Karrasko

Kinën nuk e bëjnë as paratë, ja 5 yjet që duan largimin

Sport Ekspres — Fri, 11 Jan 2019 18:50:45 +0000

Kampionati kinez i futbollit ka qenë një nga risitë më të çuditshme në futbollin botëror dhe paratë e investuar te ekipet aziatike kanë qenë stratosferike.

Investimet e mëdha kanë parë yje të futbollit botëror të transferohen në kampionatin kinez, ku janë mbuluar me ar. Por jo çdo gjë ka shkuar mirë për yjet e futbollit, pasi tashmë kërkojnë me doemos largimin.

Ky muaj janar mund të shohë shumë futbollistë të njohur të rikthehen në Evropë, madje disa nga ta janë të gatshëm të ulin ndjeshëm kërkesat e tyre dhe të pranojnë edhe rroga më të ulëta.

Karrasko është emri më i përfolur, me Milanin dhe Arsenalin që janë në garë për shërbimet e sulmuesit belg. Përveç Karraskos, edhe braziliani Hulk, Zahavi, Paulinjo dhe ish-ylli i Çelsit, Oskar janë gati të rikthehen në Evropë dhe kanë vënë në lëvizje agjentët e tyre që t’iu gjejnë skuadër. Duket se kampionati kinez do të humbasë shumë yje gjatë kësaj merkatoje.

Janik Karrasko kërkohet nga Milani dhe Arsenali

Dy gjigantë anglezë gati të “shpëtojnë” karrierën e Karraskos

Sport Ekspres — Mon, 07 Jan 2019 16:13:21 +0000

Janik Ferrera Karrasko shihej si e ardhmja e futbollit belg pasi shkëlqeu në Francë me Monakon, por karriera e mesfushorit është në rënie të lirë.

Kalimi i tij te Atletiko e Madrid disa sezone më parë nuk shkoi ashtu siç duhet dhe i vetmi kujtim pozitiv për të, ishte ai gol në finalen e Ligës së Kampionëve përballë Atletikos.

Disa skuadra e kërkonin Karraskon, por belgu zgjodhi milionat e Kinës, duke u transferuar te Dalian Jifang. Kriza në kampionatin kinez të futbollit ka bërë që Karrasko të mendojë rikthimin në Europë.

Arsenali dhe Mançester Junajtid janë skuadrat që interesohen për 25-vjeçarin, i cili ka shënuar 7 gola në 25 ndeshje këtë sezon. Edhe skuadra e Milanit shihet si kandidate për të marrë shërbimet e belgut, por nga ana financiare, favoritë shihen dy skuadrat angleze.

I theu hundën shokut të skuadrës, Karrasko i kthen buzëqeshjen me…10.000€

Sport Ekspres — Tue, 20 Nov 2018 20:29:31 +0000

Në 28 maj të 2016-ës, lojtarët e Atletiko Madrid dolën kokulur nga fusha e “San Siro”-s, teksa humbën me 11-metërsh finalen e Champions-it ndaj “fqinjëve” të Real Madrid. Lojtari më i mirë në fushë në ekipin e Diego Simeones në atë ndeshje ishte belgu Janik Ferreira Karrasko, asokohe vetëm 22-vjeç.

Dy vite e gjysmë nga ajo ndeshje karriera e Karraskos ka marrë një rrugë që shumë pak vetë do ta mendonin. Belgu u transferua në Kinë te skuadra e Dalian Jifang. “Vendosa të vij në kampionatin kinez, pasi rashë në dashuri me infrastrukturën në vendin tuaj”, ishin fjalët e para të belgut në prezantimin e tij. Sigurisht, arsyeja e vërtetë ishte rroga prej 12 milionë eurosh në sezon.

Së fundmi Karrasko është bërë protagonisti i një sherri me një koleg të skuadra e Dalian Jifangut, ku ky i fundit mbeti me hundë të thyer nga. Në një intervistë me një mediet vendase, 25-vjeçari i kërkoi falje kolegut dhe shpjegoi se i kishte dhënë 10.000 euro si kompensim për shpenzimet mjekësore. Mediet kineze aludojnë se ky gjest bamirës i lojtarit erdhi për të evituar përplasjen në dyert e gjykatave.