Xhika, së bashku me Ilir Avdylin, do të luftojnë për një vend titullari te Kukësi. Verilindorët ndërkohë janë lënë pushim të dielën dhe nga e hëna do të zhvendosen në Mavrovë, ku edhe do të përgatiten për nisjen e kampionatit.

Nga ana tjetër drejtuesit e klubit po punojnë për të rinovuar kontratat me Ardian Cuculin dhe Valdet Ramën. Të dy konsiderohen pjesë e rëndësishme e ekipit për sezonin e ardhshëm futbollistik.

Majkëll Ngo do të jetë pjesë e Tiranës dhe Mema e pranoi një ditë më parë. Në orët e para të ditës së sotme anglezi ka mbërritur në aeroportin e Rinasit. Ai ka postuar edhe video në rrjetet sociale.

Ngo sezonin e shkuar ishte sulmuesi kryesor i skuadrës, teksa shënoi 4 gola në kampionat dhe 6 në Kupë. Së bashku me Muçin dhe Ismael Dunga do të jenë alternativat e Memës për sulmin e Tiranës këtë sezon.

Gjini ka firmosur një kontratë relativisht të gjatë. Ai do të veshë fanellën bardhezi për tre vitet e ardhshme. Mesfushori është lojtari i dytë që zbarkon nga Greqia në Laç, pas Flosard Malçit.

 

View this post on Instagram

 

Firmos për 3 vitet e ardhshme Damian Gjini i urojmë suksese në karrierë ???????? #paralaci

A post shared by K.F.Laçi Official (@k.f.laci_official) on Aug 1, 2019 at 9:41am PDT

“Jam i mendimit se do të rrëzohen dy klube. Më të rrezikuarit janë Skënderbeu dhe Luftëtari. Këtë e them për shkak të gjobës prej 1 milionë eurosh dhe faktit që nuk ka sens financiar të mbash një klub në Superiore, pa pasur objektiv pjesëmarrjen në Europë. Me aq sa di, Tirana dhe Vllaznia i kanë tejkaluar problemet e tyre me borxhet ndaj tatimeve. Të dyja klubet kanë arritur një marrëveshje me drejtorinë e tatimeve. Këto kontrata me tatimet do të shqyrtohen nga komisioni i licencimit për t’u parë nëse janë të vlefshme ose jo”.

DINAMO – “Dinamo do të jetë një ekip shumë kompetitiv për sezonin e ardhshëm. Kanë kontaktuar lojtarë të cilësorë dhe së fundmi janë në bisedime me një trajner shumë të njohur”.

Në fjalët e tij të para si trajner i ekipit gjirokastrit, Dalipi zbuloi se projekti i skuadrës do të mbështetet te të rinjtë shqiptarë dhe se objektivi parësor i klubit është qëndrimi në Superiore.

“Pranova me kënaqësi ftesën e drejtuesve. Jam këtu për të formuar skuadrën dhe ‘basti’ im është që deri në fund të sezonit klubi të shesë një ose dy lojtarë. Do të bazohemi te elementët e rinj dhe kryesisht te futbollistët shqiptarë. Gjatë këtyre ditëve do të ketë edhe shumë lojtarë në provë. Objektivi minimal është qëndrimi në Superiore, por do të shohim hap pas hapi. E rëndësishme është të formojmë një grup dinjitoz, që të përballoj më së miri garën. Do të punojmë me ata lojtarë që kanë dëshirë për të punuar, sesa ata që kanë cilësi, por nuk angazhohen sa duhet”, tha Dalipi.

Prej disa ditësh, në  medie të ndryshme, por dhe nga vetë punonjës klubesh është hedhur ideja që në rast përjashtimi të ekipeve të lartpërmendurave, vendi i tyre të plotësohet nga Dinamo dhe Besa e Kavajës, ekipe këto që u renditën në vendin e dytë në grupet respektive në edicionin e kaluar të Kategorisë së Parë.

Megjithatë, tani në lojë është futur dhe Kastrioti. Klubi krutan ka reaguar me anë të një komunikate në rrjetet sociale mbi çështjen në fjalë. Në komunikatë Kastrioti ka argumentuar se në rast përjashtimi të skuadrave të lartpërmendura, e drejta e qëndrimit në Superiore atyre si skuadra e nëntë në renditjen e Superiores. Klubi krutan përmend dhe një shembull konkret të ndodhru rishtazi në Itali me protagonistë klubet e Palermos dhe Venecias.

DEKLARATË E KLUBIT KASTRIOTI NË LIDHJE ME NDRYSHIMET E MUNDSHME NË SUPERIORE

Ditët e fundit ka nisur të qarkullojë lirisht ideja e përjashtimit nga kampionati të Skënderbeut (për shkak të dënimit nga UEFA) dhe të Luftëtarit (në kaos financiar). Përtej debatit se pse nuk është në një situatë me Luftëtarin edhe Flamurtari, apo a do ta presë FSHF Gjykatën Federale në Zvicër, ajo që bie në sy është se po flitet për dy klube të tjerë, Besa e Dinamo, që duhet të ngjiten në Superiore duke “fituar në tavolinë”. Ndërkaq, askush nuk e merr parasysh faktin që Superiorja kishte një renditje sezonin e fundit dhe në bazë të saj, nëse një klub përjashtohet, përfiton ai i rendituri poshtë saj, në rastin tonë Kastrioti. Askush nuk e di realisht se ku do bazohej kthimi i Dinamos dhe Besës në Superiore, por nëse shohim në gjithë botën, në raste të tilla përfitojnë ekipet e rëna nga kategoria. Një shembull? Para pak javësh Palermo falimentoi dhe u dënua me zbritje nga kategoria. Vendin e skuadrës siçiliane në Serinë B e mori Venezia, që ra nga Seria B pas humbjes në finale play-off kundër Salernitanas. A nuk është e njëjta situatë? Kastrioti është skuadra e vendit të nëntë dhe merr vendin e një prej ekipeve të dënuara, ndërsa më pas vendos FSHF për mënyrën si do përcaktohet ekipi që merr vendin e ekipit të dytë, sepse Kamza është dënuar me kohë. Edhe për kupat e Europës, kur doli Skënderbeu i dyti dhe kur u konfirmua që Flamurtari nuk shkonte dot në Europa League, skuadrat poshtë tyre në renditje përfitonin, jo Dinamo e Besa.

Në “Story”, Ngo postoi një foto të tij me fanellën e Tiranës dhe me mbishkrimin: “Bëjnë të fortin me personat që kanë karakter, ndërsa kur*at i ushqejnë me ëmbëlsira të dielave. Falënderoj të gjithë tifozët e vërtetë të Tiranës, që më kanë shkruar. Forca Tirana!”

Sezonin e shkuar, Ngo ishte një nga lojtarët më të rëndësishëm te Tirana, duke i ndihmuar kryeqytetasit të shmangnin rënien nga Kategoria. Shtatlarti dhe klubi bardheblu nuk janë ndarë në mënyrën më të mirë të mundshme dhe kjo gjë, po kuptohet qartë nga dita në ditë.

Një “gardian” si Enea Koliçi jep garanci absoluten në portë. Veliu dhe Turtulli janë një dyshe interesante për qendrën e mbrojtjes, ndërsa Gocaj dhe Kotobelli në krah janë lojtarë të sprovuar prej vitesh në ato role.

Mesfusha treshe me Jonuzin, Hilën dhe Behar Ramadanin është një trinom i kompletuar. Në krahë të sulmit Ngo dhe Fili garantojnë asiste të shumtë për shkodranin Sukaj, i cili tregoi te Flamurtari se në Superiore është i aftë të bëjë diferencën.

SPORTEKSPRES.COM mëson se drejtuesit e klubit verilindor janë pranë marrëveshjes me Blerim Krasniqin. Sulmuesi kavajas ka qenë pjesë e Skënderbeut gjatë dy sezoneve të shkuara, ndërsa më parë ka luajtur për Apoloninë dhe Besën e Kavajës.

23-vjeçari mbylli sezonin e kaluar me 6 gola në 23 ndeshje. Kontrata e Krasniqit me Skënderbeut zgjat edhe për dy sezonet e ardhshme, prandaj mbetet për t’u parë se si palët do ta zgjidhin këtë problematikë.

Me ardhjen e Krasniqit te Kukësi, verilindorët do të kenë tre alternativa me kavajasin që i bashkohet në këtë repart Vasil Shkurtajt dhe të riut Markovanbasten Çema.

Ndërkohë që edhe FK Bylis e ka konfirmuar divorcin, e njëherësh e ka falënderuar sulmuesin anësor. Në një deklaratë për Sportekspres.com ai shprehet se ka patur disa oferta dhe të hënën do të zbulohet ekipi ku do të luajë sezonin e ardhshëm futbollistik.

“Pas largimit nga Bylisi më kanë kontaktuar disa skuadra, nga Kategoria Superiore dhe nga Kategoria e Parë. Sot që flasim nuk kam vendosur. Besoj se në fillimin e javës së ardhshme do ta marr një vendim. Rëndësi ka që të hënën do kem një skuadër të re”, tregon Lamçja.

Futbollisti nga Elbasani nuk zbulon emrin e skuadrës, teksa shton: “Besoj se ka një korrektesë në të tilla raste në merkato. Nuk mund t’ua them skuadrën. Ju deklaroj me sinqeritet se nuk kam vendosur 100% emrin e skuadrës së re, sepse në këtë situatë duhet menduar mirë hapi kur hidhet. Ky do jetë një sezon i bukur dhe i vështirë për mua, por do përjetohet në fushë”.

AGRON KAJA

Lajmin e bëri të ditur vetë klubi kryeqytetas nëpërmjet rrjeteve sociale. Qirko ka nënshkruar një kontratë afatgjatë. Ai do të jetë i veshur me ngjyrat bardheblu për tre vitet e ardhshme. Edhe këtë sezon porta pritet t’i besohet Ilion Likës, që tregoi një formë spektakolare në fund të sezonit të kaluar.

Megjithatë, Mema ka treguar se edhe porta nuk është një pozicion “fiks” dhe mund të ketë rotacione. Qirko nëse i plotëson pritshmëritë, pritet të marrë frenat e katërkëndëshit të Tiranës, duke parë moshën e Likës. Ai është një fryt i akademisë së Flamurtarit, ekip ku është promovuar edhe si profesionist.

Gjithsesi Abibi për SportEkspres.com deklaron se nga Tirana largohet vetëm për një skuadër jashtë Shqipërisë. “E kam lexuar këtë lajm dhe e quaj spekulim. E pranoj që disa ekipe të Superiores, si edhe Kastrioti, më kanë kontaktuar. Por vetëm kaq.

Është normale në merkato, por unë u kam thënë se kam kontratë edhe një vit me Tiranën, ndaj do ta respektoj. Nuk kam deklaruar se do largohem nga Tirana, sepse një sezon bardheblu vlen sa tre sezone në çdo skuadër tjetër në Kategorinë Superiore”, deklaron Abibi.

Ndërkohë gardiani i Tiranës deklaron se është në bisedime me një skuadër jashtë Shqipërisë dhe nga Tirana vetëm kështu mund të largohet. “Unë jam në bisedime me një skuadër jashtë Shqipërisë dhe vetëm po të dakordësohem me ta do lëviz nga Tirana. Këtu në Shqipëri nuk shkoj në asnjë skuadër tjetër. Jam i fokusuar te Tirana, asnjë skuadër tjetër këtu mos të më llogarisë në plane të merkatos”, përfundon Abibi.

AGRON KAJA

SKUADRA E PARTIZANIT – “Ka akoma nevojë për ndërhyrje të tjera, pasi mbrojtja e tyre është përgjysmuar. Duke u referuar te intervista e trajnerit Lerda, i cili tha se preferon të luajë me 4 – 3 – 3, unë nuk shikoj ndonjë mesfushor të Partizanit që kanë karakteristika për të luajtur në të majtë e të djathtë të mesfushorit të qendrës: Telushi, Romero, Broja”.

MERKATO E “DEMAVE – “Janë në ndjekje të një mbrojtësi të djathtë. Ibrahimi për mendimin tim sezonin tjetër do luajë si qendërmbrojtës, me 99%. Këtë e them dhe nga bisedat që kam pasur, ndërsa braziliani Melo është më i mirë në pozicione sulmuese. Mendoj se do jenë në ndonjë diskutim dhe më ndonjë qendërmbrojtës. Në sulm janë të kompletuar, kanë shumë lojtarë edhe sikur të shesin Asanin”.

NUMRI I TË HUAJVE – “Tregu është i hapur. Lojtarët me pasaportë të Maqedonisë së Veriut ose Kosovës nuk cilësohen si të huaj. Problemi te klubet tona është se nuk i hedhin sytë te këta vende. Nuk ekzistojnë departamentet e zbulimit. Nëse do rritej numri i lojtarëve të huaj klubet do merrnin ndonjë brazilian, por të gjithë e dimë se në Shqipëri është vendi i fundit në Europë ku të huajt duan të vijnë, pra është tmerrësisht e vështirë të sjellësh këtu lojtarë cilësorë”.

Skuadrat do të vazhdojnë të mbeten në dy grupe me nga 10 skuadra, por ka ndryshime në mënyrën e ndarjes së skuadrave pas fazës së dytë. Tanimë ndarja nuk do të prekë pesë ekipet e kreut dhe pesë ekipet e pjesë së poshtme të tabelës, por katër ekipet e kreut dhe gjashtë ekipet e pjesës së poshtme.

Ndryshim tjetër i rëndësishëm është dhe fakti që tani e tutje s’do të ketë më përgjysmim pikësh, pra skuadrat do të ruajnë pikët e plota edhe pas ndarjes së grupit.

Në sezonin e ardhshëm skuadrat e Kategorisë së Parë do luftojnë edhe për vendin e dytë. Skuadrat të cilat renditen të dytat do t’u jepet mundësia të ndeshen në një finale me një takim, ku fituesi i secilës do t’i jepet shansi për t’u ngjitur në Kategorinë Superiore falë një ndeshje “play-off” me skuadrën e renditur e teta në Kategorinë Superiore.

Dy vendet e fundit të Grupeve A dhe do B do të bien menjëherë në Kategorinë e Dytë, ndërsa skuadrat e renditura në vendin e tetë do të zhvillojnë një ndeshje play-off me skuadrat e renditura të dyta në grupet e kundërta të Kategorisë së Dytë.

Kategoria e Parë dhe e Dytë do të reduktojnë gradualisth numrin e ekipeve duke filluar nga sezoni i ardhshëm.

Skema e Kategorisë së Parë për katër sezonet e ardhshme do të jetë:

Sezoni 2019-2020 me 20 skuadra

Sezoni 2020-21 me 18 skuadra

Sezoni 2021-2022 me 16 skuadra

Sezoni 2022-2023 me 14 skuadra

Skema e Kategorisë së Dytë për katër sezonet e ardhshme do të jetë:

Sezoni 2019-2020 do të jetë me 26 skuadra

Ssezoni 2020-2021 me 24 skuadra

Sezoni 2021-2022 me 22 skuadra

Sezoni 2022-2023 me 20 skuadra. 

Kategoria e Parë do të fillojë më datë 14 Shtator dhe do të përfundojë në datë 16 Maj.

Kategoria e Dytë do të fillojë më datë 21 Shtator dhe do të përfundojë më datë 16 Maj 2020.

Në fotot e publikuara nga klubi 23-vjeçari shihet teksa ka veshur uniformën me numrin tetë, numër ky që nuk qenë në përdorim te të kuqtë gjatë vitit të kaluar. Mbajtësi i fundit i këtij numri te Partizani ka qenë mesfushori tetovar Emran Ramadani.

PARTIZANI –“Nuk ka dyshim që Partizani bëri një kampionat të mirë. Konkurrentët nuk arritën të jenë në nivelin e Partizanit, qoftë Kukësi, Teuta apo Skënderbeu. Partizani u organizua më mirë. Ishte pragmatist, nuk është se bëri ndonjë futboll të bukur, por arriti rezultatin. Çdo ekip ka marrë atë që ka dhënë në fushën e lojës, sipas përgatitjeve dhe shpenzimeve”.

SURPRIZA NË SUPERIORE – “Është  e vështirë të veçoj emra futbollistësh. Gjithsesi mund të flas për Luftëtarin e Gjirokastrën. Kanë shitur lojtarë dhe kanë vazhduar të bëjnë një futboll të bukur, duke mos rrezikuar mbijetesën”.

KUKËSI –“Kukësi nuk i ka munguar buxheti, por i ka munguar skuadra. Kishte një disavantazh që nuk luajti në shtëpi, kjo nuk është gjë e pakët. Gjithsesi përgjegjësia e parë i takonte presidenti Gjici, i cili duhet të krijonte një skuadër të bazuar në grup e jo individë”.

SKËNDERBEU –  “E filluan mirë, por më vonë u duk se nuk ishin të përgatitur për të përballuar 36 javë kampionat. S’kishin aq alternativa për të përballuar sezonin. Problemet juridike të klubit me UEFA-n janë problem i drejtuesve, s’besojnë se ndikuan te futbollistët”.

TEUTA – “Deri nga java e 10-të Teuta u duk si ekip pretendent për titullin, por më pas u duk se i mungoi grinta. Ndoshta për shpenzimet që u bënë mund të kishin merituar dhe më shumë se kaq”.

ARBITRAT –  “Me zhvillimin e shoqërisë zhvillohen edhe arbitrat. Ne bëjmë maksimumin për përgatitjet e tyre. Është e vërtetë që ka pasur kontestime, por ka pasur më pak se më parë. Fatmirësisht edhe ato gabime që janë bërë nuk kanë ndikuar shumë. Besojnë se meritojnë nota pozitive”.

DËNIMI I KAMZËS – “Në fakti ai ka qenë rasti më i keq dhe që është dënuar më shumë. Mendoj se ka ndikuar në eliminimin e rasteve të ngjashme në të gjithë nivelet e kampionatit shqiptar.

NDRYSHIME NË FORMUALAT E GARAVE –“Po diskutohet brenda sektorit të garës për të pasur kampionate që luftohen deri në fund. Kemi disa probleme në Kategorinë  e parë dhe të dytë, por edhe në kampionatet e moshave. Shumë skuadra dalin nga gara shpejt e fillojnë të mos impenjohen shumë. Po përpiqemi të gjejmë skema që i minimizojnë këto. Kemi disa propozime e variante. Besoj se do të dalim me një produkt që do t’i bëjë më të interesuara skuadrat në garë. Ajo që është më e rëndësishme është ajo që ndodh te futbolli i fëmijëve. U thuhet nga drejtuesit të tolerojnë ndeshje

REDUKTIM I NUMRIT TË SKUADRAVE NË KATEGORINË E PARË – “Për këtë kampionat nuk mundemi ta reduktojmë numrin, por në të ardhmen mund ta shqyrtojmë këtë mundësi për reduktimin e klubeve, çka do t’i shërbejë forcimit të garës”.

LICENCIMI –“Licencimi në Europë mbikëqyret nga UEFA. Ky komision Licencimi për garat e Europës ka një tutor, që në rast gabimesh ne mund të ndëshkohemi, siç na ndodhi dy vite më parë me licencimin e Tiranës. E njëjta gjë duhet bëhet me licencimin për garat në Shqipëri. Steka e kërkesave është rritur. Ne kemi vënë ato kritere licencimi që janë të realizueshme për klubet në Shqipëri. Ne kemi për detyrë që t’i këshillojmë e t’i kontrollojmë klubet, e ti ndihmojmë me ndihma financiare bashkë me pushtetin vendor”.

PAKETA LIGJORE – “Deri tani ndoshta për shkak të situatës politike në vend nuk kemi pasur ndonjë feedback. Prandaj nuk është respektua ai afat që u premtua. Ka vetëm një progres pas një takimi me ministren e arsimit për  ndryshimin e kodin penal, por kjo nuk është diçka që ndihmon në progres, megjithëse ndihmon në vendosjen e rregullave në ambientet e stadiumit. Me këtë paketë synojmë që ta kthejmë sportin në një industri masive. Nëpërmjet kësaj pakete tentojmë që klubet profesioniste të mos rrënojnë bizneset e presidentëve. Futbolli duhet të mbajë veten, ashtu siç ndodh në shumë degë të tjera të ekonomisë. Fakti është që politika asnjëherë nuk e ka parë sportin e futbollin si të tillë. I vetmi rast që s’mund ta fshehim është investimi në stadiumin e Shkodrës dhe Elbasanit”.

Kampionët e Shqipërisë do të përballen me Sarajevon, ekipin e njohur boshnjak. Ndeshja është programuar për t’u zhvilluar në orën 18:00.

Ndërkohë, nga ana tjetër edhe Kukësi e Laçi po përgatiten për Kupat e Europës dhe do të zhvillojnë një miqësore në Librazhd mes njëri-tjetrit. Edhe ky takim, njësoj si Partizani-Sarajevo, do të luhet në orën 18:00.

Oferta zyrtare sot duket se ia ka “trullosur” mendjen qendërmbrojtësit shtatlartë, i cili ka folur për SportEkspres.com dhe ka saruar se si është situata në lidhje me të ardhmen e tij.  Shehi duket i dyzuar, pasi edhe pista “Tirana” mbetet e hapur për të.

“Sapo kam biseduar me drejtues të Vllaznisë, të cilët më bënë ofertë të jem pjesë e tyre për sezonin e ri. E mendoj një ofertë serioze dhe nuk e kam refuzuar, por as nuk e kam pranuar ende. Sepse duke qenë në kontakte me Tiranën, më mbetet që me këtë skuadër të madhe ta mbyll pozitivisht. Gjithsesi, asgjë nuk është mbyllur dhe do jem në kontakt me shkodranët”, deklaroi Dajan Shehi.

AGRON KAJA

Ndeshjen e parë kampionët tanë e luajnë si pritës, ndërsa të kthimit e luajnë në Azerbajxhan. Short ferri dhe kilometra të pafundme për të kuqtë.

Ndërkohë, Shkëndija e Tetovës do të përballet me Nome Kalju, kampionen e Estonisë. Short mjaft i mirë për Shkëndijën që kanë një mundësi mjaft të mirë për të kaluar më tej. Ndeshja e parë do të luhet në Estoni.

Nga ana tjetër edhe Ferronikeli mund të quhet me fat, me kampionët e Kosovës që në rast se kalojnë turin paraeleminator do të përballen me The New Saints, kampionen e Uellsit.

Për Muratajn, baza e këtij suksesi mbetet organizimi e menaxhimi i mirë i klubit. “Kam dy sezone që luaj në radhët e Bylisit, por këtu organizimi e menaxhimi i skuadrës është në nivele shumë të mira. Kjo mendoj na dha suksesin, pra ngjitjen në Kategorinë Superiore. E veçanta tjetër është se futbollistët e rinj kanë gjetur hapësira te kjo skuadër dhe përbëjnë bazën edhe për sezonin e ri”, theksoi kapiteni i Bylisit.

Murataj flet edhe për sezonin e ardhshëm dhe pritshmëritë në Superiore: “Të gjithë mendojmë e besojmë se Bylisi do të jetë skuadër rivale për vendet e kreut të renditjes. Nuk është i tepërt edhe synimi që gjatë sezonit të ri të luftojmë që Bylisi të luajë në Europë. Do jetë një rrugëtim i vështirë dhe i bukur, por edhe i arritshëm”.

AGRON KAJA

SITUATA TE VLLAZNIA – “Vllaznia administrohet nga Bashkia e Shkodrës, e duke qenë se më 30 qershor janë zgjedhjet lokale, situata për vazhdimësinë është e paqartë. Unë kam edhe një vit kontratë me Vllazninë dhe kam dëshirë ta respektoj atë. Kështu më bëhet më mirë, por deri më tani askush nuk ka lëvizur për të na thënë se si do të vazhdojmë në këto kushte zgjedhore”.

OFERTAT – “Për etikë nuk po ju tregoj ekipet që janë interesuar për mua, dhe këtë nuk e bëj për presion ndaj askujt. Por një ekip në Kategorinë Superiore dhe një ekip i huaj më kanë bërë oferta, të cilat unë ia kam përcjellë klubit. Dua të qëndroj në Shkodër”.

AGRON KAJA

“I dashur President
U gëzova shumë kur mësova që KF Partizani u kurorëzua kampion i Shqipërisë për sezonin 2018/2019. Me gëzim të madh e përgëzoj ekipin për titullin kampion, të cilin e prisnin që nga 1993, dhe të 16-tin në total. Kjo është pa dyshim rezultati i përpjekjeve dhe një pune të palodhshme, dhe i gjithë stafi dhe personat e përfshirë duhet të jenë krenarë për këtë arritje të madhe.
Përcillja përgëzimet e mia lojtarëve, trajnerit, administratorëve, stafit teknik dhe mjekësor , gjithashtu edhe tifozëve të saj. I inkurajoj ata të vazhdojnë punën me vendosmëri dhe përkushtim. Ne emër të komunitetit ndërkombëtar të futbollit, gjej rastin të falenderoj KF Partizanin dhe Federatën tuaj, për ndihmën e shpërndarjes së mesazheve pozitive për futbollin, dhe praktikimit të kësaj loje të bukur që na bashkon të gjithëve.
Me kënaqësi pres t’ju takoj së shpejti në Paris, me rastin e Kongresit të 69-të FIFA-s.
Me respekt, Gianni Infantino”, shkruan Njëshi i FIFA-s në këtë mesazh urimi.

Ditë më parë, presidenti i Bylisit rinovoi kontratën me futbollistin nigerian, Amos Beji Antoni, të cilin e konsiderojnë si lojtar të rëndësishëm për Superioren. Bylisi po mendon të mbajë talentet që kishte në dispozicion sezonin e shkuar, ndërsa i mbetet Dovedan të formojë stafin teknik për sezonin e ri.

Drejtuesit po shohin të përforcojnë skuadrën me elementë cilësorë për Superioren. Trajneri Dovedan e ka thënë më parë që nuk kërkon shumë lojtarë, por ata që do të vijnë, duhet të jenë cilësorë dhe që të bëjnë diferencën me grupin aktual.

AGRON KAJA

Kështu, pas Dejvi Bilalit e Valdo Zeqajt, të cilëve u mbaruan kontrata, të tjerë futbollistë janë në prag largimi. Burime pranë klubi kuqeblu deklarojnë për SportEkspres.com se pjesa më e madhe e futbollistëve që ka Vllaznia aktualisht, si Tafili, Lika, Krymi, Sherri, Hajdari e disa të tjerëve, u mbarojnë kontratat.

Me ta askush nuk është ulur për të biseduar për sezonin e ri, ndërkohë skuadra është pushim. Këto ditë, dy futbollistë të huaj kanë deklaruar largimin, mbrojtësi rumun Dan Ignat dhe sulmuesi nigerian Kollins Eziamaka. Të dyve u mbaron kontrata me Vllazninë.

Shkak për këtë shpërbërje është menaxhimi i Vllaznisë nga Bashkia e Shkodrës, që kushtëzohet nga zgjedhjet lokale të 30 qershorit. Ndaj edhe në Shkodër të gjithë futbollistët po mendojnë të largohen dhe vetë klubi shkodran është i pafuqishëm që t’i ndalojë, përjashtuar pak futbollistë që janë në kontratë edhe për një sezon.

AGRON KAJA

Flamurtari nuk është licencuar, kurse korçarët presin vendimin e KAS. Kështu edhe vendi i gjashtë mund të shkojë në kupat e Europës, por varet nga finalja e Kupës. Kurbinasit kanë edhe një ndeshje për të zhvilluar, atë me Teutën në transfertë. Trajneri Sulejman Starova nuk do të ketë të gatshëm katër titullarë për sfidën me durrsakët.

Sebastian Toro vijon të jetë i dëmtuar, ndërkohë që edhe Jon Mersinaj ka plotësuar kartonët e verdhë dhe mungesat në mbrojtje bëhen dy. Gjithsesi Domgjoni është i gatshëm dhe trajneri Starova mund t’i besojë në Durrës. Të pezulluar janë edhe dy lojtarë të mesfushës.

Nikola Eller dhe Enis Çokaj gjithashtu u ndëshkuan me kartonë të verdhë, i katërti për ta, dhe mungojnë. Jonuzi zëvendëson njëri, ndërkohë që mbetet për t;u parë nëse do të ndryshohet moduli apo ndonjë lojtar tjetër do përshtatet në mesfushë. Alternativat nuk janë të shumta, pasi Najdenov është larguar pa u mbyllur kampionati, kurse Smaçi ende nuk është rikuperuar.

Gardiani i laçjanëve priti dy penallti, duke u konfirmuar një “mjeshtër”, për sa i përket pritjes së 11-metërshave. Pas takimit, Selmani dha një intërvistë për “Supersport”, ku foli për humbjen si dhe tregoi sekretin e pritjes së 11-metërshave.

HUMBJA NDAJ TIRANËS – “Patëm një javë për ta përgatitur ndeshjen dhe e bëmë mjaft mirë këtë, por patëm një shpërqendrim në 10 minutat e para, që e shfrytëzoi mjaft mirë Tirana. Nuk e di çfarë ndodhi, pasi ishim përgatitur për ta fituar ndeshjen, por nuk ia dolëm.

SEKRETI I PENALLTIVE TË PRITURA – “Falënderoj profesor Starovën për fjalët e mira. Unë mundohem të punoj sa më shumë dhe të qëndroj me këmbë në tokë. Penalltitë janë edhe fat, pro edhe zotësia e portierit kur i pret. Shpresoj që të pres edhe në të ardhmen.”

PRESION NDAJ LOJTARËVE QË GJUAJNË? – “Mundohem t’i studioj lojtarët që përpara ndeshjes, gjë që e kisha bërë edhe sot me sulmin e Tiranës. E kisha studiuar mirë edhe Ngo, por ndonjëherë duhet edhe pak fat.”

E ARDHMJA – “Nuk e di. Të presim dhe të shohim.

Pikërisht lidhur me këtë gol, ka reaguar edhe Majkëll Ngo. Gjiganti i sulmit ka postuar në llogarinë e tij në Instagram golin, ku bashkangjitur postimit ka vendosur dhe një shkrim. “Meqë ra fjala, i thash Edonit të gjuante, sepse nuk mund të bashkohesha në atë sulm. Vrapova si një qen i tërbuar sot (dje)”.

Vlen për t’u përmendur që pavarësisht triumfit të djeshëm, Tirana ende nuk e ka siguruar qëndrimin mes më të mirëve, teksa në ndeshjen e fundit pret Flamurtarin, ndërsa Kastrioti luan ndaj Kukësit.

“Ashtu si të gjithë, edhe ne jemi të trishtuar që kemi humbur ndeshjen finale kundër Bylis. Kishte shumë faktorë pse, por më e rëndësishmja është se javët e fundit i hapen sytë çdo ëndërrimtari. Ne e ndërtuam këtë ekip për t’u promovuar në Superligen e Shqipërisë dhe e dinim që nga fillimi se nuk ka asnjë shans që kjo të jetë një skuadër e suksesshme në Superligë. Megjithatë, ne falënderojmë lojtarët që kanë bërë punën e tyre për të dërguar Vllazninë më herët, në vendin që i përket, pra Superligë”.

“Ashtu siç i kemi thënë muaj më parë shumë herë lojtarëve, bëhet fjalë vetëm për Vllazninë dhe nuk ka asgjë personale. Kjo do të thotë që kemi nevojë për një Vllazni më të fortë dhe shumë lojtarë do të largohen nga klubi. Kjo është gjithashtu arsyeja pse kemi bërë në fillim të sezonit kontrata vetëm 1 vjeçare për shumicën e lojtarëve. Vetëm lojtarët si Krymi ose Gurishta kanë kontratë edhe për në Superlige, sepse kemi menduar që në fillim për to”.

“Por edhe lojtarët e rinj që kanë kontrata afatgjata (të nënshkruara para disa vitesh), të cilët nuk kanë kapacitet për Superlige, do të largohen, sepse ne duam vetëm lojtarë të rinj që kanë aftësi për të luajtur në të ardhmen për Vllazninë. Këtë vit ne kemi një brez të mirë në grupin e U19 dhe kemi nënshkruar tashmë me disa nga këta lojtarë. Në të njëjtën kohë, drejtori sportiv filloi që në janar interesimin për Superligën duke bërë një raport me analizat përkatëse rreth lojtarëve shqiptarë që mund të ndihmojnë ekipin”.

“Në javën e fundit ne kemi filluar të kontaktojmë me këta lojtarë. Muajin e kaluar drejtori sportiv ka udhëtuar për të parë lojtarë të huaj, financiarisht të mundshëm për ne, të cilët mund të na ndihmojnë në Superligë. Vitin e kaluar filluam shumë vonë dhe nuk kishim kohë për të përgatitur diçka. Këtë sezon ne do të jemi të përgatitur qe të mos kemi një ëndërr të keqe si ajo e herës së fundit në Superligë”, thuhet në deklaratën e FK Vllaznia.

Batha më pas dëgjoi propozime të tjera dhe zgjodhi t’i bashkohej Flamurtarit. Një sezon i mirë në aspektin personal, teksa ka rritur të shënojë katër gola. Mesfushori e ka mbyllur sezonin me Flamurtarin, pasi me Laçin mori kartonin e 12-të të verdhë (rekord për Bathën) dhe nuk mund të luajë kundër Tiranës.

Batha tani mendon për të ardhmen. Fillimisht duhet të marrë atë që i takon nga Flamurtari. Janë miliona lekë paga të prapambetura, që shpresohet të merren pa dashur të shkohet në gjyq. Nga ana tjetër mesfushori pret të vendosë edhe të ardhmen.

Vazhdimi i bashkëpunimit me Flamurtarin duket i pamundur, ndërkohë që janë disa ekipet që kanë shprehur interesim për Bathën. Tirana është një nga klubet e lakuara, por duhet pritur përfundimi i sezonit për të parë se ku do të transferohet gjirokastriti.

Pas ndeshjes, që përfundoi 0-0, Shehu ka folur për Supersport: “Ishte një ndeshje mjaft e vështirë për të dyja ekipet, që donin të mos dilnin pa pikë nga kjo ndeshje dhe sidomos ne. Kishim gjithë javën që e përgatisnim ndeshjen, për të hequr presionin dhe për të dhënë më të mirën. Një barazim nuk ishte rezultat i keq për ne, por kishin raste për shënuar. Fatkeqësisht nuk ia dolëm”.

Shehu është optimist, teksa pret që javën e ardhshme Laçi t’u bëjë një nder: “Besoj se ky barazim do të na ndihmojë, shpresoj që Laçi do të fitojë kundër Tiranës dhe do të na bëjë një nder neve. Besojmë se do të ndodhë kjo gjë dhe në fund do të dalim ne të fituar”.

Kastrioti javën e ardhshme pret Teutën dhe një fitore me durrsakët u shkon për shtat edhe kurbinasve, që duan të shkojnë në kupat e Europës. Një mundësi për të dyja ekipet që të ndihmojnë njëra-tjetrën në objektivat që kanë.

Kryqytetasit janë dy pikë më lart se krutanët, por një disfatë në ndeshjen e sotme do e komplikonte në maksimum situatën e tyre. Arbitrimi, si gjithnjë në vendin tonë është një çështje më vete dhe pak momente më parë është raportuar se drejtësia në këtë takim do të vendoset nga gjyqtarë të huaj.

“Proçesi Sportiv” raporton se kjo ndeshje  do të gjykohet nga arbitra që vijnë nga Maqedonia e Veriut. Të dyja ekipet presin gjykim të drejtë dhe nga frika e ndërhyrjeve është gjetur kjo zgjidhje nga ana e Federatës Shqiptare të Futbollit.

TITULLI I 15-të – “Partizani është skuadër e krijuar për të fituar dhe ai titull erdhi si vazhdim i një skuadre  pretendente që luftonte çdo trofe në sezon. Ne fituam edhe Kupën e Shqipërisë dhe Edmond Dosti doli kryegolashënues me 21 gola, ndërsa unë isha i dyti në skuadër me 11 gola”.

TITULLI I FUNIDT – “Pas një periudhe relativisht të gjatë (26 vjet), Partizani pati shumë ulje e ngritje dhe problematika të ndryshme. Por kjo skuadër ishte e ndërtuar për të fituar, e komandoi Superioren, rivalizoi me sukses, kryesisht ndaj Kukësit, por edhe me Teutën e Skënderbeun”.

NDRYSHIMET – “Me ardhjen e Gaz Demit si president në këtë klub të madh, ndryshimet erdhën graduale dhe në rritje, duke kulmuar me këtë titull kampion. Partizani kaloi një periudhë delikate, por në vitet e fundit organizimi, menaxhimi e drejtimi ishin me standarde europiane”.

PIKAT E FORTA – “Ka disa pika të forta ky Partizan kampion dhe unë e përmenda më sipër menaxhimin e drejtimin e klubit. Këto u bashkuan edhe me drejtimin profesional nga trajneri Skënder Gega, i cili ndërtoi një skuadër me bazë grupin, që në sezonet e kaluara kishte çaluar”.

NË EUROPË – “Nëse kjo skuadër e ruan bazën, për t’u paraqitur me dinjitet në Europë i duhen 2-3 përforcime, kryesisht në sulm dhe mesfushë. Trajneri Gega dhe drejtuesit e Partizanit e kanë të qartë se çfarë i duhet skuadrës për të qenë e suksesshme edhe në Europë, punë kjo që ka nisur”.

ME TEUTËN -“Nuk besoj se Partizani do lëshojë në këtë sfidë me Teutën. Në çdo situatë Partizani ka qenë serioz e pretendent, e duke qenë se nuk lëshoi me Tiranën, edhe me Teutën kështu duhet të paraqitet. Do jetë një ndeshje e vështirë, por Partizanin e mendoj fitues”.

AGRON KAJA

“Titulli është kulmi i karrierës për çdo futbollist, sidomos kur e fiton me një skuadër Legjendë si Partizani. Për ne atëhere ishin momente të vështira e thuajse të braktisur nga tifozeria, ndërsa sot tifozët treguan se e duan këtë skuadër të madhe, kështu si Kampion”, deklaroi ish-mbrojtësi i djathtë i Partizanit kampion në sezonin 1992-1993.

INTERVISTOI: AGRON KAJA

Si e mbani mend titullin kampion 1992-1993 kur ju luanit si futbollist për Partizanin?
-Në atë sezon (1992-1993), Partizani fitoi trefish: Titullin Kampion, Kupën e Shqipërisë dhe “Këpuca e Artë” me Edmond Dostin që shënoi 21 gola. Në atë periudhë që unë kam dalë kampion me Partizanin, ishte një situatë e vështirë në Shqipëri, por ne dominonim futbollin.

Po titullin e fituar zyrtarisht të dielën me fitoren ndaj Tiranës, si e përjetuat?
-Natyrisht që me emocion dhe do ta quaja edhe këtë titull si të bukur, i cili ka të përbashkëta me titullin e fundit. Partizani aktualisht ka grup shumë të konsoliduar dhe forca e tij dominon qartazi. Kështu edhe atëhere, por sot dëshira e të gjithëve e mundi eksperiencën e rivalëve.

Cili nga këto tituj ka qenë më i veçantë për ju, si lojtar, apo tani pas 26 vitesh?
-Titulli është kulmi i karrierës për çdo futbollist, sidomos kur e fiton me një skuadër Legjendë si Partizani. Për ne atëhere ishin momente të vështira e thuajse të braktisur nga tifozeria, ndërsa sot tifozët treguan se e duan këtë skuadër të madhe, kështu si Kampion.

Pas disa viteve përpjekje, çfarë ndryshoi te Partizani këtë sezon që arriti të shpallej kampion?
-Trajneri Skënder Gega, si ish-trajner i Kombëtares U21 e vuri përvojën e tij me sukses në shërbim të ekipit. Ai i alternoi mirë moshën me eksperiencën, ku 50-60% e futbollistëve te Partizani janë në moshën deri 22 vjeç. Forca e grupit dhe boshti me kualitete, baza e suksesit.

Cilat i mendoni si pikat më të forta të Partizanit në këtë sezon: Në drejtim e menaxhim, në stol apo në fushë?
– Unë mendoj se organizimi, menaxhimi e drejtimi i Partizanit në vitet e fundit ka sjellë ndryshim shumë të madh. Nga Presidenti Gaz Demi, Drejtori Olsi Rama e deri te trajneri Skënder Gega, unë i veçoj si “tre moskëtierët” bazë të këtij titulli, pa harruar gjithë lojtarët.

Çfarë i duhet kësaj skuadre që të paraqitet me sukses në Ligën e Kampioneve për sezonin tjetër?
-Besoj se jo vetëm trajneri Gega, por të gjithë drejtuesit e Partizanit e kanë të qartë se çfarë i duhet kësaj skuadre për të qenë e suksesshme edhe në Europë. Grupi aktual është i mirë, por ndoshta duhet të presim kohën e merkatos, pasi aty do gjenden lojtarë cilësorë.

Në javën e 34-t Partizani luan me Teutën në Durrës, mendoni se do të lëshojë si deri më tani?
-Ndaj Teutës mund të ketë hapësira për lojtarë të rinj në moshë, por edhe ata që në ndeshjet e kaluara nuk janë aktivizuar shumë. Nuk them se kështu Partizani do lëshojë në këtë sfidë, por në të tilla situata kur titullin e ka në “xhep”, motivi zbehet për të qenë si deri në javën e 33-të.

Luftëtari u eleminua nga Kupa e Shqipërisë javën e shkuar, teksa u mposht në ndeshjen e dytë gjysmëfinale përballë Tiranës me shifrat 5-3. Pavarëisht se në fundjavë, bluzinjtë morën një sukses ndaj Kukësit në kampionat, kjo gjë nuk ka bërë që të përtypej eleminimi në Kupë.

Sipas deklaratës së klubit, pezullimi do të zgjasë dy javë, me trajnerin e portierëve Jovan Mihajloviç që do të drejtojë ekipin.

TITULLI DHE LOJA E PARTIZANIT – “Është titull i pa përfolur, ne kemi bërë lojë të ndershme çdo vit që kur kam ardhur. Është në karakterin tim kjo. Nuk mund të them më i pa përfoluri, këtë nuk e di.”

TRAJNERI GEGA – “Për Gegën dua të them diçka. Nuk bëj garë mes trajnerëve që kam pasur, por është një djalë me karakter shumë të fortë, i ndershëm. Qëndrimin e di ai. Ai ka të drejtë të nënshkruajë vetë. Ka firmosur për 2-3 vite me drejtorin, nuk e di tamam.”

TIFOZËT – “Tifozët janë të mrekullueshëm. Ua vonuam titullin gjatë kohës së qëndrimit tim, por ia dolëm. Do mundohemi që të kemi mbaruar fushat stërvitore deri në shtator.”

DERBI – “Fati ka qenë me ne këto pesë vite që jam në krye të klubit. Derbi është gjëja më e bukur. Do i ketë të tria rezultatet gjithmonë si ndeshje. Fati ka qenë me ne që nuk kemi humbur dhe shpresoj të vazhdojmë kështu.”

DËNIMI I SKËNDERBEUT – “Sinqerisht do isha shumë i lumtur, madje do bëja festë nëse Skënderbeu do dalë i pastër dhe të mos ketë asnjë sanksion nga UEFA. Është një klub që i ka dhënë shumë futbollit shqiptar vitet e fundit.”

PARTIZANI – “Partizani i butë? Këto janë si muhabete kafenesh. Nuk kemi ngacmuar, kemi bashkëpunuar për diçka të mirë. Ne kemi diskutuar gjithmonë për gjëra më të mira. Kemi qenë korrekt me mbarëvajtjen e ekipit, por edhe duke parë gjithë garën për të qenë sa më e ndershme dhe sa më korrekte.”

Dy skuadrat janë të pozicionuara në kahe të kundërta në tabelën e renditjes, por për ish-futbollistin e Partizanit, Ilir Lame, statistikat dhe e shkuara nuk kanë ndonjë rëndësi kur ekipet zbresin në fushën e blerte. Në një intervistë për SportEkspres.com ai flet për derbin tani dhe në të shkuarën, rivalitetin mes ekipeve, por edhe për mungesën e Fanatics.

INTERVISTOI: AGRON KAJA

Ilir, jemi në prag të derbit. Si i shikoni përballjet mes Partizanit e Tiranës sot dhe sa ndryshojnë me kohën kur ju luanit vetë në fushë?
-Ndeshjet derbi në çdo kohë e ruajnë bukurinë dhe interesin e tyre. Çdo periudhë kur luhet i ka të veçantat e saj. Në kohën kur unë luaja me fanellën e Partizanit (1977-1989), më dukej derbi më i bukur. Kjo pasi isha pjesë e tij. Por edhe tani është i bukur.

Do të ndikojë në këtë sfidë renditja aktuale e të dyja skuadrave në Kategorinë Superiore?
-Nuk e besoj. Kjo për faktin se në të tilla ndeshje, si Partizani, ashtu edhe Tirana, nuk kanë patur ndikim nga renditjet që kanë patur. Në çdo ndeshje derbi të dyja skuadrat hyjnë si të barabarta dhe veç aktualitetit të tyre, historia e bilancet kanë ndikim vetëm para e pas ndeshjes.

Partizani nuk e ka fituar titullin kampion që nga sezoni 1992-1993. Pas shumë vitesh konkurrencë me Tiranën, a do jetë kjo përballje si një “hakmarrje” e kuqe?
-Partizani thuajse është kampion dhe nuk mendoj se ky derbi do të ketë këto ngjyra, në kuptimin sportiv. Do ishte shumë bukur që Partizani ta mbyllte titullin kampion pikërisht në këtë ndeshje derbi, ndaj pritet me shumë interes.

Tirana do jetë e braktisur nga tifozët e saj ultras, sa vlen një ndeshje e tillë pa ata?
-Bojkoti i tifozëve nuk i bën mirë Tiranës, pavarësisht rrethanave që ata e kanë marrë këtë vendim. Do jetë një minus për Tiranën, edhe pse Partizani mund të mos jetë shumë i karikuar. Kjo nisur nga pozicioni që ka në renditje. Ndeshje të tilla derbi janë të veçanta dhe nuk duhet të braktisen.

Në këtë sezon, Partizani ka fituar dy takime, 1-0 dhe 2-1, kurse një takim ka dalë barazim 0-0. A do ndikojnë këto statistika të dielën?
-Sikundër edhe renditja aktuale, edhe statistikat e këtij sezoni, që janë në favor të Partizanit, nuk do të kenë ndikim në rezultatin e ndeshjes. Tirana ka pesë sezone që nuk fiton me Partizanin, por edhe kjo statistikë unë nuk  mendoj se do të ndikojë në rezultatin e këtij derbi.

Cila skuadër mendon se do të shënojë gol e para: Partizani apo Tirana? Cila skuadër fiton?
-Për mua mirë është që të shënojë Partizani dhe duke parë kualitetet që kanë të dyja skuadrat. Do të doja që në këtë sfidë, çdo statistikë të fliste për Partizanin, përveç rezultatit final. Të tria rezultatet janë në lojë dhe në të tilla ndeshje është e vështirë të parashikosh një rezultat fiks. Unë do mendoja një barazim, sepse kështu do të ishte më mirë për të dyja skuadrat.

Më tej ai flet edhe për diferencat në renditje që kanë skuadrat: “Për mendimin tim, renditja aktuale që kanë dy skuadrat nuk do të ketë ndikim te kjo ndeshje. Në çdo derbi skuadrat hyjnë si të barabarta dhe në këtë rast të dyja vijnë me kualitete, ndryshim bën vetëm renditja. Moment që të kuqtë të hakmerren? Nëse e shohim në aspektin sportiv, në çdo ndeshje derbi duket sikur skuadrat hakmerren mes tyre. Gjithsesi në fushë nuk ndodh kështu. Partizani ka 4 apo 5 sezone që i fiton ndeshjet derbi, por unë e di që Tirana nuk pret lëmoshë. Me garë korrekte e fiton këtë sfidë.

Nesër në stadium mungojnë Fanatics dhe Omuri këtë e komenton kështu: “E di që ka një bojkot nga tifozët e Tiranës, por di edhe faktin se aty do të jenë shumë fansa bardheblu. Nuk do jetë një braktisje e plotë. Nga ana tjetër dihet që Partizani do ketë shumicën e tifozerisë në këtë ndeshje”. Në lidhje me rezultatet e këtij sezoni mes Partizanit dhe Tiranës, ish-lojtari i bardhebluve deklaron se nuk do të kenë ndikim.

“Statistikat për lojtarët që luajnë në fushën e lojës janë në plan të dytë. Ato shërbejnë për historinë, sepse realiteti ka shumë ndryshime për të dyja skuadrat. Futbolli prandaj është i bukur e tërheqës, pasi brenda tij ka edhe surprizën”, shprehet Omuri, i cili më tej edhe bën një parashikim për ndeshjen. Ai dëshiron shumë që Tirana të fitojë, por edhe një barazim e kënaq.

“Tirana ka një futbollist shumë të mirë, Majkëll Ngo. Kam shumë besim se ky do të jetë protagonist e pika kryesore për sulmin e Tiranës. Padyshim që do të shënojë. Dëshiroj që kjo ndeshje të fitohet nga Tirana. Por edhe një barazim nuk do ishte keq. Nuk e mendoj fitoren e Partizanit, pasi nuk ka shumë motiv. Kjo për shkak se janë në krye të renditjes dhe nuk kanë rival për titullin”, përfundon Omuri.

AGRON KAJA

ANA PSIKOLOGJIKE DHE PRESIONI I DERBIT – “Si anë psikologjike është e mirë, pasi vijmë nga dy fitore radhazi. Presioni në derbi është gjithmonë. Sido që të ishte renditja do të kishte presion. Është ndeshje historike dhe janë dy ekipe të mëdha.”

LUMTURIA E PRISHJES SË FESTËS SË PARTIZANIT – “Ne lumturohemi nga rezultati jonë. Nuk më shqetëson pjesa e kundërshtarit. I bëj yzmet punës dhe ekipit tim. Nuk luajmë për të prishur festën e Partizanit, por për veten tonë. Kemi problemet tona dhe janë evidente.”

FITORJA NË DERBI – “Tirana ka kohë që nuk fiton ndaj Partizanit dhe do të ishte një dhuratë për këtë fund sezoni për tifozët.”

EKIPI – “Kam qenë duke bërë analizën me skuadrën. Problemet kanë qenë evidente, siç i kam parë në fushë. Duhet të bëjmë riparimet e duhura, pa parë kundërshtarin. Nëse skuadra jonë do luante me përqendrim, nuk do flisnim fare për mbijetesën tani. Duhet një analizë edhe për vetë lojtarët, që të përmirësohen dhe të bëjnë përpara, ashtu si duhet të bëj unë analizë për veten dhe klubin.”

ALBAN HOXHA NUK DO RËNIEN E TIRANËS – “Po të ishim në role të kundërta, edhe unë ashtu do thosha. Tirana e Partizani, përtej rivalitetit në derbi, kanë bërë historinë e njëra-tjetrës. Historia shkruhet nëpërmjet fakteve dhe dueleve ndër vite, Partizani-Tirana ka qenë ndër më të mëdhenjtë.”

PËRZGJEDHJET E LOJTARËVE DHE MERKATOJA E TIRANËS –  “Në fund të sezonit do të bëhet një analizë e thellë, për të kuptuar gabimet që kemi bërë dhe për të mos i bërë në të ardhmen.”

MUNGESAT E PARTIZANIT – “Ka goxha elemente të mirë, përtej mungesave, që janë shumë të rëndësishme. Mensah e doja në janar, por nuk u arrit marrëveshja. Po ashtu, Asani është lojtar që më pëlqen shumë, ashtu si Telushi. Është favor për Tiranën që Partizani ka këto mungesa dhe duhet ta shfrytëzojmë këtë moment.”

TIRANA SHPESH FAVORITE NË DERBI, POR ASNJË FITORE PREJ VITESH – “Nuk e di këtë, është subjektive. Këtë vit kemi humbur një derbi që nuk duhej ta humbnim, kemi barazuar në një ndeshje që mund ta fitonim. Fjala favorit në derbi nuk ka shumë vlerë, mendoj se përqendrimi maksimal jep rezultat në derbi.

Nuk ka favoritë, është presion artificial kur flitet për favoritë ose jo. Karikimi është i detyruar, por favoritin e vendos fusha. Jemi duke luajtur mirë prej disa ndeshjesh, duke përfshirë ndeshjet ndaj Luftëtarit, që e ka mundur bindshëm Partizanin. Kemi gabuar në disa momente në mbrojtje, si shpesh këtë sezon, por nesër ekipi do jetë i karikuar mirë, vetiu, pa qenë nevoja të flas unë.

PARTIZANI THUAJSE KAMPION, FAVOR PËR TIRANËN? – “Nuk e mendoj kështu, Partizani ka kalendar shumë të vështirë dhe nuk pres asnjë dhuratë. Tiranës nuk i ka falur askush asgjë, nuk pres të ndryshojë gjë. Kemi Partizanin dhe Kastriotin përpara, këto janë finalet tona. Nëse dalim mirë në këto dy ndeshje, gjithçka merr për mbarë dhe do të mendojmë më pas për finalen e kupës, që është mundësia e madhe për të shkuar në kupat e Europës”.

PËRBALLJA ME PARTIZANIN – “Është një ndeshje mjaft e vështirë, pasi luajmë me vendin e parë. Do mundohemi të arrijmë fitoren në këtë takim, pasi një tri pikësh na ndihmon shumë për të hedhur një hap të sigurt për Evropën. E parashikoj një ndeshje të vështirë dhe do të jetë një sfidë e bukur për t’u parë dhe për t’u luajtur.”

E KËNAQ FLAMURTARIN NJË BARAZIM – “Nëse jemi të kënaqur me një barazim do ta themi në fund të ndeshjes, sepse varet se si do të shkojnë 90 minutat. Ne hymë për të fituar dhe për tri pikët.”

PIKA MË E FORTË E KUNDËRSHTARIT – “Partizani pikën më të fortë ka grupin. Nuk është se ka ndonjë individ që ka bërë diferencën, njësoj si ne që kemi grupin pikën më të fortë. Besoj që do të jetë një ndeshje e fortë dhe mjaft e luftuar.”

PAGAT – “Për pagat vazhdon e njëjta histori. Ne jemi në pritje. Ne jemi aktorët në fushë dhe për gjërat e tjera nuk kemi gjë në dorë. Tani po vjen fundi dhe çdo gjë do ndahet. Shpresoj të paguhemi, pasi me këtë punë mbajmë familjet. Ne jemi profesionistë dhe kemi dhënë gjithmonë më të mirën dhe nuk është gjë e mirë që kemi kaq muaj pa rroga. Kemi dhënë 100% në fushë dhe shpresojmë që drejtuesit të na e shpërblejnë.”

Më pas, ka folur edhe Ribaj, i cili u ndal te incidentet e nodhura në fazën e tretë. Gjithashtu, sulmuesi thkesoi se Flamurtari luan për tri pikët dhe se do të provojë deri në fund të ruajë vendin e tretë.

INCIDENTET E NDODHURA NË FAZËN E TRETË – “Ndeshja e fazës së shkuar është mbyllur atje. Nuk dua dhe shpresoj që mos të përsëriten të njëjtat gjëra. Tifozët e Flamurtarit nuk duhet të bëjnë diçka të tillë si tifozët e Partizanit, pasi dënojnë veten e tyre dhe ekipin. Nuk duhet që këto gjëra të ndodhin në fushën tonë.”

NDESHJA – “Partizani nuk e ka siguruar titullin matematikisht dhe ne jemi në luftë për një vend në Europë. Do të bëjmë maksimumin të marrim tri pikët, ashtu si në të gjitha ndeshjet që kemi luajtur deri tani.”

MUNGESAT E TELUSHIT DHE TRAJNERIT GEGA – “Telushi dhe trajneri kanë rëndësinë e tyre në ekip, por Partizani e ka treguar që di si ti përballojë këto situata edhe pa lojtarët kryesorë.”

VENDI I TRETË – “Besoj se do të jemi në vend të tretë. Do i marrim ndeshjet një e nga një edhe këto pesë që kanë ngelur. Grupin dhe të gjitha i kemi dhe shpresoj që të arrijmë objektivin që kemi vendosur të gjithë.”

Në një intervistë për SportEkspres.com, Muça ka folur për ndeshjen Tirana-Skënderbeu, që është mjaft e rëndësishme për të dyja ekipet. Ai shikon bardheblutë si favoritë, ndërkohë që mungesa e tifozëve e bën këtë ndeshje “të vdekur” në aspektin e atmosferës.

INTERVISTOI: AGRON KAJA

Pas 31 javëve të luajtura në Kategorinë Superiore, mendoni se skuadrat renditen aty ku e meritojnë?
-Kjo është renditja reale e pjesës më të madhe të skuadrave në këto 31 javë. Duke përjashtuar Kukësin, që duhet të kishte më shumë pikë, kjo renditje tregon së pari gjendjen e mirë që po kalon Partizani.

Tirana-Skënderbeu është një nga ndeshjet e kësaj jave dhe janë ekipe që ju i keni drejtuar në të shkuarën. Cilën skuadër shikoni si favorite?
– Tiranën për vetë gjendjen që ka në renditje, por edhe sepse Skënderbeut nuk i rrezikohet asgjë dhe një vend në Europë për ta është shumë i vështirë. Tirana është favorite edhe për faktin se do të luajë në stadiumin e saj. Në këtë parashikim nuk mendoj se e nënvleftësoj skuadrën korçare. Mes respektit dhe realitetit, unë zgjedh fitoren e Tiranës.

Por nuk do të ketë tifozët. Sa do të ndjehet mungesa e tyre?
-Normalisht, një ndeshje që luhet pa tifozë në stadium është e vdekur. Gjithsesi rregulloret tona e kanë këtë. Mendoj se duhet ndryshuar strategjia e dënimeve të tifozëve dhe të aplikohen ndëshkime të tjera. Kështu, çdo dënim është i rëndë edhe në aspektin financiar.

Të dyja skuadrat do të ketë mungesa, sa e vështirë bëhet për trajnerët?
-Po, me sa di do të jenë Karabeci e Kërçiku te Tirana dhe Dita me Radasin te Skënderbeu. Dy mungesat te Tirana janë shumë të rëndësishme për këtë sfidë, por çdo skuadër ka një numër të caktuar lojtarësh dhe kanë alternativa. Gjithsesi, janë mungesa serioze për Tiranën.

Mema dhe Shehi janë trajnerë të rinj,  si e shikoni pozicionin e tyre në të tilla sfida delikate?
-Unë i mbështes trajnerët e rinj dhe në Kategorinë Superiore të këtij sezoni janë disa që po tregojnë nivel e kulturë në pankina. Është pozitive që edhe në sfidën Tirana-Skënderbeu do jenë dy trajnerë të rinj. Mema dhe Shehi do aftësohen me të tilla ndeshje delikate.

Mendoni se ndeshjet e javës së 32-të do të sjellin ndryshime në renditjen e skuadrave?
-Duke përjashtuar Partizanin, që nuk lëviz nga vendi i parë në renditje edhe nëse humbet në Vlorë, te skuadrat e mesit dhe në fundin e tabelës edhe mund të ketë ndonjë ndryshim. Të gjitha janë afër me pikë, por Laçi mund të ngjitet këtë javë. Flamurtari nuk më duket shumë bindës.