Ky gjest e nervozoi tej mase trajnerin italian dhe portierit bask si ndëshkim iu vu një gjobë dhe një ndeshja pezullim. Tani Kepa ka reflektuar dhe shprehet se e ka kuptuar se nuk ka vepruar drejt. 24-vjeçari pretendon se ka mësuar nga ai gabim.

“E pranova dënimin që trajneri më dha. Ishte një moment gjaknxehtësie. Nuk ndihem aspak krenar për atë gjest. Ishte një moment i vështirë nga i cili kam mësuar dhe po vazhdoj të mësoj. Në fushë nuk kisha arritur të kuptoja tamam se cfarë po bëja. Kur e pashë mbrapa kuptova që kisha vepruar keq. Është koha për të shikuar përpara. Jeta vazhdon, të gjithë bëjnë gabime”, tha gardiani i Çelsit.

Në daljen për shtyp për takimin e nesërm, trajneri i Çelsit tha se Kepa mund të lihet në stol, por për këtë do të vendosë në orët në vazhdim.

“Ai bëri një gabim të madh. Natyrisht që do të ketë pasoja për këtë. Nëse pasoja do të jetë që ai duhet të luajë, ai do të jetë në formacion, nëse pasoja e veprimit do të jetë stoli, atëherë ai duhet ta pranojë stolin”.

“Ishte një situatë shumë e sikletshme. Gjithsesi tani është bërë e ditur se kishim të bënim me një keqkuptim shumë të madh. Është normale që të gjithë lojtarët e tjerë janë habitur. Mund të them se do të marr vendimin në të mirë në grupit. Më duhet t’i çoj një mesazh grupit dhe nga kjo do të varet nëse Kepa do të jetë në fushë ose jo”, tha Sarri.

Së fundmi ka reaguar edhe klubi i Çelsit, duke e gjobitur me heqjen e një pagë javore. Nuk ka sanksione të tjera, siç mund të ishte edhe dënimi me disa ndeshje. Argumenti i portierit ishte se gjithçka ishte një ngatërresë. Stafi mjekësor pati dhënë lejen se ai  mund të luajë, por Sarri nuk mendonte kështu.

Gjithsesi ai kërkoi falje pas kësaj situate tejet të ndërlikuar. “Megjithëse ishte një keqkuptim, unë kam bërë një gabim të madh dhe e marr përsipër”, u shpreh portieri. Trajneri Sarri u shpreh se pati një bisedë mjaft produktive me lojtarin.

Ai u shpreh për mediat se ishte një keqkuptim dhe se Kepa e ka pranuar tashmë gabimin e tij. Italiani e mbylli duke thënë se ky problem ishte tashmë i konsumuar për të dhe se gjithçka ishte në rregull. Zyrtarët Çelsit shumën monetare do ta arkëtojnë në llogarinë e fondacionit të vetë klubit.

Ky episod shumë i çuditshëm nuk ka ndodhur për herë të parë në futboll. Para portierit spanjoll, refuzimin për të dalë ose për t’u futur në lojë e kanë bërë dhe disa futbollistë shumë të njohur, si De Rosi, Baloteli (emër që pritej) dhe Karlos Tevez.

Kapiteni i Romës, De Rosi refuzoi të futej në fushën e lojës kur iu kërkua nga trajneri i Italisë, në ndeshjen e tij të fundit me kombëtaren. Pas këtij debati me trajnerin e tij, italiani shpjegoi gjithçka para mediave: “I thashë trajnerit që na duhej të shënonim. Duhej një sulmues në fushën e lojës dhe unë. Më kuptoi dhe nuk ka vend për debat”,- u shpreh mesfushori asaj kohe.

Baloteli… ah Baloteli, sulmuesi që jo rrallë është në qendër të vëmendjes me gjestet e tij. Gjatë kohës kur luante me Mançester Sitin, italiani ka krijuar shpeshherë polemika. Një takim miqësor përballë LA Galaksi, Baloteli e konsideroi si stërvitje, duke provuar një goditje me finte në një rast të sigurt për gol, veprim që acaroi jo pak teknikun Mançini, i cili e zëvendësoi menjëherë. Dyshja italiane u “divorcua” shumë shpejt, por fillimisht u kapën me grushte në stërvitje. I pabesueshëm “SuperMario”.

Edhe Karlos Tevez ka bërë protagonistin gjatë një zevendësimi kur luante për Mançester Sitin. Në sfidën kundër Bajernit në vitin 2011, argjentinasi refuzoi të futej në fushën e lojës në pjesën e dytë, me skuadrën blu të Mançesterit që po mposhtej 2-0. Trajner? Sërish Roberto Mançini…

VERONIK ISTREFAJ

Gjithsesi, në rast se zëvendësimi do të kryhej dhe në ruletën ruse të 11-metërshave, Çelsi të kishte në portë Kabajeron, mund të kishte më shumë mundësi për të fituar trofeun… të paktën sipas statistikave. Sipas numrave, portieri argjentinas është më i aftë se Kepa në rast se i referohemi pritjeve të 11-metërshave.

Nga 36 penallti, Kabajero ka mbajtur portën të paprekur në plot 15 raste, thënë ndryshe 42% të 11-metërshave nuk kanë përfunduar në rrjetë. Ndërkohë, nga ana tjetër Kepa ka arritur të jetë i suksesshëm në vetëm 32% të rasteve, ku nga 25 penallti vetëm në 8 raste nuk ka pësuar.

“Së pari më duhet të themi se kemi të bëjmë me një keqkuptim. Në asnjë moment nuk ishte dëshira ime që të mos i bindem urdhrave të trajnerit. Ishte thjeshtë një keqkuptim, pasi isha vizituar dy herë nga mjekët dhe trajneri kujtoi se nuk isha në gjendje të vazhdoja”.

“E kuptoj se kur e shikon nga jashtë situatën nuk duket diçka e hijshme. E përsëris nuk ishte qëllimi im për të dalë kundër vendimit të trajnerit. Kemi folur së bashku dhe situata është kuptuar. Bëmë një ndeshje të mirë, krijuam raste për shënim, natyrisht që ndjejmë shumë keqardhje, por mund të marrim dhe gjëra pozitive. Sot treguam se mund të konkurrojmë me një prej skuadrave më forta në botë”, tha Kepa.

Çuditërisht, portieri spanjoll nuk ka pranuar të lërë fushën, duke krijuar një moment të pazakontë. Trajneri italian u tërbua, teksa një moment tentoi edhe të largohej nga ndeshja. Gjithashtu, Xhanfranko Zola, i cili është në rolin e zv/trajnerit, shihet të jetë mjaft i acaruar me gjestin e bërë nga portieri.

Portieri më i shtrenjtë – “Nuk e ndjej presionin. Përqendrohem te vetja ime dhe mendoj vetëm për të luajtur. Jam paguar kaq shumë, sepse kjo është merkato dhe sot çmimet janë rritur dhe janë bërë një gjë normale. Ndihem shumë i vlerësuar, jam pjesë e një ekipi të madh, që ka fituar Premier Ligën, Champions Ligën dhe Europa Ligën gjatë viteve të fundit. Në ekip luajnë futbollistë të mëdhenj, jam i lumtur që ndodhem këtu dhe dua të shfrytëzoj këtë shans.”

Kombëtarja dhe rivaliteti me De Gean – “Duhet të pyesni trajnerin për diçka të tillë, por unë dua të punoj fort. Është e qartë që të gjithë duan të luajnë, por Luis Enrike do të vendosë për të mirën e skuadrës, ndërsa unë do të përpiqem të bëj një sakrificë më tepër për të mirën e grupit.”

Përshtatja – “Jam i lumtur, klubi ka bërë një sforco të madhe për të më sjellë këtu dhe mezi pres të ja u shlyej në fushën e blertë besimin e treguar. Njihja më parë Moratën dhe Azpilikuetën, të cilët më kanë ndihmuar shumë të përshtatem.”

Atletik Bilbao – “Jemi profesionistë dhe çdokush nga ne zgjedh rrugën e tij. Bilbao ka qenë gjithmonë shtëpia ime dhe do të jetë klubi im i zemrës. Jam tifoz i Atletik që kur isha fëmijë dhe isha 9 vjeç, kur u bëra pjesë e klubit. I kuptoj tifozët që kërkojnë qëndrimin e lojtarëve të mirë në ekip, por jam unë ai që i marr vendimet e mia.”

Një transferim i tillë do e bënte Arrizabalagën portierin më të shtrenjtë të historisë, duke “rrëzuar” nga froni brazilianin Alison, i cili u transferua nga Roma tek Liverpuli për 75 milionë euro.

Klubi anglez ka vendosur të paguajë klauzolën e tij, por mungonte vetëm akordi me lojtarin. Drejtuesit e “Bluve” kanë arritur të bindin portierin dhe negociatat janë shumë afër mbylljes.

Në janar, Arrizabalaga rinovoi kontratën me ekipin bask deri në vitin 2025 dhe klubi i vendosi klauzolën prej 80 milionë eurosh, por tashmë ai është gati të nisë një aventurë të re me ekipin e Sarrit. Portierin spanjoll e pret një rritje page, edhe pse tek Bilbao ai fitonte 4 milionë euro në sezon.

Një transferim i tillë do të shpejtojë dhe kalimin e Tibo Kurtua te Reali Madridit. Këta të fundit kanë afruar 35 milionë euro për shërbimet e portierit belg dhe palët janë drejt akordit përfundimtar.