Ante Rebiç është ndër të preferuarit, por jo vetëm. Ideja e fundit quhet Edinson Kavani. 32-vjeçarit i përfundon kontrata me PSG-në verën e ardhshme, ndërsa përfiton 12 milionë euro në sezon.

Ideja e rikthimit në Serie A, aty ku ka shkëlqyer me Palermon dhe Napolin, e tundon. Corriere dello Sport raporton se Interi ka ngarkuar tre agjentë që të nisin negociatat, në fillim me sulmuesin e pastaj me klubin francez.

Uruguaianin e pret një kontratë 3-vjeçare me 9 milionë euro rrogë sezonale. Fakti që në Milano do të bashkohet me Diego Godin dhe Matia Vesinon është një plus i madh. Raportet e “El Matador” me dyshen zikaltër, sidomos me mbrojtësin, janë perfekte.

Diçka e tillë u pa edhe në miqësoren mes Interi dhe PSG-së. Kavani dhe Godin biseduan, bënë shaka dhe qeshën pafund me njëri-tjetrin. Ku i dihet, Godin mund ta ketë ftuar Kavanin që të bashkohet me të në Milanon zikaltër. Urdhri i kapiteni nuk vihet në dyshim…

I dyti mund të ndërrojë kontinent. Lojtari me origjoinë braziliane ka oferta nga kampionati kinez dhe milionat e vendit aziatik e tundojnë. Akoma nuk ka asgjë konkrete, por trajneri i Atletikos së Madridit dëshiron të mos mbesë i papërgatitur.

Objektivi i madh i sulmit mban emrin Edinson Kavani. Uruguaianit i përfundon kontrata me PSG verën e ardhshme dhe vetë lojtari dëshiron të ndërrojë ambient. Sipas raportimeve të mediave spanjolle, 32-vjeçari mbetet emri i parë në listën e Simeones.

Negociatat kanë nisur dhe drejtuesit e klubit “colchoneros” po bëjnë maksimumin për të arritur akordin me “EL Matador”.

Rekord për 20-vjeçarin, i cili bëhet lojtari më i ri  në historinë e kampionatit francez që arrin shifrën 30 gola në sezon.

Lajm i mirë është edhe rikthimi i dyshes Nejmar-Kavani. Braziliani nuk luante që nga muaji janar. Ai riktheu “sambën” në ekip, ndërsa Kavanit iu anulua menjëherë një gol për pozicion jashtë loje.

Të shtunën zhvillohet finalja e Kupës së Francës. PSG do të synojë fitoren kundër Renë. I vetmi shqetësim lidhet me Marko Verratin. Italiani pësoi një dëmtim në ndeshjen kundër ekipit nga Principata dhe me shumë mundësi do të jetë mungesa e madhe në finalen e fundjavës.

Sipas raportimeve të francezes “Le 10 Sport”, 32-vjeçari mund ta vazhdojë karrierën në kampionatin spanjoll. Kavani është një fiksim i Napolit. Ai është idhulli i tifozëve dhe presidenti De Laurentis nuk e ka fshehur kurrë dëshirën për ta rikthyer “El Matador” në jugun e Italisë.

Megjithatë, për sulmuesin është e interesuar edhe Atletiko e Madridit. Diego Simeone e pëlqen shumë lojtarin. E ardhmja e dyshes Grizman-Diego Kosta është në dyshim. Për të parin përflitet për një kalim te Barcelona, ndërsa i dyti mund të tundohet nga milionat kinezë.

Klubi “colchoneros” nuk dëshiron të mbetet i papërgatitur dhe ka nisur negociatat me Kavanin, çmimi i kartonit të së cilit vlerësohet rreth 37 milionë euro.

Në rast se 31-vjeçari nuk ia del të rikuperohet në kohë për takimin e ditës së martë ndaj Mançester Junajtid, trajneri i PSG-së Tomas Tuhel s’do të ketë zgjidhje tjetër përveç se t’ia besojë rolin e sulmuesit qendror talentit francez Kilian Mbape.

Në Mungesë të Nejmar dhe Kavani, treshja e sulmit të PSG-së do të plotësohet nga Angel Di Maria dhe gjermani Julian Drakler. Ndërkohë, te “djajtë e kuq” dëmtimet janë shumë të pakta, pasi të vetmit lojtar të padisponueshëm për Ole Gunar Solskjaer do të jenë mbrojtësit Darmian e Valencia.

SHERRI ME NEJMAR – Kavani foli dhe mbi incidentin që ndodhi në miqësoren ndaj Brazilit, ku ai dhe Nejmar u përfshinë në një debat të vogël pas një ndërhyrjeje: “Janë gjëra që ndodhin në futboll. Jemi shokë e vëllezër, por në fund secili prej nesh ka dëshirë të fitojë e të nderojë kombëtaren e tij. Nuk i bëra asgjë, as nuk e preka. Iu afrova dhe i thash se nuk e kisha prekur, vetëm kaq”.

Is this bromance? #Neymar #Cavani https://t.co/pP18vwXrCy

— Samuel YNWA (@Samuel_YNWA) November 17, 2018

TOPI I ARTË : “Varane mund është një ndër kandidatët, Grizman dhe Mbape gjithashtu. Duhet shikuar me kujdes performanca dhe jo vetëm emri i tyre. Për mendimin tim, Topi i Artë duhet t’i shkojë një francezi. Modriç bëri gjithashtu një sezon të shkëlqyer, por Varan fitoi Champions-in së bashku më Botërorin”.

KONKURRENCA NË SULM – “Jemi tre lojtarë me aftësi të shkëlqyera dhe është normale që të gjithë duam që të shënojmë. Trajneri ka për detyrë që ta në bëjë të luajmë si një grup i vetë, qoftë në sulm apo në mbrojtje. Sigurisht është më e lehtë ta thuash se sa në praktikë”.

Do të jetë një sfidë shumë e veçantë për 31-vjecarin, i cili e pranon se për të do të jetë një ndeshje shumë emocionuese, duke kujtuar dhe kohën që ka qenë pjesë e napolitanëve dhe duke theksuar se ka qenë një kohë shumë e rëndësishme në karrierën e tij.

KËPUCA E ARTË – “Jam shumë i lumtur për këtë çmim që kam marrë, pasi ndodhem mes shumë legjendash. Më bën të ndihme shumë krenar kjo gjë, aq më tepër kur shoh se shumë skuadra më duan. Tani do të shohim para. Jemi në një grup shumë të vështirë në Champions League, me Liverpulin dhe Napolin. Do të jetë një emocion i madh dhe i veçantë për mua që të rikthehem në një stadium si ai i Napolit”.

RIKTHIMI NË NAPOLI – “Kjo sfidë do të jetë me e veçantë për mua, për shkak të rëndësisë që ka pasur ky klub në karrierën time. Kam kaluar tre edicione fantastike, ku kam shumë kujtime të mira. Do të jetë një ndeshje shumë e rëndësishme për të dyja skuadrat. Mezi po pres që të luaj sërish në atë stadium, ku do të bëj çmos që të arrij sukses me PSG-në”.

ANÇELOTI – “Kur të lavdëron një trajner si Ançeloti të komplimentin është një kënaqësi dhe emocion i madh. I falënderoj të gjithë ata trajnerë të skuadrave kundërshtare që më vlerësojnë dhe më komplimentojnë. Mezi pres që ta takoj Ançelotin pas pak ditësh në Ligën e Kampionëve”.

Kampionati francez, me shumë gjasa do të jetë një “shëtitje” për parisienët. Monako është në një periudhë tranzicioni, ndërsa Lion e Marsejë, pavarësisht emrit të madh kanë diferenca të frikshme për sa i përket kontingjentit të lojtarëve.

<iframe width=”630px” height=”390px” frameborder=”0″ scrolling=”no” allowfullscreen=”true” webkitallowfullscreen=”true” mozallowfullscreen=”true”  src=”//oms.matchat.online/player/jRP0Dq5yzX” ></iframe>

Gazeta spanjolle në fjalë pretendon se presidenti i klubit francez Naser Al Kelaifi i ka ofruar Kavanit një shpërblim prej 1 milionë eurosh, mjafton të që ai lejojë Nejmarin të jetë gjuajtësi i parë i penalltive në klubin e kryeqytetit francez. Por sulmuesi uruguaian, me mjaft mirësjellje ka refuzuar ofertën e PSG-së. Naser Al kelaifi ka shpenzuar jo pak ditë javën e kaluar për t’i dhënë një zgjidhje sherrit në “familje” mes Nejmarit dhe Kavanit pas penalltisë së 18 shtatorit të kaluar në fitoren 2-0 të kryeqytetasve francezë përballë Lionit. Nejmar u duke i dëshpëruar dhe i indinjuar që Kavani nuk e lejoi atë të godiste penalltinë.

Pas ndeshjes gazeta franceze “L’Equipe” bëri me dije se sherri vazhdoi dhe në dhomat e zhveshjes dhe është dashur ndërhyrja e shokëve të ekipit për të mos lejuar përplasjen fizike mes të dyve. Sakaq, sipas gazetës spanjolle “El Pais”, klubi i Paris SG-së është në krah të Kavanit në të gjithë këtë histori.

Merkato e Milanit ka qenë një bum i vërtetë në fillimet e veta. Shpejt e shpejt kuqezinjtë kanë bërë të gjitha, ose thuajse të gjitha lëvizjet. Kanë siguruar portën me Donarumën, kanë përforcuar mbrojtjen me Bonuçin, kanë riparuar mesfushën, kanë investuar dhe në sulm. Por… por nuk kanë arritur të gjejnë sulmuesin e vërtetë. Alvaro Morata shkoi tek Çelsi, Obamejang qëndroi në Dortmund, Diego Kosta do vetëm Atletikon e kështu me radhë. Kjo ka bërë që tregu i kuqezinjve të ngushtohet dhe tashmë në Milano janë duke vlerësuar goditjen e duhur, ndonëse zgjedhjet janë shumë më të pakta.

Falkao refuzon – Të enjten në mbrëmje mediat franceze bënë me dije se Milani ishte i gatshëm të paguante 30 milionë euro për sulmuesin e Monakos, Radamel Falkao. Lajmi i dhënë nga “France Football” ka gëzuar tifozët e Milanit, që kanë nisur të ëndërrojnë për “Tigrin”. Megjithatë, përgjigja  e Monakos nuk ka vonuar. Kampionët e Francës kanë bërë me dije se Falkao nuk është në shitje, duke i kujtuar Milanit se kolumbiani ka një kontratë deri në vitin 2020. Ky refuzim i Monakos shkon në një linjë me mendimin e sulmuesit, i cili në një intervistë të fundit pat deklaruar se ishte i lumtur në Principatë.

Kaliniç në krye të listës – Në Itali bëjnë me dije se pretendente kryesor për të veshur fanellën e Milanit është sulmuesi i Fiorentinës, Nikola Kaliniç. Në lojë është ende dhe Diego Kosta, por Milani nuk është dakord me një huazim deri në janar. Kjo pasi spanjolli dëshiron të luajë vetëm për një klub, Atletikon e Madridit. Duke qëndruar te Nikola Kaliniç, kroati është në pritje të një vendimi të drejtuesve të Milanit. “Premium Sport” ka bërë me dije se ka pasur dhe një lëvizje të fundit të kuqezinjve në këtë drejtim, duke i propozuar Fiorentinës blerjen jo vetëm të Kaliniçit, por dhe të Milan Badelj. Një paketë e vetme me Kaliniç, teksa Milani i ofron në këmbim Fiorentinës, disa miliona euro dhe kartonin e Paletës.

Surpriza Kavani – Milani momentalisht e sheh veten në vështirësi në gjetjen e një sulmues. Por në këtë merkato të papritur dhe të çmendur gjithçka mund të ndodhë. Në Itali raportojnë se lëvizja surprizë e kuqezinjve mund të jetë sulmuesin i PSG-së, Edinson Kavani. Në rastin e uruguaianit gjithçka do të varet nga Kilian Mbape. Në rast se ylli i Monakos do të kalojë te nënkampionët e Francës për 180 milionë euro, atëherë kjo do ta detyronte PSG-në të shiste disa yje të saj si Di Maria dhe Kavani. Kjo pistë po ndiqet me interes nga Milani që shpreson t’i vërë kapak merkato me një lëvizje big në sulm.