Kartoni i kuq

Tjetër risi nga FIFA, ndryshon rregulli i kartonit të kuq

Sport Ekspres — Wed, 19 Dec 2018 16:34:49 +0000

FIFA ka ndërmend të ndryshojë rregulloren përsa i përket kartonëve të kuq. Bëhet fjalë për pezullimin prej të paktën një ndeshje, që çdo lojtar duhet të kryejë pasi i akordohet kartoni i kuq.

Deri më tani, futbollistët e shlyejnë pezullimin sipas rregullores së federatave përkatëse. Për shembull në Spanjë, një karton i kuq i marrë në kupë vlen vetëm për ndeshjet e këtij kompeticioni e njëjta gjë vlen edhe për kampionatin dhe kompeticionet e Champions League dhe Europa League, në të ardhmen kjo do të ndryshojë.

Çdo karton i kuq i marrë do ta pezullojë lojtarin nga ndeshja pasardhëse, qoftë kjo ndeshje kampionati, kupe, apo Champions ose Europa League. Ende ka paqartësi nëse pezullimi pas kartonit të kuq do të vlejë nga ndeshjet e kombëtares në ato të klubeve dhe anasjelltas.

UEFA i jep të drejtë Ronaldos, “Old Trafford” bëhet gati për rikthimin

Sport Ekspres — Thu, 20 Sep 2018 15:38:49 +0000

Komisioni disiplinor i UEFA-s pritet të shpallë së shpejti vendimin mbi kartonin e kuq të Kristiano Ronaldos në Champions. Një procedurë kjo standarde për të gjithë kartonët e kuq të menjëhershëm si ai që pesë herë fituesi i Topit të Artë mori pas kontaktit me mbrojtësin kolumbian Xhejzon Murijo.

Portugezi rrezikonte që përveç dënimit minimal prej një ndeshje të pezullohej dhe për një ose dy takime të tjera. Por, fatmirësisht për 33-vjeçarin dhe Juventusin gjasat që dënimi të jetë më shumë se një ndeshje janë thuajse 0.

Kristiano do të humbë vetëm takimin në shtëpi ndaj Jang Bojs. Ndërkohë që do të jetë i gatshëm për trajnerin Alegri për transfertën ndaj Mançester Junajtid në “Old Trafford” më datë 23 tetor, që për të është padyshim një eskperiencë e veçantë, pasi ai ka kaluar gjashtë sezone me “djajtë e kuq”.

VIDEO / Ronaldo s’i mban dot nervat, merr të kuqin e parë në Champions

Sport Ekspres — Wed, 19 Sep 2018 19:43:49 +0000

Debutimi i Kristiano Ronaldo me fanellën e Juventusit në Champions, nuk ka shkuar ashtu si mendohej. Sulmuesi portugez u përfshi në një incident me mbrojtësin kolumbian Xhejzon Murijo në minutën e 29-të të takimit.

Nga pamjet filmike dallohet qartë që Ronaldo nuk i mban dot nervat mbas një simulimi të kolumbian dhe vendos dorën në kokën Murijos së shtrirë përtokë. Gjyqtari i takimit, gjermani Feliks Bryh, i tregoi të kuqin 33-vjeçarit pas konsultimin me gjyqtarin anësor.

Ky është kartoni i parë i kuq i Kristiano Ronaldos në ndeshjet e Champions-it. Portugezi u aktivizua sot për të 154-ën herë në këtë kompeticion.