Ai është dëshira e madhe, por Maldini dhe Boban nuk duan të mbeten të papërgatitur. Drejtuesit kanë gati planin B nëse nuk arrihet të realizohet me sukses operacioni Korrea.

Keita Balde është i preferuari i kuqezinjve. Senegalezi luajti sezonin e fundit me Interin, ndërsa kartonin e tij e zotëron Monako. Afrikani i krahut të majtë të sulmit mund të vishet kuqezi, gjithmonë nëse nuk arrihet marrëveshja me Korrean.

Zikaltrit nuk kanë ndërmend të paguajnë shumën e 34 milionë eurove për të siguruar kartonin e tij dhe 24-vjeçari do të rikthehet në Principatë. Por jo për shumë kohë.

Sipas francezes “Le 10 Sport”, Arsenali është gati të transferojë sulmuesin e krahut në Londër. Shuma që kërkon Monako nuk është aspak problem për “topçinjtë”. Keita Balde po zhvillon Kupën e Afrikës për momentin me Senegalin e tij dhe zyrtarizimi i akordit do të vijë pasi të përfundojë kjo aventurë.

KALIMI TEK INTER – “E kam imagjinuar Interin si një klub fantastik dhe kur erdha këtu ishte siç unë e kisha përfytyruar. Që kur isha fëmijë kam ndjekur ndeshje të Interit dhe Milanit. Babai im pëlqente Milanin, por unë isha i interesuar për Adrianon, Martins apo Ibrahimoviç”.

IDHULLI NË FUTBOLL – “Në Playstation gjithmonë zgjidhja Interin, pasi në ekip erdhi dhe idhulli im, Samuel Eto. Jam krenar që jam këtu dhe krenar që trajneri më kërkoi të isha pjesë e Interit. Trajneri ka ide të qarta dhe e di shumë mirë se çfarë po bën”.

FORMA – “Nuk e keni parë akoma më të mirën nga unë, le të themi që jam në 60-70% tim. Interi duhet të firmosë përfundimisht me mua. Jam entuziast dhe dua që ekipi të rritet sa më shumë”.

OBJEKTIVAT – “Europa Ligë nuk është një kompeticion për t’u nënvlerësuar, pasi ka rëndësi. Pas eleminimit nga Champions, detyra jonë si ekip, është që ta fitojmë Europa Ligën. Në kampionat nuk kemi një objektiv fiks, duhet të përmirësohemi dhe të paktën të jemi në treshen e parë deri në fund”.

KAMPIONATI – “Juventusi është një ekip shumë i fortë dhe ka një kontigjent lojtarësh mjaft të mirë. E dimë këtë, por dhe Interi ka të njëjtat gjëra. Ata kanë fituar për shumë vite dhe kjo gjë i ka bërë që të kenë një mentalitet tjetër. Në Itali tani i quajnë kampionë që në muajin dhjetor. Kampionati është akoma i hapur, ka shumë ndeshje deri në fund”.

RIVALITETI ME JUVEN – “Sinqerisht, nuk e kuptoj këtë klimën e të quajturit Juventusin si të pamposhtur. Ne patën shumë raste në Torino dhe bëmë një lojë mjaft të mirë, duke i vënë shumë në vështirësi. I respektoj për forcën që kanë, por mendoj se dhe ata duhet të na respektojnë ne. Nuk janë të pamposhtur!”

Tani më pesë muaj nga transferimi, jo gjithçka ka shkuar ashtu siç e shpresonte lojtari dhe drejtuesit e Interit. Në 12 javë kampionat, senegalezi është aktivizuar vetëm 352 minuta dhe ende nuk ka gjetur golin e parë “zikaltër”.

Sipas sajtit të njohur italian “tuttomercatoweb.com”, kjo paraqitje e dobët e lojtarit ka bërë që Interi të mendojë huazimin e tij gjatë merkatos së janarit. Një ndër klubet që ka shfaqur interes konkret për ish-lojtarin e Lacios është Ulverhemptoni në Angli. Në shkrimin e “tuttomercatoweb”, përmendej se njëri prej Kandrevas ose Baldes do të largohet medoemos gjatë merkatos së janarit.

Ekipet në përgjithësi janë munduar që mos të ndryshojnë fytyrën e tyre në dy ndeshjet e para dhe shumë lojtarë kanë ngelur akoma pa u aktivizuar, ose janë aktivizuar jashtëzakonisht shumë pak. E përditshmja spanjolle “Marca” ka bërë formacionin e lojtarëve që janë aktivizuar shumë pak ose aspak deri tani në këtë Champions.

Një formacion ku spikasin emra si Kurtua, Keita Balde, Gelson Martins apo dhe finalisti i vjetshëm Dejan Lovren. Gjithashtu Vidal, Draksler apo Kaliniç e Mahrez janë pjesë e këtij formacioni.

Objektivi – “Mendoj që mund të arrij të shënoj 15-20 gola këtë sezon, sepse do t’i kem rastet për të shënuar. Unë përpiqem të shfrytëzoj në maksimum cilësitë e mia. Kemi një grup të shkëlqyer me djem të talentuar dhe është një kënaqësi që ndodhem këtu. Skuadra është shumë e fortë, jemi shumë lojtarë të rinj, që duhet të kuptohemi në lojë, por jemi të fortë.”

Parma – “Objektivi ynë është të fitojmë ndeshjen e së shtunës, pavarësisht se kush shënon. Golin tim të parë në Seria A ia kam shënuar Parmës. E mbaj mend mirë, fitova një duel, driblova Miranten dhe shënova.”

Qëllimi dhe pozicioni në fushë – “Dua të vazhdoj të jem pjesë e këtij klubi të madh. Dua që të gjithë tek Interi të kujtojnë emrin tim në të ardhmen. Roli im kryesor është anësor sulmi, sepse më pëlqen të dribloj kundërshtarët dhe aty mund të bëj diferencën.

Kam luajtur dhe si sulmues i parë, ose i dytë dhe ka shumë opsione. Kam luajtur me futbollistë me eksperiencë dhe të fortë dhe kjo gjë të bën të mësosh shumë. Jam akoma i ri, mund të përmirësohem dhe mund të bëj diferencën si titullar, por dhe si zëvendësues.“

Ikardi – “E njoh që nga koha, kur ishim pjesë e moshave të Barcelonës. Ai është një sulmues, që ndoshta nuk e sheh shpesh, por brenda zonës, vështirë që humbet ndonjë rast për gol.”

Inter – “Historia e klubit më nxiti të vija këtu. Inter më pëlqente që kur isha i vogël dhe luaja me moshat e Barcelonës. Kur Inter të kërkon nuk është e vështirë të marrësh një vendim. Kalova mirë te Monako dhe i falënderoj, ashtu siç falënderoj Interin që më solli këtu. Sapo mora vesh për interesimin e klubit, u përgjigja menjëherë pozitivisht.”

Spaleti – “Ai është një trajner me eksperiencë të madhe, i cili e njeh mirë futbollin italian. Më kanë folur të gjithë mirë për të dhe mendoj që do të përmirësohem shumë këtu. Nëse më kërkon për të mbrojtur jam gati, sepse ndeshja luhet me top, por edhe pa top në këmbë.”

Juventus – “Ata nuk më frikësojnë dhe nuk duhet t’i druhemi asnjë ekipi. Të përqendrohemi te vetja jonë dhe të punojmë për të fituar ndeshjet tona.”

Roli dhe numri – “Nuk kam ndonjë rol të preferuar, por mund të bëj mirë në katër pozicionet ofensive. 14 nuk e mora sepse e kishte Naingolan, por kam zgjedhur numrin 11. Më pëlqen ky numër dhe e kam patur, kur luaja më moshat.”

Siç citon “Sky Sport”, klubet kanë arritur akordin dhe nuk është më e nevojshme përfshirja e Kandrevës në tratativë. Italiani ka rezistuar deri më tani, duke refuzuar kalimin në principatë.

Zikaltrit do të paguajnë një shumë prej 5-6 milionë eurosh për huazimin e senegalezit dhe 30 milionë të tjera vitin e ardhshëm, nëse vendosin të blejnë kartonin e tij, ku Interi ka të drejtën e blerjes dhe jo detyrimin.

Kjo është formula që do transferojë Keitan nën urdhrat e Spaletit, kështu që ka nisur numërimi mbrapsht për zyrtarizimin e ish-lojtarit të Lacios. Inter kërkonte 23-vjeçarin dhe gjatë kohës kur ishte pjesë e romanëve, por pa ja arritur qëllimit, ndërsa tashmë Keita është pothuajse zikaltër.