Kasijas

E ardhmja e Kasijas, Porto merr vendimin

Sport Ekspres — Mon, 15 Jul 2019 10:58:43 +0000

Iker Kasijaj do vazhdojë të mbetet pjesë e skuadrës së Portos, por jo si futbollist. Klubi portugez njoftoi se 38-vjeçari do të jetë pjesë e stafit teknik derisa situata e tij shëndetësore të shkojë drejt normalizimit.

?? @IkerCasillas fará parte do staff diretivo da equipa de futebol, enquanto recupera do problema de saúde.
? “Vou fazer a ligação entre a equipa e o clube.”
? “Que todos juntos possamos fazer uma grande época”
Notícia completa? https://t.co/3yJTdPS57b #FCPorto pic.twitter.com/0NUWqxR5E8

— FC Porto (@FCPorto) July 15, 2019

Problemet për Kasijas filluan në muajin maj, kur “gardiani” pësoi një atak kardiak gjatë një seance stërvitore. Ndërhyrja e shpejtë e mjekëve bën që 38-vjeçari ta merrte me shpejtësi veten.

Pavarësisht ngjarjes së ndodhur, Kasijas nuk është frikësuar dhe beson se mund t’ia dalë të rikthehet në portë edhe për disa ndeshje të fundit në të ardhmen e afërt.

Kasijas del nga spitali, pranon dilemën e karrierës para gazetarëve

Sport Ekspres — Mon, 06 May 2019 15:25:08 +0000

Iker Kasijas ka lënë ambientet e spitalit ku po qëndronte prej pesë ditësh për shkak se pësoi një infarkt në zemër.

Portieri i Portos ra pa ndenja gjatë një seance stërvitore dhe u shoqërua me urgjencë në spital ku iu nënshtrua një ndërhyrje kirurgjikale që i shpëtoi jetën.

Pas një ngjarje kaq të rëndë shumë vetë menduan se “gardiani” spanjoll do të njoftonte dorëheqjen nga sporti, por nuk ka ndodhur kështu, siç duket për të marrë këtë vendim do i duhet pak kohë.

Në fjalët e para të tij para gazetarëve, Kasijas shpjegoi se problemi ne zëmër është zgjidhur, por e ardhmja mbetet një enigmë: “Nuk e di ccdo të ndodhë në të ardhmen. Si fillim do të duhet të pushoj për disa javë”, tha 37-vjeçari

Rikthimi në fushë i Kasijas, mjekësia e ndarë në dy pjesë!

Sport Ekspres — Thu, 02 May 2019 13:08:49 +0000

Iker Kasijas ia hodhi paq, e keqja u largua dhe ai ndihet më mirë. Po ashtu ndihen miqtë e tij dhe miliona tifozë të futbollit. Portieri i Portos i qetësoi të gjithë me foton e postuar në rrjetet sociale, ku shfaqej i qeshur dhe konfirmonte gjendjen e tij të mirë pas atakut në zemër.

Tashmë të gjithë po mundohen t’i përgjigjen pyetjes nëse spanjolli mund të zbresë sërish në fushë apo jo. Të ndarë janë mjekët, disa shpresojnë akoma, ndërsa një tjetër tregohet kategorik dhe mohon çdo mundësi rikthimi.

38-vjeçari (i mbush me 20 maj) ka një kontratë deri në fund të sezonit të ardhshëm me portugezët e Portos, ekip me të cilin aktivizohet që nga vera e vitit 2015.

“Iker mund ta kalojë atakun kardiak pa pasoja, por është shumë herët për të folur për të ardhmen e tij futbollistike. Gjithçka do të varet nga faza e rikuperimit dhe dëshira e tij. Nevojitet një qetësi e madhe për të vendosur nëse do të vazhdojë apo jo”, komenton Nelson Puga, shefi i stafit mjekësor të Portos.

Ndryshe mendon Huan Antonio Korbalan. Dikur ka luajtur basketboll, ndërsa sot është një nga kardiologët më të mirë në botë. “Jo, Kasijas nuk mund të luajë më futboll. E pamundur që një futbollist të luajë me një stent koronar, aq më tepër një portier. Iker mund të vazhdojë një jetesë normale, por nuk do të praktikojë me sporte profesioniste.”

Kasijas një legjendë, thyen rekord në Champions League

Sport Ekspres — Thu, 25 Oct 2018 15:32:45 +0000

Ata që janë thjeshtë dashamirës së futbollit e mbajnë mend Iker Kasijasin si pjesë të Realit të Madridit, por ndonjëri mund të mos e ketë ditur se “gardiani” vijon të bëjë mirë, por me Porton. Spanjolli luan edicionin e tij të katërt me Portugezët dhe duket se gjunjët e mbajnë ende që të japë kontributin e tij në futbollin e madh.

Dje, Porto arriti që të fitonte në Moskë ndaj Lokomotivës me rezultatin 1-3, por gjërat mund të kishin marrë tjetër rrjedhë nëse rusët do të kishin shndërruar një gol në minutën e 10-të. Kasijas arriti që ta mbante portën e tij të paprekur. Loja më pas foli për miqtë të cilët dolën me pikë të plota.

Ishte një pritje jo si gjithë të tjerat, pasi e fut Kasijasin në histori. 37-vjeçari është portieri i cili ka pritur më shumë penallti në historinë e Championsit, plot 6 të tilla. Një rekord mjaft i veçantë për një portier.

Don Iker Casillas. pic.twitter.com/HV2gpeSj43

— ? Aritz ? (@Aritz10Elosegui) October 24, 2018

Kasijas hyn në histori, dy dekada punë për të vendosur rekordin unik

Sport Ekspres — Tue, 18 Sep 2018 18:39:00 +0000

Me aktivizimin në ndeshjen ndaj Shalkes, Iker Kasijas, vendos një rekord unik në botë e futbollit. Gardiani spanjoll do të luajë sezonin e tij të 20-të në Champions. 37-vjeçari është aktivizuar për herë të parë në këtë kompeticion në sezonin 1999-2000.

Në 19 edicionet e kaluara, Kasijas ka arritur ta fitojë 3 herë titullin më të lakmuar të futbollit evropian, duke triumfuar në tre finalet, ku ka marrë pjesë. Kontrata e Kasijas me Porton, mbaron në fund të këtij sezoni, por spanjolli ka deklaruar se nuk është ende gati për të lënë futbollin, dhe më ka shumë gjasa që të çojë këtë rekord në 21 sezone.