Arbër Basha, ish-mesfushori i Shpresave kuqezi, firmosi sot për ekipin e Kastriotit, pas një aventure 1-vjeçare në Estoni me ekipin e Narva Trans. 21-vjeçari ka folur për Sport Ekspres menjëherë pas zyrtarizimit të tij, duke shpjeguar pse zgjodhi Kastriotin, objektivat e këtij sezoni dhe të ardhmen e tij:

“Unë mendova rikthimin në futbollin shqiptar për arsyen se dua të njihem nga sportdashësit shqiptarë. Faktikisht, kisha oferta dhe nga Superliga, nga 2-3 ekipe të mira. Vendosa të firmos te Kastrioti pasi është një ekip shumë i mirë, pretendon të ngjitet në Superligë, një ekip që i jep mundësinë lojtarëve të rinj.

“Vrapova më shumë pas minutave, e rëndësishme për mua është që të luaj sa më shumë. Jam ende në një moshë të re dhe kjo gjë është primare për mua. Shpresoj që të ngjitemi në Superiore këtë sezon, i cili është dhe synimi, dhe vitin tjetër të luaj dhe në Superiore”.

E ardhmja? Pse jo të provoj dhe njëherë tjetër të transferohem jashtë Shqipërisë. Shpresoj që të arrij te një ekip sa më i mirë në një kampionat të huaj. Por fokusi momental është që të bëj sa më mirë te Kastrioti dhe shpresoj që t’i arrijmë të gjitha objektivat”, u shpreh Basha.

Karepi dhe një dopietë e Mziut i kanë dhënë fitoren e pastër Burrelit. Tërbuni dhe Turbina janë ndarë në barazim 1-1, me Sushin që ka shënuar për Tërbunin. Ndërsa Laçi, i drejtuar nga Sulejman Starova, ka fituar 2-1 përballë Laçit B, në testin miqësor mes tyre.

Kastrioti – Burreli  0-3
Shënues: Karepi 37′, Mziu 68′, 79′

Laçi – Laçi B  2-1
Nuabueze x2 / Turkaj

Tërbuni – Turbina  1-1
Shënues: Sushi

Raporti i bazuar në monitorimet e sistemit “BFDS” ngre dyshime se persona të caktuar kanë pasur njohuri për rezultatin final të ndeshjes, që u mbyll me fitoren 3 – 1 të Kukësit. Të dyja klubet kanë reaguar në lidhje me këtë lajm duke kundërshtuar këto akuza.

REAGIMI I KUKËSIT

FK Kukësi hedh poshtë akuzat për trukim të ndeshjes me KS Kastriotin, luajtur më 30 Maj 2019 në stadiumin e Kamzës, ku skuadra jonë fitoi me rezultatin 3-1 duke qenë ekip pritës për shkak të mungesës së fushës.

Deklarojmë me përgjegjësi se nuk ka asnjë element që të vërtetojë këtë akuzë. Ekypi ynë e ka pasur jetike këtë ndeshje, për të siguruar vendin e dytë në Kategorinë Superiore dhe për të qenë i sigurt në pjesëmarrjen e kupave të Europës. Ndaj, impenjimi ka qenë maksimal nga skuadra dhe stafi.Ne sigurojmë Uefa-n, institucionet e futbollit në Shqipëri, gjithë opinionin sportiv dhe tifozerinë se jemi të hapur ndaj çdo hetimi dhe se FK Kukësi kurrë nuk është përfshirë në ngjarje të tilla që shëmtojnë futbollin dhe imazhin e Klubit.

Nuk është hera e parë që nga tregu i basteve vijnë akuza për Ekipin tonë. Në një rast në Austri, pati një hetim të gjerë dhe të shtrirë në kohë nga prokuroria vjeneze. Pas hetimit 2-mujor, Ekipit  iu kërkua falje, pasi nuk u vërtetua asnjë element i trukimit apo paravendosjes së rezultateve.

FK Kukësi ka luajtur me dinjitet në rreth 100 ndeshje miqësore dhe zyrtare me ekipe të huaja dhe kurrë nuk e ka prishur imazhin e Shqipërisë dhe futbollit shqiptar. Përkundrazi, e ka ngritur lart në shumë stadium të Europës flamurin tonë kombëtar dhe atë të klubit, duke marrë vlerësime maksimale nga institucione, emra të shquar dhe ekipe futbolli elitë në Europë dhe më gjerë.

FK Kukësi, stafi dhe skuadra, nuk do të shpërqendrohen nga insinuate të tilla, por po vijojmë punën për nisjen e sezonit të ri futbollistik, ku synim mbetet titulli Kampion dhe përmirësimi i infrastrukturës, ku përfshihet ndërtimi i stadiumit të ri të futbollit, ku ndeshjet për kupat e Europës do të luhen në qytetin tonë.

REAGIMI I KASTRIOTIT

Reagim kundër gazetës “Panorama Sport” dhe dashakeqësve që duan të prishin imazhin e Klubit tonë.

KS Kastrioti u njoh mëngjesin e sotëm me një tjetër shpifje të ndyrë dhe dashakeqëse ndaj nesh, nga gazeta “Panorama Sport” dhe palë të “dyta”. Siç tashmë është bërë zakon, kjo gazetë vazhdon të sulmojë vazhdimisht ekipin tonë, për interesa të saja, dhe palëve të dyta që i shërben kjo si gazetë. KS Kastrioti është i hapur të ballafaqohet me çdo fakt që i përket çështjes në fjale, dhe nëse kjo gazetë është aq serioze t’i publikojë të gjitha, dhe ne mbajmë përgjegjësi për gjithçka, po mesa duket kjo   gazetë është e kapur, dhe e vënë në shërbim të dikujt. Ne si klub do i drejtohemi organeve kompetente për prishje imazhi dhe do kërkojmë dëmshpërblim për trillime të tilla. Dhe i themi boll, s’lejojmë askënd të hedhë baltë mbi ne dhe ekipin tonë, në të kundërt do përballet ligjërisht me ne.

T’i vijë turp kësaj gazete që në vend të flasë për garë të rregull sportive që i dhuruam kampionatit vitin e shkuar merret me lajme boshe, ishim pikërisht ne që e zbukuruam Superligën sezonin që u mbyll dhe përfundimin e saj e pranuam me sportivitet, këto janë lajmet që duhet të pasqyrojë kjo gazetë.

Nuk kishte sesi të mos mungonte rotacioni në formacion me shumë lojtarë të rinj në fushë. Ky ka qenë edhe një nga shkaqet e humbjes së krutanëve. Djemtë nga Vushtrria kanë triumfuar me rezultatin e pastër 2-0. Golat janë shënuar nga një për çdo pjesë.

Formacioni i Kastriotit: Puja, Neziri, Çela, Guni, Rami, Ndreu, Tigani, Mehmeti, Ymeri, Marku, Bardhi

Miqësore

Kastrioti-Vushtrria 0-2

Shala ‘8, Ahmeti ‘75

Krutanët kanë treguar një formë shumë të mirë. Borges ka hapur sfidën në minutën e 34-t. Të kuqtë nuk janë mjaftuar me kaq, pasi në pjesën e dytë e kanë dërguar edhe dy herë të tjera topin në rrjetë me Rosajn dhe Berberin.

Një formë shumë e mirë e Kastriotit, që edhe pse kanë rënë në Kategorinë e Parë, kanë pretendimet e tyre për të qëndruar në Superiore. Kjo mund të ndodhë në rast të përjashtimit të klubeve që kanë vështirësi të thella financiare. Krutanët reklamuan pretendimet e tyre nëpërmjet një reagimi në rrjetet sociale para pak ditësh.

Miqësore

Kastrioti-Turbina 3-0

Borges 34′, Berberi 52′, Rosaj 77′

Në të njëjtën orë të ditës së martë zhvillohet edhe miqësorja e radhës. Kastrioti do të ketë përballë klubin e Vushtrrisë, që sapo është rikthyer në elitën e futbollit dardan. Të dy ndeshjet do të zhvillohen në kompleksin e ekipeve kombëtare në Kamzë.

Klubi krutan po monitoron edhe situatën e vështirë të Skënderbeut, Flamurtarit dhe Luftëtarit. E ardhmja e korçarëve është në dyshim, ndërsa dy klubet jugore duhet të shlyejnë brenda afatit borxhet e shumta për të siguruar pjesëmarrjen në Kategorinë Superiore për sezonin e ardhshëm.

Një situatë e tillë mban me shpresa Dinamon dhe Besën e Kavajës, por edhe klubin krutan që është i bindur se në rast të përjashtimit të ndonjë ekipi, e drejta për të luajtur në Superiore ju takon atyre si ekipi i renditur në vendin e nëntë sezonin e kaluar.

Prej disa ditësh, në  medie të ndryshme, por dhe nga vetë punonjës klubesh është hedhur ideja që në rast përjashtimi të ekipeve të lartpërmendurave, vendi i tyre të plotësohet nga Dinamo dhe Besa e Kavajës, ekipe këto që u renditën në vendin e dytë në grupet respektive në edicionin e kaluar të Kategorisë së Parë.

Megjithatë, tani në lojë është futur dhe Kastrioti. Klubi krutan ka reaguar me anë të një komunikate në rrjetet sociale mbi çështjen në fjalë. Në komunikatë Kastrioti ka argumentuar se në rast përjashtimi të skuadrave të lartpërmendura, e drejta e qëndrimit në Superiore atyre si skuadra e nëntë në renditjen e Superiores. Klubi krutan përmend dhe një shembull konkret të ndodhru rishtazi në Itali me protagonistë klubet e Palermos dhe Venecias.

DEKLARATË E KLUBIT KASTRIOTI NË LIDHJE ME NDRYSHIMET E MUNDSHME NË SUPERIORE

Ditët e fundit ka nisur të qarkullojë lirisht ideja e përjashtimit nga kampionati të Skënderbeut (për shkak të dënimit nga UEFA) dhe të Luftëtarit (në kaos financiar). Përtej debatit se pse nuk është në një situatë me Luftëtarin edhe Flamurtari, apo a do ta presë FSHF Gjykatën Federale në Zvicër, ajo që bie në sy është se po flitet për dy klube të tjerë, Besa e Dinamo, që duhet të ngjiten në Superiore duke “fituar në tavolinë”. Ndërkaq, askush nuk e merr parasysh faktin që Superiorja kishte një renditje sezonin e fundit dhe në bazë të saj, nëse një klub përjashtohet, përfiton ai i rendituri poshtë saj, në rastin tonë Kastrioti. Askush nuk e di realisht se ku do bazohej kthimi i Dinamos dhe Besës në Superiore, por nëse shohim në gjithë botën, në raste të tilla përfitojnë ekipet e rëna nga kategoria. Një shembull? Para pak javësh Palermo falimentoi dhe u dënua me zbritje nga kategoria. Vendin e skuadrës siçiliane në Serinë B e mori Venezia, që ra nga Seria B pas humbjes në finale play-off kundër Salernitanas. A nuk është e njëjta situatë? Kastrioti është skuadra e vendit të nëntë dhe merr vendin e një prej ekipeve të dënuara, ndërsa më pas vendos FSHF për mënyrën si do përcaktohet ekipi që merr vendin e ekipit të dytë, sepse Kamza është dënuar me kohë. Edhe për kupat e Europës, kur doli Skënderbeu i dyti dhe kur u konfirmua që Flamurtari nuk shkonte dot në Europa League, skuadrat poshtë tyre në renditje përfitonin, jo Dinamo e Besa.

Në stërvitjen e ekipit dibran bie në sy prania e ish-kapitenit, Sokol Mziu, megjithatë klubi ende nuk ka zyrtarizuar firmëm me mesfushorin mëngjarash.

Zhvendosemi në Krujë, ku lojtarët e Kastriotit janë vënë nën urdhrat e trajnerit Ramazan Ndreu. Në seancën e parë stërvitore të krutanëve për sezonin e ri morën pjesë disa nga  titullarët e vitit të kaluar  si Patrik Bardhi, Taulant Marku, Ersil Ymeraj dhe afrimi i merkatos së verës Xhulio Mehmeti.

“Pas përfundimit të sezonit të kaluar, nga Kastrioti pati disa largime, por nga presidenca e drejtuesit e klubit situata u stabilizua, menjëherë pas uljes në pankinë të Ramadan Ndreut. Aktualisht nën kontratë janë disa titullarë nga sezoni i kaluar, edhe pse për ndonjërin prej tyre ka patur oferta nga skuadra të tjera. Unë mendoj se strategjia që po ndjekin drejtuesit, skuadra e Kastriotit do të jetë pretendente për Superioren”, theksoi fillimisht tekniku Rustami.

Ndërsa për fillimin e përgatitjeve, apo edhe për merkaton, trajneri krutan deklaron se java e ardhshme do jetë vendimtare për Kastriotin. “Ka një angazhim shumë serioz nga drejtuesit e klubit dhe nga trajneri Ndreu, për një fillim serioz dhe të mirëorganizuar të skuadrës. Besoj se java e ardhshme do jetë vendimtare në të dy frontet, markato dhe përgatitje. Të gjithë lojtarët që do të besohen duhet të përgatiten për një sezon të gjatë e të vështirë”.

AGRON KAJA

Për SportEkspres.com, sulmuesi deklaron se ai kërkon të luajë vetëm në Kategorinë Superiore, por edhe Kastriotin e falënderon për dy sezone shumë të bukur që kaloi me të. “Me Kastriotin e mbylla dhe i falenderoj për bashkëpunimin e mirëkuptimin. Kam vendosur të luaj në Superioren shqiptare ose në Superligën kosovare, por ende nuk kam ndonjë ekip. Menaxheri im është angazhuar, e besoj këtë javë do jem vendosur në një skuadër”.

Vatnikaj e ka nisur karrierën e tij me Partizanin në sezonin 2013-2014 dhe më pas ka luajtur me Tërbunin, Bylisin e Kastriotin. Në sezonin e fundit me krutanët luajti 19 ndeshje si titullar dhe shënoi vetëm 1 gol. E ardhmja e 24-vjeçarit mbetet mes Kategorisë Superiore dhe Superligës në Kosovë. Te Kastrioti është zyrtarizuar vetëm afrimi i mesfushorit Xhulio Mehmeti, në bisedime janë me Ermir Rezin, Kristi Jotin e Dashamir Xhikën.

AGRON KAJA

Burime pranë klubit krutan të futbollit konfirmojnë interesimin e trajnerit Ndreu dhe presidentit Alban Vogli për mesfushorin 21-vjeçar Kristi Joti. Në sezonin e kaluar ai ishte pjesë e Kukësit në Kategorinë Superiore, me të cilën u bashkua gjatë merkatos së dimrit dhe luajti vetëm në 5 ndeshje, 1 herë si titullar dhe 4 herë si zëvendësues.

Karriera e Jotit ka nisur te Tirana në sezonin 2015-2016, për të kaluar sezonin tjetër te Kukës, i cili e huazoi te Tomori për një fazë në sezonin pasardhës. Për Kastriotin, Kristi Joti është lojtari i dytë në këtë merkato pas Xhuljo Mehmetit, ndërkohë që në fokus janë sulmuesi Ermir Rezi dhe mesfushori Xhuljo Mirani.

AGRON KAJA

“KF Vllaznia ashtu siç kishte premtuar, ka nisur punen për ndërtimin e skuadrës për sezonin e ardhshëm.  Për këtë arsye, pasditen e sotme janë konkretizuar edhe dy kontratat e para me futbollistët që janë përzgjedhur nga drejtuesit.

Futbollistët që  kanë firmosur janë Herald Marku që luan në pozicionin e mesfushorit dhe Dajan Shehi qendërmbrojtës. Këta dy futbollistë sezonin e kaluar kanë qenë pjesë e Kastriotit të Krujës ku kanë spikatur me paraqitjet e tyre.

Kontratat e firmosura me këto dy futbolliste janë njëvjeçare me të drejtë rinovimi edhe për një sezon tjetër.  KF Vllaznia i uron mirëseardhjen Heraldit dhe Dajani, duke shpresuar që së bashku të bëjmë paraqitjen e duhur në sezonin e ri”, njofton klubi shkodran.

“E kisha piketuar Mehmetin që kur pranova detyrën e trajnerit të Kastriotit. E kam njohur që kur drejtoja Kamzën dhe besoj se ai do ketë kontribut në synimin tonë për ngjitjen në Kategorinë Superiore. Është një lojtar shumë cilësor dhe te skuadra jonë besoj se vjen si vlerë e shtuar dhe me përvojë”, deklaron trajneri i Kastriotit, i cili tregon se do ketë edhe afrime të tjera.

“Sot ose nesër do kemi dy përforcime të tjera. Jemi në formatimin e skuadrës, pasi dihet që nga Kastrioti janë larguar disa titullarë nga sezoni i kaluar. Të gjitha “gropat” që na janë krijuar po mundohemi t’i plotësojmë. Por, siç edhe e shikoni, Kastrioti synon vetëm lojtarë cilësorë dhe me përvojë, sepse synimi ynë është vetëm ngjitja në Kategorinë Superiore”, mbylli deklarimin e tij trajneri Ramadan Ndreu.

AGRON KAJA

Futbollisti që spikati me Kastriotin ishte objektiv i disa skuadrave të Superiore, teksa pas tij ishin vënë Kukësi, Teuta dhe Partizani. Këta të fundit, kampionë të vendit, ishin favoritët dhe mes palëve pati edhe një lloj akordi.

Gjithsesi ishte Laçi që u tregua më konkret dhe bindi Kastriotin dhe lojtarin. Ende nuk dihet se cila është marrëveshja mes klubeve, por sigurisht që kurbinasit do të paguajnë për kartonin dhe krutanët do mbajnë përqindje.

Ditën e sotme, me nisjen e sezonit të ti, Roxher ka nënshkruar me kampionët e Letonisë, te FC Riga. Kështu ai do të jete shok skuadre me mbrojtësin Herdi Prenga,i ftuar më parë në kombëtaren shqiptare të futbollit.

Roxher do të ketë mundësinë të luajë në Champions League. Paraqitjet e mira me Kastriotin, skuadër me të cilën shënoi 10 gola, bënë që Riga t’i ofronte një marrëveshje sulmuesit dhe tashmë gjithçka është bërë zyrtare.

“Kemi zhvilluar disa herë bisedime me të dy këta futbollistë. Besoj se jemi shumë afër marrëveshjes, që do të vijë shumë shpejt. Unë i kam patur futbollistë kur drejtoja Kamzën dhe i njoh mirë vlerat e tyre. Mehmeti është një mesfushor shumë i saktë dhe energjik, ndërsa Rezi një sulmues tipik goli”, kështu deklaroi Ramadan Ndreu për SportEkspres.com.

Shijakasi Ermir Rezi luajti tre sezone me Kamzën, pa marrë parasysh dënimin e saj në fazën e tretë të Superiores, ndërkohë që Mehmeti në karrierën e tij vetëm me skuadrën kamzalie është aktivizuar. Kastrioti është skuadra e tij e parë jashtë Kamzës. Këto janë dy përforcime cilësore për skuadrën krutane, pas ardhjes së Ramadan Ndreut në bankinë.

AGRON KAJA

Të konfirmuar janë portieri Bruno Puja, Lukman Husein, Sokol Neziri, Armando Rami, Ersil Ymeri, Henri Okebugu, Taulant Marku, Brunild Pepa dhe i fundit mbojtësi Emiliano Çela, njëherësh edhe kapiten në sezonin e kaluar. Këta u rikonfirmuan edhe në takimin e veçantë me trajnerin Ramadan Ndreu, një ditë më parë.

“Nuk do ketë vetëm me rinovime. Së bashku me drejtuesit e klubit kemi menduar edhe për ndërhyrje të tjera në merkato, kryesisht në elementë të veçantë, sepse boshti i Kastriotit është i kompletuar”, deklaroi Ndreu për SportEkspres.com, duke e lënë kështu të hapur merkaton e Kastriotit. Skuadra krutane do të nisë përgatitjet për sezonin e ri në javën e parë të korrikut.

AGRON KAJA

Momentalisht mungon vetëm firma dhe zyrtarizimi, ndërkohë që për Sportekspres.com, administratori i klubit krutan, Gazmend Vogli, ka deklaruar se parimisht mes palëve ka një marrëveshje dhe shumë shpejt do të vijë edhe zyrtarizimi.

“Parimisht kemi rënë dakord me Partizanin për Julian Shehun, por ende nuk e kemi zyrtarizuar. Kemi edhe disa detaje në kontratë, por e mendoj të përfunduar”, është shprehur Vogli shkurtimisht. Julian Shehu luajti 31 ndeshje me fanellën e Kastriotit në sezonin e kaluar, ndërkohë që shënoi edhe katër gola.

Ai shikohet si një afrim shumë i rëndësishëm te Partizani, ndërkohë që krutanët do të përfitojnë financiarisht nga kjo lëvizje. Me shumë mundësi ata do të mbajnë edhe 20% të kartonit, një nga kushtet e vendosura që në fillimin nga Kastrioti.

AGRON KAJA

Në këto ditë të nxehta të merkatos, dy futbollistë të tjerë duken larg Kastriotit. Ata janë Patrik Bardhi dhe Julian Shehu. Administratori Gazmend Vogli ka deklaruar për SportEkspres.com se nga klubi nuk u është bërë asnjë bllokadë.

“Janë të pavërteta lajmet se kemi bllokuar Julian Shehun dhe Patrik Bardhin. Të dy kanë oferta dhe ne jemi të gatshëm që të arrihet akordi. Në politikat e klubit tonë është edhe menaxhimi i mirë i lojtarëve, të cilët u promovuan te Kastrioti e duhet të vazhdojnë në skuadra të tjera”, u shpreh Vogli.

Të hënën paradite ai do të ketë një takim me drejtuesit e Partizanit, të cilët e kërkojnë me ngulm mesfushorin Shehu. “Të hënën paradite kam takim me drejtues të Partizanit e them se do ta mbyllim. Ata e kërkojnë Julian Shehun, por vetëm me ofertën tonë. Ndërsa për Patrik Bardhin ka bërë ofertë skuadra e Ligës 1 në Turqi, Eskishehirspor”, përfundoi administratori i Kastriotit.

AGRON KAJA

Ndreu për herë të fundit ka drejtuar Kukësin në Superiore, ndërkohë që në shkuarën ka qenë në krye të Kamzës dhe Laçit. Objektivi i tij është të rikthejë në elitë Kastriotin dhe nga drejtuesit ka marrë garancinë se një pjesë e mirë e titullarëve do të qëndrojnë në ekip edhe në Kategorinë e Parë.

Ndreu theksoi për Sportekspres.com se bërthama e skuadrës të sezonit të kaluar është: “I falenderoj drejtuesit për besimin. Është një detyrë e vështirë, sepse marr një skuadër që më lidh shumë historia, një skuadër që erdhi nga Superiorja dhe synon përsëri ringjitjen në atë kategori. Në këto ditë që e kam studiuar nga larg skuadrën, mendoj se bërthamën nga sezoni i kaluar do ta ruajë dhe janë lojtarë që garantojnë synimin për kthim në Superiore”.

Ndreu deklaron se ka nevojë për afrime, por gjithçka do bëhet në raport me largimet. “Skuadra të Superiores kanë treguar interes për dy-tre lojtarë të Kastriotit dhe nëse këta largohen, atëherë ata do të zëvendësohen me të tjerë të rinj. Kështu do zhvillohet merkato këto ditë, sepse duke e ruajtur boshtin e sezonit të kaluar, riformatimi i skuadrës së re bëhet më profesional”, përfundoi Ndreu.

AGRON KAJA

Forma e mirë që ai tregoi me Kastriotin në sezonin e kaluar, edhe pse kaloi një dëmtim gjatë muajit prill, ka tërhequr vëmendjen e klubit të Tiranës, që kërkon të përforcojë repartin e prapavijës. “Gjatë javës që po mbyllim, drejtuesit e klubit tonë i kanë bërë një ofertë mbrojtësit Shehi, por deri tani nuk ka asnjë akord mes palëve”, u shpreh një burim pranë klubit bardheblu, çka e bën edhe më sigurt lajmin e kalimi të mbrojtësit elbasanlli te skuadra e Tiranës. Gjithsesi duhet që trajneri Mema të thotë fjalën e fundit.

Në karrierën e tij Dajan Shehi ka luajtur me edhe me Elbasanin e Teutën. Këta të fundit, edhe pse mbrojtësi kishte edhe një vit kontratë, e ka lënë të lirë. Mbrojtësi ka provuar një eksperiencë me Hajdukun e Splitit në Kroaci, teksa durrsakët e huazuan për gjashtë muaj dhe verën e shkuar u kthye në Shqipëri.

AGRON KAJA

Ka edhe nga ata që duan të jenë pjesë e Kastriotit, madje që duan të lënë Shtetet e Bashkuara të Amerikës për Shqipërinë. Austin Roxhers, nuk është një i panjohur në vendin tonë. Portieri amerikan ka provuar të luajë në Kategorinë e Parë me Besën.

Roxhers i është vetofruar Kastriotit dhe mbetet të shihet nëse krutanët do të binden dhe t’i bëjnë një ofertë. Pas eksperiencës me Besën në sezonin 2015-2016, kur luajti 11 ndeshje si titullar, ai u transferua në Rumani te Dacia Unirea Braila, kurse sezonin fundit ka qenë pjesë e Portland Timbers II. Tani dëshiron të kthehet sërish në Shqipëri.

Gjithsesi, në prenoncimin e tij për SportEkspres.com ai deklaron se ka oferta edhe nga jashtë Shqipërisë, në Maqedoninë e Veriut dhe në Kosovë, por nuk mund të shkojë, pasi Kastriotin nuk e braktis dot sepse ka kontratë.

Kontrata me Kastriotin – “Ende ndjehem i keqardhur që nuk mbijetuam në Superiore, po ky ishte fati i Kastriotit. Unë gjatë kësaj periudhe të merkatos kam patur disa oferta nga skuadra të Superiores dhe të Kategorisë së Parë, por me asnjerën nuk jam dakortësuar. Arsyeja është sepse jam ende nën kontratë me Kastriotin dhe vendos klubi. Por, nëse bëhet fjalë për skuadra në Kategorinë e Parë, unë nuk e “tradhtoj” Kastriotin”.

Ofertat jashtë Shqipërisë – “Më duhet të ulem me drejtuesit e klubit për shkak të kontratës që kam me Kastriotin. Të dyja ofertat që kam marrë (nga Maqedonia e Veriut dhe Kosova) janë serioze dhe vijnë nga skuadra elite në këto shtete. Javën e ardhshme do ulem me drejtuesit e klubit dhe nëse më japin të drejtën e largimit, për mua do jetë një përvojë e re jashtë futbollit shqiptar”.

AGRON KAJA

Kjo situatë i ka detyruar drejtuesit e klubit që të vendosin së pari teknikun për sezonin e ri dhe “grepat” janë hedhur te njohja e vjetër, Ramadan Ndreu, i cili është pushim pas shkarkimit nga pankina e Kukësit në fazën e tretë të Kategorisë Superiore.

Për SportEkspres.com, sot Ndreu deklaroi se është ende në bisedime me drejtuesit e klubit dhe se fundjava tjetër pritet që të ketë konkretizimin e marrëveshjes. “Unë jam ende në bisedime me drejtuesit e klubit dhe ndoshta këtë fundjavë do mbyllim gjithçka”, ishte kjo deklarata e Ramadan Ndreut, i cili nuk sqaroi më tej nëse kishte oferta të tjera veç Kastriotit. Gjithsesi, mbetet për t’u parë nëse palët do dakortësohen në këtë projekt mes tyre në Kategorinë e Parë.

AGRON KAJA

“Nesër, të dielën, në mbrëmje do t’u jap një përgjigje të saktë”, ishin fjalët e Ramadan Ndreut përmes një “sms”-je për SportEkspres.com, duke lënë të kuptohet se dita e dielë do ta vendosë atë përfundimisht në pankinën e Kastriotit. Kjo merr më shumë kuptim, kur alternativa tjetër për stolin e Kastriotit, njohja e vjetër Samuel Nikaj, pohoi se me të është bërë një bisedë, por do mbetet në kampionatin kosovar.

“Unë te Kastrioti jam si në shtëpinë time, por edhe këtë sezon kam menduar që të vazhdoj me Vushtrrinë. Nëse do të zgjidhen në drejtim personat që e kishin këtë skuadër në sezonin e kaluar, edhe unë do qëndroj. Në të kundërt, rikthehem në Kategorinë e Parë në Shqipëri te një ekip me traditë (Besëlidhja), që më ka bërë ofertë këto ditë”, deklaroi Samuel Nikaj.

AGRON KAJA

NJOFTIM!

“KS Kastrioti njofton përfundimin e bashkpunimit me mbrojtësin e majtë Edison Ndreca. Mbrojtësi i ardhur te Kastrioti në merkaton e janarit, zhvilloi një gjysëm sezoni të shkëlqyer, ku arriti që të shënonte edhe një gol. KS Kastrioti e falenderon për gjithçka dha për fanellën tonë, dhe njëkohësisht i uron suksese në karrierën e tij futbollistike”.

 

View this post on Instagram

 

NJOFTIM! KS Kastrioti njofton përfundimin e bashkpunimit me mbrojtësin e majtë Edison Ndreca. Mbrojtësi i ardhur te Kastrioti në merkaton e janarit, zhvilloi një gjysëm sezoni të shkëlqyer, ku arriti që të shënonte edhe një gol. KS Kastrioti e falenderon për gjithçka dha për fanellën tonë, dhe njëkohësisht i uron suksese në karrierën e tij futbollistike

A post shared by Klubi Sportiv Kastrioti (@kskastrioti) on Jun 7, 2019 at 11:35am PDT

Tashmë është radha e një tjetër largimi, e pikërisht mbrojtësi Dajan Shehi. Ai ka mbyllur periudhën një vjeçare të huazimit te Kastrioti dhe mbetet për t;u parë se ku do të luajë sezonin e ardhshëm, edhe pse është nën kontratë me Teutën që e kishte huazuar te krutanët.

I pyetur nga SportEkspres.com mbi të ardhmen, Shehi deklaron: “Kalova një sezon të mirë me Kastriotin, edhe pse nuk përfundoi me suksesin që skuadra të qëndronte në Kategorinë Superiore. Tashmë që më ka përfunduar huazimi me këtë skuadër, më duhet që të vendos për të ardhmen”.

Teuta është një opsion, por ka edhe oferta, teksa Shehi shton: “Për mua është një situatë e paqartë për momentin. Dy ekipe të Kategorisë Superiore më kanë kontaktuar pa u mbyllur kampionati dhe më duket sikur ndodhem në një udhëkryq për të vendosur”.

AGRON KAJA

“Periudha një vjeçare e huazimit të brazilianit Roxher Junio te Kastrioti ka përfunduar, dhe tashmë Junior është larguar nga skuadra dhe Shqipëria me përshtypjet më të mira. Klubi e falenderon për kontributin e çmuar që ka dhënë për ekipin gjatë këtij sezoni, dhe njëkohësisht i uron suksese në karrierë. Faleminderit Roxher!”,  shkruan klubi i Kastriotit në faqen zyrtare në Facebook. 

Roxher në verë erdhi në Shqipëri dhe firmosi për Kukësin. Sulmuesi anësor ishte jashtë forme në fillim dhe nuk i bindi verilindorët, që e dërguan në huazim te Kastrioti. Me krutanët bëri një kampionat super dhe mbetet për t’u parë nëse do të rikthehet te Kukësi.

https://www.facebook.com/1085994611516755/posts/2211295008986704/

Pas ndeshjes së fundit të sezonit kundër Kukësit, mesazhet nga lojtarët dhe drejtuesit e klubit nuk kanë munguar. Shefi i klubit, Gazmend Vogli, shkroi në faqen e tij në “Facebook”: Falëminderit! Falëminderit me qindra herë për ju çuna bashkë me profesor Devollin dhe gjithë stafin teknik të KS Kastriotit. Falëminderit që sakrifikuat kaq shumë. Falëminderit që dhatë përtej mundësive tuaja. Kokën lart ta mbani. Krenar për ju që djersitët gjak për këtë fanellë e këtë objektiv. Ju jemi mirënjohës sa të kemi jetën.”

Ndërsa mesfushori Ersil Ymeraj, shkroi: “Krenar për këtë grup që dha maksimumin për ta shpëtuar nga rënia, krenar për këta çuna që luftuan çdo sekondë dhe çdo centimetër të fushës. Ekipi që i dha bukurinë Superligës shqiptare, por fati s’ishte në krahun tonë. Urime të gjithëve për ç’ka arritën këtë sezon. Falenderime për gjithë tifozët që na mbeshtetën në çdo ndeshje.”

“Ky është futbolli. Jeta vazhdon. Duhet të shikojmë edhe për gjëra të tjera. Skuadra sot bëri një ndeshje shumë të mirë sot kundër Kukësit derisa morëm vesh golin e Tiranës”.

E ARDHMJA – “Kam folur dhe me presidentin. Dua të shikoj për një ekip tjetër. S’dua ta ul stekën, por shpresoj që të marr një ekip superlige tani në qershor, që të mund të ndërtoj një ekip në bashkëpunim”.

MBIJETESA – “Ishte një garë e bukur midis nesh Luftëtarit dhe Tiranës. E kam thënë dhe më parë që kemi bërë një kampionat të jashtëzakonshëm. Këta djem nuk e meritonin. U uroj gjithë të mirat çunave, jam i sigurt se do të jenë pjesë e tregut”.

KATEGORIA SUPERIORE – JAVA 36
E enjte, më 30 maj 2019, ora 16:00

LUFTËTARI-PARTIZANI
LUFTËTARI: Ruçi, Demo, Kukaj, Koconis, Neziri, Ramadani, Rapo, Accka, Hanti, Ccelaj, Fili. Trajner: Mihajloviç
PARTIZANI: Xhika, Ferati, Dushaj, Noka, Rexhepi, Kote, Kodra, Jaiteh, Çinari, Asani, Kardozo. Trajner: Skënder Gega

KUKËSI-KASTRIOTI
KUKËSI: Gomis, Et’hemi, Musolli, Teqja, Rrumbullaku, Çyrbja, Dzaria, Joti, Cordero,Rexhinaldo, Shkurtaj. Trajner: Ernest Gjoka
KASTRIOTI: Çekrezi, Husein, Bojom, Çela, Ndreca, Shehu, Ymeri, Okebugu, Bardhi, Roxher. T.Marku. Trajner: Bledar Devolli

Kastrioti luan ndaj Kukësit, ekip që do me çdo kusht vendin e dytë në klasifikim. Krutanët në njëfarë mënyre janë të dorëzuar për çështjen mbijetesë. Në Durrës Teuta pret Laçin dhe i duhet vetëm një pikë për të mbajtur Skënderbeun poshtë vetes dhe për të siguruar Europën.

Kurbinasit kanë ende shpresa për Europën, por gjithashtu do ishin të kënaqur me një pikë. Në Gjirokastër vendasit e mbyllin kampionatin me kampionët e Partizanit. Të kuqtë do tentojnë ta mbyllin me fitore dhe më pas të mendojnë për ndeshjet në Champions League.

Skënderbeu e ka mbyllur kampionatin, pasi java e fundit i rezervonte si kundërshtar Kamzën. Korçarët marrin tre pikët në tavolinë dhe presin që Kukësi të fitojë Kupën, për të shpresuar më pas nëse CAS do t’ua hedhë poshtë dënimin e UEFA-s. FSHF ndërkohë ka vendosur që ndeshjet e sotme të luhen prej orës 16:00, 30 minuta më herët se orari i zakonshëm i javëve të fundit.

KATEGORIA SUPERIORE – JAVA 36
E enjte, më 30 maj 2019, ora 16:00

Luftëtari-Partizani
Kukësi-Kastrioti
Tirana-Flamurtari
Teuta-Laçi

Me Kastriotin e ka mbyllur bashkëpunimin. Në tre ndeshjet e fundit nuk ka qenë i grumbulluar dhe në fakt pritej largimi i tij dhe për shkak të marrëveshjes 6-mujore. Kalaja do të duhet të rikthehet te Kukësi, që duhet të vendosë se çfarë do të bëjë me të sezonin e ardhshëm.

Me Kastriotin Kalaja arriti të luante në 12 ndeshje dhe vetëm njërën prej tyre e nisi nga stoli. Shkodrani nuk ia doli dot të shënonte gol, por hapësirat i pati për të treguar vlerat e tij. Te Kukësi, në 12 ndeshje që luajti në total në pjesën e parë të sezonit, vetëm një e kishte nisur si titullar.

Te skuadra e Devolli ai ka bërë shumë dhe dëshira e Roxher është të largohet nga Shqipëria. SportEkspres.com mëson se drejtori Nderim Nexhipi ka nisur tratativat me menaxherin e lojtarit dhe synohet që të bindet që Roxher të jetë pjesë e Kukësit në vazhdim.

Çështja kontraktuale mes palëve është mister, por ajo që ka rëndësi është që momentalisht ka bisedime. Gjatë kohës që braziliani ishte pjesë e Kastriotit do të duhet të ishte paguar edhe nga Kukësi, por diçka e tillë nuk ka ndodhur. Njëfarë zhgënjimi nga kjo situatë e ka dhe mbetet për t’u parë nëse Roxher do pranojë të kthehet te Kukësi.

Ai ka oferta të ndryshme dhe i duhet të vendosë se çfarë do të bëjë me të ardhmen. Skuadra e drejtuar nga Ernest Gjoka në fakt mund të jetë një opsion shumë i mirë për 23-vjeçarin, i cili do të kishte mundësinë të luante në kupat e Europës dhe sezonin e ardhshëm të luftojë për trofe në Superiore.

Verilindorët kanë dy pikë më shumë se Flamurtari, që ka po ashtu një transfertë të vështirë në kryeqytet, përballë Tiranës. Në stërvitjen e sotme te Kukësi, mesfushori Eduart Rroca është parë të stërvitet i diferencuar dhe nuk do të jetë i gatshëm për sfidën kundër Kastriotit, për shkak të një problemi në shpinë. Megjithatë, futbollisti i ardhur në merkaton e janarit pritet të luajë në finalen e Kupës të dielën.

Po ashtu, nesër pritet të lihet pushim edhe Valdet Rama. Sulmuesi ka pasur disa shqetësime të vogla dhe për të mos rrezikuar aspak me prezencën e tij në takimin kundër Tiranës në fundjavë, do të qëndrojë pushim kundër Kastriotit. Kukësit i duhet vetëm një pikë për të siguruar vendin e dytë, ndërsa Kastrioti pritet të kërkojë me ngulm fitoren.

Dje në Fushë-Krujë, edhe pse fituan me Teutën, kishte lot hidhërimi. Trajneri Bledar Devolli është dorëzuar dhe gjatë intervistës së dhënë për gazetarin Glendi Tafaj të Supersport ka shpërthyer në lot. Pamjet janë ato që flasin vetë dhe nuk ka nevojë për shumë koment.

Devolli gjithsesi ka fjalë të mira për ekipin e tij: “Nuk kemi më shpresë, mendoj unë. Edhe pse unë kam qenë optimist nga dita e parë dhe sot që flasim. Nuk e mbyllëm kur e kishim në dorën tonë, me Tiranën. Megjithatë do u jem mirënjohës këtyre djemve për kampionatin që kanë bërë”. Fjalët aty mbaruan dhe i lanë vendin lotëve.

Kastrioti ndërkohë luan me formacionin e zakonshëm, kurse Teuta vjen plot surpriza. Një debutues, Ledio Beqja, nga minuta e parë. Sulmi është i ribërë, me Kamara në majë, kurse nga krahët mbështetin Vecaj dhe Vila.

KATEGORIA SUPERIORE – JAVA 35
E diel, më 26 maj 2019, ora 16:30

LAÇI-TIRANA
Laçi: Selmani, Shtubina, Mersinaj, Gjoni, Sefgjini, Eller, Lushkja, Çokaj, Mane, Xhixha, Okpotu. Trajner: Sulejman Starova
Tirana: Lika, Kërçiku, Goxha, Imami, Hoxhallari, Mauexhe, Hasani, Kobina, Doka, Greca, Ngo. Trajner: Ardian Mema
Gjyqtarë: Enea Jorgji, Emigers Ganxhi, Astrit Mahmutaj, Fatmir Lamaj; Gjyqtarë linje: Adrian Beqiri, Orlando Kuka

KASTRIOTI-TEUTA
Kastrioti: Çekrezi, Husein, Bojom, Çela, H. Marku, Shehu, Ymeraj, Okebugu, Bardhi, Roxher, Vatnikaj. Trajner: Bledar Devolli
Teuta: Hidi, Frashëri, Shkalla, Arapi, Hakaj, Gashi, Avdyli, L. Beqaj, Vecaj, Vila, Kamara. Trajner: Bledar Shkëmbi.
Gjyqtarë: Laver Alla, Marius Qose, Edlir Malo, Kreshnik Cjapi

Eliminimi nga Kupa nuk është përjetuar mirë dhe synohet një lloj hakmarrjeje, shto këtu edhe faktin që kjo është një ndeshje vendimtare për Europën. Kurbinasit do i bënin nder edhe Kastriotit, që nga ana tjetër duhet të mundë Teutën në shtëpi dhe në njëfarë mënyrë dy klubet fqinje do ndihmonin njëri-tjetrin. Sigurisht luajnë për llogaritë e tyre.

Në kryeqytet është një ndeshje spektakli, por edhe një përballje ku Partizani do kërkojë t’i tregojë Kukësit se e kane merituar plotësisht titullin kampion. Sfidë gjunjësh, me Kukësin që në krahun tjetër rrezikon edhe vendin e dytë e të tretë. Në Korçë Skënderbeu luan ndeshjen e fundit të kampionatit. Të gjymtuar, ashtu si Luftëtari rival, korçarët kërkojnë tre pikët dhe shpresojnë te vendi i tretë.

KATEGORIA SUPERIORE – JAVA 35
E diel, më 26 maj 2019, ora 16:30

Laçi-Tirana
Partizani-Kukësi
Kastrioti-Teuta
Skënderbeu-Luftëtari

Shehu e di shumë mirë që në dy javët e fundit Kastrioti nuk mund të gabojë: “Synimi është të marrim maksimumin me Teutën dhe të bëjmë më të mirën me Kukësin. Do shohim veten tonë. Nëse Tirana bën hap fals, na ndihmon edhe ne”.

Mesfushori, kur pyetet pse besojnë te Kastrioti te mbijetesa, thotë: “Paraqitjet këtë vit na japin motivimin për të besuar që do e realizojmë objektivin. Ka qenë një sezon i mirë për mua. Jam i kënaqur që e kam ndihmuar ekipin me golat dhe paraqitjet e mia”.

Sa i takon të ardhmes, Shehu nuk dëshiron të flasë shumë. Momentalisht mendon vetëm për Kastriotin.  “Nuk e di akoma, nuk kam vendosur. Jam i përqendruar te sezoni me Kastriotin, pastaj do mendoj për të ardhmen time”, përfundon Shehu në RTSH Sport.