Ai ka lënë të kuptohet se kanë nisur oferta drejt Sitit dhe do vazhdojnë të punojnë për të. Drejtuesi bavarez shprehet se Guardiola nuk e di se ç’ndodh në klubin ku punon. “Nuk e di nëse Pep di gjithçka që ndodh në klubin e tij. Sa i përket Sane, në momentin që do të kemi diçka për t’jua komunikuar, do e bëjmë. Për momentin nuk jemi në atë fazë”, deklaroi Rumenige.

“Sot është data 8 korrik. Unë e di që durimi nuk është virtyti më i madh i tifozëve apo i publikut. Tregu i transferimeve është i hapur dhe ne jemi gati të sjellim një ‘top player’, siç quhet. Deri tani nuk ka pasur një transferim të madh që të ketë efekt domino. Jemi të durueshëm, ka edhe dy muaj kohë. E kuptoj që njerëzit presin lëvizje të mëdha, por nuk jam aspak nervoz”, u shpreh Rumenige.

Më tej ai shtoi se e kanë ekipin, si dhe foli për Leroi Sane. “Do të kemi një ekip që do të jetë kompetitiv. Nuk do të kemi objektiva më të ulëta se herët e tjera. Mos mendoni se nuk e kemi ekipin për të fituar titullin e tetë dhe që nuk bën dot gjëra të mëdha në kompeticionet e tjera. Sane? Ai donte të kalonte pushimet, tashmë e ka bërë dhe po presim të shohim nëse diçka do të lëvizë”.

HUMELS – Rumenige nuk është dakord me komentet që bëhen në shtyp dhe e konsiderojnë Humels qendërmbrojtësin më të mirë gjerman: “Kam lexuar që qendërmbrojtësi më i mirë gjerman nuk luan më te Bajerni. Nuk mendoj kështu. Qendërmbrojtës më i mirë gjerman luan me Bajernin, dhe meqë ra fjala, edhe me kombëtaren (i referohet Niklas Sule)”.

NOJER – Thomas Kroth, agjenti i Manuel Nojer, ka paralajmëruar largimin e klientit të tij nga ekipi nëse bavarezët nuk bëjnë afrimet e duhura. “Kam pasur një bisedë telefonike me Manuel. Thomas Kroth nuk është mikrofoni i Nojer. Ai ka thënë thjesht një opinion personal. Në fakt m’u duk i çuditshëm, sepse kemi marrëdhënie të mirë, serioze. Gjithsesi Bajerni është një klub demokrat, lejon edhe qëndrime kritike”, deklaroi Rumenige.

Kosto e blerjes përfundimtare të 27-vjeçarit është 47 milionë euro dhe tani ka ardhur momenti për të vendosur.

Sipas medies së njohur gjermane “Bild”, dyshja drejtuese e Bajerit, Uli Hënes dhe Karl-Hainc Rumenige nuk ndajnë të njëjtin mendim për të ardhmen e lojtarit. Presidenti Hënes është kundër blerjes së lojtarit, ndërsa drejtori ekzekutiv, Rumenige, është pro.

Hames u shpall lojtari i muajit mars nga faqja zyrtare e Bundesligës pas paraqitjeve fenomenale me baravarezët. Kolumbiani pati një fillim sezoni të dobët, por tani është vënë në “marshin” e duhur dhe po tregon se është i aftë të bëjë diferencën.

Një mendim në lidhje me golin e anuluar e ka dhënë edhe ish-arbitri i FIFA-s, Lorenc Jemini. “Është rasti më i përfolur, unë them që është faull. Është lojë e rrezikshme. Këtu thuhet, ‘anulohet ky lloj goli’. Ka edhe lloj-lloj paralelizmi me golin e Ronaldos, që s’ka lidhje. Nëse hynte me kokë, nuk ka faull. Quhet lojë e rrezikshme, edhe pse nuk ka kontakt. Është faull. Nuk luhet në zonën e kokës me këmbë. Nëse ngre takën te fytyra, është faull. Rastin ua kam nisur edhe dy vëzhguesve të huaj dhe më thanë edhe ata që kemi të bëjmë me lojë të rrezikshme”, tha mes të tjerash Jemini në emisionin “Procesi Sportiv” në Top Channel.

KTHIM PAS NË KOHË – Karl Hainc Rumenige, legjenda e Gjermanisë dhe Bajernit të Munihut, ka mjaft bukur me fanellën e Interit kundër Gllazgou Rejnxhërs në vitin 1984. Gjithsesi arbitri i ndeshjes e anuloi golin, pasi gjithçka o konsiderua lojë e rrezikshme. Protesta të shumta për golin që mediat në Itali nuk ngurronin ta konsideronin si më të bukurin në histori nëse do akordohej.

Megjithatë, drejtuesit e Çelsit nuk u tunduan dhe e mbajtën në Londër talentin 18-vjeçar. Megjithatë te Bajerni janë të bindur, herët a vonë Hadson-Odoi do të mbërrijë në Mynih.

Ka qenë vetë Karl-Hainc Rumenige, i cili në një intervistë për medien gjermane “TZ”, ka pranuar haptazi në një intervistë se klubi i tij ka akoma interes për blerjen e talentit të londinezëve. Shefi i përgjithshëm i Bajernit tha se drejtori sportiv Hasah Salihamidzhiç do të vazhdojë sërish përpjekjet transferimin e lojtarit.

“Nuk jam i shqetësuar. Në të shkuarën kemi pasur transferime që nuk kanë funksionuar në përpjekjen e parë, por në merkaton e ardhshme i kemi mbyllur me sukses. Salihamidzhiç është si Hënses në këtë aspekt. Jam i bindur se ai do t’ia dalë me sukses herën e dytë”

“Ne duam lojtarë cilësorë te Bajerni dhe Salihamidzhiç është krejtësisht i bindur për këtë lojtar, prandaj ne kemi kaq shumë interes për të. Kemi sjellë shumë të rinj në skuadër si Kimish, Gnabri, Koman, të tjerë do të vijnë gjatë verës”, përfundoi kreu i Bajernit

Sipas së përditshmes spanjolle “MARCA”, kampionët e Gjermanisë do të finalizojnë blerjen e mbrojtësit Lukas Hernandez nga Atletiko Madrid në ditët në vazhdim. Gjithçka do të kryet para 4 janarit, që është data kur do të fillojë faza përgatitore e Bajernit në Doha të Katarit.

Klauzola e largimit në kontratën e mbrojtësit francez është 80 milionë euro, por marrëveshja pritet të arrihet për një shumë më të vogël. Me ardhjen e Hernandez te Bajerni, numri i lojtarëve të cilët kanë një medalje kampioni bote te Bajerni shkon në gjashtë.

22-vjeçari u rikthye të flasë dhe gjatë ditës së djeshme bëri një deklaratë befasuese. Nëse i ndodhte një tjetër dëmtim i rëndë, Koman mund të tërhiqej përfundimisht nga futbolli. Karl Hainc Rumenige, zyrtari i lartë i klubit bavarez, është habitur nga ajo deklaratë dhe ka reaguar përpara sfidës kundër Ajaksit në Champions.

“E rëndësishme është që Koman nuk ka rënë psikologjikisht. Duhet të rrisë vetëbesimin dhe moralin e tij dhe të mos mendojë fare për mundësinë e tërheqjes. Futbolli i sotëm është bërë shumë i shpejtë, ndeshjet janë shumë intensive, ka shumë agresivitet dhe dëmtimet janë të shpeshta”, thekson Karl Hainc Rumenige, dy herë fituesi i “Topit të Artë”.

Besnikë të stilit të tyre, pa shpenzime të ekzagjeruara, edhe pse Bajerni gëzon një shëndet të shkëlqyer financiar. Një mendim për Hames Rodrigez, Oliver Kahn, i cili shihet si pasardhësi i Hënes në postin e presidentit, dhe në fund incidenti i Frenk Riberi me gazetarin francez.

FORMA – “Kemi një skuadër shumë të mirë dhe situata nuk është kaq dramatike. Të mos harrojmë se para gjashtë muajsh fituam titullin me 21 pikë diferencë me vendin e dytë. Sivjet kanë ardhur lojtarë të rinj si: Gorecka, Sançes dhe Gnabri. Do të futemi në merkato në janar, ose në verë. Paratë nuk na mungojnë dhe nuk janë problem për ne, Salihamixhiç po bën një punë të mirë dhe jam tepër i qetë.”

MERKATO – “Vitin e kaluar tregu u ‘çmend’. U shpenzuan shifra të mëdha për Nejmar dhe Mbape, por në jemi Bajerni dhe ndjekim filozofinë tonë. Ne marrim vendime racionale dhe i qëndrojmë besnikë stilit tonë. Nuk do të futemi kurrë në ankande dhe nuk do të shpenzojmë kurrë shifra si në rastin e Nejmar.”

KAHN – “Nuk e kam takuar prej kohësh dhe nuk i di planet e tij për të ardhmen. Këto janë çështje personale dhe vendosen nga bordi drejtues i klubit. E ardhmja ime? Uli (Hënes) dhe bordi më kanë kërkuar të rinovoj dhe do e bëj së shpejti një gjë të tillë.”

HAMES – “Ai ishte ndër më të mirët dhe sezonin e kaluar zhvilloi një sezon fantastik. Nuk e harroj paraqitjen kundër Realit në Champions. Ai është një lojtar i mrekullueshëm, por fatkeqësisht është dëmtuar dhe nuk do të luajë deri në janar. Kemi një opsion për blerjen e tij, por ka kohë pasi mund të veprojmë deri në 15 qershor të vitit të ardhshëm. Është herët për të folur për këtë çështje. Nuk duam të nxitohemi dhe do të marrim vendimin e duhur në kohën e duhur.”

RIBERI – “Incidenti i Frenk me gazetarin na bëri të ndiheshim keq. Mendoj se kjo gjë ndodhi për shkak të gjendjes së rëndë emocionale, si pasojë e humbjes kundër Dortmundit. Frenk ishte i tensionuar, por kërkoi falje dhe kjo histori është mbyllur.”