Kei Havertz

Ndodh edhe kështu, talenti gjerman “refuzon” Barçën dhe Liverpulin

Sport Ekspres — Sat, 20 Jul 2019 12:56:17 +0000

Nuk ndodh shpesh që një lojtar të “refuzojë” interesimin e skuadrave të mëdha, por një gjerman mund të bëjë. Kei Haverc është vetëm 20 vjeçcilësohet si shpresa e madhe e futbollit gjerman, sezonin e kaluar shënoi 20 gola dhe dhuroi 7 asiste në 42 ndeshjet me Bajer Leverkuzenin, ndërkohë që numëron edhe tre ndeshje me kombëtaren.

Bild raporton se Barcelona e monitoron prej kohësh shtatlartin ofensiv dhe është gati të arrijë një akord me të dhe “aspirinat”. Edhe Klop synon ta transferojë në Anfield, por Kei mendon ndryshe.

Ai dëshiron të qëndrojë edhe një vit te Leverkuzeni për t’u rritur dhe përmirësuar akoma më shumë. “Një ditë do vendos edhe unë për të ardhmen time, por tani. Nuk e di nëse do të shkoj te Bajerni apo jashtë shtetit. Opsionet janë të shumta, por më të mirën nuk mund ta di në këto momente”, përfundon Kei Haverc.

Lojtari ka zgjedhur të qëndrojë edhe një vit me ekipin aktual (kontrata i përfundon pas tre vitesh), ndërsa Leverkuzeni kërkon të paktën 100 milionë euro për kartonin e tij.

Havertz nderon Leverkuzen, “Aspirinat” gjejnë fitoren e parë

Sport Ekspres — Sun, 23 Sep 2018 15:30:24 +0000

Pas fitores në Europa League kundër Ludugorec, Bajer Leverkuzen ka arritur të marrë pikët dhe fitoren e parë në Bundesligë për këtë sezon. “Aspirinat” mposhtën Maincin me rezultatin 1-0. Kei Havertz ishte heroi i takimit me golin e shënuar në minutën e 64.

Pjesa e parë e takimit u mbyll pa gola, ndërsa Mainc gjeti golin në fillimin e fraksionit të dytë, por u anulua për një prekje me dorë të Kuaizon. Disa minuta më vonë erdhi dhe goli i vetëm i takimit. 19-vjeçari shfrytëzoi një krosim të Julian Brandt dhe shënoi bukur me kokë, duke i dhënë tre pikët e para ekipit të tij.

Ndeshja nuk pati më gola deri në fund dhe sida u mbyll me rezultatin 1-0. Leverkuzen rigjeti fitoren pas tre humbjeve në start, ndërsa Mainc ndodhet në vendin e shtatë në kuotën e shtatë pikëve.

Leverkuzen – Mainc 1-0
(Havertz 64′)

Tare me plan konkret, në sulm për pasuesin e Milinkoviç-Saviç

Sport Ekspres — Wed, 01 Aug 2018 13:42:27 +0000

Igli Tare nuk ndalet dhe vazhdon të bëjë atë që di të bëjë më së miri. Të gjejë talente të rinj me potencial të madh. Pastaj marrja e tyre te Lacio dhe shndërrimi në lojtarë të mëdhenj që i kërkojnë klubet e mëdha të Europës. Pak a shumë si rasti i Milinkoviç-Saviç.

Për këtë të fundit duhen derdhur 155 milionë euro në llogaritë e bardhekaltërve, përndryshe serbi vazhdon në Romë. Nëse dikush paguan këtë shumë dhe arrin akordin me mesfushorin, Tare ka gati zëvëndësuesin e tij dhe ai është Kei Havertz. Mesfushor gjerman që luan me Leverkusenin dhe vetëm 19 vjeç. Tare është i dashuruar mbas këtij lojtari dhe është gati për të paguar 30 milionë euro për shërbimet e tij.

Havertz debutoi në vitin 2016 me ekipin e aspirinave, duke u bërë lojtari më i ri në historinë e klubit, i cili debuton në Bundesligë dhe më i riu që ka shënuar për klubin në kampionat. 17 vjeç e 126 ditë ishte Kei, kur debutoi në fitoren përballë Verder Bremen me 15 tetor 2016. Ai numëron 54 ndeshje dhe 7 gola me gjermanët dhe për momentin aktivizohet dhe me kombëtaren U-19 të Gjermanisë.

Tare vazhdon tratativat me Bajer Leverkusen prej dy muajsh dhe nëse dikush vendos të paguajë shumën e kërkuar për Milinkoviç-Saviç, Tare do niste sulmin final për Kei Havertz.