kazakistan

Rexhinaldo fillon aventurën kazake, prezantohet tek ekipi i ri

Sport Ekspres — Mon, 08 Jul 2019 21:33:23 +0000

Sulmuesi mozambikas Rexhinaldo Artur Faife la kampionatin shqiptar pas tri sezoneve ku provoi të luante për tri ekipe të ndryshme: Luftëtari, Laçi dhe së fundmi Kukësi. 29-vjeçari është prezantuar te kazakët e Shakter Karagandi.

Te skuadra e re Rexhinaldo gjen ish-kolegun e tij te Kukësi, Donjet Shkodra, i cili iu bashkua ekipit kazak në muajin shkurt. Rexhinaldo lë shqipërinë me një rekord prej 39 golash në 96 aktivizime në Kategorinë Superiore, ndërsa në Kupën e Shqipërisë mozambikasi shënoi 14 gola në tetë takime.

https://www.instagram.com/p/Bzqe07iBMPO/?utm_source=ig_web_copy_link

Goleadori Danilo Alvesh, vlerësim për sulmuesin në Kazakistan

Sport Ekspres — Tue, 21 May 2019 19:39:21 +0000

Danilo Alvesh u largua nga skuadra e Flamurtarit në muajin janar për t’iu bashkuar skuadrës kazake, Okztepes, ku po bën ndeshje shumë të mira. Sulmuesi 28-vjeçar ishte autori i golit të vetëm për skuadrën e tij fundjavën e shkuar, por përveçse gjeti rrjetën, bëri dhe një paraqitje shumë të mirë.

Alvesh shënoi golin e tij të dytë në kampionatin kazak, në takimin kundër Kaisarit. Në minutën e 37’, braziliani barazoi shifrat. Ish-sulmuesi i Flamurtarit u përfshi dhe në formacionin më të mirë të javës në kampionatin kazak të futbollit, duke marrë kështu një tjetër vlerësim. Deri më tani, Danilo ka luajtur plot 593 minuta në kampionat, ku në 8 sfida, i ka startuar si titullar.

Danilo Alvesh dhe Shkodra, të shkëlqyer në Kazakistan

Sport Ekspres — Fri, 10 May 2019 07:46:02 +0000

Danilo Alvesh dhe Donjet Shkodra duket se janë ambientuar në mënyrën më të mirë të mundshme në kampionatin kazak të futbollit. Ish-sulmuesi i Flamurtarit, Danilo Alvesh, aktivizohet me ekipin e Okzhetpes, skuadër me të cilën gjeti dhe golin e parë javën e shkuar.

Ndërsa Donjet Shkodra, është shndërruar në një nga lojtarët më të rëndësishëm të Shaktar Karagandit. Dy futbollistët kanë bërë shumë mirë në javën e nëntë të kampionatin të Kazakistanit dhe kanë fituar dhe një vend në formacionin e javës.

Alvesh ka luajtur 413 minuta me fanellën e Okzhetpes, 6 ndeshje, 5 si titullar. Ndërsa Shkodra numëron 449 minuta me Karagandin dhe 5 ndeshje si titullar.

VIDEO | Uellsi triumf force ndaj Sllovakisë, Rusia “pushton” Kazakistanin

Sport Ekspres — Sun, 24 Mar 2019 16:26:27 +0000

Uellsi e ka nisur në mënyrën më të mirë të mundshme rrugëtimin për në Euro 2020. Përfaqësuesja e Gareth Bejl ka triumfuar me shfirat minimale në një sfidë direkte ndaj Sllovakisë në shtëpi.

Heroi i takimit për britanikët ka qenë pikërisht mesfushori Daniel Xhejms, i cili shënoi vetëm pas pesë minutash lojë. 21-vjeçari rikuperoi mjaft mirë një top afër zonës së sllovakëve dhe goditi menjëherë, duke mos i dhënë asnjë mundësi portierit mik.

Kështu, Uellsi merr tri pikët e para në Grupin E, ndërsa Sllovakia po ashtu ka tri pikë, por një ndeshje me shumë, pasi në sfidat e para, Uellsi ishte pushim për shkak se ky grup përbëhet nga pesë ekipe.

KUALIFIKUESE EURO 2020
GRUPI E

Uells – Sllovaki 1-0
Shënues: Xhejms 5′

Standings provided by Sofascore LiveScore

Ndërkohë, në Kazakistanin e largët Rusia tregoi dhëmbët dhe i shkatërroi vendasit me shfirat 0-4. Padyshim njeriu i sfidës për rusët ishte Denis Çerishev, i cili shënoi dy gola dhe dha një asist. Fillimisht, mesfushori hapi serinë e golave në minutën e 19-të.

Në fundin e pjesës së parë, ishte përsëri Çerishev, i cili dyfishoi shifrat, duke çuar në dhomat e zhveshjes ekipin e tij të qetë.

Fraksioni i dytë vijoi me dominimin e Rusisë dhe në minutën e 52-të ishte Dziuba, i cili shënoi golin e tretë.

Dhjetë minuta më vonë, ishte një autgol i vendasve, që vulosi shifrat në 0-4, me Rusinë që feston tri pikët e para.

KUALIFIKUESE EURO 2020
GRUPI I
Kazakistan – Rusi 0-4
Shënues: Çerishev 19′, 45+1′, Dziuba 52′, Bejsebekov 62′(aut.)

Standings provided by Sofascore LiveScore