që të gjithë lojtarët e tjerë janë habitur. Mund të them se do të marr vendimin në të mirë në grupit. Më duhet t’i çoj një mesazh grupit dhe nga kjo do të varet nëse Kepa do të jetë në fushë ose jo”, tha Sarri.

Gjithsesi, në rast se zëvendësimi do të kryhej dhe në ruletën ruse të 11-metërshave, Çelsi të kishte në portë Kabajeron, mund të kishte më shumë mundësi për të fituar trofeun… të paktën sipas statistikave. Sipas numrave, portieri argjentinas është më i aftë se Kepa në rast se i referohemi pritjeve të 11-metërshave.

Nga 36 penallti, Kabajero ka mbajtur portën të paprekur në plot 15 raste, thënë ndryshe 42% të 11-metërshave nuk kanë përfunduar në rrjetë. Ndërkohë, nga ana tjetër Kepa ka arritur të jetë i suksesshëm në vetëm 32% të rasteve, ku nga 25 penallti vetëm në 8 raste nuk ka pësuar.

“Së pari më duhet të themi se kemi të bëjmë me një keqkuptim. Në asnjë moment nuk ishte dëshira ime që të mos i bindem urdhrave të trajnerit. Ishte thjeshtë një keqkuptim, pasi isha vizituar dy herë nga mjekët dhe trajneri kujtoi se nuk isha në gjendje të vazhdoja”.

“E kuptoj se kur e shikon nga jashtë situatën nuk duket diçka e hijshme. E përsëris nuk ishte qëllimi im për të dalë kundër vendimit të trajnerit. Kemi folur së bashku dhe situata është kuptuar. Bëmë një ndeshje të mirë, krijuam raste për shënim, natyrisht që ndjejmë shumë keqardhje, por mund të marrim dhe gjëra pozitive. Sot treguam se mund të konkurrojmë me një prej skuadrave më forta në botë”, tha Kepa.

Sipas teknikut italian, ishte i gjithi një keqkuptim dhe ndaj Kepas nuk do të ketë asnjë masë disiplinore. Gjithashtu, Sarri shtoi se portieri spanjoll pati të drejtë dhe se zëvendësimi u mendua të bëhej për arsye se pretendohej që Kepa ishte i dëmtuar.

GJESTI I KEPAS – “Ishte një keqkuptim. Nuk e kuptova problemin fillimisht, më pas kur arrita në pankinë u sqarova nga mjekët. Ishte një keqkuptim i madh, sepse unë mendova se portieri kishte probleme dhe nuk mund të vazhdonte. Nuk do të ketë asnjë masë disiplinore.”

TENTATIVA PËR T’U LARGUAR – “Nuk u largova. Thjesht doja të qetësohesha. Kepa e kuptoi që kërkova zëvendësim për arsye fizike dhe tha që nuk kishte asnjë problem dhe kishte të drejtë. E kuptova këtë gjë kur erdhi mjeku. Më pas fola me Kepën vetëm për ta sqaruar, që tani e kisha kuptuar si qëndronte situata.”

Çuditërisht, portieri spanjoll nuk ka pranuar të lërë fushën, duke krijuar një moment të pazakontë. Trajneri italian u tërbua, teksa një moment tentoi edhe të largohej nga ndeshja. Gjithashtu, Xhanfranko Zola, i cili është në rolin e zv/trajnerit, shihet të jetë mjaft i acaruar me gjestin e bërë nga portieri.

Sot, gati tri muaj pas ardhjes së Kepës në Angli, të gjithë kanë mbetur të mahnitur nga aftësitë e 24-vjeçarit. Çelsi ende nuk ka pësuar një humbje me të në portë. Ditën e djeshme, Kepa shtangu të pranishmit në “Stamford Bridge”, teksa kreu një pritje fantastike duke ndalur goditjen e sulmuesit të Bate Borisov edhe pse distanca midis tyre ishte më pak se pesë metra.

https://www.youtube.com/watch?time_continue=2&v=eNMh5eE2-5g

Kepa kishte rinovuar kontratën me Bilbaon për pesë vite dhe normalisht që spanjollët nuk lëshojnë lojtarë për “thërrime”. Çelsi u vu me shpatulla pas muri nga Tibo Kurtua, i cili ishte i vendosur të shkonte te Reali i Madridit.

Kështu londinezët blenë spanjollin, i cili në prezantim mes të tjerash tha: “Jam jashtëzakonisht i lumtur që jam këtu. Është një hap i madh përpara në karrierën time. Do përpiqem të mos mendoj për shifrën që është shpenzuar për mua. Shpresoj të jem në gjendje të përshtatem me futbollin anglez sa më shpejt të jetë e mundur. Më kanë thënë fjalë shumë të mira për Premier Ligën kolegët e mi spanjollë”. Kepa te Çelsi do të përfitojë shumën e 6 milionë eurove në sezon.

Gardiani 23-vjeçar, përveç se ka mbushur arkat e Atletik Bilbaos, i ka dhënë një ndihmesë jo të vogël dhe klubit të Real Vajadolidit, ekip në të cilin Kepa ishte i huazuar për një sezon, tri vite më parë në Segunda Divizion.

Vajadolid përfiton 0.5% të transfertës së Kepës, pra 400000 €, dhe kjo falë mekanizmit të solidaritetit. Shuma e lartpërmendur është një bekim i papritur për klubin spanjoll, që gjatë viteve të fundit ka rrezikuar seriozisht rënien nga Segunda Divizion.

Plot 80 milion euro ka qenë shifra që kanë paguar “Blutë” e Londër për portierin 23-vjeçar. Spanjolli kishte nënshkruar dhe për 5 vite të tjera me skuadrën baske, por skuadra e Sarrit u detyrua që të bënte një sforco financiare, pasi Kurtua donte largimin me çdo kusht.  Kepa pritet që të përfitojë rreth 6 milion euro në sezon në Londër, 2 milion më shumë se në Spanjë. Pasditen e sotme, portieri i ri do të bashkohet me ekipin.

Kepa bëhet kështu portieri më i shtrenjtë në historinë e futbollit, pasi thyen rekordin e vendosur nga Alison këtë merkato, i cili u transferua nga Roma tek Liverpul për shifrën e 72,5 milion eurosh.

Në këtë mënyrë është hapur mundësia që Kurtua të largohet tek real Madrid, me kampionët e Europës që janë gati të paguajnë 35 milion euro për “gardianin”, të cilit i përfundon kontrata verën e ardhshme.