Futbollisti 24-vjeçar rikthehet në një skuadër të kampionatit të Kosovës, pesë vite pas largimit nga Prishtina. Gjatë qëndrimit të tij të gjatë në Kategorinë Superiore, Malaj luajti për Tiranën, Skënderbeun dhe së fundmi Skënderbeun.

Më datë 25 qershor, Fernonikeli do të ndeshet ndaj kampionëve të Gjibraltarit Linkoln Red Imps në stadiumin “Fadil Vokrri”, Prishtinë.

NJOFTIMI – “KF Llapi e përmbyll me sukses marrëveshjen me njërin nga mesfushorët defanzivë më të mirë në Shqipëri, brazilianin Bruno Arrabal i cili në sezonin e fundit ishte pjesë e Kamzës ku ka luajtur të gjitha ndeshjet dhe ishte titullar i padiskutueshëm. Arrabal do jetë pjesë e Llapit në edicionin e ri 2019/20!

Bruno Arrabal, brazilian, 27 vjeç i lindur më 22.02.1992 në Brazil. Pozita e tij që luan është mesfushor defanziv. Ai vjen nga Kamza, ku ka luajtur 24 ndeshje si titullar. Më parë, Arrabal ishte pjesë e skuadrave: Remo, Duque de Caxias, Tupi FC, Mogi Mirim, Ethnikos dhe Kamzës. I dëshirojmë mirëseardhje në familjen e madhe bardhekaltër!”, shkruan klubi i Llapit.

Kordela i është bashkuar Olimpik Donjeck, skuadër që militon në elitën ukrainase. Italiani do të jetë drejtor i përgjithshëm i Olimpik Donjeckut, një rol shumë i rëndësishëm. Kordela qëndroi për pak kohë te skuadra e Kamzës në Superiore, për t’u larguar më pas drejt Hungarisë.

Kordela është një njeri i biznesit, ku përveç kantinës së tij të suksesshme të verës, ka marrëdhënie shumë të mira dhe me shumë njerëz të rëndësishëm në botën e futbollit. Eksperienca pune, Kordela ka dhe me futbollistë shumë të njohur, si Uesli Shajder dhe Ronaldinjo.

FSHF së fundmi ka vendosur dhe vendi bosh do të zihet nga një prej dy skuadrave humbësve në “play-out”.  “Sektori i Garave në Federatën Shqiptare të Futbollit, në interpretim të rregullores së aktivitetit, dëshiron t’ju informojë në lidhje me skuadrën e cila do të plotësojë numrin e klubeve në Kategorinë e Parë për sezonin 2019-2020.

Dy ekipet që humbasin ndeshjet play-off do të zhvillojnë një ndeshje finale midis tyre për të përcaktuar skuadrën e tretë që do të qëndrojë ose ngjitet në Kategorinë e Parë”, thuhet në njoftimin e Federatës. Kështu, vendet e treta në Kategorinë e Dytë nuk kanë asnjë shans për t’u ngjitur, sikurse edhe Vora e Tomori që e kanë garantuar rënien në të Dytën.

I aftë të luajë në të dy krahët e sulmit, Zisi mund të luajë për disa skuadra të Superiores. 23-vjeçari ka qenë shumë aktiv në rrjetet e tij sociale këto ditë, duke ngacmuar shpeshherë me postimet e tij.

Sulmuesi i dha mundësinë tifozëve t’i bënin pyetje dhe shumica e pyetën për të ardhmen e tij. Një nga shkruesit e ftoi te Partizani, me Zisin që i përgjigjet: “Do e mendoj mirë.” Ndërsa dikush tjetër e fton të rikthehet te Bylisi, skuadër që është ngjitur këtë sezon në Superiore, me Zisin që i përgjigjet: “Shumë e vështirë, me gjithë respektin”.

Klubi kryeqytetas dëshiron rikthimin në elitë sezonin e ardhshëm dhe për këtë i duhet të bëjë merkato cilësorë. Mbetet për t’u parë se çfarë përgjigje do të kthejë Plaku, i cili me Dinamon është aktivizuar në të shkuarën dhe numëron 17 gola (maksimumi për sulmuesin në një kampionat) në sezonin 2008-2009.

Plaku, tashmë 33 vjeç, ka treguar se mund të japë ende në Superiore. Gjithsesi një rikthim te Dinamo, që prej disa vitesh garon në Kategorinë e Parë, nuk përjashtohet. Momentalisht sulmuesi vijon të përgatitet privatisht, në pritje të hapjes së merkatos së verës.

Së fundmi Kamza u përjashtua nga kampionati dhe braziliani ka marrë avionin dhe është rikthyer në vendlindje. Përmes një postimi në llogarinë e tij në “Facebook” ai falënderon presidentin Naim Qarri, si dhe të gjithë ata me të cilët ka bashkëpunuar.

“Një cikël që mbyllet! Më duhet të falënderoj Zotin për të gjitha bekimet, betejat dhe fitoret e arritura. Kanë qenë dy vite, ku më duhet të falënderoj presidentin e Kamzës për mundësinë që më dha, për të gjitha momentet që kalova në këtë klub, trajnerët që kam pasur këto vite, lojtarët për angazhimin dhe të gjithë tifozët për mbështetjet. Faleminderit të gjithëve”, shkruan Arrabal.

“Kampionati është bërë i fortë. Ekipet janë duke vuajtur dhe ekipi është ngushtuar. Normalisht askush nuk e ka mendjen te ne, për më tepër kur nuk e ka mendjen federata, jo më ekipet që kanë hallet e veta. Gjithsesi, ne shpresojmë që të marrim një përgjigje”.

“Po flas në emër të grupit. Ne kemi bërë një kërkesë unanime, pasi jemi ne lojtarët që nuk kemi mundësi të ushtrojmë profesionin tonë. Duke bërë këtë kërkesë prisnim që të merrnim një përgjigje. Çdo ditë që kalon bëhet akoma më e vështirë. Përveç dëmit financiar është dhe ai profesional. Po bëhet periudhë e gjatë që nuk aktivizohemi. Këto të gjitha janë kosto që po na bien ne. Rasti jonë është ekstrem, mosaktivizimi i lojtarëve është fatkeqësi shumë e madhe. Ne ishim jashtë asaj ngjarjeje dhe jemi ne që po e vuajmë më shumë nga të gjithë”.

“Falënderoj mediat që kanë qenë i vetmi zë që kanë folur haptas për çështjen tonë. Pjesa tjetër është diskutuar në një mënyrë përciptas. Ne nuk kemi institucion që të në mbrojë. Po të ishim diku tjetër do të kishim një shoqatë futbollistësh, do kishte një sindikatë që do të përgjigjej për ne, këtu nuk i kemi. Dalja ime këtu nuk është për të kërkuar lëmoshë ose për çuar një mesazh. Jam munduar që të marr thjesht një përgjigje. Po të ishte mundësia do të dëshiroja që të na jepej mundësia të luajmë në tetë ndeshjet e mbetura. Ndoshta nuk do prishnim ekuilibrat e kampionatit. Mendoj se do ishte një zbutja e situatës dhe një dashamirësi e Federatës për të treguar që në këtë situatë ka dhe një dritë të vogël për futbollistët”, përfundoi Plaku.

“Edhe unë jam i shqetësuar për të ardhmen e futbollistëve të ekipit të Kamzës. Jo për klubin, që është këmbë e kokë fajtor. Edhe ne e diskutuam (gjatë mbledhjes së Komitetit Ekzekutiv) dhe shpresojmë të gjejmë një rrugëzgjidhje për futbollistët e këtij ekipi. Ata, edhe në një ngjarje kaq të rëndë, treguan shenja të një sportiviteti dhe të një korrektësie. Lojtarët e Kamzës i dolën në mbrojtje arbitrit”, deklaronte për SportEkspres.com para pak kohësh Tahir Kastrati, kryetar i Shoqatës Bashkimi i Arbitrave të Futbollit Shqiptar. Asnjë zgjidhje, edhe pse e shkuara na tregon që mund të bëhej diçka.

PRECEDENTI – Rikthehemi shumë vite më parë. Shtator 2004. Laçi, pas humbjes që pësoi me Teutën, u shkri. Agim Myrtaj, ish-presidenti i kurbinasve asokohe, së bashku me donatorët e tjerë u tërhoqën nga financimi i klubit dhe në vazhdim kurbinasit luajtën kryesisht me të rinjtë.

Madje këta të fundit, luanin sa me ekipin e parë, sa me moshat. Përfundimi, Laçi e mbylli me 2 pikë dhe me një “thes” me gola të pësuar. Por nuk është kjo tema. Asokohe FSHF u krijoi mundësinë lojtarëve të gjenin skuadra, edhe pse ishin luajtur 5 ndeshje. 25 shtatori 2004 ishte data e fundit që shumë lojtarë luajtën me Laçin.

Disa ditë afat për futbollistët e kurbinasve, që gjetën ekipe dhe vijuan normalisht të bënin atë që dinin më mirë: të luanin futboll. Këtë fat nuk e kanë lojtarët e Kamzës, të cilët veçse nuk janë paguar nga ish-klubi, duhet të përballojnë faturën financiare për t’u stërvitur edhe me trajner privat. Fatkeqësisht, veç Hamitit, edhe ata ranë pre e “dhunës”.

“Siç thotë populli, çdo e keqe e ka një të mirë. Mendoj se protesta, bojkoti, ia arriti qëllimit dhe mori frytet e veta. Të gjitha propozimet që bëri Federata ishin në një emërues të përbashkët me qeverinë. Është një premtim i madh dhe na bën optimist që çdo gjë do të rregullohet. Jemi në një periudhë emergjence derisa të ndodhin ndryshimet ligjore. Gjatë kësaj periudhe kemi nevojë për një bashkëpunim, e jo të kalohet topi nga federata te policia dhe anasjelltas. Topi të jetë në fushën e lojës dhe aty të plotësohen të gjithë kërkesat që duhen. Në këtë periudhë emergjence duhet siguri absolute. Kjo siguri arrihet me prezencën e Policisë së Shtetit në ndeshjet e futbollit”, u shpreh fillimisht Kastrati për “SportEkspres.com”.

Veç Policisë së Shtetit dhe FSHF-së organizatore të garës, edhe klubet kanë pjesën e tyre të përgjegjësisë: “Secili aktor dhe faktor duhet të marrë përgjegjësitë e veta, në mënyrë që të gjithë së bashku të arrijmë aty ku duam dhe të rritim cilësinë e futbollit, të krijojmë një ambient ku tifozët të ndihen të sigurt, zyrtarët të ndihen të sigurt, si dhe gara të jetë sa më korrekte dhe objektive”.

KAMZA – Kastrati shpreh keqardhjen për lojtarët e Kamzës dhe tregon se po mendohet për një zgjidhje momentale. “Edhe unë jam i shqetësuar për të ardhmen e futbollistëve të ekipit të Kamzës. Jo për klubin që është këmbë e kokë fajtor. Edhe ne e diskutuam (gjatë mbledhjes së Komitetit Ekzekutiv) dhe shpresojmë të gjejmë një rrugëzgjidhje për futbollistët e këtij ekipi. Ata, edhe në një ngjarje kaq të rëndë, treguan shenja të një sportiviteti dhe të një korrektësie. Lojtarët e Kamzës i dolën në mbrojtje arbitrit”, deklaroi Kastrati.

Në fund ai shtoi: “Në rast se të gjitha ato që u thanë do të zbatohen, siguria do të jetë absolute. Mund të përmend vetëm një fakt, që me një procedurë të përshpejtuar komisionet do të miratojnë ligjin mbi dhunën në stadiume. Një prej neneve është që në qoftë se një person shkel vijën e bardhë të fushës, aty është vija e kuqe që i çon ata drejt një penaliteti me burg deri në minimumi 3 vjet. Nëse kjo ndodh sa më shpejt, edhe siguria do të jetë shumë më e madhe”.

“I kërkoj ndjesë Hamitit dhe familjes së tij. Duhet ta mbroja atë në ato momente, por u tërhoqa. Nuk është në kulturën time dhe të familjes ajo që ndodhi. Dhuna është e dënueshme. Klubi i Kamzës nuk e ka pasur si opsion vetëgjyqësinë. Më parë s’ka pasur dhunë. Duhet analizuar edhe shkaku. Ajo që ndodhi ishte një shpërthim spontan emocionesh për shkak të gjykimeve në një kah. Nuk ishte vetëm ndaj gjykimit të arbitrave. Ka pasur një diskriminim, ka pak hapësira për ne. Janë të gjitha bashkë. I gjithë komuniteti sportiv është fajtor. Është diskutuar për arbitrimet edhe në studion tuaj. Shikoj që kur ka padrejtësi ndaj një skuadre me emër bëhet analiza të thella. Edhe ne punojmë. Ndihem i indinjuar kur na anashkalojnë”.

“Me Kastriotin na u mohuan dy penallti dhe në një emision u tha: ‘kaloje, kaloje’. Hamiti është fundi i një historie të gjatë. Nuk ishte e skenuar, ishte spontane. Ziri në Kukësi-Kamza, Teqja u godit dhe iu tha të merrte mjekim. Me 10 lojtarë pësuam gol. Në Gjirokastër Frashëri ishte në pozicion të rregullt dhe nuk folëm. Andi Koçi ndaj Partizanit doli jashtë orbite. I keni parë të gjithë faullet. Me Kukësin në nëntor Myrtja nuk na dha 11-metërsh. Në vitin 2019 pati breshëri sulmesh ndaj nesh. Me Tiranën penallti dhe karton i kuq. Shtojmë edhe problemet financiare. Me Teutën penallti e dyshimtë. Me Kastriotin një penallti për Rezin dhe një rast i dyshimte me Plakun. Me Kukësin në Elbasan, goli i parë pozicion jashtë loje. Me Laçin penalltia ishte, mirëpo ka diçka. Arbitri ishte i paragjykuar, pasi lakohet si dashamirës i Laçit. Vetë nuk e pranoj, e kam dëgjuar”.

“Nuk pajtohem me dhunën. Na kanë kërkuar që të dërgojmë letër që mos të na gjykojë një arbitër i caktuar. Kështu i bie që mos të na gjykojë asnjë. Disa arbitra që na kanë shkelur haptazi, i kemi parë të gjykojnë pas dy javësh”.

“Dënimi? Kam ofenduar Koçin dhe më dënuan 10 javë. Nuk çuditem që dënohem, pamjet flasin vetë. Është diçka që e kam vuajtur unë dhe familja ime. Nuk kam goditur asnjë. Arrestimi nuk duhet të ndodhte. Nuk është në kulturën time dhe të familjes të godas dikë”.

“Kur agravoi situata zbritëm dhe dera poshtë nuk hapej. Hymë me vonesë. Kur hymë nuk e kam parë që ishte goditur arbitri. Dera u hap në fushë. U munduam të ndërhynim. Jam mbajtur nga trajneri dhe i kam thënë që nuk kam vullnet të godas. Zgjodha të kthehem me kurriz. E kuptova që puna jonë u shkatërrua tyre. Unë e dua futbollin dhe ëndrra ime u shkatërrua. Jam ndjerë shumë keq kur kam parë pamjet në Tv. I kam kërkuar falje arbitrit. Jam dënuar 36 muaj pa prekur njeri”.

“Nga futbolli nuk më largon njeri. Nuk dëshiroj të merrem si etalon dhune. Janë dënuar 25 futbollistë të pafajshëm. Ata nuk cenuan askënd. Kemi vetëm një karton të kuq, e ka marrë Beqiri. Na është thënë se ka ofenduar, por s’ka pasur relacion dhe dënim nga Disiplina. Kërkoj nga Apeli që të shikojë masën, nisur edhe nga masat e mëparshme. Kemi kërkuar vendimin e arsyetuar. Janë të tjerë që vendosin, por nuk dua të debatoj.  Është dënuar një qytet. Kam parë fëmijë duke qarë dhe janë imazhe që nuk i harroj kurrë. Por as imazhet e arbitrit s’i harroj, nuk mbaj vetëm në anën e klubit”.

“Më ka shtyrë një nga shefat. Mendoja se mund të kishte përplasje mes lojtarëve. Pata një konflikt me atë dhe më kërkuan të jap shpjegime. Ika për sqarime në komisariat. Ishin përgatitur gjërat, dolën dy vendimet njëherazi”.

“Ndeshja mbaroi dhe ishte ‘fair-play’. Nuk janë shkelur gjithë rregullat. Ata zgjedhin opsionin që duan. Asnjë lojtar nuk është dënuar, por kanë ngelur në rrugë. Janë disa lojtarë që janë afruar në janar që nuk luajnë për shkak të rregullores së FIFA-s. Mund të luajnë vetëm në kampionet që nisin tani. Është një vendim komunist”.

“Sot është bërë një takim vetëm që lojtarët të mos rrinin pa stërvitje. Presidenti i tha fjalët e veta. Asnjë njeri i futbollit nuk e do diçka të tillë. Unë thjesht kam ardhur që të përshëndetem me lojtarët, pasi është e pamundur të vazhdosh punë në këto kushte. Urova të gjithë lojtarët dhe nuk më mbetet gjë tjetër veçse të largohem. Ka qenë një kënaqësi koha që unë punova këtu, pasi djemtë bënë punë të shkëlqyer dhe më mbushën me shpresë se mund të arrinim diku”,- u shpreh Stojku.

Në rregullore nuk është i parashikuar një rast i tillë dhe pritet që gjithçka të vendoset në mbledhjen e Komitetit Ekzekutiv të Federatës Shqiptare të Futbollit. Diçka e tillë duhet të vendoset sa më shpejt, në mënyrë që edhe gara në vazhdim të ketë kuptim.

Do të duhet të përcaktohet se kush do ta zërë vendin e Kamzës në Kategorinë e Parë dhe kështu rriten shpresat për ndonjë ekip të Kategorisë së Dytë, ose ndonjë ekip të së Parës që rrezikon rënien.

“Ishte një lajm shumë i keq, sikur na thanë që dikur ndërroi jetë. Ishim në stërvitje dhe menduam se do të kishte një ndëshkim edhe gjobë, por kur mësuam se do të zbrisnim dy kategori më poshtë, ishte diçka shumë e rëndë”

“Ne u nevrikosëm shumë për kohën shtesë, dhe kur dha më pas penalltinë gjithçka mbaroi. Vendimi u dha s’ka më diskutim. Në futboll duhet të luash me kokë. Unë mbaj mend ndeshjen Kukësi – Skënderbeu kur gjyqtari na dëmtoi, por ne e pranuam dhe asgjë nuk ndodhi. Shumë nga ata që shkaktuan dhunë janë kafe tani, por ne futbollistët vuajmë pasojat”, përfundoi nigeriani.

“Ndjehem shumë keq për këtë ngjarje që ndodhi. Nuk jam kurrë për dhunën, sidomos kur këto gjëra ndodhin tek unë dhe familja ime, U kërkoj falje të gjithë familjarëve personave që ishin në fushë”

TELEFONATA ME HAMITIN – “Veprimi i parë që kam bërë pasi jam liruar,  kam telefonuar gjyqtarin Hamiti dhe i kam kërkuar ndjesë”.

“Shpresoj që të merret një vendim më i lehtë. Të paktën të mendojnë për futbollistët, pasi të gjithë kanë familje dhe fëmijë për të mbajtur. I bëj një lutje Federatës që ta mendojë sërish këtë vendim”.

Drejtuesi tjetër i Kamzës, kryebashkiaku Xhelal Mziu ka folur me tona shumë të ashpra në lidhje me vendimin e marrë nga Federata.

Mziu: “Unë dua që Federata të japë zgjidhje. Në të kundërt nuk do ta njohim Federatën. Nuk do merremi me futboll, është normale që të merremi me disa ekipe amatore”.

E vetmja zgjidhje që lojtarët kanë për të vijuar karrierën në muajt e mbetur është që të transferohen në një kampionat ku periudha e regjistrimit është ende e hapur.

Opsionet janë të shumta, por me mijëra kilometra larg Shqipërisë. Kampionatet e vendeve skandinave si Suedia dhe Norvegjia janë një opsion. Gjithashtu dhe Estonia, Letonia, Ishujt Faroe dhe Islanda.

Pak më në jug, është kampionati bjellorus, ndërsa alternativa ka dhe në lindje, siç është Kazakistani dhe Gjeorgjia. Sigurisht ka dhe vende të Amerikës Jugore si Brazili, Uruguai, Bolivia. Këto të fundit janë alternativa mëse të volitshme për lojtarë si braziliani Arrabal që mund të rikthehet në vendlindje, ose argjentinasi Martinena. Gjithsesi për futbollistët e kombësisë shqiptare këto destinacione janë të pallogaritshme.

Administrator i klubit krutan, Gazmend Vogli, ka folur për “RTSH Sport” në lidhje me këtë vendim të komisionit të disiplinës.

PËRJASHTIMI I KAMZËS – “Gara tani është prishur. Ekipi jonë tani cenohet jashtëzakonisht shumë. Ekipi jonë ka derdhur djersë për të marrë ato pikë, ndërsa tani kundërshtarët tanë po i marrin pikët në tavolinë. Kjo nuk është aspak një garë e ndershme”.

STADIUMI – “Federata na ka dërguar një shkresë ku na është një njoftuar se do vijë një grup i posaçëm për të inspektuar stadiumin. Nëse ne i plotësojmë kriteret e licencimit do të rikthehemi të luajmë në Fushë-Krujë”.

MESAZHI PËR LOJTARËT – “Ne nuk na trembin pikët. Do të shohim  përpara. I bëj thirrje ekipit që të vazhdojë me këto ritme. Besoj se do t’ia dalim të qëndrojmë në Superiore”.

“Nuk mund të rri dot pa reaguar! Si zëvendëstrajner dhe trajner i moshave të FK Kamzës, isha prezent në atë agravim situate që solli rënien tonë 2 kategori më poshtë. Imazhi do të mbetet gjatë në mendjen time. Ndoshta ishte, ndoshta edhe s’ishte penallti, por ama gjesti është i dënueshëm, anti-sportiv dhe i tepruar.

‘Shkaku dhe pasoja’ ishin i mbledhur përbrenda gjatë gjithë kampionatit. Morëm dënim të rëndë, ndoshta të pa dëgjuar më parë. Ne do të rikthehemi më të fuqishëm. Kamza po rrit breza të artë për të ardhmen, kjo është e ardhmja jonë që do të na kthejë përsëri në majat e futbollit Shqiptar. Kamza nuk është vetëm”.

Një penallti në minutën e 94’ në favor të Laçit, bëri që presidenca e Kamzës dhe disa tifozë të acaroheshin dhe të futeshin në fushën e lojës, për të sulmuar kryesorin e sfidës. Ky skandal në futbollin tonë është përmendur në shumë media. Tabloidi britanik, “One Football” shkroi: “Skandal, sulmohet gjyqtari në Shqipëri!”, ndërsa portali grek, “SDNA.gr” shkroi: “Rrihet arbitri në Superligën shqiptare”, lajm ku shikohen dhe pamjet e turpshme të momentit kur Hamitaj sulmohet.

Sot, Federata Shqiptare e Futbollit dënoi ashpër skuadrën e Kamzës, me pezullim nga çdo aktivitet fizik, si dhe rënie në Kategorinë e Dytë në fillimin e sezonit të ardhshëm. Përveç klubit, u dënuan ashpër dhe personat përgjegjës për sulmin kundër gjyqtarit Hamitaj.

Skuadrat që do të përfitojnë më shumë nga ky fakt janë Skënderbeu, Luftëtari dhe Flamurtari, që marrin nga gjashtë pikë, pasi kanë dhe dy ndeshje në pjesën e mbetur të sezonit kundër Kamzës.

Përveç kësaj, Skënderbeu përfiton edhe nga Kupa e Shqipërisë, pasi kalon direkt në gjysmëfinale, pa zbritur fare në fushë. Dënimi i Kamzës është dënimi më i ashpër për një skuadër të Superiores këtë sezon.

Për presidentin e klubit të Kamzës, Naim Qarri, është dhënë masa e sigurisë arrest shtëpie, ndërsa për pesë të arrestuarit e tjerë është dhënë masa detyrim paraqitje.

Dënime të ashpra ka pasur dhe për zyrtarët e klubit kamzali duke filluar nga presidenti Naim Qarri e deri te drejtuesit e tjerë.

VENDIMET E KOMISIONIT TË DISIPLINËS

3. FK “Kamza”, për dështim në përmbushjen e përgjegjësive për organizimin e ndeshjeve, duke mos zbatuar rregullat e sigurisë, duke mos garantuar sigurinë e zyrtarëve të ndeshjes dhe zbatimin e ligjit, në bazë të nenit 64/1/b, 64/1/c), 64/1/e), 65/1 dhe 65/2 të KDS, dënohet me përjashtimin nga çdo aktivitet futbollistik për sezonin 2018-2019 si dhe gjobë në masën 1.000.000 (njëmilion) lek. Në bazë të nenit 29 të KDS, FK “Kamza”, dënohet me zbritjen në Kampionatin Kombëtar të Futbollit të Kategorisë së Dytë duke filluar nga sezoni futbollistik 2019-2020 .

4. Zyrtari i FK “Kamza”, Naim Qarri, për dhunë ndaj zyrtarit të ndeshjes duke e goditur me grusht, në bazë të nenit 49/2/b) dhe 49/3 të KDS, dënohet me 36 (tridhjetë e gjashtë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

5. Zyrtari i FK “Kamza”, Andi Matraxhiu për sjellje të gabuar ndaj zyrtarit të ndeshjes në mënyrë të përsëritur dhe nxitje të urrejtjes e akteve të dhunës, në bazë të nenit 49/2/b) dhe 52 të KDS, dënohet me 36 (tridhjetë e gjashtë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

6. Zyrtari i FK “Kamza”, Albert Bana, për sjellje të gabuar ndaj zyrtarit të ndeshjes, në bazë të nenit 49/2/b) dhe 49/3 të KDS, dënohet me 18 (tetëmbëdhjetë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

Presidenti Naim Qarri është ende në pranga dhe klubi është në kaos, ndërsa tashmë largohet edhe Drejtori i Përgjithshëm Fabio Kordela, i cili me një mesazh për mediat ka zyrtarizuar “divorcin”.

“Nuk e imagjinoja kështu dhe nuk doja që gjërat të shkonin kështu, por pas asaj që ndodhi në ndeshjen e fundit shtëpiake, deklaroj se kam dhënë dorëheqjen si Drejtor i Përgjithshëm i Kamza FC, pasi ngjarja e fundit nuk është në një linjë me vizionin tim për futbollin.

“Futbolli duhet të jetë shembull për fëmijët tanë, një vend ku ata të kenë mundësi të marrin vlerat e duhura, një vend për moral dhe integritet.

“Nuk shkohet në stadium për të bërë luftë dhe për të përhapur urrejtje, boll luftëra ka anembanë dhe nuk kemi nevojë për të tjera.

“Shpresoj që tifozët ta kuptojnë pozicionin tim dhe do doja t’i falënderoja, ashtu si falënderoj klubin për mundësinë që më ofroi. U uroj më të mirën në të ardhmen e afërt”.

Fabio Kordela ka punuar në shumë klube anembanë botës dhe para disa muajsh nisi një projekt ambicioz te Kamza, por shpejt projekti u braktis nga klubi, për shkak të krizës financiare.

Bardhyli, pedagog në Fakultetin e Histori-Filologjisë, shkruan se i biri po mbahet brenda pa prova dhe se do ta kërkojnë drejtësinë deri në fund. Gjithashtu ai tregon edhe pse Andi është futur në fushën e blertë në fund të takimit.

“Kush e verbon policinë? Është fjala për ngjarjen e rëndë në stadiumin e Kamzës, që ndodhi haptazi në praninë e kamerave televizive dhe për të cilën policia bëri disa ndalime, midis të cilëve në bllok edhe të drejtuesve të Kamzës, njëri prej tyre djali im Andi Matraxhiu me detyrë përgjegjës sportiv i ekipit të Kamzës. Andi sic e treguan kamerat, në tërësi jo vetëm nuk u përfshi por disa nga lojtarët e Kamzës bënë çmos që të ndihmonin arbitrin nga dhuna e atyre pak tifozëve. Shihet qartë nga pamjet që 4 a 5 policë ndërhynë në fund dhe me vonesë.

E vetmja pamje ku shfaqet Andi është kur po drejtohet nga rrëmuja dhe akoma pa u afruar sprapset dhe distancohet. Shkon të bëjë detyrën e tij, të qetësojë lojtarët. Sipas deklaratës së tij kishte hyrë për të ndihmuar një nga anësorët, të cilin e ka mik sepse është nga Elbasani. Po kjo pak rëndësi ka sepse vetë kalimi i vijës së fushës nga stafi është shkelje disiplinore, por jo penale e sidomos në atë situatë kur loja kish mbaruar zyrtarisht dhe fusha ishte pushtuar nga tifozët dhe security.

Pa asnjë arsye ligjore, thjeshtë për skup mbahet i ndaluar dhe pritet të dalë në gjyq për masën e dënimit. Kushdo që e verbon apo e pengon drejtësinë, duke proceduar njerëz të pafajshëm, pa marrë në konsiderate provat që i panë të gjithë, nuk i shërben aspak qëllimit të vënies së rregullit dhe ligjit në futboll, por të kundërtës përderisa shumica e fajtorëve enden të lirë dhe të pafajshëm, këta njerëz përdoren si koka turku.

Çështje të tilla dhe unë i kam parë gjithnjë nga televizori, i kam ndjekur në media, por krejt papritur gjendesh në mesin e ngjarjeve të tilla nga të cilat nuk të siguron imunitet as arsimi, as vitet e gjata duke edukuar mijëra të rinj. Unë dhe familja ime do ta kërkojmë drejtësinë deri në fund. Ne jemi njerëz që me fjalën kemi jetuar dhe punuar gjithë jetën. Kaq mund të bëjmë. Keqardhje për ata mijëra të tjerë, që i kemi parë deri më sot si spektatorë dhe që nuk dinë apo nuk munden ta ngrenë zërin si ne”, shkruan Bardhyl Matraxhiu në llogarinë e tij në Facebook.

“Unë, atje, për ata isha i vdekur, në kuptimin e gjerë të fjalës. Policia private i thërriste me emra dhe dukej se njiheshin. Ata nuk reaguan, me përjashtim të një-dy personave. Më pas edhe Policia e Shtetit ishte e pa orientuar”, rrëfen Hamiti në “Top Channel”.

https://www.facebook.com/Digitalb/videos/923194891405624/

Ngjarja e rëndë është ndjekur nga televizioni nga bashkëshortja e tij dhe djali 5-vjeçar. Partnerja e Hamitit do donte që ai të tërhiqej. “Për mua do e kishte lënë karrierën, pavarësisht komenteve që dëgjojmë ‘jo u bëtë rehat’, apo akuza të ndryshme që bëjnë. Ju e shikoni që jetojmë normalisht, si gjithë të tjerët. Nuk është se po shoh të ardhura kushedi se çfarë dhe të gjej forca ta mbështes në këto situata në prezencë të djalit, siç ndodhi të dielën”, rrëfen bashkëshortja, dukshëm e pikëlluar.

Ajo zbulon momentet e vështirë dhe fjalët e të birit: “Çfarë po ndodh mam, çfarë po ndodh me babën? Kush po e gjuan babën’. Nuk e di, të paktën duhet të kenë mbështetje nga policia. Jam ndjerë shumë nën presion, jam ndjerë shumë keq. Nuk di çfarë të them”.

Hamiti më tej thekson se nuk do ta lërë arbitrimin, madje është gati të zbresë në fushë që këtë javë: “Djali më ka pritur zgjuar deri në 11 të natës, ngaqë jemi mësuar. Nuk flinte gjumë pa ardhur unë, pavarësisht se nuk e shpreh. Tërheqja? Unë në fushë e kam vendin, aty jam rritur. Nuk kam ardhur dje, e kam nisur sportin 7 vjeç dhe tani jam 36 vjeç. Unë jam i gatshëm të hyj në fushë që javën tjetër. Ka lënë shenjë, madje shumë. Por do ecim përpara”.

SULMI NDAJ HAMITIT – “Personalisht, unë situatën e djeshme kisha kohë që e prisja, për fatin e keq. Sa herë që bisedojmë për mbarëvajtjen e lojës, themi: Shpëtuam dhe këtë javë! Kjo nuk është më sport, nuk është më futbol. Të shkojë një arbitër dhe të mos jetë i përqëndruar 100% në fushë, e them dhe njëherë, kjo nuk është punë profesionistësh”.

INCIDENTI ME FOTOGRAFIN E FLAMURTARIT – “Ju ishit dëshmitarë në atë që ndodhi në ndeshjen mes Partizanit dhe Flamurtarit. I patë forcat e rendit, që me gjithë respektin, reaguan me shumë vonesë. Fati i mirë i Hamitit i cili shpetoi, por sot mund të ishim në një situatë tjetër, shumë më të rëndë”,- tha Jareci.

INCIDENTI – “Si unë, ashtu dhe lojtarët ishim në mbrojtje të arbitrit, pasi nuk është mirë të ndodhin gjëra të tilla në futboll. Momenti i 11-metërshit është i dyshimtë dhe nuk jam i bindur nëse ishte apo jo”.

BARAZIMI ME LAÇIN – “Megjithatë, më erdhi shumë keq që në atë minutë të humbin dy pikë. Ekipi faktikisht bëri maksimumin për të marrë tri pikët. Do të ishte një fitore që do të na ndihmonte shumë për ecurinë dhe objektivat që kemi”,– tha Stojku.

Ish-arbitri i njohur Sokol Çekaj ka reaguar nëpërmjet një postimi në “Facebook” në lidhje sulmin që iu bë arbitrit. Në postimin e tij Çekaj sensibilizohet me mikun e tij dhe cilëson arbitrimin e tij si të paanshëm në çdo moment, ndërsa sjelljen e agresorëve ish-gjyqtari e përshkon me një fjalë: Shtazareke.

Postimi i Çekajt –  E papranueshme, shtazarake ajo që ndodhi sot ne përfundim të ndeshjes Kamza-Laçi. Shumë persona do mendojnë që po flas si tifoz meqë unë jam nga Laçi, por jo të jeni të sigurt se po flas si një person që ka shumë vite në arbitrimin Shqiptar dhe po flas pa asnjë tifozllëk.

E kam ndjekur ndeshjen nga minuta e parë deri në minutën e fundit dhe nuk pashë në asnjë moment një dashje nga gjyqtari Hamiti për të mbajtur krahun e njërës skuadër apo të tjetrës skuadër. Dha një penallti neto, penallti në kohën e saktë të shtesës që nuk e përligj atë dhunë të bërë.

Miku im, kolegu im Leli, siç te thërras unë, mos u mërzit, se turpi është i atyre që të goditën jo i joti. Ti je një djalë i mirë, shok i mirë dhe një arbitër shumë i mirë. Të gjithë jemi me ty sot, të gjithë jemi goditur nga pak. Shërim të shpejtë Leli…

Zyrtarët e arrestuar nga policia janë  presidenti i klubit Naim Qarri, drejtori sportiv Andi Matraxhiu dhe shefi i klubi Albert Bana, si dhe një tifoz me iniciale E.Gj.

Në njoftimin e bërë nga forcat e rendit thuhet gjithashtu se janë shpallur në kërkim 4 tifozë të tjerë, ndërsa për ngjarjen janë shoqëruar 14 persona.

Komunikata e policisë

Tiranë

Policia arreston në flagrancë 4 shtetas për ngjarjen e ndodhur në ndeshjen e futbollit Kamza – Laçi.

Shërbimet e Policisë të Komisariatit të Policisë Nr 5, falë reagimit të shpejtë dhe në kohë bënë kapjen dhe arrestimin e shtetasve:

– N.Q., President i Klubit Kamëz;

– A.M., Drejtor Sportiv i Klubit Kamëz;

– A.B., Shefi i Klubit Sportiv Kamëz;

– E.Gj., tifoz.

Gjithashtu nga verifikimet e bëra rezulton se si autorë të dyshuar për dhunën e ushtruar ndaj gjyqtarit të ndeshjes, dyshohet se janë dhe shtetasit: B.Q., A.Q., A.Q. dhe K.Q., tifozë, të cilët janë shpallur në kërkim policor.

Arrestimi i 4 shtetasve si dhe shpallja në kërkim e 4 të tjerëve u bë për veprën penale “Goditje për shkak të detyrës” dhe “Prishje e qetësisë publike”.

Më datë 03.03.2019, rreth orës 14.00 është zhvilluar ndeshja e futbollit Kamza – Laçi.

Këtë ndeshje Komisariati i Policisë Nr. 5 Tiranë nuk e ka marrë përsipër, pasi nuk janë zbatuar detyrimet dhe përgjegjësitë sipas përcaktimeve të ligjit 79/2017 datë 27.04.2017 “Për Sportin”.

Megjithatë Komisariati i Policisë Nr. 5 Tiranë për sigurimin e rendit e sigurisë publike jashtë ambienteve të stadiumit, para, gjatë dhe pas zhvillimit të ndeshjes, hartoi plan masash.

Kjo ndeshje është marrë përsipër për sigurimin e nga SH.R.S.F.  “Oktapus 1 Security”, të cilët kanë qenë në stadium me 12 efektiv të saj.

Në përfundim të kësaj ndeshje një punonjës i SH.R.S.F., i cili ishte në hyrjen kryesore të stadiumit hapi portën dhe kërkoj ndihmën e policisë, pasi disa tifozë kishin hyrë në fushë dhe  kishin goditur arbitrin dhe punonjësit e SH.R.S.F-së.

Pas këtij njoftimi shërbimet e planizuara me shërbim sipas urdhrit të shërbimit, janë futur në ambientet e stadiumit, duke bërë të mundur marrjen në mbrojtje të gjyqtarëve dhe vendosjen e rendit e qetësisë, duke vazhduar me shoqërimin e personave të futur në fushë dhe ata të cilët kishin goditur gjyqtarin e ndeshjes.

Në lidhje me sqarim e kësaj ngjarje janë shoqëruar edhe 14 shtetas të tjerë.

Reagimi i Federatës mund të përshkallëzohet, pasi Telesport” raporton se të hënë do të ketë një konferencë të jashtëzakonshme për shtyp dhe pp mendohet pezullimi i kampionatit, në rast se policia nuk rikthehet në stadiume për të garantuar sigurinë.

Ndërkaq, në reagimin zyrtar, FSHF bën thirrje që instancat shtetërore të kryejnë detyrat që u ka caktuar ligji për autorët e dhunës. Goditja e Eldorian Hamitit sot në Kamëz, solli edhe reagimin e Federatës.

KOMUNIKATA E FSHF së – Federata Shqiptare e Futbollit dënon ashpërsisht dhunën e ndodhur sot në ndeshjen Kamza-Laçi, e vlefshme për javën e 24-të të Kategorisë Superiore. Kjo ngjarje e rëndë ka tronditur sigurinë e garës së futbollit në Shqipëri.

FSHF prej muajsh ka kërkuar reagimin e institucioneve të shtetit shqiptar për të zbatuar ligjin dhe për të nxjerrë përpara drejtësisë autorët e skenave të dhunës në stadiumet shqiptare. Ruajtja e rendit dhe sigurisë publike në mjediset sportive është detyrë institucionale e organeve të Policisë së Shtetit, detyrë e cila siç u evidentua edhe në ngjarjen e sotme vazhdon të mos kryhet.

Ne dënojmë dhunën, si një fenomen qe jo vetëm cënon rëndë vërtetësinë e garës por edhe imazhin e lojës. Federata Shqiptare e Futbollit, dënon ashpër çdo akt dhune, që vjen nga tifozët, zyrtarët, futbollistët apo kushdo tjetër. Ne presim që të gjithë aktorët të bëjnë punën e tyre ashtu siç i kërkojmë komisioneve që të jenë ekstremisht të ashpër me ata që prishin imazhin, jo vetëm të lojës por edhe të futbollit shqiptar.

Ne kërkojmë në mënyrë të përsëritur të rishikohet vendimi nxituar për të larguar përfundimisht Policinë nga stadiumet. Në kushtet ku Shqipëria ndodhet e gjykojmë të pavend. Ky vendim i nxituar cënon rëndë mbarëvajtjen e garës më të ndjekur sportive në Shqipëri.

“Penalltia? Nuk dua të merrem me penalltinë. Edhe me Kukësin luajtëm mirë. Më vjen keq që pësuam në fund. Kemi ndryshuar këto 10 ditë dhe sot e detyruam Laçin të luante me topa të gjatë. E bllokuam mesfushën. Lojtarët zbatuan detyrat në pjesën më të madhe të lojës. Jam i kënaqur nga lojtarët”.

“Besoj deri kur të mos na japë asnjë shans matematika. Janë edhe 12 ndeshje dhe është normale të mos ulim kokën e të kërkojmë tre pikët që në ndeshjen e radhës”.

“Dua të merrem me atë që ndodhi në fushë. I dola në krah arbitrit. Për pjesën e penalltisë, ajo shkaktoi gjithë irritimin. Nuk mund të them ishte apo jo, nuk e kam parë rastin.  E thashë, i dola krah arbitrit që të mos ndodhte gjë”.

“Duhet at dini që kur ka presion, minutat e fundit detyrohet të tërhiqet. Duhet menduar se janë shpenzuar edhe energji. Gjithsesi nuk shihen vetëm dy rastet e tyre në fund. Po t’i shohim rastet në total, kishim më shumë”.

“Dënimi i mundshëm? Asnjë trajner nuk do dënim. Jam munduar të ruaj qetësinë dhe të normalizohet gjendja”, përfundoi Stojku.

NDESHJA – “Prisja më shumë nga skuadra, megjithatë desha t’i uroj për këtë pikë që morëm me sakrifica. Ekipi nuk u dorëzua dhe nuk u shthur, sulmoi, fitoi duelin dhe u pa dëshira e lojtarëve për të mos dalë pa pikë. Kjo është Shqipëria, ka pak futboll, luftohet shumë. Dua të komplimentoj të dyja ekipet për luftën që bënë, i dhuruan tifozëve një ndeshje jo të bukur, por të luftuar. Kaq kisha për ndeshjen dhe dëshiroj të luajmë mirë dhe të marrim pikët, jo me forcë si sot.

EUROPA – “Dy fitore të rrisin, dy humbje të ulin poshtë. Nuk po luajmë futboll të bukur, presim më shumë, kemi punuar diçka tjetër dhe luajmë diçka tjetër. Është si të mbjellësh grurë dhe të korrësh misër, hajde merre vesh ç’bëhet. I vetmi lojtar që kishte cilësi në fushë (Plaku), bëri një gol të shkëlqyer, tjerët thjesht vrapuan”.

FILOZOFIA – “Bën një hap përpara, bën tri mbrapa. Nuk i di objektivat për të hyrë në Europë, pasi ekipi i ri nuk po na lejon të luajmë. E vështirë të humbin, të fitojmë. Ishte një ndeshje vështirë për të dyja palët. Nuk e di nëse e kuptuar përgjigjen”.

KARAKTERI – “Ekipi nuk është i njëjti me atë që kemi qenë në Europë. Po të shikosh sot, formacioni është shumë i ndryshëm nga ai i Europës. Ka shumë çuna të rinj dhe na ka ikur cilësia, që nuk e kemi zëvendësuar. Kanë ikur lojtarë si Uzuni dhe Hoxhallari. Kishim dhe Lushkjan të dëmtuar, mendova ta fus në lojë, por mund të dëmtohej sërish. Fati i tillë është, sa i përket lojës, nuk besoj se Kamza e meritoi fitoren më shumë se ne. Jo me rastet që krijuam, por me duelet e fituara. I dhamë mundësi vetes për të shënuar, por nuk ia dolëm deri në minutën e fundit. Edhe ne kemi humbur ndeshje në minuta të fundit dhe dua t’i uroj djemve pikën e marrë.

DHUNA – “Është dhunuar arbitri dhe nuk kemi çfarë të flasim. Janë gjëra që nuk e kanë vendin në futboll. Deri në momenti ne fundit kur i ka rënë bilbilit, ka qenë një ndeshje korrekte nga të dyja palët. Nuk u vu re tensioni, që ishte shumë i madh, sidomos për vendasit”,- përfundoi Prenga.

NDESHJA – Një ndeshje e vakët, me pak raste, por me skuadrën vendase më konkrete dhe kërkuese. Fitore e ikur nga duart, me Laçin që ruan distancën prej katër pikësh me Teutën. Sytë nga Vlora tashmë, pasi luajnë Flamurtari e Kastrioti.

Pjesa e parë e takimit ishte e vakët, me pak raste nga të dyja krahët. Pak shkëndija nga të dyja krahët dhe asnjë gol në 45 minuta. Në të dytën Kamza arriti të realizojë një gol mjaft të bukur, pas një kombinimi të Martinenës me Plakun. Ky i fundit me një gjuajtje me të majtën arriti të kalonte Kamzën në avantazh.

Mumajesi më pas mund të shënonte edhe të dytin, por portieri Selmani e ndaloi. Laçi u mundua të sulmonte, por nuk kishte qartësi në sulmet e saj. Vetëm në fund erdhi goli i barazimit, pas një penalltie të akorduar nga gjyqtari Hamiti. Najdenov shënoi dhe takimi u mbyll 1-1.

Kategoria Superiore – Java 24
E diel, më 3 mars, ora 14:00
Stadiumi i Kamzës, Kamzë

Kamza-Laçi 1-1
Shënues: Plaku 56′ / Najdenov 97′

GOLI ME PENALLTI NGA NAJDENOV

96′ Penalltia – Avdyli në duel me Fangajn, mbrojtësi përfundon i shtrirë. Për abritrin ishte penallti dhe kjo nuk u prit mirë nga tifozët dhe lojtarët në fushë.

89′ – Gjoni me kokë nuk arrin të vendosë baraspeshë. Topi i gjuajtur prej tij nuk pati shenjëstrën e duhur.

76′ – Portieri Avdyli ndal sulmuesi Redon Xhixha. Ky i fundit, pas një krosi në zonë, me kokë gjuan dhe portieri vendas pret i sigurt.

61′ – Mumajesi në hyrje të zonë lëviz bukur dhe godet me të majtën. Portieri i Laçit, Selmani, e devijoi topin dhe largoi rrezikun.

56′ GOL – Sebino Plaku ndëshkon skuadrën e Laçit. Sulmuesi shmang bukur në zonë Toron dhe me një goditje të bukur mposht portierin Selmani.

50′ – Trajneri Besnik Prenga hedh në fushë Redon Xhixhën dhe sakrifikon shkodranin Ndriçim Shtubina.

46′ – Mumajesi futet në vend të Niko Zisit. Zëvendësimi i parë te skuadra e Kamzës, që kërkon fitoren

34′ – Italiani Klaudio Bonani kroson nga e djathta dhe gjen kapitenin Sebino Plaku në zonë. Sulmuesi me kokë e dërgon topin mbi tra.

28′ – Goditje dënimi për kurbinasit, Najdenov merr përsipër ekzekutimin dhe e dërgon topin shumë mbi tra. Asnjë rrezik për Kamzën

18′ – Plaku merr një top në zonë dhe heziton të gjuajë në momentin e parë. Mbrojtja e Laçit më pas e bllokon sulmuesin dhe topi i gjuajtur prej tij devijohet jashtë. Korne.

17′ – Laçi del në sulm me Okpotu nga e djathta, nigeriani fut topin në zonë dhe gjen Najdenov. Maqedonasi gjuan, pret portieri Avdyli.

10′ – Ndeshje e vakët, me qarkullim të topit nga të dyja ekipet. Gjithsesi nuk ka raste të rrezikshme. Qaqi nga distanca është i pasaktë në tentativën e tij.

Kamza: Avdyli, Shala, Qaqi, Bitri, Bonani, Rezi, Malaj, Mehmeti (Orelesi 87′), Zisi (Mumajesi 46′), Plaku, Martinena (Arrabal 77′). (Në dispozicion: Selaci, Beqiri, Fejzaj, Peçi). Trajner: Gentian Stojku
Laçi: Selmani, Fangaj, Toro, Gjoni, Mersinaj, Eller, Jonuzi (Domgjoni 66′), Najdenov, Çokaj, Shtubina (Xhixha 50′), Okpotu (Mane 80′). (Në dispozicion: Sali, Pjeshka, Sefgjini, Lushkja). Trajner: Besnik Prenga

Gjyqtarë: Eldorjan Hamiti, Rudin Preça, Ani Koçiaj, Olsi Sokoli
Delegat: Millan Baçi; Vëzhgues: Idriz Gashi
Kartonë të verdhë: Qaqi 31′, Bitri 33′, Rezi 67′ / Okpotu 36′

Te Laçi ka disa lëvizje. Sefgjini e Xhixha e nisin nga stoli, ndërkohë që nga fillimi e nis Jonuzi, i cili sfidën e shkuar u fut si zëvendësues. Rikthehet Lushkja, por nuk është titullar. Në sulm do të luajë Okpotu, nigeriani i afruar në merkaton e janarit.

Kategoria Superiore – Java 24
E diel, më 3 mars, ora 14:00
Stadiumi i Kamzës, Kamzë

Kamza-Laçi
Kamza: Avdyli, Shala, Qaqi, Bitri, Bonani, Rezi, Malaj, Mehmeti, Zisi, Plaku, Martinena. (Në dispozicion: Selaci, Beqiri, Arrabal, Orelesi, Fejzaj, Mumajesi, Peçi). Trajner: Gentian Stojku
Laçi: Selmani, Fangaj, Toro, Gjoni, Mersinaj, Eller, Jonuzi, Najdenov, Çokaj, Shtubina, Okpotu. (Në dispozicion: Sali, Pjeshka, Sefgjini, Domgjoni, Lushkja, Mane, Xhixha). Trajner: Besnik Prenga

Gjyqtarë: Eldorjan Hamiti, Rudin Preça, Ani Koçiaj, Olsi Sokoli
Delegat: Millan Baçi; Vëzhgues: Idriz Gashi

Kurbinasit kanë treguar se me ekipet e poshtme në klasifikim kanë probleme. Një javë më parë barazuan me Kamzën, ndërkohë që Luftëtari e ka mundur në shtëpi ekipin e Besnik Prengës. Fazën e parë në Kamzë fitoi vetëm në limite, falë një goli të Ndriçim Shtubinës. Edhe sot do tre pikët, pasi Teuta sërish është ndalur. Një fitore do e çonte në dy pikë diferencën me durrsakët e vendit të tretë.

Kategoria Superiore – Java 24
E diel, më 3 mars 2019

Kamza-Laçi (Ora 14:00)
Kamza: Avdyli, Shala, Qaqi, Bitri, Bonani, Rezi, Malaj, Arrabal, Zisi, Plaku, Martinena. Trajner: Gentian Stojku
Laçi: Selmani, Fangaj, Toro, Gjoni, Sefgjini, Eller, Jonuzi, Najdenov, Çokaj, Xhixha, Shtubina. Trajner: Besnik Prenga

Gjyqtarë: Eldorjan Hamiti, Rudin Preça, Ani Koçiaj, Olsi Sokoli
Delegat: Millan Baçi; Vëzhgues: Idriz Gashi

Në Vlorë Flamurtari ende shpreson Europën dhe vendi i tretë është 6 pikë larg. Kjo diferencë mund të shkojë në tre pikë, mjafton që sot kuqezinjtë të mundin Kastriotin. Skuadra e drejtuar nga Bledar Devolli po kalon një moment të mirë dhe do kërkojë të dalë me pikë nga kjo transfertë. Humbja e Luftëtarit dje u jep shpresë për mbijetesën dhe krutanët duan të provojnë deri në fund. Viti 2019 ka nisur mirë për ta, pasi kanë marrë 10 pikë në 5 ndeshjet e para.

GJYQTARËT – Për dy ndeshjet e sotme Sektori i Gjyqtarëve në FSHF ka vendosur të dërgojë gjyqtarë të FIFA-s, pasi luhen ndeshje të rëndësishme për objektivat e të katër klubeve. Synohet që rezultati të prodhohet nga fusha dhe është marrë ky vendim, që më pas të mos ketë kontestime.

Kështu, në takimin mes Kamzës dhe Laçit do të jetë Eldorian Hamiti ai që do të vërë drejtësi. Rudin Preça dhe Ani Koçiaj janë asistentë të tij, kurse Olsi Sokoli arbitër i katërt. Në Vlorë i përzgjedhur është Juxhin Xhaja. Arbitri nga kryeqyteti ishte të premten në derbi gjyqtar linje, kurse sot do të gjykojë Flamurtari-Kastrioti. Orgest Grabova dhe Devis Korresi janë asistentët e kësaj përballjeje, kurse i katërt është Olsid Ferataj.

Flamurtari-Kastrioti (Ora 17:00)
Flamurtari: Koliçi, Deliaj, Pollozhani, Veliu, Kotobelli, Batha, Mustafa, Rrapaj, Musta, Kale, Sukaj. Trajner: Ilir Daja
Kastrioti: Çekrezi, Husein, Shehi, Çela, Ndreca, Ymeraj, Marku, Kalaja, Roxher, Bardhi, Vatnikaj. Trajner: Bledar Devolli

Gjyqtarë: Juxhin Xhaja, Orgest Grabova, Devis Korreshi, Olsid Ferataj
Delegat: Uvil Zajmi; Vëzhgues: Mikel Shestani

Për të ishte i verdhi i katërt dhe humbet sfidën me kurbinasit. Por një sinjal të mirë për stafin teknik dhe Nestor Martinena, i cili shënoi golin e parë në kampionat me fanellën e Kamzën. Argjentinasi është çliruar disi dhe këtë herë pret të jetë titullar kundër Laçit.

Kamza renditet në vendin e fundit në klasifikim dhe fitorja me kurbinasit të dielën është detyrim. Duke parë që Kastrioti luan në transfertë me Flamurtarin, si dhe Luftëtari me Kukësin, është momenti për të marrë pikë të rëndësishme për mbijetesën, sigurisht duke shpresuar edhe në humbjen e rivalëve.

Megjithatë, Kamza arriti të reagojë dhe të barazojë brenda pjesës së parë. Me anë të një goditjeje dënimi, Fukui arrin të godasë i lirë brenda zonës. Edhe pse jo një goditje e fortë, Frashëri nuk arrin ta ndalë dhe e shtyn topin drejt rrjetës së tij. Topi kalon vijën fatale dhe Kamza në delir.

Pjesa e dytë foli më shumë për Kukësin. Valdet Rama aktivizohet në minutën e 46’ dhe vetëm 60 sekonda më pas, realizon një gol fantastik. Pasi i vjedh topin mbrojtësit Bonani, sulmuesi është shumë i shpejtë për mbrojtjen mike dhe në limitet e zonës, godet shumë bukur, duke mposhtu portierin Avdyli dhe duke rikthyer Kukësin në avantazh. Në minutën e 60’, Rama është sërish protagonist. Një shpërthim i tij nga krahu i majtë sjell dhe golin e tretë për verilindorët, i cili shënohet nga mesfushori Rroca. Ky gol u duk se i siguroi fitoren Kukësit, por Kamza arriti të shënojë sërish.

Në minutën e 77’, Martinena gjen golin e parë personal me fanellën e Kamzës. I sapo futur në lojë, argjentinasi ekzekuton një goditje dënimi në mënyrë të shkëlqyer, duke mposhtur për herë të dytë portierin Frashëri. Minutat e fundit ishin shumë të luftuara nga të dyja skuadrat, por Kukësi u mborjt mirë dhe arriti të marrë një fitore shumë të vështirë përballë të besuarve të Stojkut, që debuton me humbje në krye të Kamzës.

Kategoria Superiore – Java 23
E diel, më 24 shkurt, ora 14:00
“Elbasan Arena”, Elbasan

KUKËSI-KAMZA  3-2
Shënues: Shkurtaj 9′, Rama 46′, Rroca 60′ / Fukui 40′, Martinena 77′

Kukësi: Frashëri, Ethemi, Krasniqi, Teqja, Xhemaili (Rama 46′), Çyrbja, Dzaria, Limaj (Rroca 56′), Rrumbullaku, Rexhinaldo (Joti 90+3′), Shkurtaj. Trajner: Armando Cungu Në dispozicion: (Gomis, Maliki, Joti, Rroca, Rama)

Kamza: Avdyli, Shala, Qaqi, Bitri, Bonani (Mumajesi 52′), Rezi, Malaj (Peci 63′), Mehmeti, Fukui, Plaku, Zisi (Martinena 76′). Trajner: Gentian Stojku Në dispozicion: (Selaci, Arrabal, Beqiri, Martinena, Mumajesi, Orelesi, Peci)

Gjyqtarë: Kreshnik Barjamaj, Denis Rexha, Denis Agaraj, Eldorjan Hamiti
Kartonë të verdhë: Çyrbja 33’, Xhemaili 40′ / Bonani 40′, Fukui 79′
Delegat: Alban Tafaj; Vëzhgues: Fatmir Tare

EPISODET

90′ Mbyllet takimi në “Elbasan Arena”, Kukësi ia del mes drithërimash

77’ Gooool Kamza!! Martinena gjen golin e parë këtë sezon nga një goditje dënimi, duke mposhtur Frashërin. Një gol fantastik nga sulmuesi argjentinas, i cili shkurton diferencat

60’ Gooool Kukësi!! Shënon Rroca. Mesfushori realizon golin e tretë për verilindorët dhe afron më shumë të besuarit e Cungut te fitorja. Pas një shpërthimi nga Valdet Rama nga krahu i majtë, Rroca është në vendin e duhur për të shtyrë topin drejt rrjetës. 3-1!

46’ Gooool Kukësi!! Fantastik Valdet Rama, i cili me topin e parë që prek shënon. Pasi i rrëmben topin Bonanit, sulmuesi avancon i vetëm dhe godet nga jashtë zone, duke shënuar një supergol

46’ Rama në fushën e lojës, mbyllet sfida për Xhemailin

45′ Mbyllet pjesa e parë e barabartë

40’ Gooool Kamza!! Një goditje dënimi e ekzekutuar shumë mirë nga Mehmeti gjen Fukuin brenda zonës. Goditja e japonezit shkon e lehtë në duart e Frashërit, por portieri i verilindorëve nuk arrin ta ndalë. Goli i pestë për Fukuin këtë sezon dhe Kamza barazon gjithçka

32’ Aksion shumë i mirë i Kukësit. Et’hemi dhe Rexhinaldo kombinojnë mirë nga krahu i majtë. Topi në qendër gjen këmbët e Çyrbjas, i cili godet bukur, por fluturon Avdyli

22’ Pranë barazimit Kamza! Plaku lufton mirë me mbrojtjen e Kukësit dhe arrin të godasë, por e djathta e tij shkon pak centimetra sipër traversës

9’ Goooool Kukësi! Realizon Shkurtaj. Sulmuesi gjen golin e parë në kampionat me fanellën e Kukësit dhe i jep avantazhin verilindorëve, që e nisin ndeshjen praktikisht në avantazh

1’ Fillon takimi, topin e parë e luan Kamza

Në Elbasan Kamza vjen me disa ndryshime. Martinena dhe Arrabal nuk janë titullarë, ndërkohë që ka lëvizje edhe në mbrojtje. Bitri është preferuar para Beqirit. Mehmeti ka marrë një vend në mesfushë, ashtu si Zisi në sulm. Surpriza edhe nga Cungu, teksa Ethemi dhe Xhemaili janë titullarë nga krahët e mbrojtjes. Në sulm luhet me dyshen Rexhinaldo-Shkurtaj.

Kategoria Superiore – Java 23
E diel, më 24 shkurt, ora 14:00

KUKËSI-KAMZA
Kukësi: Frashëri, Ethemi, Krasniqi, Teqja, Xhemaili, Çyrbja, Dzaria, Limaj, Rrumbullaku, Rexhinaldo, Shkurtaj. Trajner: Armando Cungu
Kamza: Avdyli, Shala, Qaqi, Bitri, Bonani, Rezi, Malaj, Mehmeti, Fukui, Plaku, Zisi. Trajner: Gentian Stojku
Gjyqtarë: Kreshnik Barjamaj, Denis Rexha, Denis Agaraj, Eldorjan Hamiti
Delegat: Alban Tafaj; Vëzhgues: Fatmir Tare

KASTRIOTI-LAÇI
Kastrioti: Çekrezi, Husein, Shehi, Çela, Ndreca, Ymeraj, Shehu, H. Marku, Bardhi, Kalaja, Roxher. Trajner: Bledar Devolli
Laçi: Selmani, Fangaj, Toro, Gjoni, Mersinaj, Sefgjini, Eller, Najdenov, Çokaj, Shtubina, Xhixha. Trajner: Besnik Prenga
Gjyqytarë: Klodian Shahini, Ermal Barushi, Herald Lisaku, Hermal Llapra
Delegat: Millan Baçi; Vëzhgues: Fiqiri Haxhiraj

Verilindorët  në këtë takim nuk kanë lojtarë të rëndësishëm si Shameti, Cuculi e Uilliam Kordeiro, por gjithsesi nën urdhrat e Cungut ka mjaftueshëm lojtarë për t’i përballuar mungesat e tyre. Kamza do të ketë një marsh tjetër, pasi ka ndryshuar trajner. Gentian Stojku do të debutojë në Superiore dhe e bën në shtëpinë e tij, në Elbasan.

Kastrioti, i dënuar nga Disiplina për të luajtur dy ndeshje jashtë fushe, në derbin me Laçin synon fitoren. Triumfi i Luftëtarit një ditë më parë ia ka kthyer në detyrim diçka të tillë, kurse nga ana tjetër bardhezinjtë do tentojnë të afrohen me Teutën, që momentalisht ka pesë pikë më shumë.

Kategoria Superiore – Java 23
E diel, më 24 shkurt, ora 14:00

KUKËSI-KAMZA
Kukësi: Frashëri, Maliki, Krasniqi, Teqja, Rrumbullaku, Çyrbja, Dzaria, Limaj, Ethemi, Rexhinaldo, Shkurtaj. Trajner: Armando Cungu
Kamza: Avdyli, Shala, Qaqi, Beqiri, Bonani, Rezi, Malaj, Arrabal, Fukui, Plaku, Martinena. Trajner: Gentian Stojku
Gjyqtarë: Kreshnik Barjamaj, Denis Rexha, Denis Agaraj, Eldorjan Hamiti
Delegat: Alban Tafaj; Vëzhgues: Fatmir Tare

KASTRIOTI-LAÇI
Kastrioti: Çekrezi, Husein, Shehi, Çela, Ndreca, Ymeraj, Shehu, H. Marku, Roxher, Kalaja, Vatnikaj. Trajner: Bledar Devolli
Laçi: Selmani, Fangaj, Toro, Gjoni, Sefgjini, Eller, Lushkja, Najdenov, Çokaj, Shtubina, Xhixha. Trajner: Besnik Prenga
Gjyqytarë: Klodian Shahini, Ermal Barushi, Herald Lisaku, Hermal Llapra
Delegat: Millan Baçi; Vëzhgues: Fiqiri Haxhiraj

TRAJNERI I RI – “Deri sa të ambientohesh me një trajner, është e vështirë, por shpresoj të vazhdojmë deri në fund me trajnerin që ka ardhur tani dhe i uroj suksese deri në fund të sezonit. Shpresoj të mos ndryshojmë më trajner”.

SITUATA NË KLUB – “Situata nuk është shumë e mirë, pasi humbëm ndeshje direkte me Kastriotin. Por nuk duhet të ulim kokën dhe të shohim ndeshjen e radhës. Kruja na mposhti, por mund të mposhtim skuadrat tjera. Besoj se do ia dalim të arrijmë te objektivat tona.

KUKËSI – “Kukësi ka cilësitë e veta, por nuk është në situatë të mirë. Barazimi nuk na bën punë dhe normalisht, do të synojmë tri pikët”,- u shpreh Malaj.