Keita

VIDEO: Keita e Firminjo, Liverpuli bën detyrën kundër Portos

Sport Ekspres — Tue, 09 Apr 2019 20:50:45 +0000

Liverpuli është mjaftuar me vetëm dy gola në takimin e parë çerekfinale kundër Portos. Një fitore 2-0 në “Anfield Road” është një rezultat i mirë për të kuqtë e Jurgen Klop, por rastet ishin të shumta për ta dhe mund të kishin fituar me një rezultat edhe më të thellë.

Keita shënoi që në minutat e para të sfidës. Mesfushorit iu deshën vetëm 5 minuta që të gjente rrugën e rrjetës, duke i dhënë avantazhin Liverpulit. Mendohej se do të ishte një mbrëmje shumë e gjatë për Porton, sidomos pas golit të dytë të shënuar në minutën e 26’ nga Firminjo.

Megjithatë, “Dragonjtë” nuk pësuan më dhe u ndëshkuan vetëm dy herë. Me këtë rezultat, Liverpuli është dukshëm favorit për të kaluar në gjysmëfinalet e Ligës së Kampionëve, por Porto është ende në lojë për të bërë surprizën e madhe.

Liverpul – Porto 2-0
Keita 5’, Firminjo 26′

26′ – Goli i Firminjos

5′ – Goli i Keita (Liverpul)

GOAL #LIVERPOOL! #KEITA HAS IN SECOND IN TWO MATCHES! ??

? 1-0 ? #LIVPOR

??: @UnivisionSports pic.twitter.com/OxMpZ34YTb

— SiriusXM FC 157 ??? (@SiriusXMFC) April 9, 2019

Nga fusha në spital, Liverpuli në ankth për yllin e mesfushës

Sport Ekspres — Thu, 04 Oct 2018 07:27:37 +0000

Humbja kundër Napolit në Champions League, me gol në fundin e takimit, ishte një zhgënjim për Liverpulin, por gjithsesi trajneri Jyrgen Klop e pranoi se disfata ishte e merituar dhe i ka bërë urime Napolit.

Më shumë se te humbja, Klop e ka mendjen te Nabi Keita. Mesfushori i talentuar, një ndër blerjet më të rëndësishme të viteve të fundit për The Reds, e nisi ndeshjen si titullar, por në mesin e pjesës së parë u zëvendësua dhe më pas u transportua për në spital.

Pas ndeshjes Klop nuk ishte fort i qartë: “Është një problem në shpinë, nuk e di qartë. Të presim”.

Frika ishte e madhe fillimisht, sepse u mendua ndonjë problem shumë serioz, por klubi doli me një komunikatë zyrtare ku sqaronte se Keita kishte dhimbje shpine dhe do të qëndrojë në spital në Napoli të paktën deri ditën e sotme.

Keita zikaltër: Vendimtar Spaleti

Sport Ekspres — Mon, 13 Aug 2018 09:25:23 +0000

Keita Balde kthehet në Itali dhe sot ka zbarkuar në Milano, ku do të kryejë kontrollet mjekësore dhe do të firmosë për Interin. Anësori ofensiv është ndoshta goditja e fundit në merkato për zikaltrit, që në sulm tashmë janë mese te kompletuar.

Pas zbarkimit në Milano, senegalezi foli shkurt për SkySport: “Jam shumë i lumtur, shpresoj qr gjithçka të shkojë mbarë. Spaleti ka qenë shumë i rëndësishëm për zgjedhjen time. Më pret një ditë e madhe dhe shpresoj një e ardhme e madhe me Interin”.

Keita është i Interit në huazim me të drejtë blerjeje, për një shpenzim total rreth 35 milionë euro. Edhe verën e kaluar zikaltrit tentuan ta bëjnë tyrin sulmuesin senegalez, që nga Lacio u transferua në Francë.

E kryer, Keita Balde është i Interit

Sport Ekspres — Fri, 10 Aug 2018 22:29:33 +0000

Dëshira e fundit e Luçiano Spaletit në këtë merkato verore (Modriç është më shumë ëndërr sesa dëshirë reale) po realizohet: Keita Balde është praktikisht i Interit dhe tashmë mbeten vetëm detaje të vogla para se të hidhen firmat.

Sulmuesi anësor i Monakos ka dhënë OK dhe ja gjetur marrëveshjen me Interin, duke kaluar në Itali në huazim një-vjeçar për 5 milionë euro.

Nëse Interi do dëshirojë ta blejë, do të paguajë edhe 34 milionë euro, ndërsa Keita ka gati kontratë 4-vjeçare.

23-vjeçari senegalezo-spanjoll shkoi vjet nga Lacio te Monako për 30 milionë euro, duke shënuar 8 gola në Ligën 1, por nuk është përshtatur mirë në Francë dhe kthimi në Serinë A duket zgjidhja e duhur për të gjithë.

Liverpul-Keita, Lajpcigu vendos “mur”

Sport Ekspres — Thu, 13 Jul 2017 13:59:28 +0000

Nabi Keita për momentin duket larg Liverpulit. Sipas mediave angleze, drejtuesit e Lajpcigut ua kanë bërë të qartë kolegëve të Premier Ligës se nuk janë të gatshëm ta shesin lojtarin nga Guinea, qoftë edhe për 100 milionë sterlina.

Liverpuli ishte i gatshëm të ofronte deri në 80 milionë për njërin prej 11 futbollistëve më të mirë të Bundesligës sezonin e shkuar, ku luajti 31 ndeshje në Bundesligë, me një rendiment fantastik.

Jyrgen Klop e cilëson lojtarin si përforcim shumë të rëndësishëm, sepse do t’i shtonte shumë dinamizëm lojës së skuadrës, megjithatë strategu gjerman duhet të presë, sepse situata ka ngecur.

Intriga Keita-Milan, Tare replikon me agjentin e lojtarit

Sport Ekspres — Thu, 08 Jun 2017 19:44:19 +0000

Keita Balde Diao mbetet një ndër lojtarët më të kërkuar në treg dhe duket se ka nisur një ankand i egër, mbi të gjitha për faktin se vetë sulmuesi i Lacios duket se dëshiron Juventusin, ndërsa Lacio ia ka premtuar Milanit, por ndërkohë flirton me disa klube angleze.

Sot agjenti i sulmuesit të talentuar, Roberto Kalenda, foli në lidhje me këtë çështje dhe zbuloi: “Kemi mësuar që Lacio ka arritur një marrëveshje me Milanin për shitjen e Keitasë, por askush nuk ka folur me ne. Keita ka dashur të qëndrojë te Lacio, por nuk i është bërë asnjë ofertë zyrtare për rinovim”.

Këto fjalë kanë bërë që të reagojë Igli Tare, sepse drejtori sportiv i Lacios ka kundërsulmuar: “Deklaratat e Kalendës nuk pasqyrojnë realitetin. Jo më shumë se dy javë më parë është zhvilluar takimi i fundit me të dhe i ofruam Keitasë një kontratë, ashtu si një vit më parë, sapo përfundoi sezoni. E përsëris, futbollistit i kemi ofruar zyrtarisht rinovim me shifra të njëjta me lojtarët më të paguar të Lacios”.