Kashima Antlers

Barcelona kopjon Realin, akord me talentin japonez

Sport Ekspres — Fri, 12 Jul 2019 08:55:47 +0000

Real Madrid firmosi muajin e kaluar me Takefusa Kubo. 18-vjeçari cilësohet si Mesi i Japonisë dhe mesfushori i talentuar do të luajë sezonin e ardhshëm me ekipin e dytë të Realit. Ai zhvilloi paraqitje fantastike në Kupën e Amerikës dhe ra në sy me kualitetin e tij.

Një tjetër japonez do të luajë në La Liga. Barcelona ka arritur akordin me Kashima Antlers dhe ka siguruar shërbimet e Hiroki Abe. 20-vjeçari luan në rolin e mesfushorit ofensiv dhe bën mirë edhe krahët e sulmit.

Abe debutoi me kombëtaren e tij në humbjen 0-4 kundër Kilit në Kupën e Amerikës. 1.5 milionë euro ka kushtuar kartoni i tij dhe Barcelona ka vendosur ta kalojë lojtarin në ekipin e dytë për të krijuar eksperiencë dhe për t’u përshtatur me futbollin europian, konkretisht atë iberik.

VIDEO | Spektakël në Japoni, shënohet goli i vitit

Sport Ekspres — Sat, 06 Jul 2019 13:40:25 +0000

Futbollisti japonez Juta Koike shënoi golin e parë të karrierës së tij si profesionist në një mënyrë krejt të veçantë. Mbrojtësi i Kashima Antlers çoi rezultatin në 2 – 0 në takimin kunër Jubilo Ivata.

Mëngjarashi befasoi portierin kundërshtar me një goditje fluturimthi nga më shumë se 40 metra distanca. Çka e bën të veçantë golin është pozicioni në të cilin ndodhej 22-vjeçari, ngjitur vijës anësore.

VIDEO | “Show” nga Gareth Bejl, uellsiani “zbavitet” me kampionët e Azisë

Sport Ekspres — Wed, 19 Dec 2018 18:48:36 +0000

Real Madrid nuk ka lënë vend për surpriza, teksa ka mundur me rezultatin 3-1 kampionët e Azisë Kashima Antlers. Të tre golat për “Los Blancos” i shënoi uellsiani Gareth Bejl, i cili edhe pse vinte nga një dëmtim kreu një paraqitje të shkëlqyer.

Golin e “nderit” për skuadrën japoneze e shënoi Doi në minutën e 78-të. Falë kësaj fitoreje, kampionët në fuqi të Champions-it kalojnë në finalen e Botërorit të klubeve, ku do përballen me skuarën e vendit organizator Al Ain, ku do të kenë mundësinë të shpallen fitues të këtij turneu për herën e tretë radhazi.

Real Madrid 3 – 1 Kashima Atlers
Shënues: Bejl 44’ 55’ 53’ / Doi 78’

Kashima përmbush misionin në Iran, japonezët mbeten “mbretër” të Azisë

Sport Ekspres — Sat, 10 Nov 2018 20:09:30 +0000

Kashima Antlers ka fituar për herë të parë trofeun e Ligës së Kampionëve të Azisë duke mundur Persepolis në një finale me dy takime. Skuadra japoneze udhëtoi Iranit me njërën dorë te trofeu, pasi kishin fituar ndeshjen e parë 2 – 0 dhe pas barazimit pa gola në stadiumin mitik “Azadi”, filloi festa e japonezëve, që vazhdojnë të dominojnë në këtë kompeticion. (vitin e kaluar trofeun e fitoi Urawa Red Diamonds)

???? @atlrs_official ???? pic.twitter.com/T2DS5qMaw5

— #ACL ?? (@TheAFCCL_jp) November 10, 2018

Në Teheran nuk mungoi spektakli në mbështetje të skuadrës së Persepolis. 78.000 tifozë të pranishëm në stadiumin “Azadi” nuk reshtën së mbështeturi skuadrën e tyre, që i duhet të kënaqet me medaljen e argjendtë në finalen e tyre të parë në kompeticionin më prestigjioz të futbollit aziatik. Fatkeqësisht në stadium nuk ndodhej as edhe një femër, kjo për shkak të ligjeve të rrepta që janë në fuqi prej vitesh në Republikën e Iranit.