Troplini e shikon si sfidë këtë detyrë të vështirë, pasi do t’i duhet të mbledhë skuadrën, e cila duhet thënë se ka shumë ndryshime nga sezonet e fundit. Në një prononcim për “Sport Ekspres”, Troplini shprehet:

“Fillimisht dua të falënderoj drejtuesit, tifozët dhe shokët e skuadrës që votuan për mua. Është e vështirë të jesh kapiten, pasi merr përgjegjësi më të mëdha dhe padyshim do jap maksimumin këtë sezon, që akoma pa nisur, duket se do të jetë i vështirë, por besoj edhe më i bukur”.

“Sezoni i ri do të nisë me të njëjtin objektiv, ngjitjen në Superligë. Sfidë e madhe dhe e vështirë, pasi po shohim shumë  skuadra që po përforcohen. Padyshim, ne kemi bërë afrimet tona dhe po krijojmë një grup të shkëlqyer”.

“Mendoj se ky është viti i duhur për të tentuar deri në fund e për të mos u dorëzuar, siç ka ndodhur në sezonet e fundit që prej rikthimit në Kategorinë e Parë”.

“Tifozët tanë na kanë mbështetur shumë dhe jo pak herë në transferta të largërta na dukej sikur ishim në shtëpi, vetëm falë prezencës së tyre. Kështu që do të synojmë t’ia shpërblejmë dhe të festojmë bashkë një objektiv madhor, si ai i ngjitjes në Superligë”.

Njoftimi i klubit:

z.Petrit Sinaj nuk është më president i Tomorit. Presidenca e klubit i takon z.Ervin Demo, i cili tanimë ka marr në mënyrë zyrtare edhe drejtimin e Bashkisë së Beratit.

Kujtojmë që Futboll Klub Tomori menaxhohet 100% nga institucioni i Bashkisë së këtij qyteti.

I urojm suksese z.Demo në menaxhimin e një prej klubeve më me tradita që njeh vendi jonë.

ADMINISTRATORI

Futboll Klub Tomori ka vendosur administratorin e ri gjatë ditës së sotme. Pas shqyrtimit të disa kandidaturave, Tomori ka vendosur që në postin e administratorit të emërojë z.Ismet Ajazi.

Një emër i tillë natyrisht që është shumë i njohur nga i gjithë ambienti sportiv beratas dhe shqiptar, sepse kemi të bëjmë me një delegat të FSHF-së që ka lënë gjurmë pozitive në detyrën e kryer. Ditën e hënë fillon puna për krijimin e skuadrës së re

Sipas FieriSot, tek Apolonia do të afrohet një sulmues amerikan dhe dy futbollistë nga Ekuadori, por emra konkret nuk ka. Megjithatë, të dhënat e lojtarëve janë publikuar. Sulmuesi amerikan do të zbarkojë sot në Fier. Ai është 27-vjeç dhe ka luajtur në kampionatin belg dhe atë lituanez.

Ndërsa dy ekuadorianët, kanë rënë parimisht dakort me klubin e Apolonisë që të firmosin. I pari është 23-vjeç dhe aktivizohet në krahun e majtë të fushës, ndërsa i dyti është 22-vjeç dhe luan si mbrojtës. Për të tre lojtarët, Mërgjyshi nuk ka vendosur ende.

Në Kategorinë e Dytë, janë luajtur disa sfida interesante. Ndeshja më me interes ka qenë ajo mes Tërbunit dhe Partizanit B, pasi u luajt për kreun e renditjes. Kjo sfidë u mbyll në barazim 0-0 dhe Tërbuni ruan kreun, pavarësisht se te Partizani B luajtën thuajse gjysma e ekipit A, me Kardozon, Koten, Rexhepin, Atandën dhe Xhikën.

Klosi mundi Vllazninë B 2-0, ndërsa Gramshi triumfoi 3-1 përballë Tiranës B. Delvina-Shkumbini dhe Tepelena-Maliqi u ndanë në barazime 1-1. Barazimi i Shkumbinit bëri që Devolli të marrë kreun e renditjes në Grupin B, pasi mori tri pikët në tavolinë përballë Termit. Devolli ngjitet në kuotën e 60 piëkve, ndërsa Shkumbini zbret në vend të dytë me 59 pikë.

Rezultatet e plota të Kategorisë së Parë dhe Kategorisë së dytë:

KATEGORIA E PARË – Java 25
E diel, më 28 prill 2019, ora 16:00
Dinamo-Vllaznia   2-0
Kolgega 35’, Çema 81’

KATEGORIA E DYTË-JAVA 23
E diel, më 28 prill, ora 16:00

Grupi A

Klosi-Vllaznia B  2-0
Pengili 26’ 83′

Gramshi-Tirana B  3-1
Rreshka 51’, Shukle 55’ 89′ / Nazlli 48’

Tërbuni-Partizani B  0-0

Luzi e Internacional (pushim)

Grupi B
E diel, më 28 prill, ora 16:00

Albpetrol-Këlcyra  2-0
Asimetaj 14’, Muhametaj 45’

Delvina-Shkumbini  1-1
Mehmeti 59’ / Nexha 12’

Tepelena-Maliqi  1-1
Xhafa 36’ / Jaupllari 5’

Devolli (pushim)