Kelcyra

KATEGORIA E DYTË | Tërbuni dhe Luzi “copëtohen” për një pikë, Këlcyra fiton derbin dhe zhyt Përmetin

Sport Ekspres — Sun, 03 Mar 2019 16:30:08 +0000

Përballja midis Tërbunit dhe Luzit rezultoi të ishte një ndeshje shumë e luftuar, por në fund nuk pati fitues dhe ndeshje u mbyll me shifra të barabarta 2-2 . Dy ekipet e kreut zhvilluan një 90 minutësh ku mbizotëroi loja e fortë, gjë që dëshmohet nga numri i lartë i kartonëve të verdhë, plot 9 të tillë. Aktualisht skuadrat ndajnë vendin e parë me nga 28 pikë, por pukjanët kanë një ndeshje më pak.

Gara për kreun mund të ishte mbyllur para kohe, nëse fitonte Tërbuni, por tashmë gjithçka mbetet e hapur dhe në lojë janë disa ekipe, përfshirë Gramshin e vendit të pestë, që duhet të rikuperojë dy ndeshje.

Në Grupin B, derbi midis Përmetit dhe Këlcyrës është fituar nga miqtë me rezultatin 2 – 2. Me këtë humbje Përmeti qëndron në vendin e fundit të tabelës me vetëm 10 pikë pas 16 javësh kampionat, po aq sa Naftëtari. Shkumbini kryesues nuk u ndal as këtë javë, teksa mundi në transfertë Tepelenën me rezultatin 3 – 0. Tani sytë e peqinasve janë nga me sytë nga takimi i ditës së nesërme midis Maliqit dhe Devollit.

Rutina e fundjavës: Dhunë në Yrshek, degjeneron Termi-Këlcyra

Sport Ekspres — Sun, 02 Dec 2018 17:03:15 +0000

Sot pasdite u luajt ndeshja mes Termit e Këlcyrës, e vlefshme për javën e 11-të në Kategorinë e Dytë. Deri në minutën e 78-të ndeshja u luajt normalisht, ndërsa rezultati ishte 2-1 për Këlcyrën.

Pas një faulli te dhënë në zonën e Termit nga gjyqtari sarandiot Qerim Ruci, u ndëshkua me karton te kuq numri 5 i Termit Bregu, për ofendim e shtyrje të kundërshtarit.

Në këtë moment, nga bankina vjen portieri Bledar Mala i Termit dhe tenton të godasë kundërshtarët, por nuk u lejua nga forcat e sigurisë.

Edhe portieri rezervë i Kelcyrës, Jurgen Sulko, u shkëput nga bankina e kërcënoi kundërshtarët. Loja u ndërpre 2 minuta, ndërsa më pas u mbyll normalisht.

Bamirësi nga skuadra e Këlcyrës, premio shkon për familjen në nevojë

Sport Ekspres — Thu, 29 Nov 2018 19:15:06 +0000

Skuadra e Këlcyrës arriti që të fitonte minimalisht ndaj Albpetrolit. Suksesi në këtë takim do të shoqërohej me premion, siç ishte premtuar nga drejtuesit, të cilët e kanë mbajtur fjalën, por nuk kanë qenë lojtarët dhe stafi teknik që e kanë marrë këtë shpërblim.

Si futbollistët ashtu dhe trajneri e ndihmësit e tij kanë thënë dakord që shuma e parave që kishin akorduar drejtuesit të shkonin për një familje në nevojë, që jetonte në Këlcyrë dhe që në ditët e fundit kishte marrë vëmendjen e të gjithëve për gjendjen ku ndodhej.

Një gjest i madh nga lojtarët, të cilët kanë shtuar edhe vetë disa të ardhura, por kanë dërguar edhe ushtime e veshmbathje, me synimin për të ndihmuar disi në përmirësimin e gjendjes së vështirë ekonomike ku ndodhej familja në nevojë.

Demiraj: Ishte një bandë, jo skuadër! Nuk bëhej fjalë për futboll!

Sport Ekspres — Wed, 28 Nov 2018 21:31:08 +0000

Në fundjavën e shkuar, skuadra patosarake u ndesh me Këlcyrën vendase, në kuadrin e javës së 10-të të Kategorisë së Dytë. Këlcyra fitoi me rezultatin minimal 1-0, por sipas trajnerit të Albpetrolit, Elidon Demiraj, atje nuk bëhej fjalë për futboll.

“Në Këlcyrë nuk u luajt futboll. Atje ishte një bandë jo skuadër, që nuk kishte lidhje me futbollin e luajtur, dhe një arbitër i paaftë për ta frenuar atë skandal. Nuk ka ndryshuar asgjë në futbollin tonë, luajmë si 20 vite më parë”, ishte kjo deklarata e Demirajt, i cili këtë ndeshje kërkon që skuadra ta ketë harruar, por si një kujtim që nuk duhet përsëritur.

“Skuadra duhet të shikojë përpara, nuk do të jemi me mendjen te Këlcyra. Me të le të merret FSHF-ja, që e ka futur në garë. Ne po përgatitemi për ndeshjen e radhës me Naftëtarin. Nuk do jetë ndeshje e lehtë, por synimi ynë i vetëm është fitorja”, përfundoi Demiraj fjalën e tij për “SportEkspres.com”. Albpetroli renditet në vendin e 4-t në Grupin B të Kategorisë së Dytë, 7 pikë më pak nga Maliqi kryesues.