Në kampin bardheblu i gëzohen rikthimit të Eni Imamit, i cili është stërvitur ditën e sotme me pjesën tjetër të grupit, ndërsa Dorian Kërçiku vazhdon rikuperimin nga dëmtimi në gju duke u stërvitur i diferencuar.

Ajo çka shqetëson trajnerin më së shumti trajnerin Mema është gjendja e mesfushorit Karabeci, i cili pësoi një dëmtim në gju në takimin e fundjavës ndaj Luftëtarit. Gjasat që kapiteni i Tiranës të jetë gati për ndeshjen e së shtunës janë të pakta.

NDESHJA – “Normalisht, ishte një ndeshje shumë e vështirë për ne, duke pasur parasysh pozitat që ka Teuta, e cila po lufton për një vend në Europë. Ishte një ndeshje jetike për ne, pasi ndodhemi në pozita të vështirë. Pa përfshirë dy ndeshjet e fundit, kemi bërë një fazë të tretë shumë të mirë. Me Laçin morëm një gol në minutat e fundit dhe ajo ndeshje ndikoi nga ana psikologjike. Megjithatë, ekipi sot tregoi se kur jep maksimumin, mund të shfaqë vlera shumë të mëdha në fushën e lojës”.

MBIJETESA – “Absolutisht që nuk ka përfunduar asnjë gjë. Neve na gëzon fitorja e Skënderbeut, pasi siç e dimë të gjithë, Kastrioti dhe Gjirokastra janë rivalët tanë. Nëse ne fitojmë të gjitha ndeshjet tona, nuk kemi pse të shohim prapa. Kemi gjashtë pikë më shumë se Kastrioti, por asgjë nuk ka përfunduar. Tani shohim nga ndeshja me Kukësin”.

SITUATA – “Nuk mund të them që kemi probleme, por renditja bën që lojtarët të kenë një farë presioni, të thuash ndonjë fjalë më shumë seç duhet. Por ne jemi një grup i bashkuar, më i bashkuar se kurrë. E dimë se çfarë duhet të marrim nga ndeshjet. Kjo është e gjitha dhe ju siguroj që nuk ka probleme brenda grupit”.

KAPITENI – “Çdokush e di se çfarë do të thotë të jesh lojtar i Tiranës, e jo më kapiten. Është shumë e vështirë, por për mua është një përgjegjësi shumë e madhe. Lojtarët afrikanë nuk e kuptojnë fanellën e Tiranës dhe kjo gjë është detyra ime, që të gjithë ta kuptojnë se kjo fanellë është e rëndë! Nuk e kam bërë mirë detyrën time deri më tani, por kjo gjë do të ndryshojë”.

MBIJETESA – “Para dy vitesh, pa dashur të paragjykoj askënd, kemi pasur një ekip shumë më cilësor që kemi tani, por prapë nuk ia dolëm. Tani, jemi disa lojtarë që e kemi provuar atë makth, prandaj jemi më të ndërgjegjshëm dhe do të japim maksimumin që të mos ndodhë mo ajo që ndodhi para dy viteve”.

Në pamjet video të “Dosja.al”, dallohet kaosi i krijuar në terrenin pranë dhomës së zhveshjes së Tiranës. Situata në pamje të parë është krejtësisht kaotike. Një pjesë e lojtarëve të Tiranës janë brenda dhomës së zhveshjes, ndërsa pjesa tjetër jashtë së bashku me stafin e trajnerëve dhe drejtuesit e klubit.

Episodet –

Sekonda 60-të –  Debat i ashpër me fjalë midis futbollistit Grent Halili dhe një personi të veshur me kapelë, që mban të veshur një bluzë me mbishkrimin “KS Kastrioti”. Personi në fjalë u kërkon me ton të lartë futbollistëve të futen në dhomat e zhveshjes.

Sekonda e 83-të – Këtu është pjesa më e tensionuar e videos. Fakti që të bën më shumë çudi është se në duket sikur ka konflikt midis policisë. Disa policë përmbajnë kolegët e tyre duke i larguar nga vendi ku janë grumbulluar lojtarët e Tiranës. Disa futbollistë të bardhebluve shfaqin irritim të madh, si kapiteni Karabeci, i cili shikohet teksa bën debat verbal me një person jashtë rrezes së kamerës”.

Sekonda e 95-të – “Një ndër policët debaton nga dritarja pas hekurave me lojtarët e Tiranës që janë brenda dhomës së zhveshjes”.

Në “shfaqjen” e sotme morën pjesë 26 “aktorë”, 12 te Tirana dhe 14 te Partizani. Te të kuqtë bie në sy se vetëm sulmuesi Jurgen Bardhi është një produkt i akademisë së Partizanit, ndërsa Tirana ka tre produkte bardheblu: Kërçiku, Hoxhallari dhe Doka.

Megjithatë, një tjetër fakt interesant është se në ndeshjen e sotme krahas Bardhit pati dhe dy lojtarë të tjerë të dalë nga “shkolla” e të kuqve. Bëhet fjalë për kapitenin e Tiranës Erando Karabecin dhe sulmuesin Bedri Greca.

Për mediat, Karabeci komentoi situatën në skuadër, por nuk la jashtë vëmendjes dhe raportet e tij me trajnerin Ze Maria, por nuk harroi dhe tifozët, të cilëve u kërkon falje, paçka se e di se duhen veprat dhe jo fjalët pasi ke humbur një derbi.

Si është marrëdhënia juaj me trajnerin?
Marrëdhënia ime është normale si mes çdo lojtari profesionist dhe trajnerit. Është një raport korrekt dhe mundohemi të respektojmë njëri-tjetrin.

Kanë ndikuar problemet jashtë fushe tek rendimenti i skuadrës?
Kur nuk merr rezultate normalisht që ka probleme, pasi lojtarët janë nën trysni, nuk janë të qetë, siç u pa dhe në ndeshjen e fundit, ku ne edhe pse fituam nuk ishim të qetë. Kur ke presionin e pikëve nuk shprehesh në maksimum. Them se problemet kanë ardhur për shkak se ne nuk kemi pasur ato pritshmëritë e duhura për rezultate që ne duam.

Sa e vështirë është ta ndjekësh ndeshjen nga stoli?
Shumë e vështirë sepse është ajo ndjesia që je i pafuqishëm për ta ndihmuar skuadrën dhe është shumë emocionale. Je më shumë në ankth. Nuk e kisha provuar, pasi 10 vjet nuk kisha pasur atë ndjesi, përveç se kur kam qenë i pezulluar apo i dëmtuar. Është ndjesi jo e mirë.

Pas Laçit ka disa ditë pushim, mund të jetë koha për reflektim pas kësaj sfide?
Kjo ndeshje ka ardhur në momentin e duhur. Ne do të kërkojmë 3 pikët dhe në këtë sfidë. Në disa ndeshje të caktuara jemi paraqitur mirë. E rëndësishme është që të marrim fitoren dhe më pas do të kemi disa ditë pushim që do të na ndihmojnë të punojmë dhe të jemi më të qetë për ndeshjet në vazhdim. Për momentin na duhen pikët, nuk na nevojitet loja e bukur.

Sa e vështirë do të jetë ndeshja me Laçin duke ditur që luani ndaj një skuadre që ende nuk ka asnjë humbje?
E kemi ndjekur Laçin dhe them se është një ekip shumë i vështirë, që mbrohet mirë. Është një ndeshje jo e lehtë. Duhet të futemi vetëm për të marrë 3 pikët. Duhet të jemi më efikas dhe të mendojmë vetëm për rezultatin, edhe pse e dimë se është shumë e vështirë.

E mendonit në fillim të edicionit se pas 8 javësh do kishit vetëm 8 pikë?
Jo, të them të drejtën jo. Edhe ata që janë jashtë ekipit nuk e kishin menduar. Kemi shumë cilësi në ekip. 18-20 lojtarë janë gati për të luajtur. Ne jem larg pritshmërive dhe duhet të bëjmë kthesë dhe të shkojmë aty ku na takon që të marrim maksimumin e grupit që kemi.

Çfarë nuk funksionin kur cilësia nuk mungon?
Futbolli nuk është vetëm cilësi, pasi është dhe çështje fati. Në javën e parë luajtëm shumë mirë dhe në fund u mundëm. Edhe në takimin pasardhës luajtëm mirë, por nuk fituam. Është dhe çështje fati, pasi ne kemi luajtur mirë në ndeshje të caktuara. Nuk është vetëm puna dhe përkushtimi, them se 50% është fat dhe ne nuk e kemi pasur, pasi maksimumin e kemi dhënë.

E keni studiuar Laçin?
Ne do të zhvillojmë lojën tonë. Duhet ta detyrojmë kundërshtarin të qëndrojë në gjysmëfushën e tij dhe ta kontrollojmë lojën. Uroj që ta godasim sa më shpejt, pasi Laçi mbrohet shumë mirë. Do bëjmë maksimumin e mundshëm.

Sa ndryshon fakti se formacioni ka ndryshuar çdo javë?
Kemi lojtarë që secili meriton të ketë minutat e tij. Nga i pari tek i fundit mund të luajë në formacion dhe them se nuk ka lidhje.

Si do e menaxhoni presionin ndaj Laçit?
Është e vërtetë që jemi pak në presion, nga pikët që kemi dhe renditjes që jemi. Edhe në ndeshjet e tilla kjo ka ndikuar, pra presioni dhe trysnia e rezultatit. Do mundohemi ta menaxhojmë këtë pjesë. Uroj ta kalojmë me sukses.

Pas këtyre rezultateve e presioni që numri i tifozëve të jetë më i ulët?
Jemi si një familje, shkojmë shumë mirë dhe kalojmë shumë kohë bashkë. Sa i përket tifozëve ne nuk kemi pasur rezultatet e pritura dhe kemi humbur derbin, ndaj nuk është e lehtë për ata. Kanë të drejtë. Mund ta presim një farë acarimi nga ata dhe mund të mos jenë aq të qetë dhe kanë të drejtë. Nuk mund ta pranojnë humbjen në derbi.

Kë shikoni këtë edicion si kuadrin më të fortë?
Ka shumë skuadra të forta, por nuk dua të veçoj. Nuk ka një skuadër që bën diferenca mes skuadrave. Është kampionat i hapur dhe nuk dihet kush do të luftojë për titull, Europë apo për mbijetesë.

Keni një mesazh për tifozët?
Derbi iku dhe ne kemi ndeshje të tjera në vazhdim. Duhet që tifozëve t’i kërkojmë falje, edhe pse nuk pranohet ndonjëherë, pasi nuk mjaftojnë vetëm fjalët, duhen vepra. Uroj që të marrim rezultate pozitive dhe në derbin e ardhshëm të jemi në një situatë tjetër. E di se është e vështirë për ta që të na falin, por uroj që të na mbështesin siç kanë bërë gjithnjë. Ata janë për fanellën jo për një lojtar të caktuar.

Kanë ndryshuar objektivat e Tiranës me këtë nisje të dobët?
Është herët për të folur për këtë gjë, pasi akoma nuk ka mbaruar faza e parë dhe ka shumë ndeshje për t’u luajtur. Me dy ndeshje ndryshon renditja dhe pritshmëritë. Është herët për të folur për këtë gjë.

Trajneri dhe presidenti kanë kërkua titullin…
Kanë të drejtë ta kërkojnë pasi shpenzimet janë bërë për ta arritur diçka të tillë. Nuk mund të premtosh, pasi duhet të kesh vazhdimësi, pasi nëse nuk ke vazhdimësi nuk mund të pretendosh për titull, pasi duhet të shohim ndeshje pas ndeshje.

“Supersport” po ashtu ka zbuluar se presidenti Refik Halili u ka premtuar lojtarëve një shpërblim në rast fitorja. Bardheblutë kanë plot 13 takime pa fitore ndaj Partizanit dhe kjo gjë duket se rëndon, ndaj numri një i klubit ka motivuar skuadrat e tij.

Atmosfera në rrugët e kryeqytetit ka nisur të ndihet dhe skuadrat pas pak minutash pritet që të mbërrijnë në ambientet e stadiumit.

Kritika dhe vetëm kritika nga trajneri Ze Maria. Trajneri brazilian nuk mbetet kurrë i kënaqur. Edhe pas fitores që skuadra e tij arriti me Ilirinë, sërish ai ka mbajtur ekipin për një kohë të gjatë në dhomat e zhveshjes. Si e hënë që ishte, trajneri zhvilloi analizën e pasndeshjes, meqë të dielën ishte pushim për ekipin. Dhe takimi i djeshëm nuk ka qenë dosido. 40 minuta analizë ka zhvilluar Ze Maria në dhomat e zhveshjes së “Skënder Halilit”, aq sa stërvitja ka nisur në orën 16:30 edhe pse ishte paralajmëruar që përgatitjet nisin në orën 16:00, duke bërë për ujë të ftohtë skuadrën.

Kritikat – Kritikat edhe këtë pasndeshje kanë qenë të mëdha për ekipin. Trajneri dhe stafi kanë mbetur jo të kënaqur nga loja e skuadrës dhe individët në veçanti. Mësohet se Ze Maria është shprehur se nuk do të tolerojë më një gjendje të atillë, siç u pa në “Selman Stërmasi” ditën e shtunë. Loja sipas tij ka qenë përtokë, por kjo nuk duhet të ndodhë më, pasi rrezikohet rezultati sidomos në ndeshjet në transfertë.

Krahët nuk funksionuan – Një pjesë të kritikave të tij Ze Maria ia ka adresuar lojtarëve të krahëve. Sipas tij, këta futbollistë nuk e kanë bërë mirë punën e tyre. Ata duhet të jepnin sa më shumë topa në qendër për sulmuesit që këta të fundit të kishin sa më shumë raste për gol. Sipas Ze Marias lojtarët duhet të jenë më ofensivë dhe të jenë pjesë e manovrës sulmuese. Kritika ka pasur edhe për qarkullimin e topit, që në këtë ndeshje çaloi. Po kështu gjendja e skuadrës nuk është nga më të mirat përsa i përket anës fizike.

Kritikat pas Besës – Ze Maria e tha hapur pas ndeshjes me Besën se loja nuk i ka pëlqyer, ndërkohë që këtë gjë ua ka bërë të ditur edhe futbollistëve të tij na analizën e zhvilluar të enjten e kaluar. Pas ndeshjes me Besën braziliani tha mes të tjerash: “Kemi luajtur si në një ndeshje miqësore. Fituam e ky është një hap që vlen. Por nuk jam i kënaqur me paraqitjen e skuadrës. Tirana e vërtetë që unë dua ishte ajo e finales së Superkupës”. Me kavajasit Tirana fitoi me rezultatin 1-2 dhe autor i të dy golave ishte kapiteni Karabeci, që golin e barazimit e realizoi me penallti. Praktikisht Ze Maria nuk mbetet asnjëherë i kënaqur, edhe pse skuadra e tij e ka nisur mbarë në të tri frontet.

3 fitore ka arritur Tirana në sezonin zyrtar nga 9 shtatori deri më sot

15:00 është orari kur do të luhet ndeshja mes Pogradecit dhe Tiranës. Takimi është caktuar të zhvillohet ditën e diel

Karabeci tre ditë pushim

Erando Karabeci ishte i vetmi nga futbollistët e Tiranës, i cili nuk zhvilloi dje stërvitje me skuadrën. Shkaku është i thjeshtë. Futbollisti ka bajamet e zmadhuara dhe do të qëndrojë disa ditë pushim. Sipas asaj që është mësuar, futbollisti ka nisur kurën me antibiotikë dhe në këto kushte ai s’mund të stërvitet. Atij i duhet të qëndrojë edhe dy ditë të tjera pushim, për t’u kthyer me të gjitha gjasat në stërvitje të mërkurën. Karabeci është nga të vetmit lojtarë që këtë sezon që sapo ka startuar ka luajtur të tria ndeshjet. Madje për momentin Karabeci me dy golat në Kupë është golashënuesi i bardhebluve. Erando si kapiten i ekipit është një nga lojtarët më të mirë të skuadrës. Edhe pse pati oferta nga çdo skuadër e Superiores, futbollisti vendosi që të qëndrojë te Tirana ku ka nëntë vite që vesh këtë fanellë.

Trajneri u nxjerr shkumën lojtarëve

Ka qenë një e hënë “e egër” stërvitore për Tiranën. Pas fitores jo bindëse të ditës së shtunë, trajneri Ze Maria për gati dy orë është stërvitur në “Skënder Halili”. Dhe stërvitja e djeshme ka qenë nga ato që të “bie në kokë”. Për rreth 40 minuta, lojtarët kanë zhvilluar stërvitje të rëndë me vrapime të forta. Grupit nuk i kanë rezistuar Greca që ka mbetur pak mbrapa dhe portieri Abibi. Pjesa tjetër e skuadrës është munduar të bëjë maksimumin në stërvitje, sepse në të kundërt e sheh veten jashtë 11-shes. Ze Maria nuk ka kursyer askënd. Madje as veten dhe të birin që e ftonte të stërvitej me ekipin e parë, ndonëse djali i vogël i tij nuk ia ka dalë dot të jetë me ritmin e më të mëdhenjve. Më pas trajneri ka vendosur që të ndajë ekipin në disa grupe për të punuar në kuadrat. Në fund si zakonisht luhet edhe ndeshja brenda grupit, por për të folur për formacionin është shumë shpejt, sepse e djeshmja ishte vetëm stërvitja e parë e javës.

Mauexhe që tani lider në mesin e fushës

Tirana gjen zëvendësuesin e Ruben Akuasë. Problem mbetet goli i sulmuesit

Toni Mauexhe po konfirmohet dita-ditës te Tirana si i huaji më i mirë i ardhur këtë verë. Futbollisti nga Uganda ka zëvendësuar plotësisht Ruben Akuanë. Me paraqitjen e tij, mesfushori ka treguar vlera në fushën e lojës, duke qenë titullar në tri ndeshjet zyrtare. Po kështu ugandezi është autori i golit të vetëm në takimin me Ilirinë. Shkurt, mesfushori është ngjitur në katedër dhe drejton mesfushën e Tiranës së bashku me Dajën e Karabecin. Është lider para mbrojtjes, madje lojtar më cilësor se Akuaja, sidomos në manovrën sulmuese.

Problemi te Tirana mbeten sulmuesit. Në tre ndeshje zyrtare, por edhe ato miqësore sulmuesit akoma nuk kanë shënuar gola që mund t’u vlejnë skuadrës. Ngo, Halili, Sentamu, Levendi ende nuk kanë tundur rrjetat e skuadrave kundërshtare, por kjo shpresohet të ndodhë në ndeshjet në vazhdim të kampionatit dhe Kupës

“Të jem i sinqertë, kupa nuk na gëzoi shumë, duke parë si u mbyll sezoni. Rëndësi ka që të harrojmë gjithçka sa më shpejt, por të jemi të vetëdijshëm, është një njollë për ne. Nuk kishte ndodhur ndonjëherë që Tirana të binte nga kategoria. Detyrimi ynë është kthimi i menjëhershëm në Superiore, duke e siguruar ngjitjen sa më shpejt, që në dy fazat e para, për të qenë më të qetë për vazhdimin.

“Roli im këtë vit është shumë i rëndësishëm, sepse duhet t’i kujtoj lojtarët që na pret një kampionat i vështirë. Na pret një kampionat i fortë, pavarësisht se është Kategoria e Parë. Është një kampionat ndryshe, i ashpër, edhe fushat nuk janë shumë cilësore në disa stadiume. Megjithatë, jam i vetëdijshëm, e kam marrë përsipër këtë detyrë dhe kam besim se do t’ia dalim me sukses.

“Kemi bërë 2-3 afrime dhe jemi rregulluar pak. Jemi në rrugën e duhur, edhe pse nuk jemi ende në 100%, sepse presim ende lojtarë që të kompletohemi. Jemi përgatitur për shumë javë për ndeshjen e Superkupës, nuk kemi frikë, nuk ka shumë rëndësi fakti që Kukësi është kampion dhe ne kemi rënë nga Kategoria, sepse ne jemi Tirona”.

Ilion Lika dhe Erando Karabeci ishin të fundit që kishin 8 muaj rroga pa marrë (gati 100 milionë leke në total të dy) për vitin 2011-2012. Bashkia ua dha të dyve paratë që kanë kaluar në llogarite e tyre. Tani Tirana nuk ka me borxhe lojtarësh nga e shkuara.

Ndërkohë, Lika firmosi kontratën e re, 2-vjeçare, me Tiranën, ndërsa Karabeci do firmosë të hënën kontratë 3-vjecare. Nën kontrate janë Hoxhallari, Kërçiku, Daja, Muça, Domgjoni e Turtulli.

Elton Nika

Erando Karabeci është një nga lojtarët, që kërkohet me ngulm nga Flamurtari për sezonin e ardhshëm. Por vlonjatët duhet të presin që mesfushori të përfundojë aventurën europiane me Tiranën. Skuadra bardheblu luan në Europa League, ku shorti i ka vënë përballë izraelitët e Makabit të Tel-Avivit. Pa paragjykuar, parashikohet që Tirana t’i mbyllë shpejt llogaritë në Europë dhe Flamurtari duhet të jetë gati në çdo moment për të marrë Karabecin, i cili mund të ketë edhe oferta të tjera nga Superiorja. Tirana ra në Kategorinë e Parë dhe vështirë që kapiteni të qëndrojë, aq më tepër që ka kërkesa. Ai firmosi për ndeshjet e Kupave të Europës, që do të thotë se më pas është i lirë të vendosë, nëse do të vazhdojë të luajë me Tiranën apo do të zgjedhë një ekip tjetër.

TAKIMI – Vetë Karabeci, teksa ka folur për të ardhmen, ka thënë se nuk e përjashton mundësinë e qëndrimit te Tirana, por ka pranuar gjithashtu interesimin e Flamurtarit, ku mund të ribashkohet me trajnerin Shpëtim Duro. Madje, mësohet se Karabeci dhe Duro kanë pasur një takim mes tyre, por pa ndonjë rezultat. Mesfushori ka bërë të qartë se do të vendosë pas Kupave të Europës. Ai ka pohuar se oferta e Flamurtarit është një nga më të rëndësishmet që ka marrë gjatë kësaj periudhe, ku po studion gjithçka me shumë kujdes. Për momentin, vëmendja e tij është e përqendruar te Tirana.

MESFUSHA – Karabeci mbetet një nga lojtarët më të kërkuar nga stafi teknik i skuadrës vlonjate, që në qendër të mesfushës ka humbur shumë kualitet dhe potencë, teksa kujtojmë që jaë larguar tashmë Donjet Shkodra dhe Bruno Telushi. Një lojtar me shumë përvojë si Karabeci do ta mbushte këtë vakuum të krijuar në formacionin kuqezi. Drejtuesit e Flamurtarit kanë lëvizur mjaft mirë deri tani në merkato, duke bërë jo pak, por 6 afrime. Flamurtari po monitoron situatën e Erando Karabecit dhe duket se do të presë derisa Tirana të mbyllë ndeshjet e Kupave të Europës. Vlonjatët duken vërtet të fiksuar pas Karabecit.

Klubi bardheblu shpreson të shesë lojtarët e saj më të vlerësuar në treg, për të krijuar fonde për rindërtimin e skuadrës, por ndërkohë mund të humbasë një ndër veteranët e skuadrës.

Erando Karabeci është mjaft i kërkuar në treg dhe pas 8 vitesh bardheblu, po tundohet nga ofertat kundrejt tij.

“Sport Ekspres” mëson se ditët e fundit mesfushori ka biseduar me Shpëtim Duron në lidhje me një transferim te Flamurtari, por edhe me Armando Cungun, për një transferim të mundshëm te Vllaznia. Të dyja ofertat janë serioze edhe në aspektin ekonomik dhe Karabeci po mendohet mirë.

Deri në fund të aventurës evropiane Erando do të jetë pjesë e Tiranës, por më pas nuk e ka vendosur ende: lidhja e tij me Tiranën është shumë e fortë, por një sezon në Kategorinë e Parë ndoshta nuk është në planet e tij, aq më shumë që e kërkojnë klube me emër në Shqipëri.

Mesfushori ka shtyrë gjithçka për momentin, duke e lënë çështjen pezull deri në përfundimin e aventurës evropiane, ndërsa Duro dhe Cungu do ta presin, por jo pafundësisht, sepse brenda një muaji presin përgjigje.

Në sezonin e fundit Karabeci luajti 23 ndeshje kampionati me Tiranën, duke qenë edhe kapiten, por ashtu si për klubin e vet, sezoni ishte i mallkuar edhe për vetë Karabecin, i cili mungoi për shumë kohë për një aksident fatkeq që e mbajti shumë javë jashtë.

Dhënia e medaljeve ishte një ritual i detyruar, por më pas lojtarët e Tiranës nuk dëshironin të ngjiteshin në podium për të ngritur lart trofeun që do të dorëzohej nga sekretari i FSHF-së Ilir Shulku.

Karabeci dukej qartë që nuk dëshironte ta ngrinte trofeun dhe në një moment i tha Shulkut: “Lere, nuk ka kuptim”. Megjithatë, protokolli e kishte të përcaktuar qartë që duhej ngritur trofeu dhe pati disa minuta debat.

Karabeci u detyrua të merrte përsipër ngritjen e trofeut dhe e bëri me sforcim, aq sa kupën e ngriti më shumë Shulku sesa mesfushori bardheblu, i nxirë në fytyrë.