Beshiktashi e priti krahëhapur, duke mos i marrë në konsideratë gabimet e finales, por makthet nuk e lanë të qetë as në elitën e futbollit turk, pasi sërish bëri gafa të rënda. Puna shkoi deri aty sa trajneri vendosi që ta kalonte në stol për disa ndeshje, që vetë Kariusi të binte në qetësi.

Në këto ditë vere , portieri i Beshiktashit ka vendosur që t’i kalojë në vendet e ngrohta, larg problemeve, duke shpresuar se viti i ri do të jetë shumë ndryshe nga këto dy të fundit.

Frymëzimi është një bashkëkombëse e portierit. Sofia Thomalla është parë me gjermanin në Florida. Mesa duket portierit e ka gjetur se me çfarë të ngushëllohet pas një viti mjaft të ngarkuar me shumë stres.

Gardiani gjerman do të mbahet mend gjatë për dy gafat e tij në finalen e vitit të kaluar, por ai mbetet pjesë e familjes së Liverpulit edhe pse është pjesë e Beshiktashit edhe për një sezon si pjesë e një marrëveshje huazimi.

Sipas “Daily Mail”, Karius e ka refuzuar këtë ftesë. Ndoshta kujtimet e finales së shkuar mund t’i rikthehen dhe portieri mund të përlotet përsëri siç bëri një vit më parë.

Në statistikat e këtij sezoni, De Gea është më dobët se edhe portieri famëkeq, Loris Karius. Spanjolli i “Djajve të Kuq” ka pësuar 53 gola në kampionat, ndërsa Karius 39. Mesatarja e notës së De Geas gjatë këtij sezoni është 6.46, ndërsa e Karius 6.70. De Gea ka bërë katër gabime që janë penalizuar me gol, ndërsa gjermani i Beshiktas asnjë gabim.

De Gea ka pësuar 1.4 gola për ndeshje, ndërsa Karius 1.2. Gjithashtu, Karius ka pritur dhe një penallti, ndërsa Karius asnjë. Njëri cilësohet portieri më i mirë në botë, tjetri u largua si i paaftë nga Liverpuli…

Siç duket kjo deklaratë e trajnerit ka bërë që Karius të mos durojë më dhe ta nxjerrë të vërtetën sheshit. Portieri i huazuar nga Liverpuli është një ndër lojtarët më të paguar në skuadrën nga Stambolli me një pagë vjetore prej 5 milionë eurosh në sezon (bruto), por prej më shumë se katër muajsh ai nuk po paguhet.

Në këtë situatë nuk ndodhet vetëm Karius, por edhe shumë lojtarë të tjerë të Beshiktashit, një ndër to dhe Gokhan Tëre, të cilin klubi e ka detyruar të stërvitet prej muajsh të vetëm me një përgatitës atletik dhe së fundmi deklaroi për mediat turke se po pret që klubi t’i shlyejë 9 paga mujore.

Për këtë problem, Karius bëri një ankesë në UEFA më datë 20 shkurt, por kjo nuk solli ndonjë të mirë për gjermanin, i cili tani do të përballet me klubin e tij në një “betejë” ligjore, duke iu drejtuar gjykatës për të marrë atë që i takon.

Edhe në Turqi, Karius ka bërë shumë gafa dhe ka pësuar plot 37 gola në takimet që ka luajtur. Në takimin kundër Koniaspor, Karius pësoi dy gola, madje bëri dhe një gafë, por fatmirësisht skuadra e Beshiktashit ia doli të triumfojë 3-2. Pas ndeshjes, trajneri Senol Gynesh e ka kriktikuar paraqitjen e 25-vjeçarit gjerman.

“Ishte faji i tij që pësoi golin e parë. Ishte jo i qartë në atë që bëri, jo i përqëndruar. Nuk e di çfarë ka këto kohë, por nuk më duket vetvetja. I ka humbur dëshira, motivimi, entuziazmi për futbollin. Nuk më duket se është më pjesë e ekipit”, përfundoi Gynesh.

Gafa dhe në fund dështim. Të gjithë ja faturuan gjermanit atë ndeshje dhe nuk mund të shmangej dhe largimi. Për të menjëherë shfaqi interesim Beshktashi, që donte të blindonte portën me një portier që nuk e konsideronte dhe aq të pafat. Gjithsesi, Karius ndoshta ende e vuan atë ndeshje me Real Madridin, pasi edhe në Turqi sërish gafat po e ndjekin.

Tifozët në Turqi siç dihet janë mjaft agresiv dhe ushtojnë shumë presion, çka “gardiani” duket se po e vuan, ndaj trajneri për ndeshjen e radhës në shtëpi me shumë gjasa do i japë mundësinë që të qetësohet dhe nuk to ta aktivizojë titullar. Kështu e ka futbollin, nga titullar me Liverpulin në finalen e Champions Leagues, mund të përfundosh në stol me Beshiktashin.

Bie në sy prezenca e 6 lojtarëve, të cilët janë aktivizuar sezonin e kaluar në Premier Ligë. Një statistikë aspak e mirë kjo për kampionat anglez të futbollit. Bonuçi gjithashtu është pjesë e formacionit, Uesli Shnajder bie në sy po ashtu, apo dhe braziliani Ganso.

Në portë Karius, i cili besoj nuk ka shumë nevojë për koment pas paraqitjes që dhuroi në finalen e Champions. Mbrojtja me 3, teksa janë vendosur Lindelof i Mançester Junajtid, Bonuçi dhe Hauedes, i cili nga ana tij thuajse nuk zhvilloi asnjë ndeshje me fanellën e Juventus.

Mesfusha vijon me Bakajoko dhe Shnajder në qendër. Nga krahët, braziliani Ganso dhe Ozil. Ganso u transferua me bujë nga Brazili, por ka rezultuar një dështim i madh. Madje këtë sezon është transferuar në huazim tek francezët e Amiens nga Sevilja. Ozil padyshim pjesë e këtij formacioni dhe nga paraqitja e dobët në Botëror, por edhe fakti që Arsenal nuk arriti në zonën Champions ndikon.

Në majë të sulmit janë Vieto dhe Ihenaço, të cilët mbështeten nga lojtari që paguhet më shumë tek Mançester Junajtid, pikërisht Aleksis Sançez. Sezon zhgënjyes totalisht për kilianin me fanellën e “djajve”, ku dhe ka që ne muajin mars pa gjetur rrugën e golit.

Ish-portieri i Liverpulit ka treguar për atë mbrëmje sa të madhe, aq dhe të zezë për të, pasi bëri gafa që i kushtuan rëndë. Karius thekson se ndikim në paraqitjen e tij pati përplasja me Ramos, duke vënë në dukje faktin se ai asnjëherë nuk i kërkoi falje për ndërhyrjen dhe se jo e ka bërë që të dyshojë nëse ishte e qëllimshme apo jo.

“Duhet të them se në gabimet e mia kishte dhe ndikim dëmtimi që pësova nga përplasja me Ramosin. Nuk kishte një rreze të pastër, pasi ende e ndjeja dhimbjen. Ramos nuk më kërkoi falje pasi më dëmtoi, por nuk mund të them nëse e ka bërë me qëllim apo jo”.

Kujtojmë që në po të njëjtën ndeshje, Ramos ishte protagonist tek dëmtimi i Salah. Opinioni sportiv e kryqëzoi mbrojtësin spanjoll, duke e akuzuar se ishte një ndërhyrje e qëllimshme ndaj egjiptianit.

“Akoma nuk mund të shpjegoj gabimet e në finalen e Champions-it. Gjithsesi ajo mbetet pjesë e së shkuarës. Tani duhet të përpiqem të rikthehem më i fortë, siç bëri Oliver Kahn, që edhe pse gaboi në Botërorin e vitit 2002 arriti ta hidhte pas atë periudhë të keqe”, tha gjermani

Ndërkohë duhet theksuar se pak minuta përpara gafës së parë, që solli golin e Karim Benzema, Karius pësoi një goditje me bërryl, që mendohet se mund ta ketë trullosur 25-vjeçarin dhe si pasojë erdhën dhe veprimet që sollën dy gola për Realin, Karius komenton dhe këtë pjesë duke thënë: Nuk e di nëse Ramos më goditje me dashje apo jo, këtë e di vetëm ai.

Gardiani gjerman më foli për largimin e tij nga Liverpuli, duke thënë se arsyeja e vetme që e shtyu të largohej ishte mungesa e minutave. “Klop dëshironte që unë të qëndroja. Është e vërtetë që shumë tifozë më ofenduan në rrjete sociale dhe klubi u detyrua të reagonte, por këto nuk më shqetësuan në asnjë moment. Jam ende i ri dhe kërkova që të luaj sa më shumë në një ekip tjetër”, përfundoi Karius.

“Qëkur jam transferuar te Beshiktashi kam vënë re se fansat e mi janë shtuar ndjeshëm, dhe shumica e tyre janë femra”, tha portieri, të cilin tifozët e skuadrës së Beshikashit i kanë ngjitur si për shaka nofkën, Kazanova.

“Te Liverpuli nuk e ndjenja këto lloj mbështetje kaq të madhe. Këtu në Stamboll është shumë më ndryshe. Sa herë që dal në qytet, janë të shumtë njerëzit që më ndalojnë për një foto”, përfundoi gjermani.

Karius iu bashkua Liverpulit në verën e 2016-ës për 10 milionë euro. Viti i tij i parë në Angli qe mjaft i vështirë, por në sezonin e dytë Karius arriti të fitonte një vend titullari. Gafat në finalen e Champions League i kushtuan shumë portierit, i cili pësoi dhe abuzime nga fansat me anë të komenteve në rrjetet sociale.

Everybody at #LFC wishes @LorisKarius the best of luck during his loan spell. ?https://t.co/TNB7Rt2SJX

— Liverpool FC (@LFC) August 25, 2018

Karius do të mbahet mend gjatë nga të gjithë fansat e Liverpulit për të dy gafat e tij në finalen e Champions-it ndaj Real Madridit. Jyrgen Klop dëshironte ta mbante 25-vjeçarin si portier të dytë, por prishja e bisedimeve me Fulhemin për transferimin e Belgut Simon Minjole bëri që “fshesa” e teknikut gjerman të kapte bashkëkombësin e tij.

Në dy sezonet e shkuara te Liverpuli, Karius u aktivizua 51 herë. Gjermani u ble nga Mainci për shifrën e 10 milionë eurove në vitin 2016, por përshtatja e tij në futbollin anglez nuk qe e lehtë. Në mesin e sezonit që sapo lamë pas, Karius arriti të fitonte vendin e titullarit ndaj Minjolesë, por gafa në finalen e Champions-it “shkrumboi” gjithçka…

Pritja me duartrokitje nga tifozët në “Anfield Road” ishte një mesazh i bukur, por makthi i Karius ende nuk ka përfunduar. Portieri gjerman thjesht nuk mund ta harrojë tmerrin e finales së Champions League.

Për ta ndihmuar të kalojë traumën, mund të shërbejë oferta e Beshiktashit. Gjiganti turk ka kërkuar huazimin e 25-vjeçarit për një sezon, një lëvizje që mund të miratohet nga Jurgen Klop.

Trajneri beson se largimi do ta ndihmonte Karius në aspektin psikologjik. Një mënyrë për t’u rikthyer në formën më të mirë e që më pas të shitet.

Pas blerjes rekord të Alison, Liverpuli duhet të shesë. Por, edhe pse ofertat për Minjole nuk mungojnë, me Napolin që ka shfaqur shunë interes, ai që pritet të largohet do të jetë pikërisht Karius.